2020-ը ձևափոխեց աշխարհը, փոխեց մարդկանց ծրագրերը, երազանքները. ստիպեց վերանայել ապրելակերպն ու աշխարհընկալումը:

Այն ձախողեց ամենակարևոր և սպասված իրադարձություններն ու խլեց ամենաթանկը` մարդկային կյանքեր:

Հեռացող տարին մեզ սովորեցրեց ամենից առավել գնահատել խաղաղ երկինքն ու ամենահարազատ մարդկանց ներկայությունը մեր կողքին:

Աշխարհն այնպես է ստեղծված, որ անհնար է ապրել` խուսափելով փորձություններից. դրանք անցնում են, իսկ մենք սերտում ենք դասեր, որոնք մեզ ավելի լավն են դարձնում:

Armsport-ը շնորհավորում է իր ընթերցողների Ամանորն ու մաղթում, որ 2021 թվականը լինի խաղաղության, առողջության, ուժի, հավատի և վերածննդի տարի:

Այլևս թույլ չտանք կյանքին, հանգամանքներին ու փորձություններին խլել մեզանից այն ամենը, ինչը մեզ երջանկացնում է, ոգեշնչում, ստիպում ձգտել նոր հաղթանակների ու նվաճումների:

Թող գալիք տարում մեր ուժն օգտագործենք միայն աշխարհն ավելի լավը դարձնելու, այլ ոչ վիշտն ու ցավը հաղթահարելու համար:

Սկսենք 2021-ը հավատով, որ կյանքը դեռ կարող է մեզ դրական իմաստով զարմացնել:

Շնորհավոր Ամանոր:

Սիրելի ընթերցողներ, Armsport.am-ի ողջ խմբագրակազմը սրտանց շնորհավորում է բոլորիդ Ամանորն ու Սուրբ Ծնունդը:

Մաղթում ենք ձեզ հրաշալի սպորտային տարի, որը լեցուն կլինի մեծ հաղթանակներով: Վստահ ենք, որ 2020-ը մեզ դեռ շատ բերկրալի պահեր կպարգևի:

Թող սերն ու երջանկություն միշտ շրջապատեն ձեզ և ձեր ընտանիքներին:

Շնորհակալ ենք, որ դուք մեզ հետ եք:

Շնորհավոր Ամանոր և Սուրբ Ծնունդ.