Նաթան Չեն — Armsport.am

Իմ կարծիքով, տարվա լավագույն մարզիչը Հարությունյանն է․ Լեոնովա

Վարուժան Բաբայան — Thu, 02 Jul 2020 06:10:00 +0000

Ռուս գեղասահորդուհի Ալյոնա Լեոնովան պատմել է, թե ով իր կարծիքով պետք է ստանա ISU-ի մրցանակը՝ որպես տարվա լավագույն մարզիչ:

ISU-ի (Չմշկորդների միջազգային միություն) տարվա լավագույն մարզչի թեկնածուներն են Էթերի Տուտբերիձեն, Ռաֆայել Հարությունյանը և Բրայան Օրսերը:

«Այս ցուցակում Տուտբերիձեն արժանի էր հայտնվել հավակնորդների ցուցակում: Նրա բոլոր մարզիկներն այս մրցաշրջանում շատ լավ հանդես եկան: Դժվար է միանգամից ասել, թե ում եմ նախընտրում: Բոլոր երեք մարզիչները արժանի մասնագետներ են:

Հարությունյանն աշխատում է Նաթան Չենի հետ: Օրսերը բերում է Մեդվեդևային այն մարզավիճակին, որը նա ունեցել էր նախկինում: Սա նույնպես շատ մեծ աշխատանք է:

Ինչ-որ մեկին ընտրելը դժվար է, բայց, հավանաբար, կայունությունն է նախ և առաջ վարպետության նշան: Նաթան Չենը կայուն արդյունք է ցույց տալիս գրեթե յուրաքանչյուր մրցաշրջանի մեկնարկից: Հետևաբար, իմ կարծիքով, Ռաֆայել Հարությունյանն է տարվա լավագույն մարզիչը», — մեջբերում է Լեոնովային Р-Спорт-ը:

Նաթան Չենը և Ռաֆաել Հարությունյանը

Գեղասահքում մրցավարության հետ կապված որոշակի խնդիրներ կան․ Չեն

Վարուժան Բաբայան — Thu, 21 May 2020 13:07:00 +0000

Աշխարհի կրկնակի չեմպիոն գեղասահորդ Նաթան Չենը կիսել է իր կարծիքը այն մասին, թե ինչն է պետք բարելավվել գեղասահքում:

«Կարծում եմ, որ մրցավարության հետ կապված որոշ խնդիրներ կան: Պետք է ավելի լավ գնահատել և համակարգել, թե ինչպես են գնահատում գնահատականները, դատելով ամեն ինչից՝ այն շատ սուբյեկտիվ է:

Օրինակ՝ շրջադարձերի խնդիրներ ունենք, երբ չմշկով դիպչելիս շոշափվում է սառույցը մինչև ամբողջ շրջադարձի ավարտը: Սա տեսականորեն պետք է իջեցնի միավորը, բայց հաճախ դա տեղի չի ունենում: Արդյունքում, պետք է լինի որոշակի արդարություն, ուստի ես կցանկանայի տեսնել, արդյոք մենք կարող ենք դա իրականացնել գնահատման համակարգում:

Իհարկե, կան նաև այլ բաներ, որոնք պետք է բարելավվեն. գեղասահորդների մեծ մասը ստանում է կրթություն տանը, երբ նրանք դեռ շատ երիտասարդ են: Հենց այս ժամանակ է, որ երեխաները սովորում են շփվել, սովորում են ամեն ինչ դպրոցում, և ոչ թե սահադաշտում:

Կարծում եմ, որ շատ օգտակար կլիներ դպրոցական համակարգում գեղասահքի ուսումնասիրման ծրագրեր իրականացնել», — մեջբերում է Չենին Medium-ը:

Գեղասահքի Գրան պրի. Չենը առաջ է Հանյուից` կարճ ծրագիրը կատարելով Ազնավուրի երգի ներքո (🎥)

Վարուժան Բաբայան — Sat, 07 Dec 2019 07:11:50 +0000

Թուրինում մեկնարկել է Գեղասահքի Գրան պրիի եզրափակիչը: Առաջինը սահադաշտ դուրս եկան տղամարդիկ` իրենց կարճ ծրագրերով:

Առաջատարը ամերիկացի Նաթան Չենն է: Նա իր ծրագիրը կատարեց Շառլ Ազնավուրի երգի ներքո: Մրցաշարի մյուս ֆավորիտը` Յուզուրու Հանյուն, երկրորդն է կարճ ծրագրի արդյունքներով:

Գեղասահքի Գրան պրիի եզրափակիչ. Թուրին, Իտալիա

Կարճ ծրագիր. Տղամարդիկ

Նաթան Չեն (ԱՄՆ) — 110.38
Յուզուրու Հանյու (Ճապոնիա) — 97.43
Քևին Էյմո (Ֆրանսիա) — 96.71