Ալբանիայի Դուրես քաղաքում շարունակվող ծանրամարտի Եվրոպայի երիտասարդների ու Մ-23 առաջնությունում Հայաստանի հավաքականը հերթական ոսկե մեդալը նվաճեց։ Երիտասարդների 86 կգ քաշային կարգում Էմմա Պողոսյանը դարձավ երկամարտի ոսկե մեդալակիր:

Հայ ծանրորդուհին պոկում վարժության առաջին երկու մոտեցումներով հաջողությամբ գլխավերևում պահեց 105 կգ և 109 կգ ծանրաձողերը, սակայն երրորդ փորձից չկարողացավ բարձրացնել 112 կգ-ն: Այս վարժությունում նա արժանացավ փոքր արծաթե մեդալի: Հրում վարժությունում Պողոսյանն անգերազանցելի էր. նա հերթականությամբ բարձրացրեց 130 կգ, 135 կգ ու 140 կգ կշռող ծանրաձողերը՝ նվաճելով փոքր ոսկե մեդալ: Երկամարտի 249 կգ արդյունքով Էմմա Պողոսյանը կանգնեց պատվո հարթակի ամենաբարձր աստիճանին՝ հռչակվելով Եվրոպայի երիտասարդների առաջնության չեմպիոն։

Հատկանշական է, որ Պողոսյանի պարգևատրության արարողությանը մասնակցել է նաև Հայաստանի ծանրամարտի ֆեդերացիայի նախագահ Արայիկ Հարությունյանը:

Հիշեցնենք, որ մրցումային այս օրը Հայաստանի հավաքականի կազմում մրցահարթակ դուրս կգան նաև երիտասարդների 110 կգ քաշային Գրիգոր Ղազարյանը, ինչպես նաև Մ-23 տարեկանների պայքարում հանդես եկող 95 կգ քաշայիններ Սուրեն Գրիգորյանն ու Մնացական Աբրահամյանը:

Ալբանիայի Դուրես քաղաքում ընթացող ծանրամարտի Եվրոպայի երիտասարդների ու Մ-23 տարեկանների առաջնության մրցումային նախավերջին օրը՝ հոկտեմբերի 18-ին, Հայաստանի հավաքականը կունենա չորս ներկայացուցիչ։

Մրցահարթակ դուրս կգան երիտասարդների պայքարում հանդես եկող 86 կգ քաշային Էմմա Պողոսյանը (ժամը՝ 13:00) և 110 կգ քաշային Գրիգոր Ղազարյանը (ժամը՝ 17:00), ինչպես նաև Մ-23 տարեկանների պայքարում հանդես եկող 95 կգ քաշայիններ Սուրեն Գրիգորյանն ու Մնացական Աբրահամյանը (ժամը՝ 21:00):

Հիշեցնենք, որ նախորդ մրցումային օրերի արդյունքներով Հայաստանի ընտրանին արդեն նվաճել է երկամարտի 7 մեդալ: Ալեքսանդրա Գրիգորյանը (Մ-23, 57 կգ) և Նարեկ Գրիգորյանը (երիտասարդներ, 75 կգ) հռչակվել են Եվրոպայի չեմպիոններ: Տիգրան Կարապետյանն (Մ-23, 75 կգ) ու Մարտին Պողոսյանը (Մ-23, 85 կգ) նվաճել են արծաթե, իսկ Սեյրան Խուդանյանը (Մ-23, 60 կգ), Սամվել Մարտիրոսյանն (երիտասարդներ, 70 կգ) ու Նարեկ Մկրտչյանը (երիտասարդներ, 85 կգ)՝ բրոնզե մեդալներ։

Բացի այդ, պոկում վարժությունում փոքր արծաթե մեդալների են արժանացել Դավիթ Առաքելյանն ու Վալերիկ Մովսիսյանը, իսկ Աննա Ամրոյանը՝ փոքր բրոնզե մեդալի:

Հայաստանը ներկայացնող ծանրորդները շարունակում են մրցելույթները Ալբանիայի Դյուրես քաղաքում ընթացող Եվրոպայի երիտասարդների ու մինչև 23 տարեկանների առաջնություններում:

Մնացական Աբրահամյանը դարձավ Եվրոպայի մինչև 23 տարեկանների առաջնության փոխչեմպիոն:

Եվրոպայի առաջնության 94 կգ քաշային ծանրորդների պայքարում Մնացական Աբրահամյանը պոկում վարժությունում ունեցավ երեք հաջող մոտեցում` բարձրացնելով 150 կգ, 155 կգ, 160 կգ: Այս ձևում Աբրահամյանը երրորդն էր: Հրում վարժությունում նա գլխավերևում պահեց 190 կգ, 196 կգ, 201 կգ: Այս վարժությունում հայ ծանրորդն առաջինն էր:

Երկամարտի 361 կգ արդյունքով` Մնացական Աբրահամյանը դարձավ Եվրոպայի մինչև 23 տարեկանների առաջնության արծաթե մեդալակիր:

Հայաստանի ծանրամարտի տղամարդկանց հավաքականի անդամ, 89 կգ քաշային Մնացական Աբրահամյանըն անհաջող է հանդես եկել Մոլդովայում ընթացող Եվրոպայի առաջնությունում:

Պոկում և հրում վարժություններում նա ոչ մի հաջող մոտեցում չի ունեցել: 

Աբրահամյանն իր նորամուտն է նշում մեծահասակների առաջնություններում:

Այսօր երեկոյան 76 կգ քաշային կանանց պայքարում Հայաստանի հավաքականից պայքարի մեջ կմտնեն Աննա Ամրոյանը և Միլենա Խաչատրյանը: Մրցման մեկնարկը` 20:00-ին:

Մեր մարզիկների ելույթները ցուցադրվում են Առաջին ալիքով:

Մոլդովայում շարունակվում է ծանրամարտի Եվրոպայի առաջնությունը։ Այսօր՝ ապրիլի 18-ին, մրցումային 6-րդ օրը, Հայաստանն ունի երեք մասնակից։ Այս մասին հայտնում է ՀԾՖ-ի մամուլի ծառայությունը։

Ապրիլի 18-ին` Երևանի ժամանակով 17:00-ին, մրցահարթակ դուրս կգան 89 կգ քաշային տղամարդիկ: Հայաաստանի հավաքականից մեծահասակների առաջնություններում իր նորամուտը կնշի Մնացական Աբրահամյանը:

76 կգ քաշային կանանց պայքարում Հայաստանի հավաքականից պայքարի մեջ կմտնեն Աննա Ամրոյանը և Միլենա Խաչատրյանը: Մրցման մեկնարկը` 20:00-ին:

Մեր մարզիկների ելույթները կցուցադրվեն Առաջին ալիքով:

Ծանրամարտի Հայաստանի տղամարդկանց հավաքականը սկսել է պատրաստվել ապրիլի 13-ին Մոլդովայի մայրաքաղաք Քիշնևում անցկացվելիք Եվրոպայի առաջնությանը։ Այս մասին հայտնում է ՀԱՕԿ-ի պաշտոնական կայքը։

Այսօր՝ փետրվարի 14-ին Հավաքականի գլխավոր մարզիչ Փաշիկ Ալավերդյանի և նրա օգնական Հակոբ Փիլոսյանի գլխավորությամբ թիմը Ծաղկաձորում է սկսել է այս տարվա երկորդ մարզական հավաքը։

Մարզչական խորհուրդը մարզումներում ներգրավել է  Ռաֆիկ Մինասյանին /  Գյումրի, 61 կգ /, Գառնիկ Չոլակյանին / Վեդի,  61 կգ /, Գոռ Սահակյանին / Գյումրի, 73 կգ /,  Ռաֆիկ Հարությունյանին /  Գյումրի, 81 կգ /,  Սուրեն Գրիգորյանին / Վեդի, 89 կգ /, Մնացական Աբրահամյանին / Արարատ, 89 կգ / Դավիթ Հովհաննիսյանին / Երևան, 96 կգ / Արա Աղանյանին / Գյումրի, 102 կգ /, Պետրոս Պետրոսյանին / Արարատ, 109 կգ /, Գարիկ Կարապետյանին / Գյումրի, 109 կգ / և Վարազդատ Լալայանին / Գյումրի, + 109 կգ /:

Նշվում է, որ Ծաղկաձորյան մարզումներից մի քանի օր  հետո կսկսվի հերթական ուսումնամարզական հավաքը:

Հայաստանի պատանի և երիտասարդ ծանրորդները շարունակում են հաջող մրցելույթները Լեհաստանի Ռաշին քաղաքում ընթացող Մ20 և Մ23 տարեկանների Եվրոպայի առաջնությունում: Այս մասին հայտնում է ԿԳՄՍՆ պաշտոնական կայքը:

Մինչև 23 տարեկանների առաջնությունում հաղթողի կոչումը նվաճել է 89 կգ քաշային Սուրեն Գրիգորյանը՝ երկամարտի 350 կգ արդյունքով (157+193 կգ): Առանձին վարժություններում ևս հայ ծանրորդը նվաճել է փոքր ոսկե մեդալները: Այս քաշային կարգում բրոնզե մեդալին արժանացել է Մնացական Աբրահամյանը՝ երկամարտում ցույց տալով 343 կգ արդյունք (152+191 կգ):

Հայաստանի ծանրամարտի պատանեկան հավաքականի անդամ, երիտասարդների աշխարհի առաջնության հաղթող, 81 կգ քաշային Էմմա Պողոսյանը, ինչպես ավելի վաղ հայտնել էինք, երկամարտի 218 կգ արդյունքով ոսկե մեդալ է նվաճել մինչև 20 տարեկանների առաջնությունում: Պողոսյանն առանձին վարժություններում ևս արժանացել է փոքր ոսկե մեդալներին: Պոկում վարժության արդյունքներով հայ մարզուհին ցույց է տվել 100 կգ արդյունք, իսկ հրում վարժությունն ավարտել է 118 կգ արդյունքով:

Այս քաշային կարգում Հայաստանի մյուս ներկայացուցիչ Ալինա Սուքիասյանը երկամարտի 202 կգ արդյունքով զբաղեցրել է 6-րդ տեղը:

Ավելի վաղ, Հայաստանի պատանեկան հավաքականի անդամ, 81 կգ քաշային Նարեկ Մկրտչյանը երկամարտի 341 կգ արդյունքով (150+191 կգ) դարձել էր Մ20 տարեկանների առաջնության ոսկե մեդալակիր: Պոկում վարժությունում Մկրտչյանը երեք հաջող մոտեցմամբ ցույց էր տվել 150 կգ արդյունք և նվաճել վարժության փոքր բրոնզե մեդալը: Հրում վարժությունում հայ ծանրորդը դարձյալ հաջող էր կատարել բոլոր մոտեցումներն ու 191 կգ արդյունքով արժանացել փոքր ոսկե մեդալին:

Պատանեկան հավաքականի կազմում հաղթողի կոչմանն արժանացել էր նաև 76 կգ քաշային Աննա Ամրոյանը՝ երկամարտի 228 կգ արդյունքով դառնալով Եվրոպայի Մ20 տարեկանների առաջնության ոսկե մեդալակիր: Պոկում վարժությունում Ամրոյանը, գլխավերևում պահելով 100 կգ կշռող ծանրաձողը, արժանացել էր փոքր բրոնզե մեդալին, իսկ հրում վարժությունում 128 կգ արդյունքով դարձել էր փոքր ոսկե մեդալակիր:

Հայաստանի մյուս ներկայացուցիչ, 73 կգ քաշային Մարտին Պողոսյանը մինչև 20 տարեկանների պայքարում բրոնզե մեդալ էր նվաճել՝ երկամարտում գրանցելով 298 կգ արդյունք:

89 կգ քաշայինների պայքարում Վալերիկ Մովսիսյանը բրոնզե մեդալ էր նվաճել՝ երկամարտում ցույց տալով 339 կգ արդյունք: Պոկում վարժությունում Մովսիսյանը երկու հաջող մոտեցում էր կատարել՝ գլխավերևում պահելով նախ 150, ապա 155 կգ կշռող ծանրաձողը: Այս վարժությունում նա փոքր արծաթե մեդալ էր նվաճել: Հրում վարժությունում Մովսիսյանը երկու հաջող մոտեցմամբ ցույց էր տվել 184 կգ արդյունք:

Հայաստանի մյուս ներկայացուցիչ, 81 կգ քաշային Կարեն Մարգարյանը երկամարտի 333 կգ արդյունքով (150+183 կգ) բրոնզե մեդալ էր նվաճել Մ23 տարեկանների առաջնությունում:

Եվրոպայի Մ20 տարեկանների առաջնությունում հաղթողի կոչմանն արժանացել էին նաև Ալեքսանդրա Գրիգորյանը (55 կգ) և Ժորա Գրիգորյանը (55 կգ): Պատանիների 61 կգ քաշային կարգում Հայաստանի մյուս ներկայացուցիչ Ռաֆիկ Մինասյանը, երկամարտում ցույց տալով 264 կգ արդյունք, դարձել էր արծաթե մեդալակիր (119 + 145 կգ): 55 կգ քաշում հանդես եկող Հայաստանի մյուս ներկայացուցիչ Սեյրան Խուդանյանը երկամարտի 224 կգ արդյունքով 5-րդն էր:

Մ23 տարեկանների Եվրոպայի առաջնությունում հաղթողի կոչմանն արժանացել էին 61 կգ քաշային Գառնիկ Չոլակյանը և 73 կգ քաշային Գոռ Սահակյանը։