Նարեկ Մկրտչյան — Armsport.am

Ծանրամարտի երիտասարդական ԱԱ. Նարեկ Մկրտչյանը՝ աշխարհի փոխչեմպիոն

Suren Sahakyan — Tue, 05 May 2026 18:09:05 +0000

Եգիպտոսի Իսմայիլիա քաղաքում ընթացող ծանրամարտի երիտասարդական աշխարհի առաջնության մրցումային չորրորդ օրը մեդալների համար պայքարի մեջ մտան տղամարդկանց 79 կգ քաշային ծանրորդները: Հայաստանի հավաքականի ներկայացուցիչ Նարեկ Մկրտչյանը փայլուն ելույթ ունեցավ՝ հռչակվելով աշխարհի առաջնության փոխչեմպիոն:

Հայ ծանրորդը պոկում վարժությունում հաջողությամբ գլխավերևում պահեց նախ 145 կգ, ապա 150 կգ կշռող ծանրաձողը: Հրում վարժությունում Մկրտչյանը ֆիքսեց 182 կգ և 186 կգ արդյունքներ, ինչի շնորհիվ այս վարժությունում արժանացավ փոքր բրոնզե մեդալի: Այսպիսով, երկամարտի 336 կգ ցուցանիշով Նարեկ Մկրտչյանը կանգնեց պատվո հարթակի երկրորդ աստիճանին և նվաճեց արծաթե մեդալ:

Հիշեցնենք, որ այսօր ավելի վաղ մրցահարթակ էր դուրս եկել նաև Հայաստանի կանանց հավաքականի ներկայացուցիչ Մերի Միսակյանը, որը 69 կգ քաշայինների պայքարում երկամարտի 209 կգ (94+115) արդյունքով զբաղեցրել էր 6-րդ հորիզոնականը:

Ծանրամարտի երիտասարդների ԱԱ. Հայաստանն այսօր կունենա երկու մասնակից

Gevorg Martirosyan — Tue, 05 May 2026 06:30:00 +0000

Ծանրամարտի երիտասարդների աշխարհի առաջնությունում այսօր՝ մայիսի 5-ին, Հայաստանը կներկայացնի երկու մարզիկ:

Երևանի ժամանակով 17:00-ին պայքարի մեջ կմտնի կանանց 69 կգ քաշային Մերի Միսակյանը, իսկ ավելի ուշ տղամարդկանց 79 կգ քաշային կարգում հարթակ դուրս կգա Նարեկ Մկրտչյանը:

Հիշեցնենք, որ մրցաշարի նախորդ օրը հայ ծանրորդները հաջող ելույթներ էին ունեցել. Նարեկ Գրիգորյանը պոկում վարժությունում նվաճել էր փոքր ոսկե մեդալ, իսկ Հովհաննես Հովհաննիսյանը հրում վարժությունում արժանացել էր փոքր արծաթե մեդալի:

Ծանրամարտի երիտասարդական ԱԱ․ Հայաստանի հավաքականների մրցելույթների ժամանակացույցը

Suren Sahakyan — Tue, 28 Apr 2026 12:57:45 +0000

Հայաստանի ծանրամարտի ֆեդերացիան հրապարակել է Եգիպտոսի Իսմայիլիա քաղաքում կայանալիք աշխարհի երիտասարդական առաջնությունում Հայաստանի հավաքականների մրցելույթների ժամանակացույցը։

Կանայք.

Մայիսի 5-ին ժամը՝ 17:00-ին, 69 կգ՝ Մերի Միսակյան
Մայիսի 6-ին ժամը՝ 20:00-ին, 77 կգ՝ Աննա Ամրոյան
Մայիսի 7-ին ժամը՝ 17:00-ին, 86 կգ՝ Էմմա Պողոսյան

Տղամարդիկ.

Մայիսի 3-ին ժամը՝ 20:00-ին, 65 կգ՝ Արտուշ Գրիգորյան
Մայիսի 4-ին ժամը՝ 17:00-ին, 71 կգ՝ Նարեկ Գրիգորյան ու Հովհաննես Հովհաննիսյան
Մայիսի 5-ին ժամը՝ 20:00-ին, 79 կգ՝ Նարեկ Մկրտչյան
Մայիսի 7-ին ժամը՝ 20:00-ին, 94 կգ՝ Վալերիկ Մովսիսյան
Մայիսի 8-ին ժամը՝ 12:00-ին, 110 կգ՝ Գրիգոր Ղազարյան
Մայիսի 8-ին ժամը՝ 15:00-ին, +110 կգ՝ Գագիկ Մկրտչյան

Նշենք, որ մրցաշարը կանցկացվի մայիսի 2-8-ը։ Մեր ծանրորդների ելույթներին կարող եք հետևել Առաջին ալիքի ուղիղ եթերում։

Նարեկ Մկրտչյանը` Եվրոպայի երիտասարդների փոխչեմպիոն

Gevorg Martirosyan — Fri, 31 Oct 2025 14:16:08 +0000

Ալբանիայի Դյուրես քաղաքում ընթացող ծանրամարտի Եվրոպայի երիտասարդների և մինչև 23 տարեկանների առաջնությունում 79 կգ քաշային ծանրորդների պայքարում Հայաստանի ներկայացուցիչ Նարեկ Մկրտչյանը երկամարտի 338 կգ արդյունքով դարձել է արծաթե մեդալակիր:

Պոկում վարժությունում Նարեկ Մկրտչյանը հաջորդաբար բարձրացրեց 145 և 150 կգ՝ զբաղեցնելով 4-րդ տեղը։

Հրում վարժության առաջին մոտեցմամբ՝ բարձրացնելով 185 կգ, Մկրտչյանը սահմանեց երկամարտի Եվրոպայի նոր ռեկորդ։ Այնուհետև նա հաջողությամբ բարձրացրեց նաև 188 կգ՝ այս վարժությունում գրավելով 2-րդ տեղը։

Ծանրամարտի երիտասարդների և Մ-23 ԵԱ․ Հայաստանն այսօր ունի երկու ներկայացուցիչ

Gevorg Martirosyan — Fri, 31 Oct 2025 07:15:20 +0000

Ալբանիայի Դյուրես քաղաքում ընթացող ծանրամարտի Եվրոպայի երիտասարդների և մինչև 23 տարեկանների առաջնությունների մրցումային չորրորդ օրը Հայաստանն ունի երկու մասնակից։

Այսօր՝ հոկտեմբերի 31-ին, Երևանի ժամանակով 16:00-ին, երիտասարդների պայքարում մրցահարթակ դուրս կգան 79 կգ քաշայիններ Նարեկ Մկրտչյանն ու Մարտին Պողոսյանը։

Ծանրորդների մրցելույթներին հետևելու համար սեղմեք ԱՅՍՏԵՂ

Նշենք, որ մրցաշարը կավարտվի նոյեմբերի 4-ին։

Ծանրամարտի երիտասարդական ԱԱ․ Նարեկ Մկրտչյանի արդյունքը

Suren Sahakyan — Sat, 03 May 2025 06:25:57 +0000

Հայաստանի ծանրամարտի պատանեկան և երիտասարդական հավաքականների անդամները շարունակում են ելույթները Պերուի մայրաքաղաք Լիմայում ընթացող աշխարհի առաջնությունում։

Հայաստանի ծանրամարտի երիտասարդական հավաքականի ներկայացուցիչ, տղամարդկանց 81 կգ քաշային Նարեկ Մկրտչյանը ավարտեց ելույթները մրցաշարում։

Մկրտչյանը պոկում վարժությունում երեք հաջող մոտեցմամբ բարձրացրեց համապատասխանաբար 145 կգ, 149 կգ և 153 կգ։ Այս վարժությունում Նարեկը գրավեց 4-րդ հորիզոնականը։

Հրում վարժությունում Մկրտչյանն անհաջող մասնակցություն ունեցավ, ինչի հետևանքով երկամարտի արդյունք չունի։

Նարեկ Մկրտչյանը՝ ծանրամարտի Եվրոպայի Մ20 տարեկանների առաջնության հաղթող

Վարուժան Բաբայան — Wed, 30 Oct 2024 15:07:16 +0000

Հայաստանի ծանրամարտի պատանեկան հավաքականի ներկայացուցիչ, 81 կգ քաշային Նարեկ Մկրտչյանը երկամարտի 341 կգ արդյունքով (150+191 կգ) ոսկե մեդալ է նվաճել Լեհաստանում ընթացող Մ20 տարեկանների Եվրոպայի առաջնությունում:

Պոկում վարժությունում Մկրտչյանը երեք հաջող մոտեցմամբ ցույց է տվել 150 կգ արդյունք և նվաճել վարժության փոքր բրոնզե մեդալը: Հրում վարժությունում հայ ծանրորդը դարձյալ հաջող է կատարել բոլոր մոտեցումներն ու 191 կգ արդյունքով արժանացել փոքր ոսկե մեդալին:

Ավելի վաղ Եվրոպայի Մ20 տարեկանների առաջնությունում հաղթողի կոչմանն արժանացել էին նաև Ալեքսանդրա Գրիգորյանը (55 կգ), Ժորա Գրիգորյանը (55 կգ): Պատանիների 61 կգ քաշային կարգում Հայաստանի մյուս ներկայացուցիչ Ռաֆիկ Մինասյանը, երկամարտում ցույց տալով 264 կգ արդյունք, դարձել է արծաթե մեդալակիր (119 + 145 կգ):

Մ23 տարեկանների Եվրոպայի առաջնությունում հաղթողի կոչմանն արժանացել էին 61 կգ քաշային Գառնիկ Չոլակյանը և 73 կգ քաշային Գոռ Սահակյանը։