20-ամյա ուրուգվայցի հարձակվող Ֆրանկո Դելգադոն դատական հայց է ներկայացրել բրազիլական «Կորինտիանս» ակումբի դեմ՝ պահանջելով վճարել մոտ 604 հազար ռեալ (շուրջ 109 հազար ԱՄՆ դոլար) չվճարված աշխատավարձը։ Բացի այդ, նա խնդրում է վաղաժամ խզել իր պայմանագիրը, որն ուժի մեջ է մինչև 2027 թվականի մարտը։

Դելգադոն ճանաչում է ձեռք բերել «Դանուբիո» ակումբում՝ 17 տարեկանում ընդգրկվելով հիմնական կազմ։ Սակայն նա մերժել է ակումբի առաջարկած պայմանագիրը և տեղափոխվել «Կորինտիանս»՝ միանալով նրանց Մ20 թիմին։ Այս մրցաշրջանում նա աչքի է ընկել երիտասարդական առաջնությունում՝ 6 խաղում խփելով 6 գոլ։

Չնայած տպավորիչ արդյունքներին, Դելգադոն ստիպված է եղել դիմել դատարան՝ աշխատավարձի երկարաժամկետ ուշացումների պատճառով։ «Կորինտիանսը» դեռևս պաշտոնական մեկնաբանություն չի տվել այս հարցի վերաբերյալ։

Բրազիլական «Պալմեյրաս» ակումբն ամենաթանկարժեք կազմ ունեցող ոչ եվրոպական ակումբն է աշխարհում։ Թիմի բոլոր ֆուտբոլիստների ընդհանուր տրանսֆերային արժեքը գնահատվում է 222,8 մլն եվրո (ըստ Transfermarkt-ի)։

Երկրորդ տեղում այս ցուցանիշով բրազիլական մեկ այլ ակումբ է՝ «Ֆլամենգոն»։ Լավագույն եռյակը եզրափակում է սաուդյան «Ալ Հիլալը»։ Ընդհանրապես՝ լավագույն տասնյակում միայն երեք լիգաների ներկայացուցիչներ են՝ Բրազիլիայի, Արգենտինայի և Սաուդյան Արաբիայի թիմեր։ Ցանկը՝ ստորև․

«Պալմեյրաս» (Բրազիլիա) — 222,8 մլն եվրո
«Ֆլամենգո» (Բրազիլիա) — 217 մլն եվրո
«Ալ Հիլալ» (Սաուդյան Արաբիա) — 190,5 մլն եվրո
«Բոտաֆոգո» (Բրազիլիա) — 159 մլն եվրո
«Ալ Նասր» (Սաուդյան Արաբիա) — 148,5 մլն եվրո
«Ալ Ահլի» (Սաուդյան Արաբիա) — 136,7 մլն եվրո
«Ալ Իթիհադ» (Սաուդյան Արաբիա) — 128,3 մլն եվրո
«Կորինտիանս» (Բրազիլիա) — 109 մլն եվրո
«Ռիվեր Փլեյթ» (Արգենտինա) — 105,7 մլն եվրո
«Բոկա Խունիորս» (Արգենտինա) — 93,7 մլն եվրո
«Ինտերնասիոնալ» (Բրազիլիա) — 93,3 մլն եվրո
«Ամերիկա» (Մեքսիկա) — 92,5 մլն եվրո
«Կրուզեյրո» (Բրազիլիա) — 88,1 մլն եվրո
«Ատլետիկո Մինեյրո» (Բրազիլիա) — 86,7 մլն եվրո
«Սան Պաուլո» (Բրազիլիա) — 85 մլն եվրո
«Դեպորտիվո Տոլուկա» (Մեքսիկա) — 83,5 մլն եվրո
«Բահիա» (Բրազիլիա) — 82,5 մլն եվրո
«Մոնտերեյ» (Մեքսիկա) — 81,3 մլն եվրո
«Վասկո դա Գամա» (Բրազիլիա) — 80,3 մլն եվրո
«Գրեմիո» (Բրազիլիա) — 78,3 մլն եվրո
«Ֆլումինենսե» (Բրազիլիա) — 77,4 մլն եվրո
«Կրուզ Ազուլ» (Մեքսիկա) — 76,8 մլն եվրո
«Դեպորտիվո Գվադալահարա» (Մեքսիկա) — 71,2 մլն եվրո
«Բրագանտինո» (Բրազիլիա) — 71,2 մլն եվրո
«ԼԱ Գելեքսի» (ԱՄՆ) — 70,8 մլն եվրո
«Ալ Սադ» (Կատար) — 68,9 մլն եվրո
«Տիգրես» (Մեքսիկա) — 67 մլն եվրո
«Ալ Քադասիա» (Սաուդյան Արաբիա) — 65 մլն եվրո
«Ինտեր Մայամի» (ԱՄՆ) — 64,5 մլն եվրո
«Ռասինգ» (Արգենտինա) — 60 մլն եվրո
«Ալ Ռայան» (Կատար) — 59,8 մլն եվրո
«Ալ Դուհաիլ» (Կատար) — 59,4 մլն եվրո
«Վելես Սարսֆիլդ» (Արգենտինա) — 58,2 մլն եվրո
«Սանթոս» (Բրազիլիա) — 55,9 մլն եվրո
«Կոլամբուս» (ԱՄՆ) — 54,8 մլն եվրո

Աֆրիկայում ամենաթանկարժեք կազմ ունեցող ակումբը «Մամելոդին» (ՀԱՀ) է՝ 33,55 մլն եվրո, Օվկիանիայում՝ «Օքլենդը» (Նոր Զելանդիա)՝ 8,5 մլն եվրո։

Իսկ ահա ամենաթանկարժեք կազմ ունեցող եվրոպական ակումբների վարկանիշին անդրադարձել էինք ավելի վաղ՝ Աշխարհի ամենաթանկարժեք կազմ ունեցող ֆուտբոլային ակումբները նյութում։

Ֆրանսիացի կիսապաշտպան Պոլ Պոգբան նախնական համաձայնություն է տվել բրազիլական «Կորինտիանս» տեղափոխվելու համար, հայտնում է BolaVip-ը։

Աղբյուրի համաձայն, ակումբի ղեկավարությունը դեռևս ֆինանսական աջակցություն է փնտրում գործարքը փակելու համար: Ակումբը ցանկանում է հովանավոր գտնել, որը կկատարի ֆրանսիացու պայմանագրի 100%-ը։ Հաղորդվում է նաև, որ ակումբը գործարքն իրականացնելու համար աջակցություն է ակնկալում նաև իր ֆուտբոլիստ Մեմֆիս Դեպայից:

Ավելի վաղ «Յուվենտուսը» հայտարարել էր Պոգբայի հետ աշխատանքային պայմանագիրը խզելու մասին։ Հիշեցնենք, որ ֆուտբոլիստը որակազրկվել էր 4 տարով՝ արգելված նյութ ընդունելու համար, սակայն Մարզական արբիտրաժային դատարանը (CAS) որակազրկման ժամկետը նվազեցրել է մինչև 18 ամիս։ Այնուամենայնիվ, ֆուտբոլիստը կկարողանա մարզումներին վերադառնալ միայն հունվարին։

Բրազիլական «Կորինտիանսի» հոլանդադացի հարձակվող Մեմֆիս Դեպայը նշել է, թե ում հետ կցանկանար խաղալ ներկյիս թիմի կազմում։

«Ես կցանկանայի նույն թիմում խաղալ Նեյմարի հետ, նա միշտ ոգեշնչման աղբյուր է եղել ինձ համար։ Ես նրան հաղորդագրություն եմ ուղարկել, որտեղ գրել եմ արի և խաղա «Կորինտիանսում»։ Նեյմարը կարևոր է այս երկրի համար, նա գերաստղ է։

Չնայած գիտեմ, որ նա «Սանտոսի» երկրպագու է, կարծում եմ, որ նա շատ ընկերներ ունի «Կորինտիանսում»։ Հուսով եմ, որ ամեն ինչ լավ կլինի, և նա երջանիկ կլինի, որտեղ էլ որ գնա»,- ասել է Դեպայը Glogoesporte-ին:

Հիշեցնենք , որ ավելի վաղ հաղորդվում էր, որ Նեյմարը կարող է վերադառնալ հարազատ «Սանտոս»։

Լիբերտադորեսի գավաթի եզրափակիչ խաղում ծայրահեղ կոշտ դրվագ է գրանցվել։

«Բոտաֆոգոյի» ֆուտբոլիստ Գրեգորեն բաց ոտքով հարվածել է «Կորինտիանսի» ֆուտբոլիստ Ֆաուստո Վերեի գլխին։

Անխոհեմ խախտման համար «Բոտաֆոգոյի» հենակետային կիսապաշտպանն արժանիորեն ստացավ ուղիղ կարմիր քարտ՝ իր թիմին թողնելով 10 ֆուտբոլիստով արդեն խաղասկզբում։

Բրազիլական «Կորինտիանսը» կարող է վաղաժամ խզել պայմանագիրը թիմի հարձակվող Մեմֆիս Դեպայի հետ։ Այս մասին հայտնում է Esportes da Sorte-ը։

Աղբյուրի տեղեկություններով՝ ակումբը շուտով կարող է կորցնել խոշոր հովանավորին, որը մեղադրվում է օրենքը խախտելու մեջ։ Հենց այս հովանավորի շնորհիվ էր ակումբը վճարում Դեպայի աշխատավարձը:

Հիշեցնենք, որ Մեմֆիսը «Կորինտիանս» է տեղափոխվել ամռանը Մադրիդի «Ատլետիկոյից» ազատ գործակալի կարգավիճակով։ Այժմ 30-ամյա հոլանդացին Բրազիլիայի առաջնությունում անցկացրել է 3 հանդիպում, որտեղ դարձել է մեկ գոլային փոխանցման հեղինակ։

Ֆուտբոլային հայտնի գործակալ Ալեքսեյ Սաֆոնովը կարծում է, որ ԲԿՄԱ-ի նախկին հարձակվող Վագներ Լավը կարող է վերադառնալ և մեծ օգուտ տալ մոսկովյան ակումբին, տեղեկացնում է ТНВ-ն:

«Վագները նման չէ մյուսներին: Նա հիշեցնում է մի «գնչուական ձիու», ում անընդհատ կարելի է շահավետ վաճառել:

Նա 55 տարեկանում էլ ավելի լավ կխաղա, քան «Սոչիի» հարձակվող Զաբոլոտնին:

Այո, ԲԿՄԱ-ում խաղում է Չալովը, բայց նրան շուտով կվաճառեն: Եթե ԲԿՄԱ-ն գնի Վագներին, ապա կարող ենք վստահ լինել ՝ այս տղան գոլեր է խփելու:

Հասկանալի է, որ 36-ամյա ֆուտբոլիստը չի կարող մեծ ծավալի աշխատանք տանել, բայց տուգանային հրապարակում նա ուղղակի անկասելի է»,- ասել է Սաֆոնովը:

Հիշեցնենք, որ «Կորինտիանսի» հարձակվողը կարող է վերադառնալ ԲԿՄԱ, որտեղ անցկացրել է 9 մրցաշրջան:

Բրազիլական «Կորինտիանսի» երիտասարդ կիսապաշտպան Պեդրինյոն, ով ամռանը կտեղափոխվի «Բենֆիկա» հայտնվել է անսովոր իրավիճակում, հաղորդում է Bola-ն:

Նշվում է, որ 21-ամյա ֆուտբոլիստի համար«Բենֆիկան» 13,5 միլիոն եվրո է վճարել, բայց բրազիլական ակումբը ևս 3 միլիոն է պահանջում:

«Կորինտիանսը» ցանկանում է հավելյալ գումար ստանալ, եթե Պեդրինյոն հաջողության հասնի պորտուգալական ակումբում: Կողմերը քննարկում են ստեղծված իրավիճակը:

Նախկինում հաղորդվում էր, որ ֆուտբոլիստին իրենց կազմում են ցանկանում տեսնել ՝ Դոնեցկի «Շախտյորը» և Դորտմունդի «Բորուսիան»:

Դոնեցկի «Շախտյորի» հարձակվող Թայսոնը չի տեղափոխվի բրազիլական «Ինտերնասիոնալ», հաղորդում է Globo-ն:

Ակումբները չեն կարողացել համաձայնեցնել ֆուտբոլիստի տրանսֆերային արժեքը:

Հիշեցնենք, որ Թայսոնի ծառայություններով հետաքրքրված է բրազիլական ևս մեկ ակումբ՝ «Կորինտիանսը»:

Ուկրաինայի այս առաջնությունում բրազիլացին անցկացրել է 16 հանդիպում ՝ դառնալով 9 գոլի և 7 գոլային փոխանցման հեղինակ: