Գերմանական Բունդեսլիգայի 27-րդ տուրի շրջանակում կայացել են մի շարք հանդիպումներ։ Մյունխենի «Բավարիան» սեփական հարկի տակ խոշոր հաշվով հաղթել է «Ունիոնին», իսկ Լևերկուզենի «Բայերը» բաց է թողել հաղթանակը հետնապահ «Հայդենհայմի» հետ արտագնա խաղում:

Մյունխենցիները տանը 4:0 հաշվով վստահ առավելության են հասել Բեռլինի «Ունիոնի» նկատմամբ: Տանտերերի կազմում փայլուն հանդիպում է անցկացրել Սերժ Գնաբրին՝ դառնալով դուբլի հեղինակ (45+1′, 67′): Մեկական գոլով աչքի են ընկել նաև Մայքլ Օլիսեն (43′) ու Հարի Քեյնը (49′):

Այս հաղթանակից հետո «Բավարիան» վաստակած 70 միավորով շարունակում է վստահորեն գլխավորել Բունդեսլիգայի մրցաշարային աղյուսակը: «Ունիոնը» 31 միավորով զբաղեցնում է 10-րդ հորիզոնականը:

Տեսանյութը՝ ԱՅՍՏԵՂ

Զուգահեռաբար ընթացող խաղում Լևերկուզենի «Բայերը» հյուրընկալվելիս 3:3 հաշվով է ավարտել հանդիպումը մրցաշարի հետնապահ «Հայդենհայմի» հետ՝ թեև հանդիպման ընթացքում հաղթում էր 2:0 հաշվով:

Լևերկուզենցիների կազմում հաշիվը 22-րդ րոպեին բացել է Մալիկ Թիլմանը, իսկ Պատրիկ Շիկը դարձել է դուբլի հեղինակ (35′, 79′): Սակայն դաշտի տերերը կարողացել են բնավորություն դրսևորել ու խույս տալ պարտությունից. գոլերը հեղինակել են Հենես Բերենսը (56′) և Մարվին Պիրինգերը (72’՝ պենալտիից, 85′):

Այս արդյունքից հետո «Բայերը» 46 միավորով 6-րդն է: «Հայդենհայմը», վաստակելով 15 միավոր, շարունակում է եզրափակել մրցաշարային աղյուսակը (18-րդ տեղ):

Տեսանյութը՝ ԱՅՍՏԵՂ

Մրցաշարային աղյուսակն այս պահին

Գերմանիայի Գավաթի խաղարկության 1/8 եզրափակիչում Մյունխենի «Բավարիան» հյուրընկալվելիս մրցեց Բեռլինի «Ունիոնի» հետ։ «Ան դեր Ալտեն Ֆյորսթերայ» մարզադաշտում կայացած դրամատիկ պայքարն ավարտվեց հյուրերի հաղթանակով՝ 3:2։

Հանդիպումն աչքի ընկավ հազվադեպ հանդիպող իրադարձություններով։ Խաղի հաշիվը բացվեց 12-րդ րոպեին, երբ «Ունիոնի» հարձակվող Իլյաս Անսան գրավեց սեփական դարպասը։ 25-րդ րոպեին Հարի Քեյնը կրկնապատկեց մյունխենցիների առավելությունը։

Առաջին խաղակեսի վերջնամասը թեժ ստացվեց. 40-րդ րոպեին տանտերերի պաշտպան Լեոպոլդ Կվերֆելդը 11-մետրանոց հարվածով կրճատեց հաշվի տարբերությունը, սակայն մրցավարի ավելացրած ժամանակում (45+4) «Ունիոնի» մեկ այլ պաշտպան՝ Դիոգու Լեյտեն, դարձավ երկրորդ ինքնագոլի հեղինակը՝ 1:3:

Երկրորդ խաղակեսում՝ 55-րդ րոպեին, Կվերֆելդը ևս մեկ անգամ անվրեպ իրացրեց 11-մետրանոցը՝ ձևակերպելով դուբլ և հաշիվը դարձնելով 2:3, սակայն դա բավարար չեղավ բեռլինցիներին խաղը փրկելու համար։

Հիշեցնենք, որ Գերմանիայի գավաթի գործող գավաթակիրը «Շտուտգարտն» է, որը եզրափակիչում 4:2 հաշվով հաղթել էր «Արմինիային»։

Գոլերի տեսանյութը՝ ԱՅՍՏԵՂ

Դորտմունդի «Բորուսիան» Բունդեսլիգայի 2-րդ տուրում սեփական հաշտում վստահ հաղթանակ տարավ՝ 3:0 հաշվով առավելության հասնելով Բեռլինի «Ունիոնի» նկատմամբ։

Հանդիպման գլխավոր հերոսը Սերու Գիրասին էր, ով դուբլ գրանցեց՝ գոլեր խփելով 44-րդ և 58-րդ րոպեներին։ Խաղի վերջնամասում՝ 81-րդ րոպեին, Ֆելիքս Նմեչան խփեց «Բորուսիայի» երրորդ գոլը։

Այս հաղթանակից հետո Նիկո Կովաչի գլխավորած «Բորուսիան» վաստակել է 4 միավոր և զբաղեցնում է Բունդեսլիգայի մրցաշարային աղյուսակի 3-րդ հորիզոնականը։ Մինչդեռ «Ունիոնը», որն ունի 3 միավոր, ներկայումս գտնվում է 10-րդ տեղում։

Հաջորդ՝ 3-րդ տուրում, որը տեղի կունենա սեպտեմբերի 13-ին, «Բորուսիան» արտագնա խաղում կմրցի «Հայդենհայմի» հետ։ Իսկ Շտեֆեն Բաումգարտի գլխավորած «Ունիոնը» տանը կհյուրընկալի «Հոֆենհայմին»։

Երեկ՝ օգոստոսի 26-ին, տեղի ունեցան Չեմպիոնների լիգայի 2025/26 մրցաշրջանի խաղարկության որակավորման փլեյ-օֆֆ փուլի առաջին պատասխան խաղերը, որոնց արդյունքում որոշվեցին Չեմպիոնների լիգայի խաղարկութան լիգայի փուլ անցած ևս երեք թիմ։

Այսպիսով, Ղազախստանի «Կայրաթը» դուրս եկավ Չեմպիոնների լիգա՝ հաղթելով Շոտլանդիայի «Սելտիկին» (0:0, 3:2՝ 11 մետրանոցներով), Նորվեգիայի «Բուդյո Գլիմտը» երկու խաղերի արդյունքում վստահ հաղթանակ տարավ Ավստրիայի «Շտուրմի» նկատմամբ (5:0, 1:2), իսկ Կիպրոսի «Պաֆոսը» ընդհանուր 3:2 հաշվով հաղթեց սերբական «Ցրվենա Զվեզդային» (2:1, 1:1)։

Չեմպիոնների լիգայի խաղարկության լիգայի փուլ որակավորված թիմերի ցանկը՝ ըստ երկրների

Անգլիա – «Լիվերպուլ», «Արսենալ», «Մանչեսթեր Սիթի», «Չելսի», «Տոտենհեմ», «Նյուքասլ»

Իտալիա – «Նապոլի», «Ինտեր», «Ատալանտա», «Յուվենտուս»

Իսպանիա – «Բարսելոնա», «Ռեալ Մադրիդ», «Ատլետիկո Մադրիդ», «Ատլետիկ Բիլբաո», «Վիլյառեալ»

Գերմանիա – «Բավարիա», «Բայեր Լևերկուզեն», «Այնտրախտ», «Բորուսիա Դորտմունդ»

Ֆրանսիա – ՊՍԺ, «Մարսել», «Մոնակո»

Նիդեռլանդներ – ՊՍՎ, «Այաքս»

Պորտուգալիա – «Սպորտինգ»

Բելգիա – «Ունիոն»

Թուրքիա – «Գալաթասարայ»

Չեխիա – «Սլավիա Պրահա»

Հունաստան – «Օլիմպիակոս»

Ղազախստան – «Կայրաթ»

Նորվեգիա – «Բուդյո Գլիմտ»

Կիպրոս – «Պաֆոս»

Վերջին չորս մասնակիցները կորոշվեն այսօր։

Գերմանիայի Բունդեսլիգայի 2-րդ տուրում Համբուրգի «Միլերնտոր» մարզադաշտում միմյանց դեմ մրցեցին «Սանկտ Պաուլին» և Դորտմունդի «Բորուսիան»։ Խաղն ավարտվել է դրամատիկ հաշվով՝ 3:3։

«Բորուսիան» առաջ է անցել 34-րդ րոպեին՝ Սերու Գիրասիի խփած գոլով։ «Սանկտ Պաուլին» պատասխան գոլ է խփել 50-րդ րոպեին՝ Անդրեա Ունտոնջիի ջանքերով։ 67-րդ րոպեին Վալդեմար Անտոնը վերականգնել է հյուրերի առավելությունը, իսկ 74-րդ րոպեին Յուլիան Բրանտը երրորդ գոլն է խփել «Բորուսիայի» կազմում։ Սակայն «Սանկտ Պաուլին» չի հանձնվել. 86-րդ րոպեին Դանել Սինանին 11-մետրանոցից կրճատել է հաշվի տարբերությունը, իսկ 89-րդ րոպեին Էրիկ Սմիթը հավասարեցրել է հաշիվը՝ 3:3։

Գոլերը՝ այստեղ

Բունդեսլիգայի մրցաշարային աղյուսակը՝ այստեղ

Զուգահեռաբար ընթացող խաղերում գրանցվեցին հետևյալ արդյունքները․

«Այնթրախտ» Ֆ․ — «Վերդեր»՝ 4:1

«Ֆրայբուրգ» — «Աուգսբուրգ»՝ 1:3

«Ունիոն» — «Շտուտգարտ»՝ 2:1

«Բայեր» — «Հոֆենհայմ»՝ 1:2

«Հայդենհայմ» — «Վոլֆսբուրգ»՝ 1:3

Գերմանիայի Բունդեսլիգայի առաջնության շրջանակում Մյունխենի «Բավարիան» ոչ-ոքի ավարտեց «Ունիոնի» հետ արտագնա հանդիպումը՝ 1-1: 

Մյունխենյան ակումբի կազմում գոլի հեղինակ է դարձել Լերոյ Սանեն (75-րդ րոպե), իսկ տանտերերի կազմում՝ Բենեդիկտ Հոլերբահը (84-րդ րոպե):

Այլ արդյունքներ․

Վերդեր — Բորուսիա Մ․ / 2-4
Աուգսբուրգ — Վոլֆսբուրգ / 1-0
Մայնց — Ֆրայբուրգ / 2-2

Մրցաշարային աղյուսակը՝

Բունդեսլիգայի 14-րդ տուրի «Ունիոն» — «Բոխում» հանդիպումը դադարեցվել է այն բանից հետո, երբ երկրպագուներից մեկը տրիբունայից նետված կրակայրիչով հարվածել է հյուրերի դարպասապահ Պատրիկ Դրևեսի գլխին։

Հետո, երբ դարպասապահին օգնություն է ցուցաբերվել, հանդիպման մրցավարը թիմերին ուղեկցել է դեպի տրիբունաների տակ գտնվող սենյակը։

Հանդիպումը, ի վերջո, ավարտին է հասցվել։ Կողմերը ոչ-ոքի են խաղացել` 1:1:

Դրվագի տեսանյութը

Խաղից հետո «Բոխումի» գործադիր տնօրեն Իլյա Կենցիգը հայտարարել է, որ թիմը բողոք կներկայացնի տեղի ունեցած միջադեպի վերաբերյալ։

«Կարծում ենք, որ խաղը պետք է դադարեցվեր։ Չնայած մեր բողոքին, հանդիպումը շարունակվեց։ Մենք երկուշաբթի բողոք կներկայացնենք»,- ասել է Կենցիգը։

Հավելենք, որ ընթացիկ մրցաշրջանում «Բոխումը» դեռևս չի հաղթել Բունդեսլիգայի ոչ մի խաղում։ «Բոխումը» Գերմանիայի առաջնության մրցաշարային աղյուսակի հետնապահն է՝ 3 միավորով։

Բունդեսլիգայի մրցաշարային աղյուսակը

Բունդեսլիգայի 2024/2025թթ․ խաղարկության 11-րդ տուրում կայացան մի շարք հանդիպումներ։

«Բայեր» — «Հայդենհայմ»՝ 5:2

Հանդիպման տեսությունը

«Բորուսիա» Դ․ — «Ֆրայբուրգ»՝ 4:0

«Վոլֆսբուրգ» — «Ունիոն»՝ 1:0

«Հոֆենհայմ» — «Լայպցիգ»՝ 4:3

«Շտուտգարտ» — «Բոխում»՝ 2:0

Բունդեսլիգայի մրցաշարային աղյուսակը՝ ստորև․

Բունդեսլիգայի 11-րդ տուրում «Բավարիան» հյուրընկալվել էր «Ունիոնին» ու ոչ-ոքի ավարտեց հանդիպումը։

Հանդիպման արդեն 4-րդ րոպեին բեռլինյան թիմի կազմում հաշիվը բացեց Պրոմելը։ Մյունխենցիներից 63 րոպե պահանջվեց հաշիվը հավասարեցնելու համար․ գոլի հեղինակ դարձավ Ռոբերտ Լևանդովսկին։

«Բավարիան» 24 միավորով գլխավորում է մրցաշարային աղյուսակը, իսկ «Ունիոնը» 17 միավորով 6-րդ տեղում է։ունիոն

Բունդեսլիգայի 11-րդ տուրում Մյունխենի «Բավարիան» հյուրընկալվում է  «Ունիոնին»։ Խաղը կմեկնարկի Երևանի ժամանակով 21:30-ին։

Արդեն հայտնի է՝ ինչ կազմով մյունխենցիները խաղադաշտ դուրս կգան։

Our starting XI in Berlin 🔴⚪#FCUFCB #packmas pic.twitter.com/tKxxkd8Ir3

— FC Bayern English (@FCBayernEN) December 12, 2020

Խաղին ուղիղ հեռարձակմամբ կարող եք հետևել այստեղ։