#շարլ-լեկլեր — Armsport.am

📷 Լեկլերը վթարի է ենթարկվել Իտալիայի Գրան պրիում, առաջատարը հաղթեց մրցավաքը

Editor — Sun, 06 Sep 2026 17:07:01 +0000

Իտալացի Անդրեա Կիմի Անտոնելին Mercedes թիմից հաղթեց Իտալիայի Գրան պրիում՝ 2026 թվականի Ֆորմուլա 1-ի աշխարհի առաջնության 13-րդ փուլը։

Ընդհանուր հաշվարկով առաջատարը հաղթեց առաջնության իր տնային մրցավազքում՝ մեկնարկելով 19-րդ դիրքից։ 20-ամյա Անտոնելին դարձավ առաջին իտալացին 60 տարվա ընթացքում, որը հաղթեց իր տնային Գրան պրիում։

Mercedes-ի վարորդ Ջորջ Ռասելը զբաղեցրեց երկրորդ տեղը, իսկ Red Bull-ի Մաքս Ֆերստապենը եզրափակեց լավագույն եռյակը։

Մոնցայի մրցուղու երկրորդ շրջանի վերջում մեքենան վթարի ենթարկեց Ferrari-ի վարորդ Շարլ Լեկլերը։ Վարորդը կորցրել է մեքենայի կառավարումը շրջադարձի ժամանակ և դուրս է եկել մրցուղուց։ Մրցավազքը դադարեցվել էր կարմիր դրոշներով։ Վարորդը բախումից հետո ինքնուրույն լքել է մեքենան։

Հունգարիայի Գրան-պրի․ Հեմիլթոնը վերցրեց pole-ը․ Բոտտասը 2-րդն է, Ստրոլը՝ 3-րդը

Erik — Sat, 18 Jul 2020 14:19:20 +0000

Հունգարիայում մեկնարկել է Ֆորմուլա 1-ի Աշխարհի 2020 թվականի առաջնության 3-րդ էտապը։

Քիչ առաջ ավարտվեց որակավորման փուլը։ «Մերսեդեսի» մրցարշավորդ Լյուիս Հեմիլթոնը հաղթեց pole position-ը և վաղը մեկնարկելու է առաջին տեղով։ Նրան հաջորդում է իր թիմակից Վալտերի Բոտտասը։ Երրորդ տեղում Լանս Ստրոլն է «Ռեյսինգ Փոյնթից»։

4-րդ տեղում «Ռեյսինգ Փոյնթի» մյուս արշավորդն է՝ Սերխիո Պերեսը։ Նրան հաջորդում են «Ֆերարիի» արշավորդներ Սեբաստիան Ֆետելն ու Շարլ Լեկլերը։

Լյուիս Հեմիլթոնի համար սա կարիերայի 90-րդ pole-ն էր և 7-րդը Հունգարիայում։

CLASSIFICATION: END OF Q3 ⏱️

A 90th career pole for @LewisHamilton as @RacingPointF1 lock out the second row 👀#HungarianGP 🇭🇺 #F1 pic.twitter.com/Ei12EbLElH
— Formula 1 (@F1) July 18, 2020

Մենք ամեն ինչ քննարկել ենք․ պատահարը անցյալում է․ Ֆետելն ու Լեկլերը անդրադարձել են Ավստրիայի վթարին

Erik — Thu, 16 Jul 2020 17:20:56 +0000

«Ֆերարիի» արշավորդներ Շարլ Լեկլերն ու Սեբաստիան Ֆետելը քնարկել են անցած հանգստյան օրերին Շտիրիայի Գրան-պրիում տեղի ունեցած վթարը։ Պատահարի արդյունքում 2 արշավորդներն էլ առաջին շրջանից հետո դուրս եկան պայքարից։

«Ես կարծում եմ, որ մենք կթողնենք տեղի ունեցածը անցյալում։ Արշավից հետո ես գնացի Սեբի մոտ, որպեսզի ներողություն խնդրեմ։ Կարծում եմ՝ նա ընդունել է իմ ներողությունը։ Հիմա ամեն ինչ անցյալում է։ Ես կենտրոնանում եմ գալիք հանգստյան օրերին և փորձելու եմ անել առավելագույնը»,-Լեկլերի խոսքն է մեջբերում Crash.net-ը։

«Ես ավելացնելու բան գրեթե չունեմ։ Նույն թիմի երկու մեքենաների բախումը վատագույն բանն է։ Ցավոք, արշավներում նման բան երբեմն լինում է։ Մենք ամեն ինչ քննարկել ենք, պատահարը անցյալում է։ Մի քանի օրից մենք շանս ունենք ավելի արժանի արդյունք ցույց տալ»

Հունգարիայի Գրան-պրին տեղի է ունենալու առաջիկա հանգստյան օրերին։

Լեկլերը խախտել է անվտանգության կանոնները․ նա մեկնել է Մոնակո ու երեկույթի մասնակցել

Erik — Fri, 10 Jul 2020 20:14:00 +0000

«Ֆերարիի» ավտոարշավորդ Շարլ Լեկլերը խախտել է Ֆորմուլա-1-ի կողմից առաջ քաշված հակահամաճարակային կանոնները։

Ավստրիայում կայանալիք Գրան-պրիների ընթացքում Լեկլերը մեկնել է Մոնակո, որտեղ իր ընկերուհու ու ընկերների հետ գնացել է երեկույթի։ Այսպիսով, Շարլը խախտել է հակահամաճարակային կանոնները։

Ավտոմոբիլի միջազգային ֆեդերացիան հայտնել է, որ «Ֆերարին» նախազգուշացում է ստացել։ Թիմին հաղորդվել է, որ նրանք կարող են զրկվել արշավներին մասնակցելու հնարավորությունից, եթե շարունակեն չհետևել կանոններին։

Լեկլերից բացի Մոնակո էր մեկնել մրցաշրջանի առաջին Գրան-պրիի հաղթող, «Մերսեդեսի» արշավորդ Վալտերի Բոտտասը։ Նրա գործողություններում ԱՄՖ-ն և Ֆ1-ը խախտում չեն արձանագրել։

Վալտերի Բոտտասը հաղթեց Ավստրիայի Գրան-Պրին․ Լեկլերը՝ 2-րդն է, Նորիսը՝ 3-րդը

Erik — Mon, 06 Jul 2020 07:02:12 +0000

Կիրակի Ավստրիայի Սփիլբերգ քաղաքում մեկնարկեց Ֆորմուլա-1-ի 2020 թվականի մրցաշրջանը։

Առաջին մրցարշավը չափազանց հետաքրքիր անցավ։ «Մերսեդեսի» ավտոարշավորդ Վալտերի Բոտտասը Pole Position-ից սկսեց արշավն ու կարողացավ 71 շրջան պահպանել իր դիրքն ու հաղթել Ավստրիայի Գրան-Պրիում։ Հատկանշական է, որ անցած տարի ևս մրցաշրջանի մեկնարկային Գրան-Պրիում՝ այն ժամանակ Ավտրալիայում, դարձյալ հաղթել էր Բոտտասը։

Երկրորդը վերջնագիծը հատեց «Ֆերարիի» արշավորդ Շարլ Լեկլերը։ Երիտասարդ արշավորդը բավականին բարց արշավ ունեցավ, սակայն կարողացավ կրկնել անցած տարվա իր արդյունքը Ավստրիայում։ Իր կյանքի առաջին պոդիումին հասավ «Մակլարենի» ավտոարշավորդ Լանդո Նորիսը։ Նորիսը իր ցուցադրած արագությամբ շրջանցեց Լյուիս Հեմիլթոնին, ում 5 վայրկյանի տուգանք էր տրվել շրջաններից մեկում Ալեքս Ալբոնին հարվածելու համար։ Նորիսը 3-րդն է, գործող չեմպիոն Լյուիս Հեմիլթոնը ավարտեց Գրան-Պրին 4-րդ տեղում։

Լեկլերը անվանական տրիբունաներ կունենա Մոնակոյի և Ֆրանսիայի Գրան-Պրիներում

Erik — Wed, 22 Jan 2020 17:34:40 +0000

«Ֆերարիի» ավտոարշավորդ Շարլ Լեկլերի անունով տրիբունաներ կբացվեն միանգամից երկու Գրան-Պրիներում։ Լեկլերը կստանա անվանական տրիբունաներ Մոնակոյի և Ֆրանսիայի Գրան-Պրիներում։

Ինչպես տեղեկացնում է motorsportweek-ը, Մոնտե-Կառլոյում Լեկլերի անունով կոչվելու է «Կ» տրիբունան, որը գտնվում է 12-րդ և 13-րդ շրջադարձերի մոտ։

«Պոլ-Ռիկար» ավտոդրոմում Լեկլերի անունով է կոչվելու մեկնարկի գլխավոր տրիբունան։

Լեկլեր․ Կցանկանայի պայքարել չեմպիոնական տիտղոսի համար Ֆետելի հետ

Erik — Fri, 20 Dec 2019 15:04:56 +0000

«Ֆերարիի» ավտոարշավորդ Շարլ Լեկլերը ամփոփել է 2019 թվականի մրցաշրջանը ու կատակել է իր խաղընկեր Սեբաստիան Ֆետելի հետ ունեցած կոնֆլիկտի շուրջ, որը հիմնականում մամուլի ստեղծած միֆն է։

«Բոլիդի դիմաց անհրաժեշտ է գրել․ «Ուրա՜խ Սուրբ Ծնունդ»։ Իմ ու Ֆետելի հարաբերությունները շատ լավ են, քան կարող են պատկերացնել մարդիկ։ Մենք երկուսս էլ ձգտում ենք հաղթանակի, բայց դրա հետ մեկտեղ մեզ պահում ենք հասուն մարդկանց պես։ Սեբը մեծագույն չեմպիոն է չափազանց մեծ փորձով։ Պայքարել նրա հետ, հանդես գալով «Ֆերարիի» կազմում, մեծ պատիվ է։ »

Ես երբեք չէի կարող ակնկալել, որ նորամուտս «Ֆերարիում» հենց այսպիսին կլինի։ Ամեն ինչ շատ ավելի լավ անցավ, քան ես պատկերացնում էի։ Ես չէի սպասում 7 փոուլների։ Հաջորդ մրցաշրջա՞նը։ Կցանկանայի պայքարել չեմպիոնական տիտղոսի համար Ֆետելի հետ»,-Լեկլերի խոսքերն է մեջբերում grandprix47-ը։

Լեկլեր․ Ես ու Ֆետելը հասուն մարդիկ ենք ու տեղի ունեցածը կթողնենք անցյալում

Erik — Sun, 17 Nov 2019 20:20:16 +0000

Ֆերարիի ավտոարշավորդ Շարլ Լեկլերը խոսել է իր թիմակցի՝ Սեբաստիան Ֆետելի հետ Բրազիլիայի Գրան-Պրիում տեղի ունեցած բախման մասին։

«Ես վազանց կատարեցի առաջին ոլորանում, սակայն հասկացա, որ Սեբը ցանկանում է երրորդում վերականգնել դիրքերը։ Պայքարը շատ խիտ էր ու արդյունքում բոլիդները բախվեցին միմյանց։

Ես չեմ խոսել Սեբաստիանի հետ դեռ, բայց վստահ եմ, որ մենք հասուն մարդիկ ենք ու տեղի ունեցածը կթողնենք անցյալում»,-Լեկլերի խոսքերն է մեջբերում Sky Sports-ը։

Լեկլեր․ Անձնական հաջողության համար լավ կլիներ երրորդ տեղը զբաղեցնելը

Erik — Thu, 07 Nov 2019 20:24:45 +0000

«Ֆերարիի» ավտոարշավորդ Շարլ Լեկլերը կարծիք է հայտնել 2019 թվականի մրցաշրջանի մասին։

«Ես կարծում եմ՝ մեկնարկային երեք-չորս արշավներից հետո ես դժվար թե կարող էի պատկերացնել, որ նման իրավիճակում եմ լինելու հիմա։ Շատ էի պայքարում որակավորման մրցարշավների վրա։ Ֆրանսիայի Գրան-Պրիից սկսած իրավիճակը փոխվեց։

Այո՛, անձնական հաջողության համար լավ կլինի երրորդ տեղը զբաղեցնելը։ Նախորդ տարի ես պայքարում էի 13-րդ տեղի համար ու չէի կարող պատկերացնել, որ հիմա կլինեմ այստեղ»,-Լեկլերի խոսքերն է մեջբերում crash.net-ը։

Հիշեցնենք, որ 2019 թվականի Ֆորմուլա-1-ի աշխարհի չեմպիոն է հռչակվել Լյուիս Հեմիլթոնը։

Լեկլեր․ Ես բուսակեր չեմ, բայց նման տարբերակ դիտարկում եմ

Erik — Thu, 24 Oct 2019 14:12:59 +0000

«Ֆերարիի» ավտոարշավորդ Շարլ Լեկլերը նշել է, որ իրեն հետաքրքրում է, թե ինչպես է Լյուիս Հեմիլթոնը սնունդ օգտագործում։

«Ես բուսակեր չեմ, բայց, իհարկե, կցանկանամ դրա մասին ավելի շատ բան իմանալ։ Ես ուզում եմ 100 տոկոսով պատրաստ լինեմ ֆիզիկապես։ Ես ունեմ հատուկ ծրագիր դա իրագործելու համար, սակայն դիտարկում եմ նաև բուսակեր դառնալու տարբերակը։

Լյուիսը հիանալի օրինակ է դրա համար։ Սակայն հիմա բոլոր ավտոարշավորդները ունեն իրենց տեսակետը այս հարցի շուրջ» ,-Շարլի խոսքերն է մեջբերում Reuters-ը։

Շարլը նաև խոսել է գալիք մրցաշրջանի մասին՝ նշելով, որ ընթացիկ մրցաշրջանի սխալները թույլ կտան նրան ավելի ուժեղ դառնալ։