Հայտնի ռեփեր Snoop Dogg-ը, ով «Լոս Անջելես Լեյքերսի» մեծ երկրպագու է, ռեփ է կարդացել Կոբի Բրայանտի պատվին:

Հիշեցնենք, որ հունվարի 26-ին ՝ Լոս Անջելեսի մերձակայքում, Կոբի Բրայանտը, նրա 13-ամյա դուստր Ջիանան և ևս յոթ հոգի զոհվել էին՝ ուղղաթիռի վթարի պատճառով:

Հունվարի 28-ի լույս 29-ի գիշերը բոլոր մահացածների մարմինները հանվել են վթարի վայրից:

Ըստ Բրայանտի ընտանիքի ներկայացուցչի, աղետից անմիջապես հետո, մարզիկի այրին գնացել է Լոս Անջելեսի Շերիֆի գրասենյակ և խնդրել Ալեքս Վիլանուևային արգելանշել ողբերգության տեղը և այն պաշտպանել լուսանկարիչներից:

Չնայած Շերիֆի խոստումներին, ԶԼՄ-ներում լուսանկարների արտահոսք էր նկատվել:

NBA-ի լեգենդ Կոբի Բրայանտի չեմպիոնական մատանին, որը նա նվաճել էր 1999/00 թվականի մրցաշրջանում վաճառվել է աճուրդում, տեղեկացնում է  TMZ-ն:

«Լոս-Անջելես Լեյքերսի» կազմում նվաճած մատանիները Բրայանտը հանձնել էր իր մայրիկին, ով էլ 2013-ին ՝ 280.000 դոլարով դրանք վաճառել էր մի մասնավոր նմուշահավաքի:

Նա էլ այդ մատանիներից մեկն այժմ վաճառել է աճուրդում: Հաղորդվում է, որ անհայտ գնորդը դրա դիմաց վճարել է 206.000 դոլար:

Հիշեցնենք, որ 2020 թվականի հունվարի 26-ին Բրայանտն ու իր 13-ամյա դուստրն ուղղաթիռի կործանման զոհ էին դարձել Կալիֆորնիայում:

Լոս Անջելեսի դատաբժշկական փորձաքննության վարչությունը հրապարակել է հունվարին վթարի ենթարկված ուղղաթիռի` «Լոս Անջելես Լեյքերս» նախկին բասկետբոլիստ Կոբի Բրայանտի և ևս ութ զոհերի դիահերձման արդյունքները: Այս մասին հայտնում է ESPN-ը՝ հղում անելով դատաբժշկական փորձագետներից ստացված փաստաթղթին:

Հունիսի 26-ին Լոս Անջելեսի մերձակայքում Կոբի Բրայանտը, նրա 13-ամյա դուստր Ջիանան և ևս յոթ հոգի զոհվել էին՝ ուղղաթիռի վթարի պատճառով: Հունվարի 29-ի լույս 29-ի գիշերը բոլոր մահացածների մարմինները հանվել են վթարի վայրից:

Ըստ դատաբժշկական փորձագետների, ուղղաթիռի օդաչու Արա Զոբայանը թռիչքից առաջ չի օգտագործել ալկոհոլ կամ թմրանյութ: Մեթիլֆենիդատի հետքեր՝ ուշադրության դեֆիցիտի և անքնության դեմ նախատեսված դեղամիջոցներ, հայտնաբերվել են Բրայանթի արյան մեջ:

Հաղորդվում է, որ վթարի բոլոր զոհերը մահացել են անմիջապես ուղղաթիռի վթարից հետո:

Անցյալ շաբաթ բասկետբոլիստի այրին՝ Վանեսա Բրայանտը, դատի էր տվել Լոս Անջելեսի շրջանի Շերիֆի վարչությանը: Նա դիմել է դատարան ուղղաթիռի վթարի վայրից լուսանկարների հրապարական պատճառով:

Ըստ Բրայանտի ընտանիքի ներկայացուցչի, աղետից անմիջապես հետո, մարզիկի այրին գնացել է Լոս Անջելեսի Շերիֆի գրասենյակ և խնդրել Ալեքս Վիլանուևային արգելանշել ողբերգության տեղը և այն պաշտպանել լուսանկարիչներից: Միևնույն ժամանակ, չնայած Շերիֆի խոստումներին, ԶԼՄ-ներում լուսանկարների արտահոսք էր նկատվել:

Լեգենդար բասկետբոլիստ Կոբի Բրայանտին պատկանող 86 տարբեր իրեր ԱՄՆ-ում օնլայն աճուրդի են հանվել Goldin Auctions-ում: Այս մասին հայտնում է ESPN-ը:

«Կարծում ենք՝ Կոբի Բրայանտին առնչվող այս հիշարժան իրերի հավաքածուն ամենամեծն է պատմության մեջ»,- ասել է Գոլդինը:

Աճուրի են հանվել Բրայանտի խաղաշապիկները, նրա սպորտային կոշիկները, ինչպես նաև 14 կարատ քաշ ունեցող 8 ադամանդով ոսկյա մատանին, որի վրա դաջված է բասկետբոլիստի անունն ու որը նա դա ստացել է 2012 թվականի Լոնդոնի Օլիմիական խաղերում տարած հաղթանակի առթիվ: Աճուրդը կտևի մինչև մայիսի 16-ը:

Ամենաթանկարժեք լոտը խաղակոշիկներն են, որով Բրայանտը 2001 թվականին հանդես է եկել NBA-ի եզրափակիչ փլեյ-օֆֆի՝ «Ֆիլադելֆիա Սիկսերսի» հետ խաղում: Դրանց արժեքը 28 հազար դոլար է գնահատվում, իսկ ամենամատչելին Բրայանտի ստորագրությամբ բասկետբոլի գնդակն է (125 դոլար):

Գոլդինի խոսքով, յուրաքանչյուր լոտի վաճառքից ստացված հասույթի 5%-ը կփոխանցվի Mamba and Mambacita Sports Foundation ֆոնդին, որը ստեղծվել է Բրայանտի կնոջ՝ Վանեսայի կողմից, իր ամուսնու և դստեր ողբերգական մահից հետո:

Վանեսա Բրայանտը՝ «Լոս Անջելես Լեյքերսի» լեգենդար բասկետբոլիստ Կոբի Բրայանտի այրին, շնորհավորել է նրան՝ իրենց ամուսնության 19-ամյակի աթիվ:

«Իմ թագավոր, իմ սիրտ, իմ լավագույն ընկեր: Շնորհավոր մեր ամուսնության 19-ամյակը, սիրելիս: Շատ եմ կարոտում քեզ: Կցանկանայի, որ դու ինձ հետ լինեիր ու գրկեիր ինձ: Սիրում եմ քեզ»,- գրել է Վանեսան ու արխիվային լուսանկար հրապարակել:

Посмотреть эту публикацию в Instagram

My king, my heart, my best friend. Happy 19th wedding anniversary baby. I miss you so much. I wish you were here to hold me in your arms. I love you. ❤️

Публикация от Vanessa Bryant 🦋 (@vanessabryant) 18 Апр 2020 в 10:00 PDT

Հիշեցնենք՝ Բրայանտի ընտանիքն ի սկզբանե դեմ է եղել նրա ամուսնությանը Վանեսայի հետ: Հարսանեկան արարողությունն անցել է առանց հարազատների ու ընկերների: Զույգը 4 աղջիկ ուներ:

2020 թվականի հունվարի 26-ին Կոբի Բրայանտը ողբերգական ավիավթարի զոհ դարձավ: Նրա հետ միասին կյանքից հեռացավ նաև նրա 13-ամյա դուստրը, ինչպես նաև ուղղաթիռի 7 ուղևոր:

Սրբիչը, որը բասկետբոլի Ազգային ասոցիցայի լեգենդ Կոբի Բրայանտն օգտագործել է 2016 թվականի ապրիլի 13-ին՝ լիգայում անցկացրած վերջին խաղից հետո հրաժեշտի ուղերձ հղելիս, վաճառվել է 33 հազար դոլարով:

Այն գնել է մի երկրպագու, որը հիշարժան իրեր է հավաքում կապված «Լոս-Անջելես Լեյքերսի» հետ, հայտնում է CNN-ը: Նրա երազանքը Հրվ. Կալիֆորնիայում թանգարան բացելն է:

Ավելի վաղ այդ սրբիչը, որը հրաժեշտի խաղից հետո երկրպագուներից մեկը վերցրել էր Բրայանտի ուսից, աճուրդում վաճառվել էր 8365 դոլարով:

Կոբին NBA-ի 5-ակի չեմպիոն է «Լեյքերսի» կազմում և օլիմպիական կրկնակի չեմպիոն ԱՄՆ-ի հավաքականի կազմում: Կարիերայի վերջին խաղում՝ «Յուտայի» հետ, նա 60 միավոր է հավաքել:

2020 թվականի հունվարի 26-ին Բրայանտն ու իր 13-ամյա դուստրն ուղղաթիռի կործանման զոհ էին դարձել Կալիֆորնիայում:

«ԼԱ Լեյքերսի» առաջատար Լեբրոն Ջեյմսը կալիֆորնիական ակումբի պատմության մեջ չորրորդ խաղացողն է, ով 35 և ավելի տարեկանում անցկացրած խաղում վաստակել է 40 և ավելի միավոր:

Այս ցուցանիշով Լեբրոնը հավասարվեց այնպիսի «Լեյքերսի» այնպիսի լեգենդներին, ինչպիսիք են Քարիմ Աբդուլ Ջաբբարը (չորս անգամ), Էլջին Բեյլորը (երեք անգամ) և Կոբի Բրայանտը (երկու անգամ):

Բացի այդ, Ջեյմսը դարձավ «Լեյքերսի» ամենատարեց խաղացողը, ով վաստակեց 40 և ավելի միավոր «Սթեյփլ կենտրոնում» այն բանից հետո, երբ Բրայանտը NBA- ի իր վերջին խաղում վաստակեց 60 միավոր:

Բասկետբոլիստ Կոբի Բրայանտի այրին`Վանեսան, դատական ​​հայց է ներկայացրել «Island Express Helicopters» ընկերության դեմ. սա այն ընկերությունն է, որը կառավարում էր «Սիկորսկի S-76B» ուղղաթիռը, ինչի վթարի հետևանքով էլ հունվարի 26-ին զոհվել են Կոբի Բրայանտն ու նրա դուստր Ջիանան:

Վանեսայի դատական հայցում վստահեցվում է, որ օդաչու Արա Զոբայանը, որը ևս մահացել է վթարի հետևանքով, «ուղղաթիռը վարելիս զգուշություն չի ցուցաբերել» և «անփություն է դրսևորել»:

TMZ-ի տեղեկությունը, դատական հայցում չի նշվում վնասի համար պահանջվող փոխհատուցման գումարը:

«Island Express ուղղաթիռների կողմից պարտականությունների և անփութության խախտումը հանգեցնում է սույն փաստաթղթում նշված վնասվածքների և վնասների: Կոբի Բրայանտը մահացել է Արա Զոբայանի անփութության պատճառով, ինչի համար Island Express ընկերությունը պատասխանատվություն է կրում»,- նշված է դատական հայցում:

Փաստաթղթում նշվում է, որ ընկերությունը թույլ է տվել ուղղաթիռին թռչել, որը հարմարեցված չի եղել անբարենպաստ եղանակային պայմաններում օգտագործելու համար` ծանր մառախուղ և տեսանելիության պակաս:

Բրայանտը, որը կարիերան ավարտել է 2016 թվականին, NBA-ում 20 մրցաշրջան շարունակ հանդես է եկել «Լոս-Անջելես Լեյքերսի» կազմում, 5 անգամ դարձել է NBA-ի չեմպիոն, 18 անգամ մասնակցել է Բոլոր Աստղերի խաղին, ճանաչվել է կանոնավոր առաջնության ամենաարժեքավոր խաղացող (MVP), երկու անգամ էլ` փլեյ-օֆֆի եզրափակիչ սերիայի ամենաարժեքավոր խաղացող:

ԱՄՆ-ի հավաքականի կազմում Բրայանտը հաղթել է 2008-ի և 2012-ի Օլիմպիական խաղերում:

Փետրվարի 24-ին Լոս-Անջելեսի «Սթեյփլս Սենթր» արենայում կայացել է լեգենդար բասկետբոլիստ Կոբի Բրայանտի ու իր դստեր` Ջիանայի, հրաժեշտի արարողությունը, ովքեր հունվարի 26-ին սարսափելի ավիավթարի զոհ են դարձել:

Մեկ օրում հրաժեշտի արարողությանը մասնակցելու համար ավելի քան 90 հազար մարդ է գրանցվել, մինչդեռ Լոս-Անջելեսի «Սթեյփլս-Սենթրն» ընդամենը 20 հազար մարդ է տեղավորում: Արդյունքում, առաջին շարքերը հատկացվել են մարզիկի ընտանիքի անդամներին, հարազատներին ու ընկերներին, NBA-ի աստղերին ու ԱՄՆ-ի մյուս հանրաճանաչ դեմքերին: Մնացած տեղերը պատահականության սկզբունքով հատկացվել են նախապես գրանցված երկրպագուներին:

View this post on Instagram

Inside of the #StaplesCenter 💛💜 #RIPKobe #RIPGiGi 🙏🏽 . 📸: @heynatalia

A post shared by REAL923 (@real923la) on Feb 24, 2020 at 9:34am PST

Այն երկրպագուներն, ովքեր չեն կարողացել մուտք գործել մարզադահլիճ, հավաքվել են արենայի շրջակայքում, որտեղ նրանց համար ուղիղ հեռարձակում է ապահովվել` մեծ էկրանով:

Ամերիկացի հանրաճանաչ երգչուհի Բեյոնսեի հուզիչ ելույթով սկիզբ է դրվել լեգենդար բասկետբոլիստի հիշատակին նվիրված արարողությանը.

Առաջինը ելույթ է ունեցել շոումեն Ջիմի Քիմելը, որն էլ անցկացրել է հրաժեշտի արարողությունը: Հաղորդավարը պատմել է Կոբիի հետ ընկերության մասին ու իր ելույթն ավարտվել` արցունքներն աչքերին:

Ավելի էմոցիոնալ ելույթ է ունեցել Կոբիի այրին` Վանեսա Բրայանտը: Նա կանգնել է 35 հազար կարմիր վարդերով զարդարված տրիբունայում, լաց եղել ու սեր խոստովանել կյանքից հեռացած ամուսնուն ու դստերը:

Վանեսան պատմել է, թե որքան հրաշալի ու նպատակասլաց է եղել իր աղջիկը, թե որքան է Ջիանան ցանկացել գնալ հոր հետքերով ու պաշտել է նրան:

«Ես զգում եմ նրա կատակների ու համբույրների կարիքը»,- մի քանի անգամ կրկնել է Վանեսան իր ելույթի ընթացքում … Վանեսան հիշել է իրենց համատեղ կյանքի լավագույն պահերը` նշելով այն ամուր զգացմունքների մասին, որոնք կապել են ամուսիններին:

View this post on Instagram

“God knew they couldn’t be on this earth without each other’ -Vanessa Bryant remembering Kobe and Gianna Bryant 😔🙏🏾💜💛

A post shared by REAL923 (@real923la) on Feb 24, 2020 at 12:00pm PST

Արարողության անցկացման օրը պատահական չի ընտրվել` 2.24.20 … 2-ը այն համարն է, որի ներքո հանդես է եկել Ջիանա Բրայանտը, 24-ը`այն երկու համարներից մեկն է, որի ներքո Բրայանտը հանդես է եկել «Լոս-Անջելես Լեյքերսում», իսկ 20-ը` այն տարիների քանակը, որ Կոբին ու Վանեսան միասին անցկացրել են:

Հիմա Վանեսան իրեն կնվիրի երեք աղջիկների դաստիարակությանը: Նա բեմը լքել է բասկետբոլի մեկ այլ խորհրդանիշի` Մայքլ Ջորդանի օգնությամբ:

Բեմ են բարձրացել նաև Կոբիի գործընկերներն ու ընկերները: Գերմանացի կոմպոզիտոր Լյուդվիգ վան Բեթհովենի «Լուսնի սոնատից» հետո ելույթ է ունեցել անձամբ Ջորդանը:

Բոլոր ժամանակների ամենաբարձր վարձատրվող մարզիկը, արցունքներն աչքերին, Կոբիին «մեծ ընկեր ու փոքր եղբայր» է անվանել, գովել է նրա տաղանդը, աշխատասիրությունն ու երազանքի ճանապարհին երբեք կանգ չառնելու միտումը: «Սթեյփլս Սենտրը» նրան ծափողջույններով է ճանապարհել:

Շաքիլ Օ’Նիլն էլ իր խոսքում նշել է, որ շատ է սիրում Կոբիին:

Հրաժեշտի արարողության ավարտին Քրիստինա Ագիլերան երգել է «Ավե-Մարիա» ստեղծագործությունն, իսկ էկրաններին ցուցադրվել է կարճամետրաժ ֆիլմ մի տղայի մասին, որի սերը բասկետբոլի հանդեպ իրեն հասցրեց մարզական օլիմպին:

«Լեյքերսի» լեգենդ Կոբի Բրայանտն ու իր աղջիկը` Ջիանան, հուղարկավորվել են ուրբաթ` փետրվարի 7-ին, հայտնում է The Los Angeles Times-ը:

Նրանց հուղարկավորել են Կալիֆորնիայի Կորոնա-դել-Մարի Pacific View գերեզմանոցում:

Բրայանտն ու իր դուստրը այն 9 ուղևորների թվում էին, ովքեր հունվարի 26-ին մահացել են ուղղաթիռի կործանման հետևանքով: Նրանց աճյունների մնացորդները անցած երեքշաբթի փոխանցվել է Բրայանտի ընտանիքին: Ընտանիքը որոշել է լեգենդար բասկետբոլիստի հրաժեշտը փակ պայմաններում անցկացնել:

Հրաժեշտի պաշտոնական արարողությունը նախատեսված է փետրվարի 24-ին Սթեյփլս-կենտրոնում: