կուն-ագուերո — Armsport.am

Ագուերոն, Կուրտուան և Արտուրը կմասնակցեն ֆորմուլա-1-ի վիրտուալ մրցաշարին

Վարուժան Բաբայան — Sat, 09 May 2020 06:57:00 +0000

Երեք ֆուտբոլիստներ կմասնակցեն ֆորմուլա-1-ի վիրտուալ Իսպանիայի Գրան պրիին, հայտնում է Sky Sports-ը:

Հինգերորդ F1 Esports Virtual Grand Prix-ը տեղի կունենա մայիսի 10-ին: Վիրտուալ մրցավազքում կմասնակցեն Ֆորմուլա 1-ի արշավորդներ Չարլզ Լեկլերը, Ալեքս Ալբոն, Լանդո Նորիսը, Անտոնիո Ջովինազին, Ջորջ Ռասելը և Նիկոլաս Լաթիֆին:

Մասնակիցների ցանկում են նաև «Մանչեսթեր Սիթիի» արգենտինացի հարձակվող Սերխիո Ագուերոն (նա կդառնա Ալբոնի գործընկերը), «Ռեալի» բելգիացի դարպասապահ Տիբո Կուրտուան ( «Ալֆա Ռոմեո») և «Բարսելոնայի» բրազիլացի կիսապաշտպան Արթուր Մելոն («Հաաս»)

Հիշեցնենք, որ Ֆորմուլա-1-ի նոր մրցաշրջանը հետաձգվել է՝ կորոնավիրուսի համաճարակի պատճառով:

Ագուերոն կազմել է Արգենտինայի բոլոր ժամանակների խորհրդանշական հավաքականը

Վարուժան Բաբայան — Tue, 05 May 2020 13:57:00 +0000

«Մանչեսթեր Սիթիի» հարձակվող Սերխիո Ագուերոն կազմել է բոլոր ժամանակների լավագույն արգենտինացի ֆուտբոլիստների խորհրդանշական հավաքականը: Սակայն, հինգ հոգուց բաղկացած թիմի կազմում Սերխիոն տեղ չի գտել համաշխարհային ֆուտբոլի լեգենդ Դիեգո Մարադոնայի համար, ում դստեր հետ Ագուերոն նախկինում ամուսնացած էր:

Հարձակվողի կազմած խորհրդանշական հավաքականը հետևյալն է.

Դարպասապահ՝ Հերման Բուրգոս

Պաշտպան՝ Օսկար Ռուժերի

Հարձակվողներ ՝ Լիոնել Մեսսի, Կառլոս Տևես, Ռիկելմե

Վերջերս, «Մանչեսթեր Սիթիի» հարձակվող Սերխիո Ագուերոն, ում պայմանագիրը քաղաքաբնակների հետ ավարտվում է հաջորդ ամառ, խոսել է նաև իր հետագա կարիերայի մասին:

Ագուերոն 7-րդ անգամ ճանաչվել է ԱՊԼ-ի ամսվա լավագույն ֆուտբոլիստ

Erik — Fri, 07 Feb 2020 11:59:00 +0000

«Մանչեսթեր Սիթիի» հարձակվող Սերխիո Կուն Ագուերոն ճանաչվել է ԱՊԼ-ի՝ հունվար ամսվա լավագույն ֆուտբոլիստ:

31-ամյա արգենտինացին այս մրցանակին արժանանում է 7-րդ անգամ, ինչը ռեկորդ է ԱՊԼ-ի պատմության մեջ: Ագուերոն մրցանակներով շրջանցել է Քեյնին ու Ջերարդին:

Արգենտինացին հունվար ամսին դարձել է 6 գոլի հեղինակ:

Ագուերոյի հետ պայքարում էին նաև Ալիսոնը, Հենդերսոնը, Դուկուրեն, Գրիլիշը, Պերեսն ու Սթիվենսը:

Ագուերոն հաղթանակ պարգևեց «Մանչեսթեր Սիթիին» (տեսանյութ)

Erik — Tue, 21 Jan 2020 21:27:00 +0000

Անգլիայի Պրեմիեր Լիգայի 24-րդ տուրի շրջանակում «Շեֆիլդ Յունայթեդը» սեփական հարկի մրցեց «Մանչեսթեր Սիթիի» հետ (0:1):

Հանդիպման առաջին խաղակեսը անցավ Գվարդիոլայի գլխավորած թիմի բացահայտ առավելությամբ:

34-րդ րոպեին Մահրեզը 11-մետրանոց վաստակեց: Գնդակին մոտեցավ Գաբրիել Ժեզուսը և չկարողացավ խաբել դարպասապահ Հենդերսոնին: Այս մրցաշրջանում սա արդեն երրորդ դեպքն է, երբ բրազիլացին չի կարողանում իրացնել 11- մետրանոց հարվածը:

Երկրորդ խաղակեսում էլ հյուրերը չնվազեցրին ճնշումը, սակայն, Հենդերսոնը շարունակում էր վստահ խաղ ցուցադրել:

67-րդ րոպեին խոտածածկը լքեց այս խաղի գլխավոր անհաջողակը՝ Գաբրիել Ժեզուսը: Նրա փոխարեն խաղադաշտ դուրս եկավ «երկնագույնների» առաջատար Սերխիո Ագուերոն: Հենց նա էլ դարձավ իր թիմի հաղթական գոլի հեղինակը:

72-րդ րոպեին Դե Բրույնեն հրաշալի փոխանցում կատարեց արգենտինացուն և Կունը մոտ տարածությունից չվրիպեց:

Հանդիպման 84-րդ րոպեին Ռահիմ Սթերլինգը կարող էր կրկնապատկել հաշիվը, բայց մոտ տարածությունից շեղ հարվածեց:

Այսպիսով, «Մանչեսթեր Սիթին» վաստակեց 51 միավոր՝ 6 միավորով գերազանցելով երրորդ հորիզոնականում ընթացող «Լեսթերին», բայց Բրենդան Ռոջերսի թիմը մեկ խաղ պակաս է անցկացրել «երկնագույններից»:

Ագուերոն վերջին տասնամյակի ԱՊԼ-ի լավագույն ռմբարկուն է

Վարուժան Բաբայան — Mon, 30 Dec 2019 12:30:00 +0000

«Մանչեսթեր Սիթիի» հարձակվող Սերխիո Ագուերոն Անգլիայի Պրեմիեր լիգայում 2011-ից մինչ այժմ խփել է 174 գոլ: Հիշեցնենք, որ նա 2011 թվականից պաշտպանում է «քաղաքաբնակների» գույները:

Երկրորդը ՝ «Տոտենհեմի» հարձակվող Հարի Քեյնն է (136 գոլ), երրորդ տեղում ՝ «Մանչեսթեր Յունայթեդի» և «Էվերթոնի» նախկին հարձակվող Ուեյն Ռունին ՝ 114 գոլ:

Ըստ Opta-ի րանց հաջորդում են․

Ռոմելու Լուկակուն- 113 գոլ,
Ռոբին վան Պերսին (98)
Ջեյմի Վարդին (97)
Էդեն Ազարը (85)
Օլիվյե Ժիրուն (78)
Ռահիմ Ստերլինգը (77)
Սադիո Մանեն (77)

Որուգվայը չկարողացավ պահել հաղթական հաշիվն Արգենտինայի դեմ խաղում(տեսանյութ)

Erik — Mon, 18 Nov 2019 21:16:34 +0000

Միջազգային դադարի ընթացքում Արգենտինան ու Ուրուգվայը մրցեցին ընկերական խաղի շրջանակում:

Խաղն ավարտվեց 2-2 հաշվով: Հյուրերից աչքի ընկան Կավանին ու Սուարեսը, իսկ Արգենտինան պատասխանեց Ագուերոյի ու Մեսսիի գոլերով:

Մեսսին 91-րդ րոպեին գոլի հեղինակ դարձավ 11 մետրանոց հարվածով: