ՈւԵՖԱ-ի մամուլի ծառայությունը ներկայացրել է 2025/26 մրցաշրջանի Չեմպիոնների լիգայի խաղարկության խորհրդանշական հավաքականը։

Լավագույն 11 ֆուտբոլիստների ցուցակում տեղ են գտել մրցաշարի հաղթող հռչակված ֆրանսիական ՊՍԺ-ի հինգ խաղացողներ։

Չեմպիոնների լիգայի 2025/26 մրցաշրջանի խորհրդանշական հավաքականն ունի հետևյալ տեսքը.

Դարպասապահ. Դավիդ Ռայա («Արսենալ»):

Պաշտպաններ. Նունու Մենդեշ, Մարկինյոս (երկուսն էլ՝ ՊՍԺ), Գաբրիել («Արսենալ»), Մարկոս Լյորենտե («Ատլետիկո Մադրիդ»):

Կիսապաշտպաններ. Վիտինյա (ՊՍԺ), Դեկլան Ռայս («Արսենալ»):

Հարձակվողներ և վինգերներ. Խվիչա Կվարացխելիա, Ուսման Դեմբելե (երկուսն էլ՝ ՊՍԺ), Հարի Քեյն, Մայքլ Օլիսե (երկուսն էլ՝ «Բավարիա»):

Հիշեցնենք նաև, որ մրցաշարի լավագույն ֆուտբոլիստ էր ճանաչվել փարիզյան գրանդի վրացի վինգեր Խվիչա Կվարացխելիան։

Հայտնի մարզական The Athletic պարբերականը կազմել է եվրոպական թոփ-5 լիգաների 2025/2026 մրցաշրջանի խորհրդանշական հավաքականը։

Ուշագրավ է, որ լավագույնների թիմում ընդգրկվել է միանգամից հինգ ֆուտբոլիստ ֆրանսիական ՊՍԺ-ից։ Երկուական ներկայացուցիչ ունեն Մյունխենի «Բավարիան» և Լոնդոնի «Արսենալը», իսկ ահա իսպանական գրանդներից՝ Մադրիդի «Ռեալից» ու «Բարսելոնայից», խորհրդանշական թիմում տեղ է գտել մեկական ֆուտբոլիստ։

The Athletic-ի վարկածով 2025/26 մրցաշրջանի խորհրդանշական հավաքականն ունի հետևյալ տեսքը.

Դարպասապահ՝ Դավիդ Ռայա («Արսենալ»)

Պաշտպաններ՝ Աշրաֆ Հակիմի (ՊՍԺ), Մարկինյոս (ՊՍԺ), Գաբրիել Մագալյանս («Արսենալ»), Նունու Մենդեշ (ՊՍԺ)

Կիսապաշտպաններ՝ Ֆեդերիկո Վալվերդե («Ռեալ Մադրիդ»), Վիտինյա (ՊՍԺ), Ժոաու Նևեշ (ՊՍԺ)

Հարձակվողներ՝ Մայքլ Օլիսե («Բավարիա»), Լամին Յամալ («Բարսելոնա»), Հարի Քեյն («Բավարիա»)

Բրազիլիայի ազգային հավաքականի գլխավոր մարզիչ Կառլո Անչելոտին հայտարարել է, որ 11 ֆուտբոլիստ արդեն իսկ երաշխավորել է իր տեղը թիմի վերջնական հայտացուցակում՝ աշխարհի 2026 թվականի առաջնությանը մասնակցելու համար։

ESPN-ի փոխանցմամբ՝ իտալացի մասնագետի վստահությանն արժանացած և «Մունդիալ-2026»-ի ուղեգիր ապահոված խաղացողների ցանկը հետևյալն է.

• Ալիսոն Բեքեր («Լիվերպուլ»)
• Մարկինյոս (ՊՍԺ)
• Գաբրիել Մագալյաեշ («Արսենալ»)
• Կազեմիրո («Մանչեսթեր Յունայթեդ»)
• Բրունո Գիմարայեշ («Նյուքասլ»)
• Վինիսիուս Ժունիոր («Ռեալ» Մադրիդ)
• Էստևաո («Չելսի»)
• Ռաֆինյա («Բարսելոնա»)
• Ռոդրիգո («Ռեալ» Մադրիդ)
• Գաբրիել Մարտինելի («Արսենալ»)
• Մատեուս Կունյա («Մանչեսթեր Յունայթեդ»)

Հիշեցնենք, որ աշխարհի 2026 թվականի առաջնությունը կանցկացվի հունիսի 11-ից հուլիսի 19-ը՝ Հյուսիսային Ամերիկայում։ Մրցաշարի հանդիպումները կհյուրընկալեն երեք երկիր՝ ԱՄՆ-ն, Կանադան և Մեքսիկան։

Աշխարհի գործող չեմպիոնը Արգենտինայի հավաքականն է, որը նախորդ մրցաշարի եզրափակիչում առավելության էր հասել Ֆրանսիայի ընտրանու նկատմամբ։

Բրիտանական The Guardian պարբերականը սկսել է հրապարակել տարվա 100 լավագույն խաղացողների իր ավանդական ցանկը, որը ներկայացվում է առանձին մասերով։

Վարկանիշը կազմվել է ժյուրիի քվեարկության արդյունքներով, որի կազմում ընդգրկված են եղել լրագրողներ, մարզիչներ և նախկին ֆուտբոլիստներ։ Ժյուրիի շարքում է նաև Հայաստանի ազգային հավաքականի նախկին պաշտպան, «Ուրարտուի» գլխավոր մարզիչ Ռոբերտ Արզումանյանը։

Յուրաքանչյուր քվեարկող կազմել է իր թոփ-100-ը, որտեղ առաջին տեղը զբաղեցրած ֆուտբոլիստը ստացել է 40 միավոր, իսկ 40-րդ տեղը՝ մեկ միավոր։

Ստորև ներկայացված են վարկանիշային աղյուսակի 41-ից 100-րդ հորիզոնականները զբաղեցրած ֆուտբոլիստները․

41-50-րդ հորիզոնականներ 41. Ռայան Գրավենբերխ («Լիվերպուլ») 42. Մարկինյոս (ՊՍԺ) 43. Ջամալ Մուսիալա («Բավարիա») 44. Վիլյամ Պաչո (ՊՍԺ) 45. Մարտին Էդեգոր («Արսենալ») 46. Վիկտոր Օսիմհեն («Գալաթասարայ») 47. Էնցո Ֆերնանդես («Չելսի») 48. Ալեքսանդեր Իսակ («Լիվերպուլ» / «Նյուքասլ») 49. Ալիսոն («Լիվերպուլ») 50. Յոշուա Կիմիխ («Բավարիա»)

51-60-րդ հորիզոնականներ 51. Կրիշտիանու Ռոնալդու («Ալ-Նասր») 52. Հաքան Չալհանօղլու («Ինտեր») 53. Բրեդլի Բարկոլա (ՊՍԺ) 54. Ալեսանդրո Բաստոնի («Ինտեր») 55. Բրունու Ֆերնանդեշ («Մանչեսթեր Յունայթեդ») 56. Էբերեչի Էզե («Արսենալ» / «Քրիսթալ Փելաս») 57. Նիկո Ուիլյամս («Ատլետիկ») 58. Դավիդ Ռայա («Արսենալ») 59. Էստևաո («Չելսի» / «Պալմեյրաս») 60. Ֆրենկի դե Յոնգ («Բարսելոնա»)

61-70-րդ հորիզոնականներ 61. Ֆիլիպ Ֆոդեն («Մանչեսթեր Սիթի») 62. Նիկոլո Բարելա («Ինտեր») 63. Մարկ Կուկուրելյա («Չելսի») 64. Յան Զոմեր («Ինտեր») 65. Մարկուս Թյուրամ («Ինտեր») 66. Ֆերմին Լոպես («Բարսելոնա») 67. Ուգո Էկիտիկե («Լիվերպուլ» / «Այնտրախտ») 68. Պաու Կուբարսի («Բարսելոնա») 69. Բրունո Գիմարայեշ («Նյուքասլ») 70. Մարտին Սուբիմենդի («Արսենալ»)

71-80-րդ հորիզոնականներ 71. Արդա Գյուլեր («Ռեալ») 72. Բերնարդու Սիլվա («Մանչեսթեր Սիթի») 73. Կևին դե Բրույնե («Նապոլի» / «Մանչեսթեր Սիթի») 74. Ռոդրի («Մանչեսթեր Սիթի») 75. Ժերեմի Դոկու («Մանչեսթեր Սիթի») 76. Ժոաո Պեդրո («Չելսի») 77. Բրիան Մբեմո («Մանչեսթեր Յունայթեդ» / «Բրենթֆորդ») 78. Էմիլիանո Մարտինես («Ասթոն Վիլա») 79. Տիջանի Ռեյնդերս («Մանչեսթեր Սիթի») 80. Ժյուլ Կունդե («Բարսելոնա»)

81-90-րդ հորիզոնականներ 81. Միկել Օյարսաբալ («Ռեալ Սոսյեդադ») 82. Նիկ Վոլտեմադե («Նյուքասլ» / «Շտուտգարտ») 83. Անդրե-Ֆրանկ Զամբո-Անգիսա («Նապոլի») 84. Ռուբեն Դիաշ («Մանչեսթեր Սիթի») 85. Ալեքս Գրիմանլդո («Բայեր») 86. Նիկո Պաս («Կոմո») 87. Ջորջիան դե Առասկաետա («Ֆլամենգո») 88. Անտուան Սեմենյո («Բորնմութ») 89. Կենան Յիլդիզ («Յուվենտուս») 90. Միկել Մերինո («Արսենալ»)

91-100-րդ հորիզոնականներ 91. Ռաֆայել Լեաու («Միլան») 92. Դին Հոյսեն («Ռեալ» / «Բորնմութ») 93. Յոշկո Գվարդիոլ («Մանչեսթեր Սիթի») 94. Մանուել Նոյեր («Բավարիա») 95. Մեյսոն Գրինվուդ («Մարսել») 96. Միկի վան դե Վեն («Տոտենհեմ») 97. Անտոնի («Բետիս») 98. Տրենտ Ալեքսանդեր-Առնոլդ («Ռեալ» / «Լիվերպուլ») 99. Ֆեդերիկո Դիմարկո («Ինտեր») 100. Անտուան Գրիզման («Ատլետիկո»)

Լավագույն 100 ֆուտբոլիստների անունները հրապարակվում են փուլ առ փուլ՝ սկսած դեկտեմբերի 16-ից.

• Երեքշաբթի՝ 100-71 տեղեր
• Չորեքշաբթի՝ 70-41 տեղեր
• Հինգշաբթի՝ 40-11 տեղեր
• Ուրբաթ՝ Լավագույն տասնյակ

Մադրիդի «Ռեալի» և Ֆրանսիայի հավաքականի նախկին կիսապաշտպան Կլոդ Մակելելեն խորհուրդ է տվել «արքայական» ակումբի ղեկավարությանը պայմանագիր կնքել ՊՍԺ-ի բրազիլացի պաշտպան Մարկինյոսի հետ։

«Ես միշտ ցանկացել եմ տեսնել Մարկինյոսին «Ռեալում»։ Ես պաշտում եմ այդ տղային։ Նրա հետ աշխատել եմ ՊՍԺ-ում, երբ Անչելոտիի անձնակազմի անդամ էի։ Նրա որակը, աշխատասիրությունը, կիրքը, համբերությունը… Նա անհավանականորեն առաջադիմել է։ Իհարկե, նա այժմ խաղում է աշխարհի լավագույն թիմում՝ ՊՍԺ-ում։ Բայց նա հենց այն տեսակի խաղացողն է, որին ես կցանկանայի տեսնել «Ռեալում»։

Մարկինյոսը շատ խելացի է։ Այսօր ես շատ պաշտպաններ չեմ տեսնում, որոնք կարող են նրա մակարդակի խաղ ցուցադրել։ Ինձ համար Մարկինյոսը երազանքի խաղացող է, բայց ես չեմ կարծում, որ ՊՍԺ-ն բաց կթողնի նրան»,— ասել է Մակելելեն Trivela-ին տված հարցազրույցում։

31-ամյա բրազիլացու գործող պայմանագրի ժամկետը փարիզյան գրանդի հետ նախատեսված է մինչև 2028 թվականի կեսը։

ՊՍԺ-ի բրազիլացի ավագ Մարկինյոսը վնասվածքի պատճառով բաց կթողնի մի քանի շաբաթ, հայտնում է ֆրանսիական ակումբի պաշտոնական կայքը։

31-ամյա խաղացողը ձախ ազդրի վնասվածք է ստացել Լիգա 1-ի 5-րդ տուրի «Մարսելի» դեմ խաղում, որտեղ փարիզցիները կրեցին իրենց առաջին պարտությունը ընթացիկ մրցաշրջանում։

Կենտրոնական պաշտպանը բաց կթողնի «Օսերի» դեմ խաղը (սեպտեմբերի 27), ինչպես նաև Չեմպիոնների լիգայի կարևոր հանդիպումը «Բարսելոնայի» դեմ (հոկտեմբերի 1) և «Լիլի» դեմ խաղը (հոկտեմբերի 5)։

Ավելին, նրա մասնակցությունը «Ստրասբուրգի» դեմ հոկտեմբերի 17-ին կայանալիք խաղին նույնպես կասկածի տակ է։

Նշվում է նաև, որ Ժոաու Նևեշը, Դեսիրե Դուեն և Ուսման Դեմբելեն շարունակում են վերականգնվել վնասվածքներից։

2024/25 մրցաշրջանի Չեմպիոնների լիգայի ավարտից հետո ՈւԵՖԱ-ն հրապարակել է մրցաշարի խորհրդանշական հավաքականը, ինչպես նաև ճանաչել լավագույն խաղացողներին և մրցաշրջանի լավագույն գոլը: Այս մրցաշրջանը պատմական դարձավ ՊՍԺ-ի համար, որը նվաճեց իր առաջին եվրոպական գավաթը՝ եզրափակiչում 5:0 հաշվով վստահորեն հաղթելով «Ինտերին»:

Խորհրդանշական հավաքականի կազմը

ՈւԵՖԱ-ի տեխնիկական հանձնաժողովի կողմից կազմված մրցաշրջանի խորհրդանշական թիմում գերակշռում են ՊՍԺ-ի խաղացողները՝ 11-ից 7 ներկայացուցիչ:

Դարպասապահ

• Ջանլուիջի Դոնարումա (ՊՍԺ)

Պաշտպաններ

• Նունու Մենդեշ (ՊՍԺ)
• Ալեսանդրո Բաստոնի («Ինտեր»)
• Մարկինյոս (ՊՍԺ)
• Աշրաֆ Հակիմի (ՊՍԺ)

Կիսապաշտպաններ

• Դեկլան Ռայս («Արսենալ»)
• Վիտինյա (ՊՍԺ)

Հարձակվողներ

• Ռաֆինյա («Բարսելոնա»)
• Ուսման Դեմբելե (ՊՍԺ)
• Դեզիրե Դուե (ՊՍԺ)
• Լամին Յամալ («Բարսելոնա»)

Լավագույն ֆուտբոլիստ՝ Ուսման Դեմբելե

Չեմպիոնների լիգայի մրցաշրջանի լավագույն խաղացող ճանաչվեց Ուսման Դեմբելեն: Ֆրանսիացի խաղացողը փայլեց ամբողջ մրցաշարի ընթացքում՝ 15 խաղում խփելով 8 գոլ և կատարելով 6 գոլային փոխանցում: Նրա անփոխարինելի դերը հատկապես ակնհայտ էր փլեյ-օֆֆ փուլում և եզրափակիչում, որտեղ նա դարձավ խաղի գլխավոր շարժիչ ուժերից մեկը:

Լավագույն երիտասարդ խաղացող՝ Դեզիրե Դուե

ՊՍԺ-ի 19-ամյա հարձակվող Դեզիրե Դուեն ճանաչվեց մրցաշրջանի լավագույն երիտասարդ խաղացող: Նա մասնակցեց 16 խաղի՝ խփելով 5 գոլ և կատարելով 5 գոլային փոխանցում: Ամենահիշարժան պահը եզրափակիչն էր «Ինտերի» դեմ, երբ նա դարձավ առաջին դեռահասը, ով Չեմպիոնների լիգայի եզրափակչում խփել է երկու գոլ:

ՈւԵՖԱ-ի տեխնիկական դիտորդները բարձր գնահատեցին Դուեի խաղը.

«Դուեն տպավորիչ էր փլեյ-օֆֆ փուլում և եզրափակիչում: Նա դարձավ ոգեշնչման աղբյուր երիտասարդների համար»:

Նախորդ տարիների լավագույն երիտասարդ խաղացողներ

2023/24 – Ջուդ Բելինգհեմ («Ռեալ»)
2022/23 – Խվիչա Կվարացխելիա («Նապոլի»)
2021/22 – Վինիսիուս Ժունիոր («Ռեալ»)

Լավագույն գոլ՝ Լամին Յամալ

Մրցաշրջանի լավագույն գոլի հեղինակ ճանաչվեց «Բարսելոնայի» երիտասարդ տաղանդ Լամին Յամալը: Նրա գեղեցիկ հարվածը կիսաեզրափակչի առաջին խաղում՝ «Ինտերի» դեմ, 24-րդ րոպեին, արժանացավ ՈւԵՖԱ-ի տեխնիկական հանձնաժողովի բարձր գնահատականին:

ՊՍԺ-ի կենտրոնական պաշտպան Մարկինյոսը դարձել է ակումբի նոր ռեկորդակիրը։ Բրազիլացին գոլի հեղինակ է դարձել «Լիլի» դեմ հանդիպմանը։

Սա փարիզցիների ավագի առաջին գոլն է ընթացիկ մրցաշրջանում:

Մարկինյոսը դարձավ ՊՍԺ-ի պատմության մեջ առաջին ֆուտբոլիստը, ով առնվազն մեկ գոլ է խփել Լիգա 1-ի տասը տարբեր մրցաշարերում:

Ընդհանուր առմամբ, կենտրոնական պաշտպանը բոլոր մրցաշարերում ՊՍԺ-ի կազմում անցկացրել է 473 հանդիպում։

Ֆրանսիական «Նանտը» և Լոնդոնի «Արսենալը» համաձայնության են եկել կիսապաշտպան Մարկինյոսի վարձակալության հարցում, հաղորդում է անգլիական ակումբի մամուլի ծառայությունը իր պաշտոնական կայքում։ Համաձայնագիրն ուժի մեջ է մինչև 2025 թվականի դեկտեմբեր:

21-ամյա Մարկինյոսը «Սան Պաուլոյի» ակադեմիայի սան է: Նրա պրոֆեսիոնալ նորամուտը կայացել է 2021 թվականի հուլիսին։ Նախորդ մրցաշրջանում բրազիլացին վարձավճարով հանդես էր գալիս «Ֆլումինենսեում»: Նախկինում ֆուտբոլիստը հասցրել էր հանդես գալ նաև անգլիական «Նորվիչում» և ֆրանսիական «Նանտում»:

Բրազիլացի կիսապաշտպանի պայմանագիրը լոնդոնյան ակումբի հետ նախատեսված է մինչև 2027 թվականի ամառը։  Transfermarkt պորտալը ֆուտբոլիստի շուկայական արժեքը գնահատում է 6 միլիոն եվրո:

Մարկինյոսը վեց հանդիպում է անցկացրել «զինագործների» հիմնական կազմում՝ դառնալով մեկ գոլի և մեկ գոլային փոխանցման հեղինակ:

«Պարի Սեն Ժերմենը» պատրաստվում է երկարաձգել պայմանագիրը Մարկինյոսի հետ, հայտնում է ինսայդեր Ֆաբրիցիո Ռոմանոն.

Մարկինյոսը հաստատել է իր սերը ՊՍԺ-ի հանդեպ. «Այո, «Պարի Սեն Ժերմենն» իմ կյանքի ակումբն է»,- ասել է նա հեռախոսով։

ՊՍԺ-ն արդեն աշխատում է նրա պայմանագիրը ևս հինգ տարով երկարաձգելու վրա։

Ավելի վաղ հաղորդվում էր, որ ՊՍԺ-ն չի ցանկանում 85 միլիոն եվրոյով վաճառել Մարկինյոսին։