Պերվիս Էստուպինանը «Օսասունայի» կազմում տպավորիչ մրցաշրջան անցկացնելուց հետո վերադարձել է «Ուոթֆորդ»։ Նրա իրավունքները պատկանում են անգլիական ակումբին։

Marca-ն տեղեկացնում է, որ Էստուպինանի տպավորիչ խաղը չի վրիպել եվրոպական թոփ ակումբների ուշադրությունից։

Աղբյուրի փոխանցմամբ՝ Էստուպինանի ծառայություններով հետաքրքրված են «Մանչեսթեր Յունայթեդն» ու «Բարսելոնան»։

«Ուոթֆորդը» պաշտոնական կայքում հաղորդել է 3 ֆուտբոլիստի ժամանակավորապես թիմից հեռացնելու մասին․ պատճառը կարանտինային ռեժիմը խախտելն է։

«Անդրե Գրեյը, Նաթանիել Չալոբան ու Դոմինգուշ Քինան հեռացվել են «Ուոթֆորդի» կազմից այսօրվա մյուս բոլոր խաղացողների, աշխատակիցների ու պաշտոնական դեմքերի առողջությունն ու անվտանգությունը պահպանելու համար»,- ասված է ակումբի մամուլի ծառայության տարածած հաղորդագրության մեջ։

Ավելի վաղ հայտնի էր դարձել, որ «Ուոթֆորդի» հարձակվող Անդրե Գրեյը երեկույթ է կազմակերպել, որին մասնակցել է ավելի քան 20 հոգի՝ չնայած կորոնավիրուսային համավարակին։ Հունիսի 26-ին լրացել է Գրեյի 29-ամյակը, ինչի առթիվ ֆուտբոլիստը տանը երեկույթ է կազմակերպել։

Հիշեցնենք, որ այսօր ԱՊԼ 32-րդ տուրում «Ուոթֆորդը» մրցում է «Սաութհեմփթոնի» հետ։ Խաղը մեկնարկել է Երևանի ժամանակով 19:30-ին։

Անգլիայի Պրեմիեր Լիգայի 30-րդ տուրի շրջանակում «Ուոթֆորդը» սեփական հարկի տակ կընդունի «Լեսթերին»։ Հանդիպումը կմեկնարկի Երևանի ժամանակով 15։30-ին։

Այս խաղից առաջ «Ուոթֆորդը» իր ակտիվում ունի 27 միավոր և զբաղեցնում է մրցաշարային աղյուսակի 17-րդ հորիզոնականը։ «Լեսթերը» 53 միավորով 3-րդն է։

Թիմերը խաղադաշտ դուրս կգան հետևյալ մեկնարկային կազմերով․

Ուոթֆորդ

Լեսթեր

Հանդիպման ուղիղ հեռարձակումն՝ այստեղ:

«Ուոթֆորդը» հաստատել է «Հավրի» կիսապաշտպան Պապե Գուեյեի հետ պայմանագրի կնքումը:

21-ամյա ֆրանսիացու պայմանագիրը «եղջյերուների» հետ նախատեսված է 5 տարի ժամկետով: Ֆուտբոլիստը կմիանա անգլիական ակումբին ամռանը, երբ ավարտվի նրա պայմանագիրը «Հավրի» հետ:

Ֆրանսիացու տրանսֆերը կարելի է համարել 2020/21 մրցաշրջանի ԱՊԼ-ի առաջին պաշտոնական տրանսֆերը։

Երիտասարդ ֆուտբոլիստի տրանսֆերային արժեքը կազմում է 1,6 մլն եվրո։ Ֆուտբոլիստը ժամանկին հանդես է եկել Ֆրանսիայի Մ19 հավաքականում։

Ըստ BBC-ի, անգլիական «Ուոթֆորդը» առաջարկել է իր տնային մարզադաշտը օգտագործել Անգլիայի ազգային առողջապահական ծառայությանը՝ կանխելու համար կորոնավիրուսի տարածումը:

The Vicarage Road Arena գտնվում է Ուոթֆորդի Կենտրոնական հիվանդանոցի հարևանությամբ: Առողջապահության ոլորտի մասնագետները կարող են մարզադաշտում կազմակերպել այնպիսի գործառույթներ, ինչպիսիք են բժշկական դասընթացները և հանդիպումները:

«Ուոթֆորդի» նախագահ Սքոթ Դաքսբերին ասել է, որ ակումբը կանի հնարավոր ամեն ինչ՝ առողջապահության ոլորտի մասնագետներին աջակցելու համար:

«Ուոթֆորդի» պաշտոնական թվիթերում գրառում է կատարվել «Լեսթեր Սիթիի» հետ խաղի վերաբերյալ, որն անցկացվել է համակարգչային Football Manager խաղում: Թիմերը պետք է հանդիպեին ԱՊԼ-ի 30-րդ տուրի շրջանայում, սակայն խաղը չեղարկվեց Անգլիայի առաջնության դադարեցման պատճառով:

Ավելի վաղ հաղորդվում էր, որ «Լեսթերի» 3 ֆուտբոլիստի մոտ կորոնավիրուսի ախտանշաններ են ի հայտ եկել:

The show must go on 👀

Watford vs @LCFC brought to you by @FootballManager!

Come on you 'Orns…#WATLEI pic.twitter.com/VFDaWJKDhg

— Watford Football Club (@WatfordFC) March 14, 2020

Անգլիայի ընթացիկ առաջնությունը դադարեցվել է մինչև ապրիլի 4-ը՝ կորոնավիրուսի համաճարակի պատճառով:

COVID-19-ի առաջին դեպքերը գրանցվել են Չինաստանում անցած տարվա վերջերին: Վերջին տվյալների համաձայն, այս վիրուսից արդեն մոտ 6 հազար մարդ է մահացել: Ընդ որում, ապաքինվածների թիվն ավելի շատ է՝ 74 հազար: Այս պահին Պորտուգալիայում կորոնավիրուսի 169 դեպք է գրանցվել:

«Լիվերպուլը» 0:3 հաշվով պարտվել է «Ուոթֆորդին» Անգլիայի առաջնության 28-րդ տուրի խաղում՝ կրելով ԱՊԼ-ի ընթացիկ մրցաշրջանի առաջին պարտությունը:

«Լիվերպուլի» այս պարտությունն առաջին դեպքն է 1985 թվականից ի վեր, երբ թիմը, որը գլխավորում է Անգլիայի առաջնության մրցաշարային աղյուսակը, պարտվել է մի թիմի, որը մինչև խաղի մեկնարկը գտնվում է վտանգավոր գոտում:

Վերջին անգամ նման բան տեղի էր ունեցել 35 տարի առաջ. այն ժամանակ «Մանչեսթեր Յունայթեդը» պարտվել էր «Լեսթերին» դարձյալ 0:3 հաշվով: Ընդ որում,«Լիվերպուլի» նկատմամբ տարած սենսացիոն հաղթանակի շնորհիվ «Ուոթֆորդն» արդեն լքել է վտանգավոր գոտին:

Այս պարտությունը նաև ընդհատել է Յուրգեն Կլոպի թիմի առանց պարտությունների շարքը, որը 44 խաղ տևեց: Մերսիսայդցիները չկարողացան գերազանցել Լոնդոնի «Արսենալի» ռեկորդը, որը 2003/04 մրցաշրջանում չի պարտվել 49 խաղ շարունակ:

«Ուոթֆորդի» գլխավոր մարզիչ Նայջել Պիրսոնը խոսել է Անգլիայի Պրեմիեր լիգայի 28-րդ տուրի «Լիվերպուլի» դեմ առաջիկա խաղի մասին:

«Նախ և առաջ ուզում եմ, որ մենք խաղանք հնարավորինս լավ, սա ամենակարևորն է: Մենք չենք սիրում որևէ խաղում պարտվել, բայց գիտենք, որ պետք է ցույց տանք մեր լավագույն ֆուտբոլը, որպեսզի առաջիկա հանդիպմանը շանս ունենանք, դա հաստատ է»,- մեջբերում է Պիրոսոնին RTE-ն:

 «Ուոթֆորդ»– «Լիվերպուլ» հանդիպումը կկայանա շաբաթ օրը և կմեկնարկի Երևանի ժամանակով 21։30-ին։

Totogaming բուքմեյքերական ընկերությունը «Ուոթֆորդի» հաղթանակը գնահատում է 7 գործակցով, «Լիվերպուլի» հաղթանակը ՝ 1,43, իսկ ոչ ոքին՝ 4,9։

Անգլիական «Մանչեսթեր Յունայթեդի» գլխավոր մարզիչ Ուլե-Գունար Սուլշերը մեկնաբանել է ԱՊԼ-ի 27-րդ տուրի «Ուոթֆորդի» դեմ հանդիպման արդյունքը (3:0), տեղեկացնում է Daily Mail-ը:

«Հրաշալի հանդիպում էր: Արդեն երկրորդ խաղն է, որ մենք գոլ բաց չենք թողնում:

Պատք է շարունակել նույն ոգով: Տղաները գտել են իրենց խաղը»,- ասել է Սուլշերը:

Հիշեցնենք, որ «Մանչեսթեր Յունայթեդը» 41 միավոր է վաստակել ու բարձրացել ԱՊԼ-ի մրցաշարային աղյուսակի 5-րդ հորիզոնականը: «Ուոթֆորդը» 24 միավորով գտնվում է 19-րդ տեղում:

Մանչեսթերում ավարտվել է անգլիական Պրեմիեր-լիգայի 27-րդ տուրի հանդիպումը ՄՅՈւ-ի և «Ուոթֆորդի» միջև: Տանտերերը 3:0 հաշվով հաղթանակ են տարել:

«Մանչեսթեր Յունայթեդը» հաշիվը բացել է առաջին կեսի վերջնամասում: 42-րդ րոպեին Բրունու Ֆերնանդեշը ներխուժել է մրցակցի տուգանային, շրջանցել դարպասապահ Բեն Ֆոստերին ու ստիպել նրան խախտել կանոնները: Արդյունքում մրցավար Մարտին Ատկինսոնը 11-մետրանոց է նշանակել, ինչն անվրեպ է իրացրել անձամբ պորտուգալացին: Սա Ֆերնանդեշի համար դարձել է առաջինն ԱՊԼ-ում:

53-րդ րոպեին անկյունայինից հետո «Ուոթֆորդի» հարձակվող Տրոյ Դինին կարողացել է գրավել տանտերերի դարպասը, սակայն գոլը չի արձանագրվել տեսակրկնությունը դիտելուց հետո: Գրոհի սկզբում «Ուոթֆորդի» ֆուտբոլիստներից մեկը ձեռքով է խաղացել:

58-րդ րոպեին հարձակվող Անտոնի Մարսյալը կրկնապատկել է տանտերերի առավելությունը: Ֆրանսիացին մրցակցի տուգանայինում ստացել է գնդակը, սակայն առաջին փորձից չի կարողացել գրավել դարպասը, բայց հետո դարպասապահի վրայով գնդակն ուղարկել է դարպասը: Հանդիպման վերջնահաշիվը ձևակերպել է Մեյսոն Գրինուդը՝ 75-րդ րոպեին դառնալով գոլի հեղինակ:

«Մանչեսթեր Յունայթեդը» 41 միավոր է վաստակել ու բարձրացել ԱՊԼ-ի մրցաշարային աղյուսակի 5-րդ հորիզոնականը: «Ուոթֆորդը» 24 միավորով գտնվում է 19-րդ տեղում: