39-ամյա իսպանացի պաշտպան Սերխիո Ռամոսը որոշել է չերկարաձգել գործող պայմանագրի ժամկետը մեքսիկական «Մոնտերեյի» հետ։ Դրա փոխարեն նա նախատեսում է վերադառնալ Եվրոպա և կարիերան շարունակել որևէ բարձրակարգ ակումբում՝ ազգային հավաքականում իր տեղը վերականգնելու նպատակով, հաղորդում է El Chiringuito-ն։

Ռամոսը մեկ տարվա պայմանագիր էր կնքել «Մոնտերեյի» հետ 2025 թվականին, որտեղ մասնակցել է ՖԻՖԱ-ի աշխարհի ակումբային առաջնությանը։ Պաշտպանը այս մրցաշրջանում մեքսիկական ակումբի կազմում անցկացրել է 22 խաղ՝ խփելով 3 գոլ։

Նշվում է, որ փորձառու պաշտպանի ծառայություններով հետաքրքրված են Լևերկուզենի «Բայերը», «Մարսելը» և «Ռոման»։ Նրա պայմանագրի ժամկետը ներկայիս ակումբի հետ ավարտվում է այս տարվա դեկտեմբերի 31-ին։

Ռամոսը Իսպանիայի հավաքականի կազմում չի խաղացել 2022 թվականից ի վեր։ Նա ազգային հավաքականի կազմում անցկացրել է 180 խաղ և խփել 23 գոլ։

Մադրիդի «Ռեալի» և Իսպանիայի հավաքականի նախկին պաշտպան Սերխիո Ռամոսը, որն այժմ հանդես է գալիս մեքսիկական «Մոնտերեյի» կազմում, հուզիչ հրաժեշտ է տվել «Բարսելոնայի» նախկին ավագ, «Ինտեր Մայամիի» ներկայիս կիսապաշտպան Սերխիո Բուսկետսին։

«Բուսի, դու օրինակ ես, թե ինչպես կարելի է լինել բացառիկ՝ մնալով սովորական մարդ։ Շատ անգամներ մրցակից, բայց շատ ավելի հաճախ թիմակից։ Դու միշտ աչքի ես ընկել քո բարձր կարգով, ֆուտբոլային տեսլականով, ինչպես նաև քո խոնարհ և անկեղծ բնավորությամբ։

Ֆուտբոլը կորցնում է ամենափայլուն կիսապաշտպաններից մեկին, ում հետ ես խաղացել եմ, բայց դու հեռանում ես՝ ստանալով բոլորիս ճանաչումն ու երախտագիտությունը՝ թե՛ նրանցից, ովքեր ապրել ու աշխատել են կողքիդ, թե՛ նրանցից, ովքեր սիրում են այս խաղը։

Շնորհակալություն, որ եղել ես հիանալի խաղացող, հիանալի թիմակից և հիանալի ընկեր։ Լավագույն մաղթանքներս քո նոր փուլի համար։ Մեծ համբույրներ, եղբայր»,- գրել է Ռամոսը սոցցանցի իր էջում։

Հիշեցնենք, որ 37-ամյա Բուսկետսը այսօր՝ սեպտեմբերի 26-ին, հայտարարել է ընթացիկ մրցաշրջանի ավարտից հետո կարիերան ավարտելու մասին։

«Մոնտերեյի» պաշտպան Սերխիո Ռամոսը խոստովանել է, որ հաշվարկում է շահել «Գրեմմի» երաժշտական մրցանակը, իսկ հետագայում՝ Չեմպիոնների լիգան՝ որպես մարզիչ:

«Ես լավատես եմ: Միշտ խորհուրդ եմ տալիս մարդկանց երազել… Ես պատկերացնում եմ ինձ և՛ այս, և՛ այն դերում՝ Չեմպիոնների լիգան հաղթելով որպես մարզիչ և «Գրեմմի» շահելով առաջիկա մի քանի տարիների ընթացքում, ընդ որում՝ դա կլինի ավելի վաղ: Կյանքի այս փուլում ես ցանկանում եմ զբաղվել երաժշտությամբ, կիսվել իմ փորձով մարդկանց հետ:

Առաջիկա 5-7 տարիներին ես պատկերացնում եմ, որ ավելի շատ կզբաղվեմ երաժշտությամբ, քանի որ երաժշտությունը թույլ է տալիս ստեղծագործել և տանը լինել… ժամանակ հատկացնել ընտանիքին»,- Ռամոսի խոսքն է մեջբերում ESPN-ը:

Օգոստոսի վերջին 39-ամյա իսպանացին հայտարարել էր իր առաջին թրեքի մասին, որը կոչվում է «Cibeles»՝ ի պատիվ Մադրիդի շատրվանի, որի մոտ «Ռեալի» երկրպագուները նշում են ակումբի հաղթանակները:

Մադրիդի «Ռեալի» նախկին եզրային հարձակվող Էդեն Ազարը նշել է, թե որ պաշտպանն է իրեն ամենաշատը տպավորել իր կարիերայի ընթացքում։

«Երբ ես խաղում էի Սերխիո Ռամոսի հետ, տպավորված էի նրա անցած ճանապարհով և նրանով, թե որքան շատ բանի էր հասել։ Ինձ համար նա պատմության մեծագույն պաշտպանն է»,- ասել է Ազարը ZackNaniProd փոդքասթի եթերում։

Հիշեցնենք, որ բելգիացին պրոֆեսիոնալ կարիերան ավարտել է 2023 թվականի հոկտեմբերի 10-ին։ Ազարն ու Ռամոսը միասին խաղացել են «Ռեալում» 2019-ից 2021 թվականներին։

ՖԻՖԱ-ի աշխարհի ակումբային առաջնության 1/8-րդ եզրափակիչում Դորտմունդի «Բորուսիան» 2։1 հաշվով հաղթեց մեքսիկական «Մոնտերեյին»՝ դուրս գալով մրցաշարի քառորդ եզրափակիչ:

Գերմանական թիմի կազմում դուբլի հեղինակ դարձավ Սերու Գիրասին՝ աչքի ընկնելով 14-րդ և 24-րդ րոպեներին։ Մեքսիկական ակումբի միակ գոլը 48-րդ րոպեին խփեց Խերմա Բերտերամեն։

Քառորդ եզրափակչում Դորտմունդի «Բորուսիայի» մրցակիցը կլինի Մադրիդի «Ռեալը»։

ՖԻՖԱ-ի Աշխարհի ակումբային առաջնության քառորդ եզրափակիչ փուլի ութ մասնակիցներից վեցն արդեն հայտնի են։

Երեկ և այսօր՝ հունիսի 30-ին և հուլիսի 1-ին, մրցաշարում գրանցվեց միանգամից երկու անակնկալ. Միլանի «Ինտերը» 0:2 հաշվով պարտվեց բրազիլական «Ֆլումինենսեին», իսկ «Մանչեսթեր Սիթին» 3:4 հաշվով պարտություն կրեց Սաուդյան Արաբիայի «Ալ-Հիլալից»՝ լրացուցիչ ժամանակում։

Այսպիսով, քառորդ եզրափակչի չորս զույգերից երեքն արդեն հայտնի են․

• «Ֆլումինենսե» — «Ալ-Հիլալ»
• «Պալմեյրաս» — «Չելսի»
•  ՊՍԺ — «Բավարիա»

Վերջին երկու տեղերը կվիճարկվեն «Ռեալ Մադրիդ» — «Յուվենտուս»  և «Բորուսիա Դորտմունդ» — «Մոնտերեյ» խաղերում։

Մադրիդի «Ռեալի» լեգենդար իսպանացի նախկին պաշտպան Սերխիո Ռամոսը, որն այժմ հանդես է գալիս մեքսիկական «Մոնտերեյի» կազմում, պատմել է, թե որ հարձակվողների դեմ էր իր համար ամենադժվարը խաղալը։

«Ովքե՞ր են եղել ամենաբարդ մրցակիցներս։ Սամուել Էտո՛Օ-ն և Զլատան Իբրահիմովիչը։ Նրանք խնդիրներ էին ստեղծում իրենց արագությամբ կամ ֆիզիկական ուժով»,- Ռամոսի խոսքերն է մեջբերում Give Me Sport-ը։

ՖԻՖԱ-ի աշխարհի ակումբային առաջնության 1/8-րդ եզրափակիչում Ռամոսի «Մոնտերեյը» ուժերը կչափի Դորտմունդի «Բորուսիայի» հետ։

Այսօր՝ հունիսի 28-ին, մեկօրյա դադարից հետո ՖԻՖԱ-ի Աշխարհի ակումբային առաջնությունում կմեկնարկի 1/8-րդ եզրափակիչ փուլը։

Ներկայացնում ենք բոլոր հանդիպումների ժամանակացույցը․

• «Պալմեյրաս» (Բրազիլիա) – «Բոտաֆոգո» (Բրազիլիա)՝ հունիսի 28, ժամը 20:00
• «Բենֆիկա» (Պորտուգալիա) – «Չելսի» (Անգլիա)՝ հունիսի 28, ժամը 00:00
• ՊՍԺ (Ֆրանսիա) – «Ինտեր Մայամի» (ԱՄՆ)՝ հունիսի 29, ժամը 20:00
• «Ֆլամենգո» (Բրազիլիա) – «Բավարիա» (Գերմանիա)՝ հունիսի 29, ժամը 00:00
• «Ինտեր» (Իտալիա) – «Ֆլումինենսե» (Բրազիլիա)՝ հունիսի 30, ժամը 23:00
• «Մանչեսթեր Սիթի» (Անգլիա) – «Ալ-Հիլալ» (Սաուդյան Արաբիա)՝ հուլիսի 1, ժամը 05:00
• «Ռեալ Մադրիդ» (Իսպանիա) – «Յուվենտուս» (Իտալիա)՝ հուլիսի 1, ժամը 23:00
• «Բորուսիա Դորտմունդ» (Գերմանիա) – «Մոնտերեյ» (Մեքսիկա)՝ հուլիսի 2, ժամը 05:00

Հիշեցնենք, որ մրցաշարը անցկացվում է ԱՄՆ-ում։ Այն մեկնարկել է հունիսի 14-ին և կավարտվի հուլիսի 13-ին։

Ավարտվել է ֆուտբոլի 2025 թվականի Աշխարհի ակումբային առաջնության խմբային փուլը։ Մրցաշարը կայանում է ԱՄՆ-ում։

Հայտնի են 1/8 եզրափակչի զույգերը, որոնք հետևյալն են՝

• «Պալմեյրաս» (Բրազիլիա) — «Բոտաֆոգո» (Բրազիլիա)
• «Բենֆիկա» (Պորտուգալիա) — «Չելսի» (Անգլիա)
• «Ինտեր» (Իտալիա) — «Ֆլումինենսե» (Բրազիլիա)
• «Մանչեսթեր Սիթի» (Անգլիա) — «Ալ-Հիլալ» (Սաուդյան Արաբիա)
• ՊՍԺ (Ֆրանսիա) — «Ինտեր Մայամի» (ԱՄՆ)
• «Ֆլամենգո» (Բրազիլիա) — «Բավարիա» (Գերմանիա)
• «Բորուսիա Դորտմունդ» (Գերմանիա) — «Մոնտերեյ» (Մեքսիկա)
• «Ռեալ Մադրիդ» (Իսպանիա) — «Յուվենտուս» (Իտալիա)

Փլեյ-օֆֆի խաղերը կմեկնարկեն հունիսի 28-ին։

«Ինտերը» հաղթեց «Ռիվեր Փլեյթին» աշխարհի ակումբային առաջնության խմբային փուլի երրորդ տուրում։ E խմբի հանդիպումն ավարտվեց 2:0 հաշվով։ Գոլերը խփեցին Ֆրանչեսկո Էսպոզիտոն և Ալեսանդրո Բաստոնին։

66-րդ րոպեին «Ռիվեր Փլեյթի» պաշտպան Լուկաս Մարտինեսը կարմիր քարտ ստացավ։ Ավելացված ժամանակում հեռացվեց նաև պաշտպան Գոնսալո Մոնտիելը։

«Ներաձուրիների» կազմում ամբողջ խաղին մասնակցեց Հենրիխ Մխիթարյանը։

Խմբի մյուս խաղում «Մոնտերեյը» 4:0 հաշվով առավելության հասավ «Ուրավայի» նկատմամբ։

E խմբում առաջին տեղը զբաղեցրեց «Ինտերը» (7 միավոր), երկրորդը՝ «Մոնտերեյը» (5 միավոր), երրորդը՝ «Ռիվեր Փլեյթը» (2 միավոր), իսկ «Ուրավան» (0 միավոր) զբաղեցրեց վերջին հորիզոնականը։

1/8 եզրափակչում «Ինտերը» կմրցի «Ֆլումինենսեի» հետ, իսկ «Մոնտերեյը»՝ «Բորուսիայի»։

Աշխարհի ակումբային առաջնություն 2025․ Տուր 3-րդ

«Ուրավա Ռեդ Դայմոնդս» (Սայտամա) — «Մոնտերեյ» (Մոնտերեյ) — 0:4 (0:3)
Գոլեր՝ Դեոսա, 30, Բերտերամե, 34, 90, Կորոնա, 38

«Ինտեր» (Միլան) — «Ռիվեր Փլեյթ» (Բուենոս Այրես) — 2:0 (0:0)
Գոլեր՝ Էսպոզիտո, 72, Բաստոնի, 90

Հեռացումներ՝ Մարտինես, 66, Մոնտիել, 90