Մարականա — Armsport.am

Մարականա մարզադաշտը չի վերանվանվի Պելեի պատվին

Վարուժան Բաբայան — Wed, 07 Apr 2021 12:07:07 +0000

Ռիո դե Ժանեյրո նահանգի օրենսդիր մարմինը հրաժարվել է Ռիո դե Ժանեյրոյի «Մարականա» մարզադաշտը Բրազիլիայի ազգային հավաքականի կազմում ֆուտբոլի աշխարհի եռակի չեմպիոն Պելեի պատվին վերանվանելու մասին նախապես հաստատված օրինագծից, հաղորդում է O Globo-ն:

Նախատեսվում էր, որ մարզական հաստատությունը վերանվանվելու է «Edson Arantis do Nascimento — Rey Pele»․ օրինագիծը հաստատվել էր մարտին:

Նշվում է, որ փաստաթղթի հեղինակը և Օրենսդիր խորհրդի ղեկավար Անդրե Սեսիլիանոն հայտարարել է, որ կդիմեն նահանգապետ Կլաուդիո Կաստրոյին `օրինագիծը հետ վերցնելու խնդրանքով:

Պատմական Մարականա ստադիոնը վերածվում է հիվանդանոցի

Erik — Fri, 03 Apr 2020 15:29:20 +0000

Պատմական Մարականա ստադիոնը վերածվում է հիվանդանոցի: Նոր բուժհաստատությունը կտեղավորի 1800 մահճակալ:

Ռիո դե Ժանեյրոն Բրազիլիայում երկրորդ քաղաքն է Կովիդ-19-ի մահացության դեպքերի թվով: Առաջին տեղում Սան Պաուլոն է: Մարականան վերջնական պատրաստ կլինի ապրիլի վերջին: Այն ընթացքում, երբ շինարարները շտապում են ավարտին հասցնել շինարարությունը, բրազիլացիները շարունակում են վազել, քայլել, մարզվել մարզադաշտի տարածքում՝ անտեսելով Ռիոյի քաղաքային կառավարության՝ տանը մնալու հորդորները: Մարականայից ոչ հեռու, դիմակավորված հազարավոր բրազիլացիներ հերթ են կանգնել և փորձում են աշխատանք գտնել: Մարդիկ բողոքում են, որ կառավարությունը նրանց ուշացած և չնչին օգնություն է ցուցաբերել, այն դեպքում, երբ նրանք 2 շաբաթ է չեն աշխատում:

Այս պահին Բրազիլիայում 8000 վարակված կա, մահացել է 299-ը: Մահացությունների թվով Բրազիլիան առաջինն է Լատինական ամերիկայում:

Մարականան ժամանակավոր հիվանդանոց կդառնա

Վարուժան Բաբայան — Mon, 30 Mar 2020 10:41:00 +0000

Ռիո դե Ժանեյրոյի ֆուտբոլի ստադիոնները, որտեղ 2016 թ․ անցկացվել են օլիմպիական խաղերի ֆուտբոլի կանանց և տղամարդկանց մրցաշարերը, կօգտագործվեն կորոնավիրուսի դեմ պայքարի համար: Մարականա հանրահայտ ստադիոնը ժամանակավոր հիվանդանոց կդառնա COVID-19 հիվանդների համար։

Լոզանում այս տարվա հունվարին կայացած ձմեռային պատանեկան խաղերի համար կառուցված մարզիկների գյուղում տեղավորվել են բժիշկները, բուժքույրերը և բժշկական անձնակազմը։ Այդ մասին հայտնում է ՀԱՕԿ-ի պաշտոնական կայքը։

Լոնդոնի օլիմպիական խաղերի Excel կենտրոնը նույնպես կվերածվի ժամանակավոր հիվանդանոցի, եթե առողջապահության ազգային կենտրոնը ծանրաբեռնվի հիվանդներով։

Covid-19. Մարականան դաշտային հիվանդանոցի կվերածվի

Erik — Thu, 26 Mar 2020 16:09:00 +0000

Լեգենդար «Մարականա» ստադիոնը ժամանակավորապես կվերածվի դաշտային հիվանդանոցի, տեղեկացնում է Globo-ն:

Ռիո դե Ժանեյրոյի քաղաքապետ Ուիլսոն Վիտցելը հայտարարել է այդ որոշման մասին:

Նշվում է, որ դաշտային հիվանդանոցը պատրաստ կլինի երկու շաբաթների ընթացքում, քանի որ այդ օրերին սպասվում է հիվանդների քանակի զգալի ավելացում:

Բրազիլական «Սան Պաուլու» և «Սանտոս» ակումբները իրենց աջակցությունն են հայտնել հիվանդանոցի կառուցման գործում:

Հիշեցնենք, որ աշխարհում հայտնաբերվել է կորոնավիրուսի 416.000 դեպք, որից 18.500-ը ՝ մահացել են: