յուրա-մովսիսյան — Armsport.am

Սպերցյանը՝ հավաքականի պատմության ամենաարագ գոլի հեղինակ

Նարե Հովհաննիսյան — Thu, 12 Jun 2025 16:12:07 +0000

Հայաստանի հավաքականի կիսապաշտան Էդուարդ Սպերցյանը դարձել է հավաքականի պատմության ամենաարագ գոլի հեղինակը:

Սպերցյանը Չեռնոգորիայի դեմ վերջերս տեղի ունեցած հանդիպման 24-րդ վայրկյանին է դարձել գոլի հեղինակ:

Այս կերպ նա շրջանցել է հավաքականի նախկին հարձակվող Յուրա Մովսիսյանին, որը 2013 Դանիայի դեմ արտագնա խաղում գոլ էր խփել խաղի արդեն 26-րդ րոպեին:

Ավելի արժանի չեմպիոնություն հնարավոր չէ պատկերացնել․ Մովսիսյանը շնորհավորել է Կրասնոդարին և Սպերցյանին

Նարե Հովհաննիսյան — Sun, 25 May 2025 06:34:34 +0000

Հայաստանի ազգային հավաքականի և «Կրասնոդարի» նախկին հարձակվող Յուրա Մովսիսյանը ֆեյսբուքյան իր էջում կատարած գրառմամբ շնորհավորել է ռուսական ակումբին՝ պատմության մեջ առաջին չեմպիոնության առթիվ։

«Շնորհավորում եմ Կրասնոդար քաղաքին և Սերգեյ Գալիցկիին։ Շատ հպարտ եմ այս նվաճմամբ։ Առաջին օրվանից մինչև այսօր ճանապարը շատ երկար էր։ Դա Գալիցկիի տեսլականն էր, և ես չեմ կարող պատկերացնել ավելի արժանի չեմպիոնություն։ Մեծ պատիվ է երբևէ այս նախագծի մի մասնիկը լինելը։

Հպարտ եմ թիմով և Էդուարդ Սպերցյանով՝ իրենց նվաճումների համար»,- գրել է Մովսիսյանը և արխիվային լուսանկարներ հրապարակել։

Յակինն այդպես էլ չբացատրեց Օզբիլիսի՝ Սպարտակ-2 տեղափոխվելու պատճառները. Մովսիսյան

Նարե Հովհաննիսյան — Thu, 06 Mar 2025 17:47:30 +0000

«Սպարտակի» և Հայաստանի հավաքականի նախկին հարձակվող Յուրա Մովսիսյանը նշել է, որ չի հասկացել կարմիր-սպիտակների նախկին մարզիչ Մուրատ Յակինի որոշումը՝ մոսկովյան ակումբի նախկին ֆուտբոլիստ Արաս Օզբիլիսիին հիմնական թիմից հեռացնելու վերաբերյալ։

«Ինձ համար կարևոր է քաղաքականությունն ու ֆուտբոլը տարանջատելը, պրոֆեսիոնալ լինելը։ Երբ Յակինը առաջին անգամ եկավ «Սպարտակ», ամեն ինչ հիանալի էր, ուղղակի հրաշալի։ Բայց որոշ բացասական բաներ, ցավոք, իսկապես սկսեցին տեղի ունենալ: Դա վատ է, բայց, գիտեք, միևնույն ժամանակ դա մեծ փորձ է, որն ինձ շատ բան սովորեցրեց։

Ես չգիտեմ, արդյոք սա իրականում ճիշտ է, բայց Արասին Յակինը երկրորդ թիմ է ուղարկել ապրիլի 24-ին՝ Հայոց ցեղասպանության զոհերի հիշատակի օրը։ Իհարկե, դա ինձ դուր չեկավ, և ես ուղղակիորեն ցույց տվեցի իմ հիասթափությունը։ Չեմ պատկերացնում, թե որն էր այս որոշման պատճառը, բայց Արասն իմ ընկերն է։ Իհարկե, դա ազդեց ինձ վրա: Միգուցե այս որոշումը կապված էր այլ բաների հետ, բայց ես շատ շիտակ մարդ եմ, ուստի այդ մասին խոսեցի Յակինի հետ։ Ես ուզում էի հասկանալ, թե ինչ է կատարվում: Ես իրականում չեմ կարծում, որ քաղաքականությունն այս հարցում մեծ դեր է խաղացել։ Յակինը, հավանաբար, այնքան էլ գոհ չէր Ռուսաստանում անցկացրած ժամանակից։

Յակինն այդպես էլ չբացատրեց այս որոշումը։ Արասն իմ եղբայրն է, ինձ համար կարևոր էր մի բան ասել։ Սա լավ է: Տարբերակները կարող են տարբեր լինել, բայց դա չէր կարող հենց այնպես պատահել: Պատճառ կար: Եվ սա, իհարկե, մեծ ազդեցություն ունեցավ ինձ վրա։ Անկեղծ ասած, դրանից հետո չեմ հիշում Յակինի հետ մեր երկխոսությունը։ Բայց եթե ինչ-որ բան ինձ դուր չէր գալիս, ես միշտ խոսում էի դրա մասին, չէի պահում իմ մեջ: Սա է իմ անհատականությունը»,- Մովսիսյանի խոսքերն է փոխանցում «Championat.com»-ը։

Թուրքական արմատներ ունեցող մարզիչը «Սպարտակը» մարզել է 2014-ից 2015 թվականներին։

Մովսիսյանը հույս է հայտնել՝ Հայաստանի և Ռուսաստանի հավաքականներն ընկերական խաղ կանցկացնեն

Նարե Հովհաննիսյան — Thu, 06 Mar 2025 15:15:44 +0000

Հայաստանի հավաքականի և Մոսկվայի «Սպարտակի» նախկին հարձակվող Յուրա Մովսիսյանը խոսել է Ռուսաստանի հավաքականի հեռանկարների մասին. նա հույս է հայտնել, որ Ռուսաստանի հավաքականը մոտ ապագայում կկարողանա խաղալ Հայաստանի և ԱՄՆ-ի հետ։

«Ռուսաստանի հավաքականը կարո՞ղ է խաղալ Հայաստանի հետ. ես իսկապես հույս ունեմ: Նաև հույս ունեմ, որ Ռուսաստանը կկարողանա խաղալ ԱՄՆ-ի հետ (ժպտում է)։ Պետք է սպորտից հանել քաղաքականությունը: Ինչ էլ ասեն քաղաքական գործիչները, չպետք է դա ազդի սպորտի վրա: Ռուսաստանն ու ԱՄՆ-ն կարող են ընկերական խաղեր անցկացնել, Հայաստանն ու ԱՄՆ-ը՝ ևս կարող են: Մարզիկները պարզապես իրենց գործն են անում.:

Հուսով եմ, որ դա տեղի կունենա»,- Մովսիսյանի խոսքերն է փոխանցում Championat.com-ը:

Անգամ 0:8 հաշիվն աշխարհի վերջը չէ. Մովսիսյանը՝ Նոայի՝ Չելսիից կրած պարտության մասին

Նարե Հովհաննիսյան — Thu, 06 Mar 2025 14:33:43 +0000

Հայաստանի հավաքականի նախկին ֆուտբոլիստ Յուրա Մովսիսյանը ծավալուն հարցազրույց է տվել Championat.com-ին, որի ընթացքում խոսել է նաև Կոնֆերենցիաների լիգայի ընդհանուր փուլում «Նոայի»՝ Լոնդոնի «Չելսիի» հետ արտագնա հանդիպման մասին։

2024 թվականի նոյեմբերին կայացած խաղում անգլիական ակումբը ավարտվել անգլիական ակումբի հաղթանակով՝ 8։0 հաշվով։

«Մենք խոսում ենք Անգլիայի լավագույն թիմերից մեկի մասին։ «Նոայի» խաղացողներից շատերն առաջին անգամ էին հանդես գալիս այս մակարդակով: Նույնիսկ 0:8-ն այս դեպքում աշխարհի վերջը չէ: Առաջին հերթին դա հնարավորություն է։ Իսկ «Չելսին» հաղթել է «Նոայից» շատ ավելի ուժեղ թիմերի՝ դարձյալ խոշոր հաշիվներով: Ամեն դեպքում, սա մի քայլ առաջ է թե՛ մեր, թե՛ խաղացողների, թե՛ ակումբների համար։

Այսուհետ հայկական թիմերն ավելի ու ավելի են ուժեղանալու։ Չպետք է մոռանալ, որ սա «Չելսին» էր, և ոչ, ասենք, «Բոլոնիան» կամ այլ միջին թիմ։ 65 հազար հանդիսական այս խաղում, սա նույնպես առաջին անգամ էր տեղի ունենում այդ հանդիպմանը մասնակցած «Նոայի» խաղացողներից շատերի կյանքում։ Հեշտ չէ, հավատացեք»,- ասել է հայ ֆուտբոլիստը:

Աղոթում եմ, որ մարդիկ ապահով լինեն և վերադառնան իրենց տարածքները. Յուրա Մովսիսյանը՝ ԼՂ-ի մասին

Նարե Հովհաննիսյան — Thu, 06 Mar 2025 14:05:58 +0000

Հայաստանի հավաքականի նախկին հարձակվող Յուրա Մովսիսյանը պատմել է, թե ինչպես է ընդունել Լեռնային Ղարաբաղում տեղի ունեցած իրադարձությունները։

«Իհարկե, բոլորի համար շատ դժվար ժամանակներ էին։ Շատ տխուր է։ Մարդիկ մահանում էին։ Ես հավատում եմ, որ մի օր յուրաքանչյուրը կստանա այն, ինչին արժանի է։ Ղարաբաղյան իրադարձությունները պատմության ևս մեկ պահ են, ինչպես ցեղասպանությունը, որը չափազանց ծանր է ողջ հայ ժողովրդի համար։ Հուսով եմ և աղոթում եմ, որ մարդիկ ապահով լինեն և վերադառնան իրենց տարածքները»,- ասել է Մովսիսյանը Championat-ի հետ զրույցում:

Կյանքիս լավագույն հիշողությունները կապված են խաղադաշտում իմ երկիրը ներկայացնելու հետ. Յուրա Մովսիսյան

Նարե Հովհաննիսյան — Thu, 10 Oct 2024 05:37:01 +0000

Հայաստանի հավաքականի նախկին հարձակվող Յուրա Մովսիսյանը գրառում է կատարել ֆեյսբուքի իր էջում.

«Վերհիշելով Հայաստանի հետ անցկացրած իմ օրերը: Կյանքիս լավագույն հիշողություններից որոշները կապված են խաղադաշտում իմ երկիրը ներկայացնելու հետ:

Հայաստանի ազգային թիմին մաղթում եմ ուժ, հաջողություն և անմոռանալի պահեր Ֆարերյան կղզիների հետ կայանալիք խաղում:

Առա՜ջ, հպարտություն պարգևեք մեզ»,- գրել է Մովսիսյանն ու Մխիթարյանի հետ արխիվային լուսանկար հրապարակել:

Եկե՛ք անենք դա․ Յուրա Մովսիսյանն աջակցել է հավաքականին Գերմանիայի հետ խաղից առաջ

Նարե Հովհաննիսյան — Fri, 03 Sep 2021 13:52:59 +0000

Հայաստանի ազգային հավաքականի նախկին հարձակվող , Հարավային Ամերիկայում ՀՖՖ դեսպան Յուրա Մովսիսյանը ԱԱ-2022-ի ընտրական փուլի 5-րդ մրցափուլի՝ Գերմանիայի հետ կայանալիք խաղից առաջ գրառում է կատարել ֆեյսբուքի իր էջում՝ աջակցություն հայտնելով մեր ընտրանուն․

«Այս կիրակի մեծ խաղ ունենք Գերմանիայում, տղաներ։

Եկե՛ք անենք դա»,- գրել է Մովսիսյանն ու հրապարկել J խմբի մրցաշարային աղյուսակը, որն այս պահին գլխավորում է հենց Հայաստանի հավաքականը՝ 4 տուրից հետո վաստակած 10 միավոր։ Գերմանիայի հավաքականը 9 միավորով երկրորդ տեղում է։

Գերմանիա-Հայաստան հանդիպումը կկայանա կիրակի՝ սեպտեմբերի 5-ին, Շտուտգարտի «Մերսեդես Բենց Արենա» մարզադաշտում և կմեկնարկի Երևանի ժամանակով 22։45-ին։

Յուրա Մովսիսյանը նշում է ծննդյան տարեդարձը

Նարե Հովհաննիսյան — Mon, 02 Aug 2021 07:53:17 +0000

Հայաստանի ազգային հավաքականի նախկին հարձակվող, այժմ Հարավային Ամերիկայում ՀՖՖ դեսպան Յուրա Մովսիսյանն այսօր՝ օգոստոսի 2-ին, նշում է ծննդյան 34-րդ տարեդարձը։

2010 թվականի օգոստոսի 11-ին Մովսիսյանն իր առաջին հանդիպումն անցկացրեց Հայաստանի հավաքականի կազմում։ Հրազդան մարզադաշտում կայացած Հայաստան-Իրան խաղում, որ մեր ընտրանին 1-3 հաշվով պարտություն կրեց, Յուրան խաղադաշտում անցկացրեց ընդամենը 15 րոպե՝ թեթև վնասվածքի պատճառով։ Հայաստանի հավաքականի կազմում իր առաջին գնդակը Մովսիսյանը հեղինակել է 2010 թ.-ի սեպտեմբերի 3-ին՝ բացելով Մակեդոնիայի հետ արտագնա խաղի հաշիվը (2-2)։

Շնորհավորում ենք մեր հավաքականի պատմության լավագույն ֆուտբոլիստներից մեկին ծննդյան օրվա առթիվ՝ մաղթում առողջություն և հաջողություններ նոր նախաձեռնություններում։

Հայաստանի ֆուտբոլի ֆեդերացիան ևս արդեն շնորհավորել է Մովսիսյանին․

«Հայաստանի ազգային հավաքականի մրցակիցների ահ ու սարսափ Յուրա Մովսիսյանն այսօր նշում է իր ծննդյան տարեդարձը։
Շնորհավոր ծնունդդ, Յուրա´»,- ասվում է ֆեդերացիայի տարածած հաղորդագրության մեջ։

Մեր բոլոր աղոթքները Էրիկսենի հետ են․ Յուրա Մովսիսյանի գրառումը

Նարե Հովհաննիսյան — Sun, 13 Jun 2021 08:02:21 +0000

Հայաստանի ազգային հավաքականի նախկին դեսպան, Հյուսիսային Ամերիկայում ՀՖՖ դեսպան Յուրա Մովսիսյանը ֆեսյբուքյան էջում կատարած գրառմամբ աջակցել է Դանիայի հավաքականի առաջատար Քրիստիան Էրիկսենին, որը Ֆինլանդիայի հետ ԵՎՐՈ-ի խաղում կորցրել էր գիտակցությունն ու տեղափոխվել հիվանդանոց․

«Մեր բոլոր աղոթքները Քրիստիան Էրիկսենի հետ են»,- գրել է Մովսիսյանը։

Հիշեցնենք՝ դեպքը տեղի է ունեցել առաջին խաղակեսի վերջնամասում: 29-ամյա ֆուտբոլիստը, առանց որևէ մեկին բախվելու, հայտնվեց խոտածածկին ու միայն բժիշկների երկարատև օգնությունից հետո կարողացավ գիտակցության գալ։ Էրիկսենը տեղափոխվել է Կոպենհագենի հիվանդանոցներից մեկը։ Բարեբախտաբար, նրա վիճակը կայունացել է։