Ֆրանսիայի հավաքականի նախկին կիսապաշտպան Յուրի Ջորկաեֆը խոսել է Պորտուգալիայի՝ 2026 թվականի Աշխարհի առաջնությունից դուրս մնալու մասին։

«Եթե վերցնեք Կրիշտիանու Ռոնալդուին, թիմը պետք է խաղա նրա համար, իսկ այստեղ դա ընդհանրապես տեղի չէր ունենում։ Ես նրանց հանդերձարանում չէի, բայց կարծում եմ, որ զգացվում էր, որ նրա սեփական թիմակիցները բոյկոտում են նրան։

Նրանք նրան գնդակ չէին տալիս, չէին ստեղծում պայմաններ, որ նա հաջողությամբ խաղա։ Նա 40 տարեկանից բարձր է և միշտ նույն կերպ է խաղում։ Ի՞նչ եք ակնկալում, որ նա կփոխվի։ Ափսոս։ Կամ նրան չեք վերցնում, կամ խաղադաշտ չեք դուրս բերում, բայց եթե նա ներգրավված է, պետք է համոզվեք, որ թիմը խաղում է նրա համար։

Ինձ դուր չեկավ այս տաղանդավոր պորտուգալական թիմում այն, որ բոլոր խնդիրները վերագրում էին Կրիշտիանուին։ Լսեք, ով էլ լինի՝ Վիտինյան, Բրունո Ֆերնանդեշը, մյուս հաղթող խաղացողները, ով էլ լինի՝ նրանք պետք է պատասխանատվություն վերցնեին։ Միայն Կրիշտիանուն չէ, որ ստվեր է գցում բոլորի վրա», — մեջբերում է Ջորկաեֆին RMC-ն։

Միլանի «Ինտերի» հայ կիսապաշտպան Հենրիխ Մխիթարյանը նշել է իր կարծիքով «Ինտերի» պատմության երեք մեծագույն լեգենդներին։

«Սա իմ չորրորդ մրցաշրջանն է այստեղ, «Ինտերը» հիմա իմ կյանքն է, իմ երկրորդ տունը։ Ովքե՞ր են իմ երեք լեգենդները «Ինտերի» կազմում։ Ռոնալդո, Ձանետի և Ջորկաեֆ», Մխիթարյանի խոսքերն է մեջբերում fcinternews-ը։

Ընթացիկ մրցաշրջանում հայ կիսապաշտպանը «Ինտերի» կազմում մասնակցել է 5 հանդիպման։ «Օձերի» հետ գործող պայմանագրի ժամկետը նախատեսված է մինչև 2026 թվականի ամառը։ Transfermarkt-ը Մխիթարյանի տրանսֆերային արժեքը գնահատում է 4 միլիոն եվրո։

Լիսաբոնի «Ժոզե Ալվալադե» մարզադաշտում անցկացվեց բարեգործական Legends Charity Game-ը, որը միավորեց ֆուտբոլի լեգենդներին և գրավեց հազարավոր երկրպագուների: Խաղը ոչ միայն սպորտային տոն էր, այլև բարեգործական առաքելություն՝ նպատակ ունենալով հավաքել 1 միլիոն եվրո Պորտուգալիայի և Ուկրաինայի բարեգործական կազմակերպությունների համար:

Պորտուգալիայի լեգենդները վճռականորեն մտան խաղ՝ սկզբից սահմանելով իրենց գերակայությունը: Առաջին գոլը խփեց Պեդրու Պաուլետան՝ Ռիկարդու Կուարեժմայի փայլուն փոխանցումից հետո: Շուտով Էլդեր Պոշտիգան կրկնապատկեց առավելությունը՝ ցուցադրելով վստահ խաղ: Կուարեժման, չնայած դեռ ակտիվ կարիերային, աչքի ընկավ իր տեխնիկայով և ճշգրիտ փոխանցումներով:

Հանդիպման ֆոտոշարքը

Երկրորդ խաղակեսում Լուիշ Ֆիգուն դարձավ խաղի աստղը: Նա նախ օգնեց Պոշտիգային խփել երրորդ գոլը, ապա ինքը գեղեցիկ խաբեությամբ անցավ Կարագունիսին և հաշիվը դարձրեց 3:1: Վերջում Պեպեն, օգտվելով Էլիզեուի փոխանցումից, գլխի հարվածով ամրագրեց Պորտուգալիայի հաղթանակը՝ 4:1:

«Աշխարհի թիմի» կազմում միակ գոլը խփեց Մայքլ Օուենը՝ Ալեսանդրո Դել Պիերոյի փոխանցումից հետո: Դել Պիերոն նաև մասնակցեց մեկ այլ վտանգավոր պահի, սակայն Յուրի Ջորկաեֆի չիրացված 11 մետրանոցին հաջորդած գոլը չեղարկվեց կանոնների խախտման պատճառով:

Հանդիպման առանձնահատուկ պահերից էր ուկրաինացի բռնցքամարտիկ Ալեքսանդր Ուսիկի մասնակցությունը: Նա խաղաց «Աշխարհի թիմի» կազմում և կարճ ժամանակում կատարեց մի քանի ճշգրիտ փոխանցումներ՝ զարմացնելով երկրպագուներին:

Մեկնարկային կազմերը՝

Պորտուգալիա՝ Վիտոր Բայա, Բրունու Ալվեշ, Ֆաբիու Կոենտրաու, Նանի, Ռիկարդու Կուարեժմա, Պեպե, Ժոզե Բոսինգվա, Լուիշ Ֆիգու, Պեդրու Պաուլետա, Մանիշ, Տիագու

Պահեստայիններ՝ Բետո, Ռիկարդու Կարվալյու, Դեկու, Ժորժե Անդրադե, Դանի, Նունու Գոմեշ, Էլդեր Պոշտիգա, Էլիզեու, Սիմաու

Գլխավոր մարզիչ՝ Կոշտինյա

Աշխարհի թիմ՝ Պետր Չեխ, Մարեկ Համշիկ, Խավիեր Զանետի, Կառլես Պույոլ, Գաիսկա Մենդետա, Հենրիկ Լարսոն, Կրիստիան Կարամբյո, Կակա, Մարկո Մատերացի, Ջոն Թերի, Խավիեր Սավիոլա

Պահեստայիններ՝ Էդվին վան դեր Սար, Ռոբերտո Կառլոս, Ալեսանդրո Դել Պիերո, Խրիստո Ստոյչկով, Մայքլ Օուեն, Գեորջի Հաջի, Յուրի Ջորկաեֆ, Օլեքսանդր Ուսիկ, Կրասիմիր Բալակով, Յորգոս Կարագունիս

Գլխավոր մարզիչ՝ Ռոբերտո Կառլոս

Հանդիպման գոլերի տեսանյութը

Այսօր՝ մայիսի 31-ին, Մյունխենում կկայանա Չեմպիոնների լիգայի 2024/25 մրցաշրջանի եզրափակիչը, որտեղ կմրցեն ֆրանսիական ՊՍԺ-ն և իտալական «Ինտերը»: 

Corriere della Sera-ն հարցազրույց է ունեցել ֆրանսիական ֆուտբոլի լեգենդ Յուրի Ջորկաեֆի հետ, ով խորհրդանշական կերպար է ինչպես ՊՍԺ-ի, այնպես էլ «Ինտերի» երկրպագուների համար: Ջորկաեֆը, ով 1995/96 մրցաշրջանում ՊՍԺ-ի կազմում նվաճել է Գավաթակիրների գավաթը, իսկ 1996-1999 թվականներին «Ինտերի» կազմում դարձել է ՈւԵՖԱ-ի Գավաթի հաղթող (1998)։

Ջորկաեֆի համար այս եզրափակիչը յուրահատուկ է, քանի որ կապված է իր կարիերայի երկու կարևոր ակումբների հետ:

«Սա սրտիս հանդիպումն է: Ես շատ բան եմ արել այս երկու ակումբների համար, բայց հատկապես կարևոր են Իտալիայում անցկացրած տարիներս, որտեղ ծնվել են իմ երկու երեխաները», — նշել է նա:

Ջորկաեֆը ընդգծել է, որ ՊՍԺ-ն ավելի մեծ ճնշման տակ է, քանի որ նրանք դեռ չեն նվաճել Չեմպիոնների լիգայի տիտղոսը, սակայն «Ինտերն» էլ իր հերթին մոտիվացված է՝ փոխհատուցելու այս մրցաշրջանում Սկուդետտոյի կորուստը:

Ջորկաեֆը ջերմությամբ է խոսել Հենրիխ Մխիթարյանի մասին, հիշելով մի հետաքրքիր պահ․ «Ճիշտ է, ես նրա հետ լուսանկար ունեմ, երբ նա դեռ երեխա էր: Շատ ուրախ եմ Հենրիխ Մխիթարյանի և նրա ընտանիքի համար: Նրանք իսկապես արժեքներով մարդիկ են: Հենրիխը ողջ աշխարհում բարձր է պահում Հայաստանի դրոշը»,- նշել է Ջորկաեֆը։

Ֆրանսիայի ազգային հավաքականի և իտալական «Ռոմայի» նախկին պաշտպան Վենսան Կանդելան РБ Спорт-ին տված հարցազրույցի ժամանակ խոսել է Հայաստանի ընտրանու նախկին կիսապաշտպան Հենրիխ Մխիթարյանի մասին, ինչպես նաև նշել, թե ով է Հայաստանի ֆուտբոլի պատմության լավագույն ֆուտբոլիստը։

«Մխիթարյանը շատ խելացի և ինտելիգենտ ֆուտբոլիստ է։ Ես բազմիցս տեսել եմ, թե ինչպես է նա խաղում «Ռոմայի» կազմում։ Հիմա նա շատ կարևոր դեր է կատարում «Ինտերում»։ Եվ երբ մենք նրա հետ շփվում էինք Հայաստանում՝ իմ ընկերոջ և Ֆրանսիայի հավաքականի նախկին խաղընկեր Յուրի Ջորկաեֆի ծննդյան օրը, ով նույնպես ազգությամբ հայ է, ես ևս մեկ անգամ համոզվեցի, թե ինչ խելացի և ինտելիգենտ մարդ է Հենրիխը։

Յուրին Ֆրանսիայի հավաքականի կազմում դարձել է աշխարհի չեմպիոն (ծիծաղում է)։ Անկասկած, Հենրիխը շատ կարևոր ֆուտբոլիստ է Հայաստանի համար։ Բայց իմ կարծիքով, ոչ թե Մխիթարյանը, այլ Ջորկաեֆն է հայկական ֆուտբոլի պատմության լավագույն խաղացողը», – նշել է Կանդելան։

ՀՖՖ նախագահ Արմեն Մելիքբեկյանը հանդիպել է աշխարհահռչակ ֆուտբոլիստ, Աշխարհի 1998 թվականի և Եվրոպայի 2000 թվականի չեմպիոն, ՖԻՖԱ-ի հիմնադրամի գործադիր տնօրեն Յուրի Ջորկաեֆֆի հետ: Այս մասին տեղեկացնում է ՀՖՖ պաշտոնական կայքը:

Հանդիմանը ներկա էր նաև Դենիս Ջորկաեֆֆը, ով ֆրանսիական Դեսին քաղաքի փոխքաղաքապետն է և ՀՖՖ նախագահի՝ միջազգային հարցերով խորհրդականը:

Հանդիպման ընթացքում Արմեն Մելիքբեկյանը և Ջորկաեֆֆ եղբայրները քննարկել են ՀՖՖ-ի և ՖԻՖԱ-ի հիմնադրամի հետագա համագործակցության հետ կապված մի շարք հարցեր, զրուցել են հայկական ֆուտբոլի զարգացման հեռանկարների շուրջ:

ՀՖՖ նախագահ Արմեն Մելիքբեկյանը Յուրի Ջորկաեֆֆին նվիրել է Հայաստանի ազգային հավաքականի 6, իսկ Դենիս Ջորկաեֆֆին՝ 10 համարի անվանական մարզաշապիկներ:

Հայաստանի բարի կամքի դեսպան, աշխարհի ու Եվրոպայի չեմպիոն Յուրի Ջորկաեֆը, Արցախի բնակավայրերին օգնելու նախաձեռնությամբ հանդես եկած «Մենք հայ ենք» միասնական բարեգործական հիմնադրամ է այցելել: Այս մասին տեղեկացնում է Հ1-ը:

Կամավորները զբաղված են Արցախ հագուստ և սնունդ մատակարարելու, նաև արցախցիներին իրենց տներ վերադարձին աջակցելու աշխատանքով:

Ֆրանսահայ լեգենդար ֆուտբոլիստ, աշխարհի ու Եվրոպայի չեմպիոն Յուրի Ջորկաեֆի կյանքում իր ուրույն տեղն ու նշանակությունն ունի իր պատմական հայրենիքն ու այն ամենն, ինչ կապված է Հայաստանի հետ:

Հայոց Ցեղասպանության 105-րդ տարելիցի կապակցությամբ առաջարկում ենք վերհիշել Ջորկաեֆի կյանքից մի քանի դրվագ, որոնք լավագույնս արտացոլում են լեգենդար հայի անհանդուրժողականությունը՝ հայ ժողովրդի հանդեպ իրականացված ամենադաժան ոճրագործությանը:

Ջորկաեֆին, թերևս, սիրել ու սիրում են ամենուր, միայն ոչ՝ Թուրքիայում: 1998 թվականի օգոստոսին պաշտոնական Անկարան նույնիսկ հայտարարեց, որ աշխարհի հավաքականի կազմում Յուրի Ջորկաեֆի՝ Թուրքիա ժամանելը ցանկալի չէ. իսկ այցի նպատակը լինելու էր Թուրքիայի հավաքականի հետ ընկերական խաղը՝ նվիրված Թուրքիայի Հանրապետության կազմավորման 75-ամյակին: Ջորկաեֆին, ամեն դեպքում, ընդգրկեցին աշխարհի հավաքականի կազմում, ինչն Անկարան որպես անձնական վիրավորանք ընդունեց:

Ճիշտ է՝ Ջորկաեֆը, որն ակտիվորեն օգտագործում էր իր հնարավորությունները Հայոց ցեղասպանության միջազգային ճանաչման գործում, հայտարարեց, որ ինքն անձամբ չի ցանկանում մեկնել Ստամբուլ՝ ցուցադրական խաղին մասնակցելու համար, և չմեկնեց: Նույնը տեղի ունեցավ նաև 2 տարի անց, երբ Յուրին հրաժարվեց Ֆրանսիայի հավաքականի կազմում մասնակցել թուրքերի հետ ընկերական խաղին, իսկ մոտ 3 ամիս անց աշխարհի մեկ այլ չեմպիոն Ալեն Բոգոսյանի հետ շնորհակալություն հայտնեց Ֆրանսիային՝ Հայոց ցեղասպանությունը պաշտոնապես ճանաչելու համար:

Իսկ Թուրքիայի՝ Ջորկաեֆի հանդեպ «ատելությունը» գալիս է դեռ ՈՒԵՖԱ-ի Գավաթի 1993/94 մրցաշրջանի խմբային մրցաշարից, երբ Յուրին, հանդես գալով «Մոնակոյի» կազմում, գրավեց «Գալաթասարայի» դարպասն ու խաղից հետո հայտարարեց, որ դա իր պատասխանն էր թուրքերի կողմից դարասկզբին իրականացրած վայրագություններին:

Անկասկած, Թուրքիայում դա չմոռացան:

ֆուտբոլային աստղերը միացել են ՖԻՖԱ-ի՝ մարդկանց՝ կորոնավիրուսով վարակվելուց խուսափելու կոչին: Նրանց թվում է եղել նաև ֆրանսահայ ֆոտբոլիստ Յուրի Ջորկաեֆը, ինչպես նաև Սամուել Էտո՛օն:

Յուրի Ջորկաեֆ.

«Ամեն ինչ սկսվում է Ձեր ձեռքերից։ Խնդրում ենք, որ պարբերաբար լվանաք Ձեր ձեռքերը օճառով կամ ալկոհոլի հիմքի վրա ստեղծված լուծույթներով։ Խուսափեք ձեռքերով հպվելուց Ձեր իսկ դեմքին, մասնավորապես՝ քթին, բերանին, շուրթերին։ Դա կօգնի, որ դուք խուսափեք վիրուսով վարակվելուց:

Լաուրա Գեորգիես.

Արմունկով փակեք Ձեր բերանը, երբ հազում եք կամ փռշտում։ Հասարակությունում Ձեր պարտքն է կատարել մեկ քայլ հետ ու պահպանել տարածություն։ Հատկապես, մեկ մետր տարածություն պահպանեք մարդկանցից, որոնք հազում են կամ փռշտում։

Սամուել Էտօ՛ո.
Եթե Ձեզ վատառողջ եք զգում, մնացեք տանը և առհասարակ շատ կարևոր է, որ դուք հետևեք Ձեր տեղական պետական մարմինների ամեն տեսակ հրահանգներին։

Աշխարհի և Եվրոպայի չեմպիոն, ֆրանսահայ Յուրի Ջորկաեֆը այսօր՝ մարտի 9-ին, նշում է ծննդյան 52-րդ տարեդարձը:

ArmSport-ը շնորհավորում է մեր հավաքականի ֆուտբոլիստին` ծննդյան օրվա առթիվ, մաղթում առանց վնասվածքների կարիերա և նորանոր հաջողություններ։

Յուրի Ջորկաեֆը (ծնվ. 1968թ) իր պրոֆեսիոնալ կարիերան սկսել է 16 տարեկանում։ 22 տարվա ֆուտբոլային կարիերայի լավագույն պահերը Ջորկաեֆն ապրել է Ֆրանսիական ազգային հավաքականի հետ։ Կապույտների կազմում նա 1998–ին դարձել է աշխարհի, 2000–ին՝ Եվրոպայի չեմպիոն։ Կարիերան ավարտել է 2006–ին։