«Լիվերպուլի» վինգեր Մոհամեդ Սալահը այս դիրքում գտնվող այն խաղացողն է, ով աշխարհի 60 ուժեղագույն լիգաներում անցած մրցաշրջանում ամենամեծ ազդեցությունն է ունեցել իր թիմի խաղի վրա՝ ըստ Սպորտային ուսումնասիրությունների միջազգային կենտրոնի (CIES):

Հաշվի են առնվել հետևյալ ցուցանիշները՝ օդային խաղ, պաշտպանություն, գնդակի բաշխում, դրիբլինգ, հնարավորությունների ստեղծում և եզրափակում: Եգիպտացի ֆուտբոլիստի ինդեքսի արժեքը կազմել է 100:

Առաջատար 10 վինգերները, ովքեր անցած մրցաշրջանում ամենամեծ ազդեցությունն են ունեցել իրենց թիմի խաղի վրա.

Մոհամեդ Սալահ («Լիվերպուլ») — 100.
Լամին Յամալ («Բարսելոնա») — 99.6.
Մայքլ Օլիսե («Բավարիա») — 98.1.
Ռաֆինյա («Բարսելոնա») — 93.2.
Լուիս Դիաս («Լիվերպուլ») — 91.4.
Մորգան Ռոջերս («Աստոն Վիլլա») — 91.3.
Բրայան Մբեմո («Բրենտֆորդ») — 90.8.
Բրեդլի Բարկոլա (ՊՍԺ) – 90,5.
Ուսման Դեմբելե (ՊՍԺ) – 88,8.
Վինիսիուս Ժունիոր («Ռեալ Մադրիդ») – 88,2.

«Լիվերպուլի» և Եգիպտոսի հավաքականի հարձակվող Մոհամեդ Սալահը պատմել է, որ մերսիսայդցիների հետ պայմանագիրը երկարաձգելուց առաջ բանակցել է Սաուդյան Արաբիայի ակումբների ներկայացուցիչների հետ։

«Այո, ես կարծում էի, որ լավ հնարավորություն ունեմ տեղափոխվելու Սաուդյան Արաբիա։ Ես ենթադրում էի, որ կարող եմ տեղափոխվել սաուդյան ակումբ, եթե չերկարաձգեմ պայմանագիրս «Լիվերպուլի» հետ։ Մենք լավ բանակցություններ ունեցանք։ «Ռեալը» և «Բարսելոնա՞ն». Ես նրանց հետ չեմ շփվել», — Սալահի խոսքերն է մեջբերում ֆրանսիական RMC Sport առցանց հրատարակությունը։

Հիշեցնենք, որ Սալահը դարձել է Անգլիայի Պրեմիեր լիգայի լավագույն ռմբարկուն 2024/2025 մրցաշրջանում։ Եգիպտացի հարձակվողը 38 խաղում խփել է 29 գոլ։ Մերսիսայդերսի խաղացողը նաև դարձել է լիգայի լավագույն ասիստենտը՝ 18 գոլային փոխանցմամբ։

«Լիվերպուլի» վինգեր Մոհամեդ Սալահը հաստատել է, որ բարդ հարաբերություններ է ունեցել նախկին թիմակից Սադիո Մանեի հետ։

«Այո, Սադիոյի և իմ միջև իսկապես որոշակի լարվածություն կար։ Բայց մենք միշտ մնացել ենք պրոֆեսիոնալ, և չեմ կարծում, որ դա որևէ կերպ ազդել է թիմի խաղի վրա։ Բոլոր մեծ խաղացողները ձգտում են ավելիին, ես դա հասկանում եմ։ Նա իսկական մարտիկ է։

Մարդիկ կարող են ասել այն, ինչ ուզում են։ Բայց ուզում եմ հիշեցնել ձեզ. ես էի, որ ավելի շատ գոլային փոխանցումներ արեցի Մանեին։ Սա փաստ է։ Պարզապես որոշ մարդկանց համար ավելի հեշտ է աղմկոտ վերնագրեր ստեղծելը, քան ճշմարտությամբ գործելը։ Ես գիտեմ, թե ինչպես են աշխատում լրատվամիջոցները։

Իմ խիղճը մաքուր է։ Եվ եթե ամեն ինչ մնա հարգանքի սահմաններում, դա ինձ ձեռնտու է։ Բայց դա չի նշանակում, որ լուրերը ճշմարիտ են», — Սալահի խոսքերն է մեջբերում L’Équipe-ը։

Հիշեցնենք, որ Սադիո Մանեն ներկայում խաղում է «Ալ-Նասր»-ում։

Լիսաբոնի «Սպորտինգի» հարձակվող Վիկտոր Դյոկերեշը գլխավորել է «Ոսկե խաղակոշիկի» համար մրցավազքը Պորտուգալիայի առաջնության 31-րդ տուրի՝ «Բոավիշտայի» հետ խաղից (5:0) հետո: Շվեդ ֆուտբոլիստը չորս գոլ է խփել այդ խաղում։ 26-ամյա հարձակվողն այժմ Պրիմեյրայի ընթացիկ մրցաշրջանում խփել է 38 գոլ։

Այսպիսով, Դյոկերեշը վաստակել է 57 միավոր (1.5 գործակցով) և շրջանցել է «Լիվերպուլի» հարձակվող Մոհամեդ Սալահին, որը նախկինում գլխավորում էր վարկանիշը (28 գոլ և 56 միավոր՝ 2 գործակցի շնորհիվ):

«Բարսելոնայի» հարձակվող Ռոբերտ Լևանդովսկին (50) «Ոսկե խաղակոշիկի» վարկանիշային աղյուսակում երրորդն է։ Հաջորդը «Բավարիայի» հարձակվող Հարի Քեյնն է (48) և «Ատլանտայի» հարձակվող Մատեո Ռետեգին (48):

«Սպորտինգը» 75 միավորով գլխավորում է Պորտուգալիայի առաջնության աղյուսակը։

«Լիվերպուլի» եգիպտացի հարձակվող Մոհամեդ Սալահը «Տոտենհեմի» հետ ԱՊԼ-ի 34-րդ տուրի խաղում գոլի հեղինակ դառնալուց հետո սելֆի է արել «Լիվերպուլի» երկրպագուների հետ։

Սալահը խփել է «Կարմիրների» չորրորդ գոլն այս խաղում, ապա վերցրել է մարզադաշտի աշխատակիցներից մեկի հեռախոսը և սելֆի արել երկրպագուների հետ։ Ստացված լուսանկարը նա հրապարակել է սոցիալական ցանցի իր էջերում։

Մերսիսայդցիները Պրեմիեր լիգայի 34-րդ տուրում հաղթել են «Տոտենհեմին» (5:1) և ժամանակից շուտ հռչակվել են երկրի չեմպիոն։

«Լիվերպուլի» հարձակվող Մոհամեդ Սալահը «Տոտենհեմի» դեմ խաղում (5:1) խփել է իր 185-րդ գոլը Անգլիայի Պրեմիեր լիգայում։ Այսպիսով, նա շրջանցել է «Մանչեսթեր Սիթիի» նախկին խաղացող Սերխիո Ագուերոյին՝ դառնալով Պրեմիեր լիգայի լավագույն օտարերկրացի ռմբարկուն։ Այս մասին հայտնել է Goal.com-ը։

Մոհամեդ Սալահը Պրեմիեր լիգայի բոլոր ժամանակների ռմբարկուների ցուցակում բարձրացել է հինգերորդ հորիզոնական։ Եգիպտացին զիջում է միայն Էնդի Քոուլին (187), Ուեյն Ռունիին (208), Հարի Քեյնին (213) և Ալան Շիրերին (260):

Այս հաղթանակի շնորհիվ «Լիվերպուլը» ժամանակից շուտ ապահովել է Անգլիայի չեմպիոնի տիտղոսը։ Թիմը 34 խաղում վաստակել է 82 միավոր։ Երկրորդ տեղում գտնվող «Արսենալի» հետ տարբերությունը 15 միավոր է, առաջնության ավարտին մնացել է չորս տուր։

Լոնդոնի «Արսենալի» և «Բարսելոնայի» նախկին հարձակվող Թիերի Անրին խոսել է այս մրցաշրջանում «Լիվերպուլի» վինգեր Մոհամեդ Սալահի խաղի մասին։

«Երբ խաղացողը հավասարապես գոլեր է խփում և փոխանցումներ կատարում, դա հիանալի է: Սալահը միշտ ցանկություն է ունեցել աճելու պրոֆեսիոնալ մակարդակով, և շատ խաղացողներ չկան, ովքեր ավելի լավն են դառնում՝ արդեն իսկ բարձունքին լինելով», — Անրիի խոսքերն է մեջբերում Daily Mail բրիտանական առցանց հրատարակությունը:

Հիշեցնենք, որ Պրեմիեր լիգայի 32-րդ տուրի՝ «Վեսթ Հեմի» դեմ խաղում Սալահը գոլային փոխանցում է կատարել եզրային Լուիս Դիասին։ Այս փոխանցումը եգիպտացու 45-րդ արդյունավետ գործողությունն էր Անգլիայի առաջնության ընթացիկ մրցաշրջանում։

«Լիվերպուլի» նախկին գլխավոր մարզիչ Ռաֆայել Բենիտեսը խոսել է «կարմիրների» հարձակվող Մոհամեդ Սալահի մասին։ Նախորդ շաբաթ եգիպտացին երկարաձգեց պայմանագիրը «Լիվերպուլի» հետ մինչև 2027 թվականի ամառ։

«Երբ խաղացողը հոգ է տանում իր մասին և շարունակում է հանդես գալ այս մակարդակով, տարիքը նշանակություն չունի: Իհարկե, Սալահն արժանի է նվաճելու «Ոսկե գնդակը»: Ինչո՞ւ ոչ»,- Բենիտեսի խոսքերն է մեջբերում Marca-ն։

Հիշեցնենք, որ Պրեմիեր լիգայի 32-րդ տուրի՝ «Վեսթ Հեմի» դեմ խաղում Սալահը գոլային փոխանցման հեղինակ է դարձել։ Այս փոխանցումը եգիպտացու 45-րդ արդյունավետ գործողությունն էր Անգլիայի առաջնության ընթացիկ մրցաշրջանում։

«Լիվերպուլի» 32-ամյա եգիպտացի հարձակվող Մոհամեդ Սալահը մերսիսայդցիների հետ նոր պայմանագրով կվաստակի շաբաթական 400 հազար ֆունտ: Նախկինում նրա աշխատավարձը կազմում էր շաբաթական 350 հազար ֆունտ։

The Sun-ի հաշվարկներով՝ Սալահն այժմ այս առումով հավասարվել է «Մանչեսթեր Սիթիի» կիսապաշտպան Կևին Դե Բրույնեին։ Կևինը կհեռանա ակումբից այս մրցաշրջանի վերջում, ուստի Մոհամեդը կլինի Պրեմիեր լիգայի երկրորդ ամենաբարձր վարձատրվող միակ խաղացողը:

Ամենաշատն աշխատում է Էրլինգ Հոլանդը՝ շաբաթական կես մլն ֆունտ: Հարկ է նշել, որ թոփ-10-ում «Լիվերպուլի» ոչ մի խաղացող չկա, բացի Սալահից:

Անգլիական «Լիվերպուլը» բանակցություններ է սկսել հարձակվող Մոհամեդ Սալահի հետ նոր պայմանագրի շուրջ՝ պաշտպան Տրենտ Ալեքսանդր-Առնոլդի հեռանալու մասին լուրերի ֆոնին, հայտնում է եգիպտական ​​Masrawy պարբերականը։

Ավելի վաղ տեղեկություններ էին հայտնվել, որ Տրենտը պայմանավորվել է Մադրիդի «Ռեալի» հետ՝ ազատ գործակալի կարգավիճակով տեղափոխվելու շուրջ։

Աղբյուրի համաձայն՝ «Լիվերպուլի» ղեկավարությունը Սալահին շահավետ պայմանագիր է առաջարկել, և բանակցություններն ընթանում են դրական հունով։ Եգիպտացի հարձակվողի գործող պայմանագիրը «կարմիրների» հետ ավարտվում է 2025 թվականի հունիսի վերջին: Այս մրցաշրջանում Մոհամեդը «Լիվերպուլի» կազմում անցկացրել է 43 հանդիպում բոլոր մրցաշարերում՝ դառնալով 32 գոլի և 22 գոլային փոխանցման հեղինակ: