Լիսաբոնի «Ժոզե Ալվալադե» մարզադաշտում անցկացվեց բարեգործական Legends Charity Game-ը, որը միավորեց ֆուտբոլի լեգենդներին և գրավեց հազարավոր երկրպագուների: Խաղը ոչ միայն սպորտային տոն էր, այլև բարեգործական առաքելություն՝ նպատակ ունենալով հավաքել 1 միլիոն եվրո Պորտուգալիայի և Ուկրաինայի բարեգործական կազմակերպությունների համար:

Պորտուգալիայի լեգենդները վճռականորեն մտան խաղ՝ սկզբից սահմանելով իրենց գերակայությունը: Առաջին գոլը խփեց Պեդրու Պաուլետան՝ Ռիկարդու Կուարեժմայի փայլուն փոխանցումից հետո: Շուտով Էլդեր Պոշտիգան կրկնապատկեց առավելությունը՝ ցուցադրելով վստահ խաղ: Կուարեժման, չնայած դեռ ակտիվ կարիերային, աչքի ընկավ իր տեխնիկայով և ճշգրիտ փոխանցումներով:

Հանդիպման ֆոտոշարքը

Երկրորդ խաղակեսում Լուիշ Ֆիգուն դարձավ խաղի աստղը: Նա նախ օգնեց Պոշտիգային խփել երրորդ գոլը, ապա ինքը գեղեցիկ խաբեությամբ անցավ Կարագունիսին և հաշիվը դարձրեց 3:1: Վերջում Պեպեն, օգտվելով Էլիզեուի փոխանցումից, գլխի հարվածով ամրագրեց Պորտուգալիայի հաղթանակը՝ 4:1:

«Աշխարհի թիմի» կազմում միակ գոլը խփեց Մայքլ Օուենը՝ Ալեսանդրո Դել Պիերոյի փոխանցումից հետո: Դել Պիերոն նաև մասնակցեց մեկ այլ վտանգավոր պահի, սակայն Յուրի Ջորկաեֆի չիրացված 11 մետրանոցին հաջորդած գոլը չեղարկվեց կանոնների խախտման պատճառով:

Հանդիպման առանձնահատուկ պահերից էր ուկրաինացի բռնցքամարտիկ Ալեքսանդր Ուսիկի մասնակցությունը: Նա խաղաց «Աշխարհի թիմի» կազմում և կարճ ժամանակում կատարեց մի քանի ճշգրիտ փոխանցումներ՝ զարմացնելով երկրպագուներին:

Մեկնարկային կազմերը՝

Պորտուգալիա՝ Վիտոր Բայա, Բրունու Ալվեշ, Ֆաբիու Կոենտրաու, Նանի, Ռիկարդու Կուարեժմա, Պեպե, Ժոզե Բոսինգվա, Լուիշ Ֆիգու, Պեդրու Պաուլետա, Մանիշ, Տիագու

Պահեստայիններ՝ Բետո, Ռիկարդու Կարվալյու, Դեկու, Ժորժե Անդրադե, Դանի, Նունու Գոմեշ, Էլդեր Պոշտիգա, Էլիզեու, Սիմաու

Գլխավոր մարզիչ՝ Կոշտինյա

Աշխարհի թիմ՝ Պետր Չեխ, Մարեկ Համշիկ, Խավիեր Զանետի, Կառլես Պույոլ, Գաիսկա Մենդետա, Հենրիկ Լարսոն, Կրիստիան Կարամբյո, Կակա, Մարկո Մատերացի, Ջոն Թերի, Խավիեր Սավիոլա

Պահեստայիններ՝ Էդվին վան դեր Սար, Ռոբերտո Կառլոս, Ալեսանդրո Դել Պիերո, Խրիստո Ստոյչկով, Մայքլ Օուեն, Գեորջի Հաջի, Յուրի Ջորկաեֆ, Օլեքսանդր Ուսիկ, Կրասիմիր Բալակով, Յորգոս Կարագունիս

Գլխավոր մարզիչ՝ Ռոբերտո Կառլոս

Հանդիպման գոլերի տեսանյութը

Մոսկվայի «Սպարտակի» պաշտոնական Twitter-ը արձագանքել է այն լուրին, որ լեգենդար շվեդ ֆուտբոլիստ Հենրիկ Լարսոնը միացել է «Բարսելոնայի» մարզչական շտաբին:

Նրա որդին՝ հարձակվող Ջորդան Լարսոնը, խաղում է «Սպարտակի» կազմում: Դրա հետ էլ կապված է մոսկովյան ակումբի կատակը:

«Մենք կարող ենք գուշակել, թե ով է լինելու ձեր տրանսֆերային թիրախը, բայց մեզ ևս պետք է այս տղան: Պատրաստվեք 100 միլիոն վճարել, հակառակ դեպքում՝ կարող եք մեզ չգրել», — ասվում է հաղորդագրության մեջ:

Догадываемся, кто будет вашей трансферной целью, но этот парень нужен нам самим. Готовьте 100 млн или даже не пишите. https://t.co/DXjJG9JcfL

— ФК «Спартак-Москва» (@fcsm_official) August 21, 2020

«Հելսինգբորգի» նախկին գլխավոր մարզիչ և «Բարսելոնայի» նախկին հարձակվող Հենրիկ Լարսոնը ընդունել է Ռոնալդ Կոմանի առաջարկը՝ կատալոնական ակումբում նրա օգնական դառնալու համար:

Ակնկալվում է, որ շվեդը կդառնա «Բարսելոնայի» հարձակվողների գլխավոր մարզիչը, հայտնում է AS-ը:

Նաև «Բարսելոնայի» նոր մարզչական շտաբում կընդգրկվի նիդերլանդացի Ալֆրեդ Շրյոդերը, ով հունիսին հեռացվեց «Հոֆենհայմից»:

«Բարսելոնայի» նախագահ Խոսեպ Մարիա Բարտոմեուն հաստատել է, որ ակումբը մոտ ժամանակներս Ռոնալդ Կումանին կնշանակի գլխավոր մարզչի պաշտոնում։

«Լիվերպուլի» և Նիդերլանդների հավաքականի նախկին խաղացող Դիրկ Կայտը կփոխարինի Դիկ Ադվոկատին՝ «Ֆեյենորդի» գլխավոր մարզչի պաշտոնում, հայտնում է Algemeen Dagblad-ը: Դա տեղի կունենա 2020/21 մրցաշրջանի վերջում: Նրա օգնական կնշանակվի «Սելթիկի» և «Բարսելոնայի» նախկին հարձակվող Հենրիկ Լարսոնը:

39-ամյա Կայտը, ով 2017-ին ավարտեց իր մասնագիտական ​​կարիերան, ներկայումս աշխատում է որպես մարզիչ Ֆեյենորդի ակադեմիայի երիտասարդական թիմերից մեկում:

Նիդեռլանդների վաղաժամկետ ավարտված առաջնությունում «Ֆեյենորդը» զբաղեցրեց երրորդ տեղը: