#պեպ-գվարդիոլա — Armsport.am https://armsport.am Սպորտային լուրեր Thu, 28 May 2026 16:36:54 +0000 hy-AM hourly 1 https://wordpress.org/?v=6.8.5 https://armsport.am/wp-content/uploads/2020/08/117234954_601576137219348_199328778928507485_n.png #պեպ-գվարդիոլա — Armsport.am https://armsport.am 32 32 Գլխավոր նպատակը՝ Ռեալ․ Գվարդիոլայի հեռանալուց հետո Ման Սիթիի պաշտպանը որոշում է կայացրել https://armsport.am/598235/ Thu, 28 May 2026 16:21:42 +0000 https://armsport.am/?p=598235 «Մանչեսթեր Սիթիի» կենտրոնական պաշտպան Ռուբեն Դիաշը Պեպ Գվարդիոլայի՝ գլխավոր մարզչի պաշտոնից հեռանալուց հետո իրեն այնքան էլ հարմարավետ չի զգում թիմում։ Պորտուգալացին արդեն հանձնարարել է իր գործակալներին ուսումնասիրել այլ ակումբ տեղափոխվելու հնարավոր տարբերակները: Այս մասին հաղորդում է Caught Offside-ը։ Աղբյուրի համաձայն՝ 29-ամյա ֆուտբոլիստի շուրջ ստեղծված իրավիճակին ուշիուշով հետևում են եվրոպական գրանդները՝ Մադրիդի «Ռեալը», Պարի Սեն-Ժերմենը և […]]]>

«Մանչեսթեր Սիթիի» կենտրոնական պաշտպան Ռուբեն Դիաշը Պեպ Գվարդիոլայի՝ գլխավոր մարզչի պաշտոնից հեռանալուց հետո իրեն այնքան էլ հարմարավետ չի զգում թիմում։

Պորտուգալացին արդեն հանձնարարել է իր գործակալներին ուսումնասիրել այլ ակումբ տեղափոխվելու հնարավոր տարբերակները: Այս մասին հաղորդում է Caught Offside-ը։

Աղբյուրի համաձայն՝ 29-ամյա ֆուտբոլիստի շուրջ ստեղծված իրավիճակին ուշիուշով հետևում են եվրոպական գրանդները՝ Մադրիդի «Ռեալը», Պարի Սեն-Ժերմենը և Մյունխենի «Բավարիան»: Դիաշը նոր մարտահրավերներ ընդունելու մեծ ցանկություն ունի, ինչի պատճառով կարող է հրաժեշտ տալ «քաղաքայիններին» արդեն առաջիկա ամռանը։

Նշենք, որ ընթացիկ մրցաշրջանում պաշտպանը «Մանչեսթեր Սիթիի» կազմում բոլոր մրցաշարերում մասնակցել է 33 հանդիպման՝ դառնալով երկու գոլի հեղինակ:

Խաղացողի գործող պայմանագիրն անգլիական ակումբի հետ նախատեսված է մինչև 2029 թվականի ամառ: Transfermarkt պորտալի տվյալներով՝ նրա տրանսֆերային արժեքը գնահատվում է 60 միլիոն եվրո։

]]> Գվարդիոլան ընկերներին հայտնել է, թե որ թիմն է ցանկանում գլխավորել ապագայում https://armsport.am/598190/ Wed, 27 May 2026 19:40:30 +0000 https://armsport.am/?p=598190 Տասը տարի «Մանչեսթեր Սիթին» գլխավորելուց հետո Պեպ Գվարդիոլան հեռացավ զբաղեցրած պաշտոնից։ Ակնհայտ է, որ առաջիկայում իսպանացի մասնագետը ծրագրում է ժամանակավոր դադար վերցնել մարզչական աշխատանքից և հանգստանալ։ Այնուամենայնիվ, լուրեր են շրջանառվում, որ ապագայում Գվարդիոլան կցանկանար իր ուժերը փորձել միջազգային մակարդակում՝ ստանձնելով որևէ ազգային հավաքականի ղեկը։ Ինչպես հայտնում է The Touchline-ը՝ հղում անելով լրագրող Ջեք Գոգանին, Գվարդիոլան […]]]>

Տասը տարի «Մանչեսթեր Սիթին» գլխավորելուց հետո Պեպ Գվարդիոլան հեռացավ զբաղեցրած պաշտոնից։ Ակնհայտ է, որ առաջիկայում իսպանացի մասնագետը ծրագրում է ժամանակավոր դադար վերցնել մարզչական աշխատանքից և հանգստանալ։

Այնուամենայնիվ, լուրեր են շրջանառվում, որ ապագայում Գվարդիոլան կցանկանար իր ուժերը փորձել միջազգային մակարդակում՝ ստանձնելով որևէ ազգային հավաքականի ղեկը։ Ինչպես հայտնում է The Touchline-ը՝ հղում անելով լրագրող Ջեք Գոգանին, Գվարդիոլան ընկերների նեղ շրջապատում խոստովանել է, որ հանգամանքների բարեհաջող դասավորության դեպքում մեծ սիրով կգլխավորեր Անգլիայի հավաքականը։

Հիշեցնենք, որ ներկայումս Անգլիայի ազգային ընտրանին մարզում է Թոմաս Տուխելը։ Գերմանացի մասնագետն այժմ թիմին նախապատրաստում է առաջիկա աշխարհի առաջնությանը։

]]> Գվարդիոլան դիմել է Մանչեսթեր Սիթիի ապագա մարզչին https://armsport.am/598021/ Mon, 25 May 2026 12:25:05 +0000 https://armsport.am/?p=598021 «Մանչեսթեր Սիթիի» գլխավոր մարզիչ Խոսեպ Գվարդիոլան դիմել է «քաղաքայինների» ապագա մարզչին, ով կփոխարինի իրեն այդ պաշտոնում։ Ավելի վաղ հայտնի էր դարձել, որ իսպանացի մասնագետը կլքի գլխավոր մարզչի պաշտոնը ակումբում 10 տարի աշխատելուց հետո։ «Երբ ակումբն ինձ հայտնի իմ իրավահաջորդի անունը, ես անպայման կզանգահարեմ նրան և խորհուրդ կտամ մնալ այնպիսին, ինչպիսին կա։ Ակումբը նրան անվերապահորեն կաջակցի, […]]]>

«Մանչեսթեր Սիթիի» գլխավոր մարզիչ Խոսեպ Գվարդիոլան դիմել է «քաղաքայինների» ապագա մարզչին, ով կփոխարինի իրեն այդ պաշտոնում։

Ավելի վաղ հայտնի էր դարձել, որ իսպանացի մասնագետը կլքի գլխավոր մարզչի պաշտոնը ակումբում 10 տարի աշխատելուց հետո։

«Երբ ակումբն ինձ հայտնի իմ իրավահաջորդի անունը, ես անպայման կզանգահարեմ նրան և խորհուրդ կտամ մնալ այնպիսին, ինչպիսին կա։ Ակումբը նրան անվերապահորեն կաջակցի, և դա ամենամեծ գնահատականն է։ Այստեղ աշխատած բոլոր մարզիչների բախտը բերել է, որ ունեցել են Չիկիին, իսկ այժմ նաև Ուգոյին, Ֆերանին ու հատկապես Խալդունին։

Եղե՛ք այնպիսին, ինչպիսին կաք, և դժվար պահերին դա ձեզ կպաշտպանի ավելի շատ, քան ցանկացած այլ ակումբում։ Եղե՛ք ազատ ձեր գաղափարներում, եկե՛ք այստեղ ու անդադար աշխատեք։ Երբ մենք նոր էինք եկել, թիմ էինք կառուցում, և իմ նշանաբանը միշտ եղել է մեկը՝ «Հաղթի՛ր այս խաղում»։ Պրեմիեր լի՞գա, թե՞ Լիգայի գավաթ․ պարզապես փորձիր հաղթել, տես՝ ինչ կստացվի, և շարժվիր առաջ։ Սա լավագույն ճանապարհն է։ Ճանաչելով այստեղի մարդկանց՝ գրեթե վստահ եմ, որ այդպես էլ կլինի։ Ամեն ինչ լավ է լինելու. միանշանակ»,- Գվարդիոլայի խոսքերն է փոխանցում «Մանչեսթեր Սիթիի» պաշտոնական կայքը։

Հիշեցնենք, որ 55-ամյա Խոսեպ Գվարդիոլան «Մանչեսթեր Սիթիում» անցկացրած 10 տարիների ընթացքում ակումբի հետ նվաճել է 20 տիտղոս, որոնց թվում՝ Անգլիայի Պրեմիեր լիգայի 6 չեմպիոնություն, Չեմպիոնների լիգայի գավաթը և այլն։

]]> Գվարդիոլան հուզիչ խնդրանքով դիմել է Մանչեսթեր Սիթիի երկրպագուներին https://armsport.am/598009/ Mon, 25 May 2026 09:15:43 +0000 https://armsport.am/?p=598009 «Մանչեսթեր Սիթիի» արդեն նախկին գլխավոր մարզիչ Խոսեպ Գվարդիոլան հուզիչ և յուրահատուկ կոչով է դիմել ակումբի երկրպագուներին թիմից հեռանալու ֆոնին: Իսպանացի մասնագետը հրաժեշտի խոսքով է հանդես եկել Անգլիայի Պրեմիեր լիգայի 2025/2026 մրցաշրջանի եզրափակիչ՝ 38-րդ տուրի «Ասթոն Վիլայի» դեմ խաղից հետո, որում «քաղաքայինները» զիջել են 1:2 հաշվով: «Վերջում ևս մեկ բան, նախքան դուք կգնաք տուն՝ գարեջուր կամ […]]]>

«Մանչեսթեր Սիթիի» արդեն նախկին գլխավոր մարզիչ Խոսեպ Գվարդիոլան հուզիչ և յուրահատուկ կոչով է դիմել ակումբի երկրպագուներին թիմից հեռանալու ֆոնին:

Իսպանացի մասնագետը հրաժեշտի խոսքով է հանդես եկել Անգլիայի Պրեմիեր լիգայի 2025/2026 մրցաշրջանի եզրափակիչ՝ 38-րդ տուրի «Ասթոն Վիլայի» դեմ խաղից հետո, որում «քաղաքայինները» զիջել են 1:2 հաշվով:

«Վերջում ևս մեկ բան, նախքան դուք կգնաք տուն՝ գարեջուր կամ գինի վայելելու: Եթե առաջիկա տարիներին ինձ հանդիպեք փողոցում՝ լինի դա այստեղ, Եվրոպայում, Միացյալ Նահանգներում, թե ցանկացած այլ վայրում, և եթե դուք «Սիթիի» երկրպագու եք, պարզապես մոտեցեք և գրկեք ինձ: Դա ինձ շատ պետք կգա»,- հուզմունքով նշել է Գվարդիոլան հետխաղյա ասուլիսի ժամանակ:

Հիշեցնենք, որ իսպանացի անվանի մասնագետն անգլիական ակումբը գլխավորեց ուղիղ 10 տարի՝ այդ ընթացքում «Մանչեսթեր Սիթիի» հետ նվաճելով 20 տիտղոս և կերտելով նոր պատմություն ակումբի համար:

]]> Գվարդիոլան նշել է Մանչեսթեր Սիթիում թույլ տված իր գլխավոր սխալը https://armsport.am/597937/ Sun, 24 May 2026 09:12:15 +0000 https://armsport.am/?p=597937 «Մանչեսթեր Սիթիի» գլխավոր մարզիչ Պեպ Գվարդիոլան խոստովանել է, թե որն է եղել իր ամենամեծ սխալը «քաղաքայինների» ղեկին աշխատելու տարիներին։ Իսպանացի մասնագետն անդրադարձել է այն ժամանակաշրջանին, երբ թիմի կազմում հանդես էր գալիս դարպասապահ Ջո Հարթը։ ​««Մանչեսթեր Սիթիում» անցկացրած ողջ ժամանակահատվածի համար ես միայն մեկ բանի համար եմ ափսոսում։ Ցավում եմ, որ Ջո Հարթին իրեն դրսևորելու իրական […]]]>

«Մանչեսթեր Սիթիի» գլխավոր մարզիչ Պեպ Գվարդիոլան խոստովանել է, թե որն է եղել իր ամենամեծ սխալը «քաղաքայինների» ղեկին աշխատելու տարիներին։

Իսպանացի մասնագետն անդրադարձել է այն ժամանակաշրջանին, երբ թիմի կազմում հանդես էր գալիս դարպասապահ Ջո Հարթը։

​««Մանչեսթեր Սիթիում» անցկացրած ողջ ժամանակահատվածի համար ես միայն մեկ բանի համար եմ ափսոսում։ Ցավում եմ, որ Ջո Հարթին իրեն դրսևորելու իրական հնարավորություն չտվեցի»,- նշել է Գվարդիոլան Sky Sports-ին տված հրաժեշտի հարցազրույցում։

​Հիշեցնենք, որ անգլիացի դարպասապահը «Մանչեսթեր Սիթիի» գույները պաշտպանել է 2006-ից 2018 թվականներին։ 2024 թվականին Ջո Հարթը պաշտոնապես հայտարարեց պրոֆեսիոնալ կարիերան ավարտելու մասին։

]]> Գվարդիոլան բացահայտել է, թե ինչով է զբաղվելու մրցաշրջանի ավարտից հետո https://armsport.am/597832/ Fri, 22 May 2026 17:53:51 +0000 https://armsport.am/?p=597832 Իսպանացի մասնագետ Խոսեպ Գվարդիոլան խոսել է «Մանչեսթեր Սիթիի» գլխավոր մարզչի պաշտոնից հեռանալուց հետո իր առաջիկա ծրագրերի մասին։ Մայիսի 22-ին «քաղաքաբնակները» պաշտոնապես հայտարարեցին, որ 55-ամյա մասնագետը կլքի թիմը 2025/26 մրցաշրջանի ավարտից հետո։ Կիրակի օրը «Մանչեսթեր Սիթին» Անգլիայի Պրեմիեր լիգայի եզրափակիչ՝ 38-րդ տուրում կմրցի «Ասթոն Վիլայի» հետ։ Այս հանդիպումը վերջինը կլինի Գվարդիոլայի համար մանչեսթերյան թիմի ղեկին։ Հայտնի […]]]>

Իսպանացի մասնագետ Խոսեպ Գվարդիոլան խոսել է «Մանչեսթեր Սիթիի» գլխավոր մարզչի պաշտոնից հեռանալուց հետո իր առաջիկա ծրագրերի մասին։

Մայիսի 22-ին «քաղաքաբնակները» պաշտոնապես հայտարարեցին, որ 55-ամյա մասնագետը կլքի թիմը 2025/26 մրցաշրջանի ավարտից հետո։ Կիրակի օրը «Մանչեսթեր Սիթին» Անգլիայի Պրեմիեր լիգայի եզրափակիչ՝ 38-րդ տուրում կմրցի «Ասթոն Վիլայի» հետ։ Այս հանդիպումը վերջինը կլինի Գվարդիոլայի համար մանչեսթերյան թիմի ղեկին։

Հայտնի է դարձել նաև, որ պաշտոնը լքելուց հետո իսպանացին կզբաղեցնի City Football Group-ի գլոբալ դեսպանի պաշտոնը։

«Որո՞նք են իմ առաջիկա ծրագրերը։ Հանգիստը։ Ես աշխատանքի հետ կապված նոր ծրագրեր չունեմ, այլապես կմնայի այստեղ։ Ինձ պետք է մի կողմ քաշվել։ Որոշ ժամանակ ես չեմ զբաղվի մարզչական գործունեությամբ։ Սիրով կշարունակեմ մնալ այս ակումբի մի մասը, բայց ոչ որպես մարզիչ։ Ոչ մի որոշում չեմ կայացնելու. պարզապես կլինեմ «Սիթիի» մի մասը և կներկայացնեմ այն»,- Գվարդիոլայի խոսքերն է մեջբերում BBC-ն։

Հիշեցնենք, որ Գվարդիոլան «Մանչեսթեր Սիթին» գլխավորել է 2016 թվականին։ Նրա ղեկավարությամբ «քաղաքաբնակները» նվաճել են տպավորիչ 20 տիտղոս, այդ թվում՝ Չեմպիոնների լիգայի գավաթը և ԱՊԼ-ի վեց չեմպիոնական տիտղոս։

]]> Պաշտոնական․ Գվարդիոլան 10 տարի աշխատելուց հետո հեռանում է Մանչեսթեր Սիթիից https://armsport.am/597814/ Fri, 22 May 2026 11:07:38 +0000 https://armsport.am/?p=597814 Պեպ Գվարդիոլան լքում է «Մանչեսթեր Սիթիի» գլխավոր մարզչի պաշտոնը։ Անգլիական ակումբն իսպանացի մասնագետի հեռանալու մասին պաշտոնապես հայտարարել է իր պաշտոնական կայքում։ ​«Մի՛ հարցրեք ինձ իմ հեռանալու պատճառների մասին։ Հստակ պատճառ չկա, բայց հոգուս խորքում ես գիտեմ, որ ժամանակն է։ Ոչինչ հավերժ չէ, հակառակ դեպքում ես կմնայի այստեղ։ Հավերժ կմնան միայն այն զգացմունքները, մարդիկ, հիշողությունները և […]]]>

Պեպ Գվարդիոլան լքում է «Մանչեսթեր Սիթիի» գլխավոր մարզչի պաշտոնը։ Անգլիական ակումբն իսպանացի մասնագետի հեռանալու մասին պաշտոնապես հայտարարել է իր պաշտոնական կայքում։

​«Մի՛ հարցրեք ինձ իմ հեռանալու պատճառների մասին։ Հստակ պատճառ չկա, բայց հոգուս խորքում ես գիտեմ, որ ժամանակն է։ Ոչինչ հավերժ չէ, հակառակ դեպքում ես կմնայի այստեղ։ Հավերժ կմնան միայն այն զգացմունքները, մարդիկ, հիշողությունները և սերը, որոնք ես տածում եմ «Մանչեսթեր Սիթիի» նկատմամբ»,- Գվարդիոլայի խոսքերն է մեջբերում «քաղաքայինների» մամուլի ծառայությունը։

​Գվարդիոլան մանչեսթերյան ակումբը գլխավորում էր 2016 թվականի հուլիսից։ Այս 10 տարիների ընթացքում նրա գլխավորությամբ թիմը նվաճել է 20 տիտղոս։ «Սիթին» 6 անգամ դարձել է Անգլիայի չեմպիոն, հաղթել է Չեմպիոնների լիգայում, ՈւԵՖԱ-ի Սուպերգավաթում և Ակումբային աշխարհի առաջնությունում։ Բացի այդ, թիմը նվաճել է Անգլիայի 3 գավաթ, Անգլիական լիգայի 5 գավաթ և երկրի 3 Սուպերգավաթ։

​Իսպանացի մասնագետի վիճակագրությունն անգլիական ակումբում տպավորիչ է. բոլոր մրցաշարերում նա անցկացրել է 592 պաշտոնական հանդիպում՝ գրանցելով 423 հաղթանակ, 76 ոչ-ոքի և 92 պարտություն։

​Գվարդիոլան «Մանչեսթեր Սիթիի» ղեկին իր վերջին հանդիպումը կանցկացնի մայիսի 24-ին (Երևանի ժամանակով 19:00-ին), երբ Անգլիայի Պրեմիեր լիգայի եզրափակիչ՝ 38-րդ տուրի շրջանակում թիմը կհյուրընկալի «Աստոն Վիլային»։ Արդեն հայտնի է նաև, որ «Սիթիի» նոր գլխավոր մարզիչն է դառնալու Էնցո Մարեսկան։

]]> Մարեսկան արդեն պլանավորում է Մանչեսթեր Սիթիի տրանսֆերները https://armsport.am/597701/ Wed, 20 May 2026 19:12:19 +0000 https://armsport.am/?p=597701 Ֆուտբոլային աշխարհի ամենահեղինակավոր ինսայդերները միակարծիք են՝ Խոսեպ Գվարդիոլան կհեռանա «Մանչեսթեր Սիթիի» գլխավոր մարզչի պաշտոնից կիրակի օրը կայանալիք «Ասթոն Վիլայի» դեմ խաղից հետո, իսկ «քաղաքաբնակների» հաջորդ մարզիչը կդառնա Էնցո Մարեսկան։ Ինչպես հաղորդում է The Athletic-ի լրագրող Դևիդ Օրնշտեյնը, Մարեսկան արդեն աշխատում է «Մանչեսթեր Սիթիի» տրանսֆերների և նախամրցաշրջանային նախապատրաստության պլանների վրա։ Հիշեցնենք, որ Էնցո Մարեսկան նախկինում արդեն […]]]>

Ֆուտբոլային աշխարհի ամենահեղինակավոր ինսայդերները միակարծիք են՝ Խոսեպ Գվարդիոլան կհեռանա «Մանչեսթեր Սիթիի» գլխավոր մարզչի պաշտոնից կիրակի օրը կայանալիք «Ասթոն Վիլայի» դեմ խաղից հետո, իսկ «քաղաքաբնակների» հաջորդ մարզիչը կդառնա Էնցո Մարեսկան։

Ինչպես հաղորդում է The Athletic-ի լրագրող Դևիդ Օրնշտեյնը, Մարեսկան արդեն աշխատում է «Մանչեսթեր Սիթիի» տրանսֆերների և նախամրցաշրջանային նախապատրաստության պլանների վրա։

Հիշեցնենք, որ Էնցո Մարեսկան նախկինում արդեն աշխատել է «Մանչեսթեր Սիթիում»՝ և՛ որպես երիտասարդական թիմի մարզիչ, և՛ որպես Խոսեպ Գվարդիոլայի մարզչական շտաբի անդամ։

2023/24 մրցաշրջանում նա գլխավորել է «Լեսթերը», ինչից հետո տեղափոխվել է «Չելսի»։ 2026 թվականի հունվարի 1-ին Մարեսկան հեռացվել է լոնդոնյան ակումբից։

]]> Գվարդիոլան արձագանքել է Արսենալի չեմպիոնությանը https://armsport.am/597651/ Wed, 20 May 2026 07:13:27 +0000 https://armsport.am/?p=597651 «Մանչեսթեր Սիթիի» գլխավոր մարզիչ Պեպ Գվարդիոլան շնորհավորել է Լոնդոնի «Արսենալին»՝ ժամանակից շուտ Անգլիայի չեմպիոն հռչակվելու կապակցությամբ։ ​Լոնդոնյան ակումբի համար երկար սպասված հաղթանակն ապահովվեց մայիսի 19-ին՝ երեքշաբթի, «Բորնմուտի» հետ «քաղաքայինների» գրանցած ոչ-ոքի (1-1) արդյունքից հետո։ Սա լոնդոնյան ակումբի առաջին չեմպիոնությունն է վերջին 22 տարվա ընթացքում։ ​««Մանչեսթեր Սիթիի» անունից ցանկանում եմ շնորհավորել «Արսենալին», Միկել Արտետային, ակումբի ամբողջ […]]]>

«Մանչեսթեր Սիթիի» գլխավոր մարզիչ Պեպ Գվարդիոլան շնորհավորել է Լոնդոնի «Արսենալին»՝ ժամանակից շուտ Անգլիայի չեմպիոն հռչակվելու կապակցությամբ։

​Լոնդոնյան ակումբի համար երկար սպասված հաղթանակն ապահովվեց մայիսի 19-ին՝ երեքշաբթի, «Բորնմուտի» հետ «քաղաքայինների» գրանցած ոչ-ոքի (1-1) արդյունքից հետո։ Սա լոնդոնյան ակումբի առաջին չեմպիոնությունն է վերջին 22 տարվա ընթացքում։

​««Մանչեսթեր Սիթիի» անունից ցանկանում եմ շնորհավորել «Արսենալին», Միկել Արտետային, ակումբի ամբողջ անձնակազմին, ֆուտբոլիստներին և երկրպագուներին Պրեմիեր Լիգայում հաղթելու կապակցությամբ։ Նրանք դրան արժանի էին»», — Sky Sports-ին տված հետխաղյա հարցազրույցում նշել է Գվարդիոլան:

​Առաջնության վերջին տուրից առաջ «Արսենալը» «Մանչեսթեր Սիթիին» գերազանցում է 4 միավորով։

]]> Գվարդիոլայի փոխարինողը գտնված է. Ռոմանոյի ինսայդը https://armsport.am/597601/ Tue, 19 May 2026 08:15:17 +0000 https://armsport.am/?p=597601 Լոնդոնի «Չելսիի» նախկին գլխավոր մարզիչ Էնցո Մարեսկան բանավոր համաձայնեցրել է «Մանչեսթեր Սիթիի» հետ համագործակցության պայմանները։ Այս մասին X սոցիալական ցանցում հայտնել է հայտնի մարզական լրագրող և ինսայդեր Ֆաբրիցիո Ռոմանոն։ Ըստ աղբյուրի՝ իտալացի մասնագետն արդեն տևական ժամանակ է, ինչ համարվում է «քաղաքաբնակների» գլխավոր մարզչի պաշտոնի առաջնահերթ թեկնածուն և հենց նա էլ կփոխարինի Խոսեպ Գվարդիոլային։ Սպասվում է, […]]]>

Լոնդոնի «Չելսիի» նախկին գլխավոր մարզիչ Էնցո Մարեսկան բանավոր համաձայնեցրել է «Մանչեսթեր Սիթիի» հետ համագործակցության պայմանները։ Այս մասին X սոցիալական ցանցում հայտնել է հայտնի մարզական լրագրող և ինսայդեր Ֆաբրիցիո Ռոմանոն։

Ըստ աղբյուրի՝ իտալացի մասնագետն արդեն տևական ժամանակ է, ինչ համարվում է «քաղաքաբնակների» գլխավոր մարզչի պաշտոնի առաջնահերթ թեկնածուն և հենց նա էլ կփոխարինի Խոսեպ Գվարդիոլային։ Սպասվում է, որ առաջիկայում Մարեսկան «Մանչեսթեր Սիթիի» հետ կկնքի 3 տարվա պայմանագիր։

Մարեսկայի աշխատանքային կենսագրության մեջ են մտնում նաև «Լեսթեր Սիթին», «Վեսթ Հեմ Յունայթեդը», «Սևիլիան» և այլ ակումբներ։ Հատկանշական է, որ իտալացին անծանոթ չէ մանչեսթերյան ակումբին. նա արդեն աշխատել է «Մանչեսթեր Սիթիում»՝ 2022-2023 թվականներին զբաղեցնելով գլխավոր մարզչի օգնականի պաշտոնը, ինչպես նաև գլխավորելով «քաղաքաբնակների» երիտասարդական թիմը:

]]>