Հեղինակավոր ESPN պարբերականը հրապարակել է Անգլիայի Պրեմիեր լիգայի պատմության ամենաանհաջող տրանսֆերների վարկանիշային աղյուսակը։ 50 ձախողված գործարքների ցանկը գլխավորել է «Չելսիի» ուկրաինացի կիսապաշտպան Միխայիլո Մուդրիկը։

Մուդրիկը լոնդոնյան ակումբին միացել էր «Շախտյորից» 2022/23 մրցաշրջանում՝ 70 միլիոն եվրոյի դիմաց, սակայն, ըստ պարբերականի, չի արդարացրել սպասելիքները։

ԱՊԼ-ի պատմության 10 վատագույն տրանսֆերները՝ ըստ ESPN-ի.

1. Միխայիլո Մուդրիկ – «Շախտյորից» «Չելսի» (70 միլիոն)
2. Անտոնի – «Այաքսից» «Մանչեսթեր Յունայթեդ» (95 միլիոն)
3. Նիկոլյա Պեպե – «Լիլից» «Արսենալ» (80 միլիոն)
4. Ալի Դիա – ազատ գործակալի կարգավիճակով՝ «Սաութհեմփթոն»
5. Դենիել Դրինքուոթեր – «Լեսթերից» «Չելսի» (37,9 միլիոն)
6. Ռիկարդո Ալվարես – «Ինտերից» «Սանդերլենդ» (10,5 միլիոն)
7. Ռոմելու Լուկակու – «Ինտերից» «Չելսի» (113 միլիոն)
8. Ջեյդոն Սանչո – «Բորուսիայից» «Մանչեսթեր Յունայթեդ» (85 միլիոն)
9. Թոմաս Բրոլին – «Պարմայից» «Լիդս Յունայթեդ» (5,3 միլիոն)
10. Կալվին Ֆիլիպս – «Լիդս Յունայթեդից» «Մանչեսթեր Սիթի» (49 միլիոն)

Հիշեցնենք, որ ֆուտբոլիստի կարիերան ստվերվել է նաև դոպինգային սկանդալով․ 2024 թվականի դեկտեմբերին Մուդրիկի հանձնած փորձանմուշում հայտնաբերվել էր արգելված նյութերի ցանկում ընդգրկված մելդոնիում։

Մինչ այդ պահը ուկրաինացի ֆուտբոլիստը «Չելսիի» կազմում անցկացրել էր 73 հանդիպում՝ դառնալով 10 գոլի և 11 գոլային փոխանցման հեղինակ։ Մուդրիկի մասնակցությամբ վերջին պաշտոնական հանդիպումը կայացել է 2024 թվականի նոյեմբերի վերջին, երբ Կոնֆերենցիաների լիգայի լիգայի փուլում «Չելսին» 2-0 հաշվով հաղթել էր «Հայդենհայմին»։ Այդ խաղում Մուդրիկն աչքի էր ընկել խփած գնդակով։

Լոնդոնի «Չելսիի» ուկրաինացի կիսապաշտպան Միխայիլո Մուդրիկը ցանկանում է Ուկրաինայի ատլետիկայի հավաքականի կազմում մասնակցել Լոս Անջելեսում կայանալիք 2028 թվականի Օլիմպիական խաղերին։ Այս մասին հայտնում է Marca-ն։

Աղբյուրի տեղեկություններով՝ 24-ամյա ուկրաինացի կիսապաշտպանը, որն անցյալ տարի որակազրկվել էր հակադոպինգային կանոնները խախտելու համար, մարզվում է Ուկրաինայի վազորդների ազգային հավաքականի հետ։

Մուդրիկի նպատակն է մասնակցել 2028 թվականի Օլիմպիական խաղերին որպես ազգային հավաքականի վազորդ։ 2024 թվականի դեկտեմբերին պարզվեց, որ Մուդրիկի արյան մեջ մելդոնիումի դրական թեստի արդյունք է արձանագրվել։ «Չելսիի» կիսապաշտպանը ժամանակավորապես հեռացվել է ֆուտբոլից և կարող է որակազրկվել մինչև չորս տարի ժամկետով։

2025 թվականի հունիսին Անգլիայի ֆուտբոլի ասոցիացիան (FA) պաշտոնապես մեղադրանք առաջադրեց Մուդրիկին՝ հակադոպինգային կանոնները խախտելու համար։

2024 թվականի դեկտեմբերի 16-ի լույս 17-ի գիշերը հայտնի դարձավ, որ Լոնդոնի «Չելսիի» ուկրաինացի վինգեր Միխայլո Մուդրիկի դոպինգ թեստը դրական է եղել։ Ֆուտբոլային հասարակությունն ու խաղացողը երկար ժամանակ սպասում էին B նմուշի արդյունքներին, և լրագրող Իգոր Ցիգանիկի խոսքով՝ դրանք արդեն ստացվել են։

Ինչպես տեղեկացնում է լրագրողը իր YouTube-յան ալիքում, երկրորդ նմուշի արդյունքը նույնպես դրական է եղել։ Ներկայումս Մուդրիկի կողմը պատրաստվում է բողոքարկել դատավճիռը։ Քանի դեռ այս հարցի շուրջ վերջնական որոշում չի կայացվել, դոպինգ թեստի արդյունքը պաշտոնապես չի հայտարարվում։

Նշենք, որ Միխայիլին սպառնում է մինչև չորս տարվա որակազրկում՝ արգելված դեղամիջոցներ օգտագործելու համար։

24-ամյա ֆուտբոլիստի գործող պայմանագրի ժամկետը «ազնվականների» հետ նախատեսված է մինչև 2031 թվականի ամառը, իսկ նրա տրանսֆերային արժեքը գնահատվում է 30 միլիոն եվրո։

EA Sports FC 25 տեսախաղի մշակողները մի քանի ֆուտբոլիստների հեռացրել են կարիերայի ռեժիմից։

Մասնավորապես հեռացվել է «Չելսիի» և Ուկրաինայի հավաքականի կիսապաշտպան Միխայիլո Մուդրիկը։ Ավելի վաղ հայտնի էր դարձել, որ 23-ամյա խաղացողի մոտ արգելված դեղամիջոցի թեստը դրական է եղել։

ԶԼՄ-ների տեղեկություններով՝ Մուդրիկը խաղադաշտից անորոշ ժամանակով հեռացվել է միլդրոնատի հայտնաբերման պատճառով։ Այժմ նրան երկար որակազրկում է սպառնում, որը կարող է տևել մինչև 4 տարի։

Խաղից հեռացվել են նաև «Բարսելոնայի» ֆուտբոլիստներ Դանի Օլմոն և Պաու Վիկտորը։ Ինչպես նաև «Սևիլյայի» կազմում կարիերան ավարտած Խեսուս Նավասը։

Հիշեցնենքմ որ ավելի վաղ Իսպանիայի սպորտի բարձրագույն խորհուրդը (CSD) թույլատրել էր կատալոնացիներին ժամանակավոր գրանցել Օլմոյին և Վիկտորին, մինչ բողոքարկման քննարկումը։

2024 թվականի դեկտեմբերի 17-ին «Չելսին» պաշտոնապես հաստատեց վինգեր Միխայիլո Մուդրիկի դրական դոպինգ թեստի արդյունքները։ Մուդրիկի դոպինգ-թեստի արդյունքում հայտնաբերվել է արգելված նյութ՝ մելդոնիում։

Ուկրաինացի ֆուտբոլիստին սպառնում է երկարաժամկետ որակազրկում։ Այնուամենայնիվ, նա չի պատրաստվում հանձնվել և պայքարելու է իր ֆուտբոլային ապագայի համար։

The Telegraph-ի հաղորդմամբ՝ Ուկրաինայի հավաքականի վինգերը վարձել է Morgan Sports Law իրավաբանական ընկերությունը, որը նախկինում օգնել է «Յուվենտուսի» կիսապաշտպան Պոլ Պոգբային կրճատել որակազրկման ժամկետը 4 տարուց մինչև 18 ամիս։

Մելդոնիումն աշխատունակությունը բարձրացնող դեղամիջոց է, որը ներառվել է Աշխարհի հակադոպինգային գործակալության (WADA) արգելված նյութերի ցուցակում 2016 թվականի հունվարի 1-ին։

Լոնդոնի «Չելսիի» կիսապաշտպան Միխայիլո Մուդրիկը խոսել է իր անվան շուրջ ստեղծված իրվիճակի մասին։

«Ես կարող եմ հաստատել, որ ինձ ծանուցել են, որ FA-ին տրամադրված նմուշը պարունակում է արգելված նյութ:

Սա լիակատար ցնցում է ինձ համար, քանի որ ես երբեք գիտակցաբար չեմ օգտագործել անօրինական նյութեր կամ չեմ խախտել որևէ կանոն, և ես սերտորեն աշխատում եմ իմ թիմի հետ՝ հասկանալու համար, թե ինչպես դա կարող էր տեղի ունենալ:

Գիտեմ, որ ոչ մի սխալ բան չեմ արել, և շարունակում եմ հուսալ, որ շուտով կվերադառնամ խաղադաշտ։ Այժմ ես չեմ կարող ավելին ասել՝ ելնելով գործընթացի գաղտնիությունից»,- գրել է Մուդրիկը սոցցանցում։

Հիշեցնենք, որ 23-ամյա խաղացողը Անգլիայի ֆուտբոլային ասոցիացիայի որոշմամբ անժամկետ որակազրկվել է և չի կարողանա մասնակցել ֆուտբոլային հանդիպումների։

Լոնդոնի «Չելսիի» կիսապաշտպան Միխայիլո Մուդրիկը Անգլիայի ֆուտբոլային ասոցիացիայի որոշմամբ ժամանակավորապես որակազրկվել է և չի կարողանա մասնակցել ֆուտբոլային հանդիպումների։ Այս մասին հայտնում է Daily Mail-ը։ Ավելի վաղ տեղեկություններ էին հայտնվել, որ ուկրաինացին դրական դոպինգ թեստ է անցել։

Նշվում է, որ կիսապաշտպանի «Ա» նմուշում արգելված նյութ է հայտնաբերվել։ Հոկտեմբերի վերջին խաղացողից վերցվել է դոպինգ թեստ, որը դրական արդյունք է ցույց տվել։ Ակնկալվում է, որ «Բ» նմուշը կբացվի առաջիկա օրերին:

Թե ինչ նյութի մասին է խոսքը, դեռ պաշտոնապես հայտնի չէ։ Դոպինգի համար խաղացողը կարող է որակազրկվել 2-4 տարի։

Ընթացիկ մրցաշրջանում անցկացրած 15 խաղում Մուդրիկը բոլոր մրցաշարերում դարձել է 3 գոլի և 5 գոլային փոխանցման հեղինակ։

Լոնդոնի «Չելսին» հայտարարություն է տարածել թիմի և Ուկրաինայի հավաքականի ֆուտբոլիստ Միխայիլո Մուդրիկի մասին , ում դոպինգ թեստում արգելված նյութ է հայտնաբերվել։

«Չելսի» ֆուտբոլային ակումբը կարող է հաստատել, որ մեր խաղացող Միխայիլո Մուդրիկի հետ կապ է հաստատել FA-ն մեզի թեստում արգելված նյութի հայտնաբերման վերաբերյալ: Ե՛վ ակումբը, և՛ Միխայիլոն լիովին աջակցում են Ֆուտբոլի ասոցիացիայի թեստավորման ծրագրին, և մեր բոլոր խաղացողները, ներառյալ Միխայիլոն, պարբերաբար թեստավորվում են: Միխայիլը հաստատել է, որ երբեք գիտակցաբար չի օգտագործել արգելված նյութեր։ Այժմ և՛ Միխայիլոն, և՛ ակումբը կաշխատեն համապատասխան մարմինների հետ՝ պարզելու, թե ինչն է հանգեցրել թեստի դրական արդյունքի»,- ասվում է «Չելսիի» մամուլի ծառայության հաղորդագրության մեջ:

Հիշեցնենք, որ 23-ամյա խաղացողի առաջին դոպինգ թեստը դրական է եկել։ Եթե երկրորդ թեստը նույնպես դրական արդյունք ունենա, ապա ֆուտբոլիստին սպառնում է երկարաժամկետ որակազրկում՝ 2-4 տարի ժամկետով։

«Չելսիի» և Ուկրաինայի հավաքականի կիսապաշտպան Միխայիլ Մուդրիկը շատ լուրջ խնդիրներ ունի։ Վերջին հանդիպումներում նա չի ընդգրկվել լոնդոնյան թիմի կազմում, իսկ երկրպագուները հետաքրքրվել են, թե ինչ է պատահել նրա հետ։ Իսկ հիմա ամեն ինչ հայտնի է դարձել։

Ուկրաինական Tribuna լրատվականի փոխանցմամբ՝ հոկտեմբերի վերջին Մուդրիկի դոպինգ թեստը դրական է եղել։

Առայժմ բացվել է միայն «Ա» նմուշը, որը դրական արդյունք է ցույց տվել։ Շուտով կբացվի «B» նմուշը, և եթե այն նույնպես դրական արդյունք ունենա, ապա ֆուտբոլիստին սպառնում է երկարաժամկետ որակազրկում։ Եթե ​​երկրորդ նմուշը բացասական արդյունք ունենա, գործը կփակվի։

Դեռ հայտնի չէ, թե ինչ արգելված նյութի մասին է խոսքը։ Նման դեպքերում որակազրկման առավելագույն ժամկետը 4 տարի է։ Եթե ​​խաղացողին հաջողվի ապացուցել իր անմեղությունը, ապա որակազրկումը կարող է կրճատվել մինչև 2 տարի։ Նման պատմություն վերջերս տեղի ունեցավ Պոլ Պոգբայի հետ։

Ընթացիկ մրցաշրջանում 23-ամյա խաղացողը «ազնվականների» կազմում մասնակցել 15 հանդիպման՝ դառնալով 3 գոլի և 5 գոլային փոխանցման հեղինակ։

Հիշեցնենք, որ 2023 թվականի ձմռանը «Չելսին» Մուդրիկի համար «Շախտյորին» վճարեց 70 միլիոն եվրո։

Կոնֆերենցիաների լիգայի խաղարկության լիգայի փուլի 3-րդ տուրի լավագույն գոլ է ճանաչվել «Չելսիի» ուկրաինացի հարձակվող Միխայիլո Մուդրիկի գոլը Հայաստանի փոխչեմպիոն «Նոայի» դեմ խաղում։

«Սթեմֆորդ Բրիջում» կայացած խաղում «ազնավականները» 8 անպատասխան գնդակ ուղարկեցին երևանյան թիմի դարպասը։

ԿԼ-ի ընթացիկ խաղարկությունում ուկրաինացի խաղացողը լոնդոնյան ակումբի կազմում արդեն հասցրել է դառնալ 2 գոլի և 3 գոլային փոխանցման հեղինակ։