#մանե — Armsport.am

Կարագեր. Մանեն կհեռանա Լիվերպուլից

Erik — Sat, 18 Jul 2020 19:50:00 +0000

Անգլիական «Լիվերպուլի» նախկին խաղացող Ջեյմի Կարագերը խոսել է թիմի սենեգալցի հարձակվող Սադիո Մանեի հասցեին, տեղեկացնում է Sky -ը:

«Սադիոն ֆենոմենալ հարձակվող է: Նա մեր թիմի ամենակարևոր մասնիկներից մեկն է:

Յուրգեն Կլոպը շատ ճիշտ որորշում կայացրեց, երբ որոշեց ձեռք բերել այս տղային: Նրա խաղը ինձ մեծ բավականություն է պարգևում:

Այդուհանդերձ, կարծում եմ ՝ Մանեն կհեռանա «Լիվերպուլից»: Չեմպիոնական տիտղոսը նրա վերջին նպատակն էր այս թիմի կազմում»,- ասել է Կարագերը:

Հիշեցնենք, որ Պրեմիեր լիգայի այս մրցաշրջանում Մանեն մասնակցել է 33 հանդիպման ՝ դառնալով 17 գոլի 9 գոլային փոխանցման հեղինակ:

Կամարա. Եթե Մանեն ուզում է նվաճել «Ոսկե գնդակը», պետք է հեռանա Լիվերպուլից

Erik — Mon, 29 Jun 2020 08:42:00 +0000

Սենեգալի հավաքականի նախկին ֆուտբոլիստ Դիոմանսի Կամարան յուրահատուկ խորհուրդ է տվել «Լիվերպուլի» հարձակվող Սադիո Մանեին, տեղեկացնում է Sky Sports-ը:

«Սադիոն պետք է հեռանա այնտեղից, եթե ուզում է նվաճել «Ոսկե գնդակը»: Նա հաղթեց այն, ինչը հնարավոր էր: Ժամանակն է առաջ շարժվելու:

«Լիվերպուլը» չի օգտագործում նրա լավագույն որակները: Մանեն ավելիին է արժանի»,- ասել է Կամարան:

Հիշեցնենք, որ ԱՊԼ-ի ընթացիկ մրցաշրջանում Մանեն դարձել է 15 գոլի ու 9 գոլային փոխանցման հեղինակ:

Լիվերպուլի առաջատարներից մեկը վերականգնվել է վնասվածքից

Erik — Mon, 10 Feb 2020 13:57:00 +0000

Անգլիական «Լիվերպուլի» սենեգալցի հարձակվող Սադիո Մանեն վերականգնվել է վնասվածքից, հաղորդում է Daily Mail-ը:

Մանեն վերադարձել է ընդհանուր խումբ և պատրաստվում է առաջիկա հանդիպումներին:

Հիշեցնենք, որ սենեգալցին վնասվածք էր ստացել «Վուլվերհեմթոնի» դեմ խաղում(2:1):

Հավելենք, որ «Լիվերպուլը» իր հաջորդ հանդիպումը կանցկացնի փետրվարի 15-ին ՝ հյուրընկալվելով «Նորվիչին»: Յուրգեն Կլոպի գլխավորած թիմը վաստակել է 73 միավոր և վստահորեն գլխավորում է ԱՊԼ-ի մրցաշարային աղյուսակը:

Կարագեր. Մանեն իրական հրեշ է

Erik — Thu, 16 Jan 2020 14:36:00 +0000

Անգլիական «Լիվերպուլի» նախկին խաղացող Ջեյմի Կարագերը գովեստի խոսքեր է շռայլել թիմի սենեգալցի հարձակվող Սադիո Մանեի հասցեին, տեղեկացնում է Sky Sports-ը:

«Նա իմ սիրելի խաղացողներից մեկն է, միգուցե՝ ամենասիրելին: Սադիոն հոյակապ գոլեր է խփում և միշտ ժպտում է: Չեմ սիրում փնթփնթացող ֆուտբոլիստներին:

Մանեն պարզապես «հրեշ է»,- ասել է Կարագերը:

Հիշեցնենք, որ Պրեմիեր լիգայի այս մրցաշրջանում Մանեն մասնակցել է 20 հանդիպման ՝ դառնալով 11 գոլի 8 գոլային փոխանցման հեղինակ:

Հավելենք, որ Մանեն վերջերս ճանաչվեց Աֆրիկայի 2019 թվականի լավագույն ֆուտբոլիստ:

Մանե. Երբ Մեսսին քվեարկում է քո օգտին, դա շատ բաների մասին է խոսում

Erik — Sun, 20 Oct 2019 08:56:15 +0000

«Լիվերպուլի» հարձակվող Սադիո Մանեն պատմել է, թե ինչպես է վերաբերվում «Բարսելոնայի» հարձակվող Լիոնել Մեսսիին ՖԻՖԱ-ի վարկածով տարվա լավագույն ֆուտբոլիստի քվեարկության ժամանակ առաջին տեղ գրավելուն, ինչպես նաև կարծիք է հայտնել, որ շատ աֆրիկացի խաղացողներ խնդիրներ ունեն դարպասին հարվածելու հետ: Մեսսին քվեարկության ժամանակ առաջին տեղում է դրել մերսիսայդցիների հարձակվողին։

Իր ցուցակում արգենտինացին ընդգրկել է նաև «Յուվենտուսի» հարձակվող Կրիշտիանու Ռոնալդուին և կիսապաշտպան Ֆրենկի Դե Յոնգին, որը նախորդ մրցաշրջանում հանդես էր գալիս «Այաքսում», իսկ ամռանը տեղափոխվեց «Բարսելոնա»:

«Երբ Մեսսին քվեարկում է քո օգտին, դա ցույց է տալիս, թե որքան ես դու առաջադիմել որպես ֆուտբոլիստ։ Աֆրիկայում գրեթե բոլորը կենտրոնանում են դրիբլինգի վրա՝ քիչ ժամանակ հատկացնելով հարվածներին: Ես կասեի, որ 60%-ը աֆրիկյան խաղացողների ունեն այս խնդիրը: Փորձում եմ այդ բաղադրիչին լրացուցիչ ժամանակ հատկացնել մարզման ժամանակ, փորձում եմ ավելի լավ և ավելի լավը դառնալ», -Մանեի խոսքը մեջբերում է The Times-ը։

Կարագերը նշել է Լիվերպուլի իր սիրելի ֆուտբոլիստին

Erik — Sun, 13 Oct 2019 10:16:08 +0000

«Լիվերպուլի» նախկին պաշտպան Ջեյմի Կարագերը խոսել է կիսապաշտպան Սադիո Մանեի խաղի մասին:

«Ես պարզապես սիրում եմ Մանեին, նա իմ սիրելի խաղացողն է ակումբում։ Նա հոյակապն է, միշտ ժպտում է ու գոլեր խփում: Մանեն Կլոպի առաջին իսկապես խոշոր տրանսֆերն է և կարծում եմ, որ այդ ժամանակից ի վեր Սադիոն ավելի ու ավելի լավն է դառնում։

Նա պարզապես մեքենա է», — Կարագերի խոսքն է փոխանցում «Լիվերպուլի» պաշտոնական կայքը:

Սուարեսի և Մանեի գոլերը հավակնում են դառնալ ՉԼ-ի շաբաթվա լավագույնը

Erik — Thu, 03 Oct 2019 06:30:31 +0000

ՈՒԵՖԱ-ն ներկայացրել է Չեմպիոնների լիգայի խմբային փուլի 2-րդ տուրի լավագույն գոլի հեղինակի չորս թեկնածուներին:

«Այաքսի» կիսապաշտպան Խակիմ Զիեշը հաղթական գոլ է խփել «Վալենսիայի» հետ խաղում (3:0): «Բավարիայի» պաշտպան Յոզուա Կիմիխը «Տոտենհեմի» հետ խաղում (7:2) հավասարեցրեց հաշիվը: «Լիվերպուլի» կիսապաշտպան Սադիո Մանեն բացեց հաշիվը «Զալցբուրգի» հետ խաղում (4:3):

Թեկնածուների թվում են նաև «Բարսելոնայի» հարձակվող Լուիս Սուարեսի երկու գոլերից առաջինը «Ինտերի» հետ խաղում (2:1):

Գոլերը կարելի է դիտել ՈւԵՖԱ-ի պաշտոնական կայքում:

Կարագերը խոսել է Սալահի և Մանեի կոնֆլիկտի մասին

Erik — Fri, 20 Sep 2019 19:19:34 +0000

«Լիվերպուլի» նախկին խաղացող Ջեյմի Կարագերը մեկնաբանել է Մուհամեդ Սալահի և Սադիո Մանեի միջև ստեղված լարվածությունը:

«Որքան խորանում է խնդիրը, այնքան փորձում ես հետաձգել դրա լուծումը։ Մանեի և Սալահի միջև տարաձայնությունները վերաբերում են հենց այս կարգին։ Ոչ մի պարագայում Մանեն գլուխը չէր կորցնի «Բարնլիի» հետ խաղի ժամանակ միայն այն պատճառով, որ Սալահից մի քանի փոխանցում չէր ստացել։ Նրա հիասթափությունը կուտակվել է արդեն մի քանի ամիս։ Պետք էր մի փոքր առիթ, որպեսզի այն դուրս գար։

Յուրգեն Կլոպն այն մարզիչը չէ, որն իր ֆուտբոլիստներին թույլ կտա խաղալ բացասական մթնոլորտում։ Կարծում եմ, որ նա այդ մասին խոսել է թե Սալահի, թե Մանեի հետ», — Կարագերի խոսքերը փոխանցում է Goal.com-ը: