Ուիմբլդոնի 2022 թվականի եզրափակչի մասնակից, ավստրալացի թենիսիստ Նիկ Կիրյոսը չի կարողացել դուրս գալ Ավստրալիայի Բաց 2025-ի երկրորդ շրջան։ Մրցաշարի մեկնարկում նա 6։7 (3։7) հաշվով պարտվել է աշխարհի 92-րդ ռակետ, բրիտանացի Ջեյքոբ Ֆերնլիին։  (6:7 (3:7), 3:6, 6:7 (2:7):

Հանդիպումը տևել է 2 ժամ 19 րոպե։

Ավստրալիայի բաց առաջնության երկրորդ շրջանում Ջեյկոբ Ֆերնլին կխաղա ֆրանսիացի Արթուր Կազոյի հետ, որն առաջին շրջանում հաղթել է արգենտինացի Սեբաստիան Բաեսին։

Ավստրալացի թենիսիստ Նիկ Կիրյոսը մեկնաբանել է Տոկիո-2020-ին մասնակցությունից հրաժարվելու որոշումը.

«Ես երազել եմ իմ երկիրը ներկայացնել Օլիմպիական խաղերում: Գիտեմ նաև, որ հնարավոր է՝ այլևս երբեք նման հնարավորություն չունենամ, բայց դրան զուգահեռ ես ինձ լավ եմ ճանաչում: Ինձ անհանգստացնում է այն փաստը, որ տրիբունաներում երկրպագու չի լինելու: Այդպես երբեք չի եղել:

Բացի դրանից, ես վնասվածք ունեմ, և ավելի լավ է այս ընթացքում բուժեմ վնասվածքս, իսկ իմ փոխարեն Տոկիո մեկնի ամբողջովին առողջ թենիսիստ»,-ասել է Կիրյոսը:

Հաղորդվում է, որ Կիրյոսը կմասնակցի Ատլանտայի մրցաշարին:

Թենիսի համաշխարհային դասակարգման 40 համարը խոսել է US OPEN-ի հնարավոր անցկացման մասին.

«Անցկացնե՞լ այդ մրցաշարը: Դա եսասիրություն է: Իհարկե, մենք խոսում է Covid-19-ի առաջացրած պատճառների ու անվտանգության մասին: Իմ կարծիքով, կորտ վերադառնալուց առաջ մենք բոլորով պետք է հաղթահարենք այս վարակը: Հունիսի 9-ին կանադական մի պարբերական գրել էր, որ 2 մլն-ից ավելի վարակակիր կա ԱՄՆ-ում, իսկ առջևում վարակի սրման նոր վտանգ կա:

Այդքանից հետո արժե՞ անցկացնել»,-այս խոսքերը գրելիս Կիրյոսը նշել է Նադալին, Ֆեդերերին ու Ջոկովիչին:

Այս պահին մրցաշարի մեկնարկի օր է նշանակված օգոստոսի 31-ը:

Լեգենդար Քոբի Բրայանտի մահը ցնցեց ամբողջ սպորտային աշխարհը:

Մելբուրնում ընթացող թենիսի Ավստրալիայի բաց առաջնության 1/8 եզրափակչում Նիկ Կիրյոսը՝ Ռաֆայել Նադալի դեմ խաղին կորտ դուրս եկավ Բրայանտի մարզաշապիկով ու արցունքն աչքերին: Երկար ժամանակ, մինչ խաղի մեկնարկը Կիրյոսը չէր կարողանում հանգստանալ:

Բուն խաղում ավստրալացին պարտվեց 4 սեթում՝ 3:6, 6:3, 7:6, 7:6 հաշվով: Նադալը 2 անգամ խլեց մրցակցի մատուցումը՝ մրցակցի 2 գեյմի դիմաց: Կիրյոսի ակտիվում 25 էյս գրանցվեց՝ մրցակցի 12-ի դիմաց:

Քառորդ եզրափակչում Նադալը կխաղա Դոմինիկ Տիմի հետ:

Ավստրալիայի բաց առաջնության 1/16 եզրափակչում կայացավ վերջին հանդիպումը: 1/8 եզրափակչի վերջին ուղեգիրը վիճարկեցին հայազգի Կարեն Խաչանովն ու ավստրալացի Նիկ Կիրյոսը:

Թենիսիստները խաղացին 4 ժամ 24 րոպե: Ի վերջո, 5 սեթում՝ 6:2, 7:6, 6:7, 6:7, 7:6 հաշվով դժվարին հաղթանակ տոնեց ավստրալացին: Ընդ որում, Խաչանովը 0-2 հաշվով պարտվելիս կարողացել է մրցակցի match point-ը չեզոքացնել: Նույնը տեղի է ունեցել 1-2 հաշվի ժամանակ:

Կիրյոսը խլել է մրցակցի 3 մատուցում ու զիջել սեփական մեկը: Խաչանովի ակտիվում գրանցվել է 21 էյս՝ մրցակցի 33-ի դիմաց:

1/8 եզրափակչում կկայանա Նադալ-Կիրյոս հանդիպումը:

Հայկական արմատներով ռուս թենիսիստ Կարեն Խաչանովը դուրս է եկել Ավստրալիայի Բաց առաջնության երրորդ շրջան` 6:2, 2:6, 6:4, 3:6, 7:6 (10:8) հաշվով հաղթելով Շվեդիայի ներկայացուցիչ Միկայել Իմերին: Խաղը 4 ժամ 34 րոպե է տևել:

4-րդ շրջան դուրս գալու համար Խաչանովը կմրցի ավստրալացի Նիկ Կիրյոսի հետ, որը հաղթել է ֆրանսիացի Ժիլ Սիմոնին 6:2, 6:4, 4:6, 7:5 հաշվով:

Հաջորդ շրջան է դուրս եկել նաև իսպանացի Ռաֆայել Նադալը: Երկրորդ շրջանում նա 6:3, 7:6 (7:4), 6:1 հաշվով հաղթել է Արգենտինայի ներկայացուցիչ Ֆեդերիկո Դելբոնիսին: Խաղը 2 ժամ 30 րոպե է տևել:

Չորրորդ շրջան դուրս գալու համար աշխարհի առաջին ռակետը կմրցի իր հայրենակից Պաբլո Կարենյո-Բուստային, որը 6:4, 6:1, 1:6, 6:4 հաշվով հաղթել է գերմանացի Պետեր Գոևչիկին:

Australian Open-ի գործող չեմպիոնն աշխարհի երկրորդ ռակետ Նովակ Ջոկովիչն է:

Հույն թենիսիստ Ստեֆանոս Ցիցիպասը ATP Cup-ում ավստրալացի Նիկ Կիրյոսի հետ խաղի առաջին սեթում պարտվելուց հետո չի կարողացել զսպել էմոցիաներն ու իր աթոռակի մոտ սկսել է կոտրել ռակետը:

Ջարդված ռակետի կտորներից մեկը դիպչել է Ցիցիպասի հոր՝ Ապոստոլոսի ձեռքին ու արյունահոսություն է սկսվել:

Here’s the moment Stefanos Tsitsipas injured his Dad Apostolos when he smashed his racket!!

(@ATPMedia @primevideosport 📹) pic.twitter.com/QDLgJlbrOh

— JC 🎾. (@Joe__Tennis) 7 января 2020 г.

Այս մասին հայտնում է FOX Sports Australlia-ն: Ցիցիպասի հայրն ու նրա մարզիչը ստիպված են եղել դուրս գալ կորտից՝ բժշկական օգնություն ստանալու համար:

Տեսնելով տեղի ունեցածը՝ կորտ է դուրս եկել Ցիցիպասի մայրը՝ Յուլյա Սալնիկովան, ու սկսել է բղավել Ստեֆանոսի վրա:

Ցիցիպասը երկրորդ սեթում ևս չի կարողացել կառավարել էմոցիաներն ու տուգանվել մեկ միավորով՝ ոչ սպորտային պահվածքի համար: Արդյունքում, Ստեֆանոսը 6:7 (7:9), 7:6 (7:3), 6:7 (5:7) հաշվով պարտվել է Կիրյոսին:

Ավստրալիայի հավաքականը դուրս է եկել ATP Cup-ի քառորդ եզրափակիչ, Հունաստանի թիմը ժամանակից շուտ կորցրել է խմբից դուրս գալու շանսերը:

Ավստրալացի թենիսիստ Նիկ Կիրյոսը հայտարարել է սեփական բարեգործական ակցիան սկսելու մասին: Մարզիկը որոշել է օգնել Ավստրալիայի բնակիչներին, որոնք տուժել են անտառային հրդեհների պատճառով.

«Ես սկսում եմ ակցիա՝ ի աջակցություն ամառային հրդեհներից տուժածներին: Ամռանը մասնակցելիք մրցաշարերում կատարած ամեն էյսի դիմաց ես 200 դոլար կնվիրաբերեմ նրանց համար»,- գրել է Կիրյոսը Թվիթերի իր էջում:

I’m kicking off the support for those affected by the fires. I’ll be donating $200 per ace that I hit across all the events I play this summer. #MoreToCome #StayTuned

— Nicholas Kyrgios (@NickKyrgios) 2 января 2020 г.

Անտառային հրդեհների պատճառով վտանգված է ATP Cup թիմային մրցաշարի անցկացումը, որը մեկնարկում է Ավստրալիայում: Կազմակերպիչները հայտարարել են, որ խաղացանկը կազմելիս կխորհրդակցեն բժիշկների հետ:

Հրդեհների պատճառով Ավստրալիայի հարավ-արևելյան ափերում արդեն սկսվել է մարդկանց տարհանումը:

Կիրյոսն ATP-ի վարկանիշային աղյուսակի 30-րդ հորիզոնականն է զբաղեցնում, նա ATP-ի 6 տիտղոս է նվաճել մենախաղում: