Հունիսի 29-ին ՀՖՖ-ն պաշտոնական նամակ-հրավեր է ստացել ՈՒԵՖԱ-ից, որի համաձայն Հայաստանը կարող է միանալ ՈՒԵՖԱ-ի PlayMakers ծրագրին։

Այս մասին հայտնում է ՀՖՖ-ի պաշտոնական կայքը:

ՈՒԵՖԱ-ի PlayMakers ծրագիրը ՈՒԵՖԱ-ի և աշխարհահռչակ «Դիսնեյ» ընկերության համագործակցությունն է, որի հիմքում ընկած է «Դիսնեյի» հերոսների շնորհիվ 5-8 տարեկան աղջիկների շրջանում ֆուտբոլի տարածման նպաստումը:

Հայաստանն առաջին երկրներից է, որ ներգրավվել է այս ծրագրում։ Ծրագրի մեկնարկը կտրվի 2021 թվականի մարտին։ Ամբողջ Հայաստանով մեկ կբացվեն 30 կենտրոններ (յուրաքանչյուր մարզում՝ 2-ական կենտրոն, 10-ը՝ մայրաքաղաք Երևանում), որտեղ աղջիկները կկարողանան ֆուտբոլ խաղալ՝ ընդօրինակեով «Դիսնեյի» հերոսներին։

Մինչ ծրագրի մեկնարկը Հայաստանից երկու մարզիչներ կվերապատրաստվեն ՈՒԵՖԱ-ի նախապատրաստական ծրագրերով, որից հետո իրենց գիտելիքներն ու փորձը կփոխանցեն հայ աղջիկներին։

ՈւԵՖԱ-ն տուգանել է ֆրանսիական «Մարսելին» ՝ ֆինանսական Fair Play-ը խախտելու համար, տեղեկացնում է ակումբի պաշտոնական կայքը:

Նշվում է, որ ակումբը պետք է 3 միլիոն եվրո տուգանք վճարի: Բացի այդ, «Մարսելը» կզրկվի 2021/22 թվականների եվրագավաթների մասնակցությունից իրեն հասանելի գումարի 15%-ից:

2022/23 մրցաշրջանում էլ «Մարսելը» կկարողանա ընդամենը 23 ֆուտբոլիստ ունենալ իր հայտացուցակում:

Հավելենք, որ մարսելյան ակումբը դիմելու է Սպորտային Արբիտրաժային դատարան (CAS):

ՈՒԵՖԱ-ն հաստատել է Աշխարհի 2022 թ. առաջնության ընտրական փուլի նոր ձևաչափը: Այս մասին տեղեկանում ենք Հայաստանի ֆուտբոլի ֆեդերացիայի պաշտոնական կայքից։

Հունիսի 18-ին կայացել է ՈՒԵՖԱ-ի գործադիր կոմիտեի հեռավար նիստը, որի ընթացքում կայացվել են մի շարք կարևոր որոշումներ:

Մասնավորապես, ՈՒԵՖԱ-ն հաստատել է Աշխարհի 2022 թ. առաջնության ընտրական փուլի նոր ձևաչափը և այժմ սպասում է ՖԻՖԱ-ի կողմից վերջնական հաստատմանը: Ըստ նոր ձևաչափի՝ ընտրական փուլի հանդիպումները կկայանան 2021 թ. մարտից մինչև նոյեմբեր: Եվրոպական գոտու ընտրական փուլը բաղկացած կլինի 10 խմբերից, որոնց հաղթողները կնվաճեն Աշխարհի առաջնության ուղեգրեր: Խմբերում երկրորդ տեղ գրաված թիմերը կհայտնվեն փլեյ-օֆֆ փուլում, որտեղ նրանց կմիանան Ազգերի լիգայի միջոցով այդտեղ հայտնված 2 հավաքականներ: Հենց այս թիմերը 2022 թ. մարտին կորոշեն Աշխարհի 2022 թ. առաջնության վերջին 3 ուղեգրերի տերերին:

ՈՒԵՖԱ-ն նաև հաստատել է Կանանց Մ-17 և Մ-19 մրցաշարերի անցկացման նոր ձևաչափը:

Առաջին մրցաշրջանում մրցաշարը բաղկացած կլինի 2 խմբերից՝ Ա և Բ: Առաջին շրջանում կանցկացվեն մինի մրցաշարեր՝ բաղկացած 4-թիմանոց խմբերից: Բ խմբի մինի մրցաշարերի բոլոր հաղթողները կնվաճեն Ա խմբի ուղեգիր, իսկ Ա խմբի մինի մրցաշարերի խմբերում վերջին տեղ գրաված թիմերը կհայտնվեն Բ խմբում:

Ներկայիս Էլիտ ռաունդի փոխարեն կանցկացվի երկրորդ շրջանը, որտեղ խմբերի բոլոր հաղթողները և երկրորդ տեղ զբաղեցրած լավագույն թիմը դուրս կգան եզրափակիչ փուլ: Երկրորդ շրջանից հետո ևս Բ խմբի մինի մրցաշարերի բոլոր հաղթողները կնվաճեն Ա խմբի ուղեգիր, իսկ Ա խմբի մինի մրցաշարերի խմբերում վերջին տեղ գրաված թիմերը կհայտնվեն Բ խմբում:

Նոր ձևաչափն ուժի մեջ կմտնի 2021/2022 մրցաշրջանից:

ՈՒԵՖԱ-ն, այսօր կայացած վիդեոկոնֆերանսի միջոցով, հաստատել է Քաթարի աշխարհի առաջնության որակավորման փուլի մրցակարգը:

Վիճականության արդյունքում 5 խումբ կունենա 6 հավաքական, իսկ մյուս 5 խմբերը բաղկացած կլինեն 5-ական հավաքականից: Հավաքականները կխաղան տուն-դուրս համակարգով: Խմբերի հաղթողները կնվաճեն ԱԱ եզրափակիչ փուլի ուղեգիր: Երկրորդ տեղերը գրաված թիմերն ու Ազգերի լիգայից 2 հավաքական կվիճարկեն Եվրոպային հասանելիք ևս 3 ուղեգիր:

Հունիսի 17-ին՝ ՈւԵՖԱ շտաբ գրասենյակում, կայացավ ՈՒԵՖԱ Գործադիր կոմիտեի հեռավար նիստը, որի ընթացքում քննարկվեցին ՈՒԵՖԱ-ի կողմից կազմակերպվող ակումբային և ազգային հավաքականների մրցաշարերի ձևաչափերի փոփոխությունները և անցկացման նոր ժամկետները․

Ազգերի Լիգայի խմբային փուլի հանդիպումները կկայանան սեպտեմբերի 3/4/5-ին և 6/7/8-ին, հոկտեմբերի 10/11 և 13/14-ին և նոյեմբերի 14/15 և 17/18-ին։

Այն ազգային հավաքականները, որոնք չեն մասնակցում Ազգերի Լիգայի փլեյ-օֆֆ փուլին, կարող են ընկերական հանդիպումներ անցկացնել հոկտեմբերի 7/8-ին և նոյեմբերի 11/12-ին։

Հայաստանի ազգային հավաքականն ընդգրկվել է C դիվիզիոնի 2–րդ խմբում, որտեղ մրցելու է Էստոնիայի, Հյուսիսային Մակեդոնիայի և  Վրաստանի հավաքականների հետ:

ՈՒԵՖԱ Եվրոպայի Մ-21 առաջնություն

Որակավորման փուլը ընթացքի մեջ է։ Դեռևս չանցկացված խաղերը կկայանան 2020 թվականի սեպտեմբեր, հոկտեմբեր և նոյեմբեր ամիսներին։

Հայաստանի Մ-21 հավաքականը ընդգրկված է որակավորման առաջին խմբում, և դեռ պետք է մրցի Շվեդիայի (2 անգամ), Իսլանդիայի և Լյուքսեմբուրգի հավաքականների հետ։

ՈՒԵՖԱ Ֆուտզալի Եվրոպայի առաջնություն 2022

Որակավորման փլեյ-օֆֆ փուլի հանդիպումները կկայանան 2020 թվականի նոյեմբերի 2-ից 11-ը ընկած ժամանակահատվածում։

Հայաստանի ֆուտզալի ազգային հավաքականը փլեյ-օֆֆ փուլում մրցելու է Բուլղարիայի ընտրանու դեմ։

ՈՒԵՖԱ Եվրոպայի Մ-19 առաջնություն

Վերջերս ներկայացված ՈՒԵՖԱ Ազգերի լիգային նմանվող Եվրոպայի Մ-19 առաջնության նոր ձևաչափով որակավորման փուլը հետաձգվել է։ Հետևաբար,  2021/2022 մրցաշրջանի ՈՒԵՖԱ Եվրոպայի Մ-19 առաջնության որակավորման փուլը կկայանա նախկին ձևաչափով։

Հայաստանի Մ-19 հավաքականն ընդգրկվել է որակավորման 11-րդ խմբում, որտեղ մրցելու է Նիդերլանդների, Սերբիայի և Սան Մարինոյի հասակակիցների հետ:

ՈՒԵՖԱ Եվրոպայի Մ-17 առաջնություն

Որակավորման փուլի ժամկետները չեն փոփոխվել և կկայանան 2020 թվականի սեպտեմբեր-նոյեմբեր ամիսներին։

Հայասանի Մ-17 հավաքականն ընդգրկված է որակավորման 12-րդ խմբում, որտեղ մրցելու է Սերբիայի, Դանիայի և Լատվիայի Մ-17 հավաքականների հետ։

Հիշեցնենք, որ Չեմպիոնների լիգայի հաջորդ մրցաշրջանի որակավորման փուլը կմեկնարկի օգոստոսի 8-ին։

Հունիսի 17-ին՝ ՈՒԵՖԱ շտաբ գրասենյակում, կայացավ ՈՒԵՖԱ Գործադիր կոմիտեի հեռավար նիստը, որի ընթացքում քննարկվեցին ակումբային և ազգային հավաքականների մրցաշարերի ձևաչափերի փոփոխությունները և անցկացման նոր ժամկետները։

Չեմպիոնների լիգայի հաջորդ մրցաշրջանի որակավորման փուլը կմեկնարկի օգոստոսի 8-ին։ Որակավորման նախնական, 1-ին, 2-րդ և 3-րդ փուլում հաղթողին թիմերը կորոշեն մեկ խաղի արդյունքում։ Որակավորման վերջին՝ փլեյ-օֆֆ փուլի հաղթողները կորոշվեն երկու հանդիպումների արդյունքում։ Դաշտի տեր թիմը կորոշվի վիճակահանությամբ։

Հայաստանի Բարձրագույն խմբի առաջնության 2019/2020 մրցաշրջանի հաղթողը պայքարի մեջ կմտնի որակավորման առաջին փուլից։

Նախնական փուլ – Օգոստոսի 8 և 11

Որակավորման առաջին փուլ  — Օգոստոսի 18/19

Որակավորման երկրորդ փուլ – Օգոստոսի 25/26

Որակավորման երրորդ փուլ – Սեպտեմբերի 15/16

Փլեյ-օֆֆ – Սեպտեմբերի 22/23 և 29/30

Խմբային փուլ – Հոկտեմբերի 20/21 և 27/28, նոյեմբերի 3/4 և 24/25, դեկտեմբերի 1/2 և 8/9

ՈՒԵՖԱ Եվրոպա Լիգա 2020/2021

Եվրոպա լիգայի հաջորդ մրցաշրջանի որակավորման փուլը կմեկնարկի օգոստոսի 20-ին։ Որակավորման նախնական, 1-ին, 2-րդ և 3-րդ փուլում հաղթողին թիմերը կորոշեն մեկ խաղի արդյունքում։ Որակավորման վերջին՝ փլեյ-օֆֆ փուլի հաղթողները կորոշվեն երկու հանդիպումների արդյունքում։ Դաշտի տեր թիմը կորոշվի վիճակահանությամբ։

Հայաստանի Բարձրագույն խմբի առաջնության 2019/2020 մրցաշրջանի արդյունքում հայկական 3 ակումբ հնարավորություն կստանա մասնակցել առաջնությանը։

Նախնական փուլ – Օգոստոսի 20

Որակավորման առաջին փուլ  — Օգոստոսի 27

Որակավորման երկրորդ փուլ – Սեպտեմբերի 17

Որակավորման երրորդ փուլ – Սեպտեմբերի 24

Փլեյ-օֆֆ – Հոկտեմբերի 1

Խմբային փուլ – Հոկտեմբերի 22 և 29, նոյեմբերի 5 և 26, դեկտեմբերի 3 և 10

ՈՒԵՖԱ Կանանց Չեմպիոնների Լիգա 2020/2021

Որակավորման փուլի մինի-մրցաշարերը կկայանան 2020 թվականի հոկտեմբերի 7-ից 13-ը։ Առաջնությանը կմասնակցի Հայաստանի կանանց ֆուտբոլի Ա լիգայի առաջնության 2019/2020 մրցաշրջանի հաղթողը։

ՈՒԵՖԱ Գործադիր կոմիտեի նիստում քննարկվեց նաև ֆուտբոլային հանդիպումները հանդիսականներով անցկացնելու հարցը։ Որոշվեց հարցը ևս մեկ անգամ քննարկել հուլիս ամսին։

ՈՒԵՖԱ-ի ղեկավարությունը որոշում է կայացրել եվրագավաթային մրցաշրջանն ավարտին հասցնելու վերաբերյալ։ Այս մասին գրում է Sky Sport Italy-ն։

Չեմպիոնների լիգայի ընթացիկ մրցաշրջանը՝ սկսած քառորդ եզրափակչից, կանցկացվի Լիսաբոնում՝ «Ութի եզրափակիչ» ձևաչափով, դրա հետ մեկտեղ, 1/8 եզրափակչի խաղերը կանցկացվեն տանտերերի մարզադաշտերում։

Եվրոպա լիգան կանցկացվի նույն սիստեմով․ խաղերը կընդունի գերմանական քաղաքներից մեկը։

Հայտնի է դարձել նաև Եվրոպայի Սուպերգավաթի անցկացման վայրը․ այն կկայանա Բուդապեշտում։

Հիշեցնենք, որ ՉԼ քառորդ եզրափակչի ուղեգրեր արդեն նվաճել են ՊՍԺ-ն, «Ատլետիկոն», «Ատալանտան» ու «ՌԲ Լայպցիգը»։ Բայց ևս 4 մասնակից դեռևս որոշված չէ, քանի որ անհրաժեշտ է 1/8 եզրափակչի 4 պատասխան խաղ անցկացնել․ «Ռեալ»- «Մանչեսթեր Սիթի» (առաջին խաղը՝ 1-2), «Չելսի»- «Բավարիա» (0-3), «Լիոն»- «Յուվենտուս» (1-0), «Նապոլի»- «Բարսելոնա» (1-1):

«Տրաբզոնսպորը» մեկ տարով զրկվել է Չեմպիոնների լիգայի, կամ Եվրոպա լիգայի խաղարկություններին մասնակցելու հնարավորությունից։

ՈՒԵՖԱ-ի ակումբների ֆինանսական վերահսկողության պալատը պատժել է թուրքական ակումբին ֆինանսական ֆեյր-փլեյի կանոնները չպահպանելու համար։

2016 թվականի մայիսին ՈՒԵՖԱ-ն և «Տրաբզոնսպորը» խաղաղ համաձայնություն էին կնքել, որով ակումբը պարտավորվում էր մի շարք պայմաններ կատարել։ Հակառակ դեպքում թիմին սպառնում էր հեռացում եվրագավաթներից մեկ տարով։

ՈՒԵՖԱ-ի և թուրքական ակումբի միջև ձեռքբերված պայմանները չեն պահպանվել։ Այսպիսով, առաջիկա երկու մրցաշրջաններից մեկում (2020/21 և 2021/22) «Տրաբզոնսպորը» զրկվելու է եվրագավաթներին մասնակցելու հնարավորությունից։

До приостановки нынешнего сезона из-за пандемии коронавируса «Трабзонспор», набрав 53 очка в 26 турах, лидировал в чемпионате Турции.

ՈՒԵՖԱ-ն հետաձգել է գործկոմի նիստը, քանի որ Լոնդոնի և Ամստերդամի քաղաքային իշխանությունները Եվրոպայի 2020 թվականի առաջնության խաղերի անցկացման պատրաստականություն չեն հայտնել: Այս մասին հայտնում է The Times-ը:

Ավելի վաղ , Եվրո-2020-ը, որ պետք է կայանար այս ամառ, տեղափոխվեց 2021 թ.՝ կորոնավիրուսի համավարակի պատճառով: Մրցաշարը նախատեսվում է անցկացնել 12 քաղաքների 12 մարզադաշտերում, որոնցից մեկը Լոնդոնի «Ուեմբլին» է, իսկ մյուսը՝ Ամստերդամի «Յոհան Կրույֆ Արենան»:

«Ուեմբլիում» պետք է Եվրոպայի առաջմության 7 հանդիպում կայանար (3 խաղ խմբային փուլի շրջանակում, 1/8 եզրափակչի մեկ խաղ, կիսաեզրափակիչներն ու եզրափակիչը): «Յոհան Կրույֆ Արենայում» նախատեսված է անցկացնել խմբային փուլի 3 և 1/8 եզրափակչի մեկ հանդիպում:

Մյուս քաղաքներն ՈՒԵՖԱ-ին են ներկայացրել անհրաժեշտ երաշխիքները:

ՈՒԵՖԱ-ի նախագահ Ալեքսանդր Չեֆերինը պատասխանել է կորոնավիրուսի համավարակի պատճառով ֆուտբոլում սպասվող հնարավոր փոփոխությունների մասին հարցին։

«Չեմ կարծում, թե ինչ-որ բան ընդմիշտ կփոխվի։ Սա նոր փորձ է, ու երբ ձերբազատվենք այս վիրուսից, ամեն ինչ իր տեղը կընկնի։ Ֆուտբոլը չփոխվեց Երկրորդ համաշխարհային պատերազմից կամ Առաջին համաշխարհային պատերազմից հետո, ու նույնկերպ չի փոխվի վիրուսի պատճառով։

Մարդիկ շատ էին ասում, որ աշխարհն այսպիսին չի լինի կորոնավիրուսից հետո։ Դա կարող է ճիշտ լինել, բայց իմ տեսակետն այսպիսին է․ ինչո՞ւ չմտածել, որ աշխարհն ավելի լավը կդառնա այս վիրուսից հետո։ Ինչո՞ւ չմտածել, որ մենք ավելի խելացի կդառնանք, կամ վերջապես կհասկանանք՝ որքան փխրուն ենք, որքան անպաշտպան ենք բնության առաջ։ Այդ կերպ, միշտ դասեր կան քաղելու»,-Չեֆերինի խոսքերն է փոխանցում The Guardian-ը։