կյոկուշին-կարատե — Armsport.am

Արտաշատցի մարզիկները մեդալներ են նվաճել կարատեի Եվրոպայի առաջնությունում

Նարե Հովհաննիսյան — Sat, 02 Oct 2021 10:16:09 +0000

Արտաշատցի մարզիկները սեպտեմբերի 24-25-ը Լեհաստանի Սվինուժսկի քաղաքում անցկացված Կիոկուշին Կարատեի Եվրոպայի 34-րդ առաջնությունից վերադարձել են հաղթանակած, գրում է Արարատի մարզպետարանը:

Արտաշատ քաղաքից Հայաստանի հավաքականում ընդգրկված է եղել երկու հոգի՝
մարզիչ Կարպիս Կարապետյանի գլխավորությամբ։

Հարություն Միրզոյանը դարձել է Եվրոպայի չեմպիոն և արժանացել Եվրոպայի առաջնության «Լավագույն տեխնիկա» մրցանակին:

Իսկ Գառնիկ Բաբաջանյանը արժանացել է Եվրոպայի առաջնության բրոնզե մեդալին։

Կայացել է կյոկուշին կարատեի Հայաստանի Գավաթի խաղարկությունը

Erik — Wed, 07 Apr 2021 14:30:36 +0000

Երևանի՝ նախկին Միկա մարզահամալիրում կայացել է կյոկուշին կարատեի Հայաստանի Գավաթի խաղարկությունը, որը վիրված է եղել Արցախյան 44-օրյա պատերազմի զոհերի հիշատակին:

Նրանց շարքերում էին նաև ֆեդերացիայի լավագույն մարզիկներից, ովքեր Եվրոպայի ու Կովկասի չեմպիոններ էին։

Ֆեդեացիայի հիմնադիր-նախագահ Անդրանիկ Հակոբյանը հանդիսավոր բացման արարողության ժամանակ ֆեդերացիայի նահատակված մարզիկներ Արթուր Սուքիասյանի և Ազատ Ալոյանի՝ մինչ պատերազմը վաստակած սև գոտիներն ու դրանց հավաստագրերը հանձնեց նրանց ծնողներին:

Կիոկուշին կան կարատեի ֆեդերացիայի՝ պատերազմում զոհված նախագահին հետմահու շնորհվել է սև գոտի 6-րդ դան

Նարե Հովհաննիսյան — Sat, 20 Feb 2021 18:21:59 +0000

«Կիոկուշին կան կարատեի» միջազգային ֆեդերացիայի նախագահ Կանչո Հաթսու Ռոյաման Շիհան «Կիոկուշին կան կարատե-դո» ֆեդերացիայի նախագահ Սևակ Սերոբյանին հետմահու շնորհել է սև գոտի 6-րդ դան:

Այս մասին հայտնում է ֆեդերացիայի մամուլի քարտուղարությունը:

Սևակ Սերոբյանը, տևական ժամանակ գտնվելով առաջնագծում, զոհվել է արցախյան երկրորդ պատերազմի ընթացքում:

Կյոկուշին կարատե. 3 ոսկե մեդալ Եվրոպայի առաջնությունից

Նարե Հովհաննիսյան — Sun, 27 Oct 2019 05:33:00 +0000

Հայաստանի Կիոկուշին Կարատեի Ազգային ֆեդերացիան Պորտուգալիայում ընթացող Եվրոպայի 33-րդ առաջնությանը ներկայացել է 3 քաշային կարգում ու 3-ում էլ բացարձակ արդյունք ցույց տվել:

Այսպիսով, 70 կգ քաշային կարգում Հայաստանի ներկայացուցիչ Արթուր Առուշանյանը ոսկե մեդալ է նվաճել՝ դառնալով Եվրոպայի արդեն 5-ակի չեմպիոն:

Արթուր Առուշանյանը Եվրոպայի արդեն 5-ակի չեմպիոն է

75 կգ քաշային կարգում մեր երկիրը ներկայացրել է Էմիլ Ղազարյանն ու դարձյալ չեմպիոնի կոչումը նվաճել:

Արթուր Առուշանյանն ու Էմիլ Ղազարյանը հավաքականի գլխավոր մարզիչ, ֆեդերացիայի նախագահ Սպարտակ Գասպարյանի հետ

Իսկ 14-15 տարիքային խմբում բացարձակ արդյունք է ցույց տվել Գոռ Մատոյանն ու արժանացել ոսկե մեդալի:

Գոռ Մատոյանն ու ֆեդերացիայի նախագահ Սպարտակ Գասպարյանը