Ըստ ՈւԵՖԱ-ի պաշտոնական կայքի՝ հայտնի են դարձել Ֆուտզալի Չեմպիոնների լիգայի հիմնական փուլի վիճակահանության արդյունքները։

Հայաստանի չեմպիոն և եվրագավաթներում դեբյուտանտ «Յունիսպորտը» ընդգրկվել է «B» ուղու (Path B) 6-րդ խմբում, որտեղ նրա մրցակիցներն են լինելու.

• «Կաունո Ժալգիրիս» (Լիտվա) – Խմբի ամենափորձառու թիմն ու Լիտվայի բազմակի չեմպիոնը:
• «Դիֆերդանժ 03» (Լյուքսեմբուրգ) – Խմբային այս մինի-մրցաշարի տանտերը:
• «Դուկաս» (Հունաստան) – Թիմ, որը հայկական ակումբի պես հիմնական փուլ է դուրս եկել նախնական որակավորման փուլը հաղթահարելուց հետո:

Հիմնական փուլի հանդիպումները կանցկացվեն հոկտեմբերի 27-ից նոյեմբերի 1-ը Լյուքսեմբուրգում: Կարևոր է նշել, որ «B» ուղում ընդգրկված խմբերից հաջորդ՝ 1/8 եզրափակիչ փուլի ուղեգիր է նվաճելու միայն առաջին հորիզոնականը զբաղեցրած թիմը: Միևնույն ժամանակ, ՈւԵՖԱ-ի որոշմամբ՝ երևանյան ակումբը հատուկ տեղափոխվել է 6-րդ խումբ՝ բացառելով հայ-ադրբեջանական հնարավոր հանդիպումը 5-րդ խմբում հայտնված «Արազ-Նախիջևանի» հետ:

Տպավորիչ ճանապարհ նախնական փուլում

Երևանում կայացած E խմբի նախնական փուլում հայկական թիմը գրանցել էր բացարձակ՝ 100-տոկոսանոց արդյունք։ Ալեքսանդր Դիբրիվնու գլխավորած թիմը վաստակել էր առավելագույն 9 միավոր: Երևանյան ակումբը հաջորդաբար 14-1 հաշվով ջախջախել էր իսլանդական «Ռեյկյավիկին», 5-1 հաշվով առավելության հասել էստոնական «Տալլինի» նկատմամբ և խմբի վերջին՝ վճռորոշ խաղում տպավորիչ հաղթանակ տարել Գերմանիայի չեմպիոն «Վայլիմդորֆի» նկատմամբ՝ 5-2 հաշվով:

Ֆուտզալի Հայաստանի չեմպիոն «Յունիսպորտը» նվաճեց ՈւԵՖԱ-ի Չեմպիոնների լիգայի 2026/27 մրցաշրջանի հիմնական փուլի ուղեգիր։

Երևանում կայացած նախնական փուլի վերջին խաղում հայկական թիմը 5:2 հաշվով տպավորիչ հաղթանակ տարավ Գերմանիայի չեմպիոն «Վայլիմդորֆի» նկատմամբ:

«Յունիսպորտը» խմբային փուլն ավարտեց 100-տոկոսանոց ցուցանիշով՝ հաղթելով բոլոր երեք հանդիպումներում։ Ավելի վաղ երևանյան ակումբը 14:1 հաշվով ջախջախել էր իսլանդական «Ռեյկյավիկին» և 5:1 հաշվով առավելության հասել էստոնական «Տալինի» նկատմամբ:

Չեմպիոնների լիգայի հիմնական փուլը կմեկնարկի հոկտեմբերի վերջին։

Երևանում շարունակվում է ՈւԵՖԱ-ի ֆուտզալի Չեմպիոնների լիգայի նախնական փուլի E խմբի հանդիպումները։ Հայաստանի չեմպիոն «Յունիսպորտը» եվրոպական արշավը երեկ սկսել էր վստահ և տպավորիչ հաղթանակով։

Այսօր մեր թիմը էլ ավելի վստահ հաղթանակ տոնեց՝ գերխոշոր 14-1 հաշվով։ Մրցակիցն իսլանդական «Ռեյկյավիկն» էր։

Իր ակտիվում 6 գոլ գրանցեց Ռամբան, 4-ական գոլ՝ Մաշումյանն ու Մանուկյանը։

Օգոստոսի 26-ին կայացած առաջին տուրում մեր թիմն ուժերը չափեց էստոնական «Տալինի» հետ և մրցակցին որևէ շանս չտալով՝ հաղթեց 5:1 հաշվով։

Վերջին տուրում «Յունիսպորտը» կմրցի գերմանական «Վայլիմդորֆի» հետ։

Երևանում մեկնարկել են ՈւԵՖԱ-ի ֆուտզալի Չեմպիոնների լիգայի նախնական փուլի E խմբի հանդիպումները։ Հայաստանի չեմպիոն «Յունիսպորտը» եվրոպական արշավը սկսել է վստահ և տպավորիչ հաղթանակով։

Օգոստոսի 26-ին կայացած առաջին տուրում մեր թիմն ուժերը չափեց էստոնական «Տալինի» հետ և մրցակցին որևէ շանս չտալով՝ հաղթեց 5:1 հաշվով։

«Յունիսպորտը» նախաձեռնությունը վերցրեց հենց մեկնարկից և առաջին կեսից հետո արդեն հաղթում էր 2 գնդակի առավելությամբ. աչքի ընկան Գարեգին Մաշումյանն ու Արթուր Մելքոնյանը:

Երկրորդ խաղակեսում հայկական թիմը շարունակեց ճնշումն ու զարգացրեց հաջողությունը։ Մրցակցի դարպասը գրավեցին նաև Ռաֆիկ Մելիքյանը, լեգեոնական Վիտինյոն և Միհրան Դերմենջյանը՝ ձևակերպելով վերջնական խոշոր հաշիվը: Էստոնական ակումբի կազմում հեղինակության միակ գնդակը խփեց Էրվին Ստուֆը։

Նշենք, որ E խմբի մյուս հանդիպումն աչքի է ընկել անհավանական արդյունավետությամբ. գերմանական «Վայլիմդորֆը» 13:1 հաշվով քարը քարի վրա չի թողել իսլանդական «Ռեյկյավիկից»։

Տեսանյութերը՝ ԱՅՍՏԵՂ

Բոլոր հանդիպումներն անցկացվում են Երևանում: Խմբային փուլի իր հաջորդ խաղում «Յունիսպորտը» օգոստոսի 27-ին կմրցի իսլանդական «Ռեյկյավիկի» հետ։

Շվեյցարիայի Նիոն քաղաքում կայացավ ֆուտզալի Չեմպիոնների լիգայի նախնական փուլի վիճակահանությունը։ Այս մասին տեղեկացնում է ՀՖՖ-ի պաշտոնական կայքը։

Հայաստանի չեմպիոն ու գավաթակիր «Յունիսպորտն» ընդգրկվեց E խմբում, որտեղ մրցակիցներն են գերմանական «Վայլիմդորֆը», էստոնական «Տալլինն» ու իսլանդական «Ռեյկյավիկը»։Այս խմբի խաղերը կկայանան օգոստոսի 25-30-ը, Երևանում։

Հիմնական փուլը նախատեսված է հոկտեմբերի 27-ից նոյեմբերի 1-ը։ Նոյեմբերի 4-ից կսկսվի փլեյ-օֆֆը, իսկ եզրափակիչները կկայանան մայիսին։

Մայիսի 25-ին ֆուտզալի սիրահարները վայելեցին իսկական սպորտային տոն. կայացան Բարձրագույն խմբի փլեյ-օֆֆ փուլի եզրափակիչի երկրորդ հանդիպումը և երրորդ տեղի համար պայքարը: Երկու խաղերն էլ աչքի ընկան թեժ պայքարով և գոլառատ սցենարով։

Եզրափակիչի երկրորդ խաղում «Յունիսպորտը» և «Երևանը» մատուցեցին դիտարժան ու լարված դիմակայություն։ Խաղի ընթացքում գոլային պահերը չպակասեցին, սակայն «Յունիսպորտը», ցուցադրելով վճռականություն և մարտական ոգի, 5:3 հաշվով հաղթեց մրցակցին՝ հավասարեցնելով դիմակայության ընդհանուր հաշիվը։ «Յունիսպորտի» կազմում գոլերի հեղինակ դարձան Պուտրուս Վասիլևը, Վարդան Արզոյանը, Էդվարդ Մկրտչյանը, Համլետ Մանուկյանը և Մամիկոն Դերմենջյանը, որոնցից յուրաքանչյուրը վառ ներդրում ունեցավ այս կարևոր հաղթանակում։

Այժմ ամեն ինչ կվճռվի երրորդ՝ վճռորոշ հանդիպման ժամանակ, որը խոստանում է լինել նույնքան լարված և հույզերով հագեցած։

Նույն օրը կայացավ նաև երրորդ տեղի համար պայքարի երկրորդ հանդիպումը։ «Սիեվնը» կրկին հաղթանակ տարավ «Արաքս-ՖԱՖ»-ի նկատմամբ՝ նույն 5:3 հաշվով՝ այսպիսով նվաճելով Բարձրագույն խմբի մրցաշրջանի երրորդ տեղը:

Մայիսի 4-ին տեղի ունեցան ֆուտզալի Հայաստանի գավաթի խաղարկության քառորդ եզրափակիչ հանդիպումները։

Քառորդ եզրափակչի խաղում «Յունիսպորտը» Ավանի ակադեմիայի մարզադաշտում հյուրընկալվելիս 9։2 հաշվով հաղթնակ տարավ «Ռեալ Սինոփսիսի» նկատմամբ և դուրս եկավ մրցաշարի կիսաեզրափակիչ։

Հաղթող թիմի կազմում դուբլ գրանցեցին Գոռ Սարգսյանը, Պուտրուս Վասիլևը և Դավիթ Խաչատրյանը մեկական անգամ էլ աչքի ընկան Տիգրան Վարդանյանը, Գոռ Սիմոնյանը ու Սարգիս Մարգարյանը։

Ֆուտզալի Հայաստանի Բարձրագույն խմբի փլեյ-օֆֆի կիսաեզրափակիչ երկրորդ խաղում «Յունիսպորտը» մրցել է «Սիեվնի» հետ և 8:1 հաշվով վստահ հաղթանակ է տարել՝ ապահովելով իր տեղը եզրափակչում: Կիսաեզրափակիչ առաջին խաղում «Յունիսպորտը» 4:1 հաշվով առավելության էր հասել մրցակցի նկատմամբ:

Պատասխան խաղում «Յունիսպորտի» կազմում երկուական գոլով աչքի են ընկել Էդվարդ Մկրտչյանն ու Գոռ Սարգսյանը, մեկական անգամ էլ մրցակցի դարպասը գրավել են Պուտրուս Վասիլևը, Միխաիլ Պոտապովը, Տիգրան Վարդանյանը և Սարգիս Մարգարյանը:

ArmSport.am-ը ներկայացնում է հանդիպման ֆոտոշարքը:

Ֆուտզալի Հայաստանի Բարձրագույն խմբի առաջնության չեմպիոնի կոչման համար «Յունիսպորտը» կպայքարի «Երևանի» հետ, որը կիսաեզրափակչի երկխաղյա դիմակայության արդյունքում առավելության է հասել «Արաքս-ՖԱՖ»-ի նկատմամբ:

«Յունիսպորտը» Ֆուտզալի Բարձրագույն խմբի փլեյ-օֆֆ փուլի կիսաեզրափակիչ առաջին խաղում մրցել է «Սիեվնի» հետ և 4:1 հաշվով վստահ հաղթանակ է տարել մրցակցի նկատմամբ:

«Յունիսպորտի» կազմում հանդիպման հաշիվը բացել է Պուտրուս Վասիլևը, մեկական անգամ աչքի են ընկել նաև Նարեկ Գալստյանը և Համլետ Մանուկյանը: Վերջինս իր գոլերի թիվը հասցրել է 32-ի և միանձնյա գլխավորում է առաջնության ռմբարկուների ցանկը:

ArmSport-ը ներկայացնում է հանդիպման ֆոտոշարքը՝

Կիսաեզրափակչի մյուս խաղում «Երևանը» 5:0 հաշվով հաղթանակ է տարել «Արաքս ՖԱՖ»- նկատմամբ: Թիմերի միջև պատասխան խաղերն ու եզրափակիչի մասնակիցները հայտնի կդառնան ապրիլի 20-ին։

Ապրիլի 6-ին տեղի ունեցան ֆուտզալի Բարձրագույն խմբի առաջնության փլեյ-օֆֆի պատասխան հանդիպումները։

Քառորդ եզրափակչի պատասխան խաղում «Յունիսպորտը» Ավանի ակադեմիայի մարզադաշտում հյուրընկալվեց «Թիմ Ագրոյին» և 11:1 հաշվով ջախջախիչ հաղթանակ տարավ։

Հաղթող թիմի կազմում պոկեր գրանցեց Սարգիս Մարգարյանը, դուբլով աչքի ընկան Էդվարդ Մկրտչյանը, Տիգրան Վարդանյանը, ինչպես նաև Սարգիս Մարգարյանը։ Եվս մեկ գոլ հեղինակել է Պուտրուս Վասիլևը։

«Թիմ Ագրոյի» կազմում միակ պատասխան գոլը խփեց Հովհաննես Ջուլիկյանը։

Այսպիսով, դիմակայության երկու խաղերի արդյունքում «Յունիսպորտը» մրցակցի նկատմամբ առավելության հասավ ընդհանուր 25։1 հաշվով՝ դուրս գալով մրցաշարի կիսաեզրափակիչ։