Կանադական EA Sports-ը ցուցադրել է FIFA 21-ի առաջին կադրերը:

Խաղը ցուցադրվել է EA Play-ում և արժանացել է երկրպագուների քննադատությանը: Նրանք պնդում են, որը խաղում բավարար փոփոխություններ չեն արվել:

EA Sports-ը հայտարարել է FIFA 21-ի առաջին ցուցադրումը:

Խաղը կցուցադրվի EA Play-ում հունիսի 18-ի լույս 19-ի գիշերը. հեռարձակումը կսկսվի Երևանի ժամանակով ժամանակով 03։00-ին:

EA-ն նաև հրապարակել է կարճ գովազդ, որտղ ցուցադրվում է խաղի նոր տարբերանշանը:

June 18 📆
EA PLAY LIVE 🔴
Next Level #FIFA21 👀

4 PM PST | 12 AM UK https://t.co/fMI1rdauYA pic.twitter.com/98Yfvl0AhW

— EA SPORTS FIFA (@EASPORTSFIFA) June 17, 2020

Մադրիդի «Ռեալի» դարպասապահ Տիբո Կուրտուան ​​խոսել է այն մասին, թե ինչպես է նա ժամանակ անցկացնում կորոնավիրուսի համաճարակի պատճառով առաջացած կարանտինում:

«Արդյունքում ես երկու ամիս հանգստացա: Դա գրեթե անհնար է պատկերացնել նորմալ ժամանակներում: Չի պատահում, որ մրցաշրջանի ընթացքում երկու ամիս շարունակ չեք ենթարկվում մշտական ​​սթրեսի և ադրենալինի բարձրացման: Չնայած դա նույնպես հիանալի է: Գնում ես մարզադաշտերով, խաղում թոփ խաղեր: Ադրենալինը և հոգեբանական ճնշումը կախվածություն են առաջացնում, և մեզ դուր է գալիս դա, օգնում է ավելի լավը դառնալ: Բայց ձեր առողջությունը կարգի բերելու համար երկու ամիս հանգստանալը՝ դա շատ լավ է:

Հեռուստացույց հազվադեպ էի միացնում: Ես դիտում էի մի քանի սերիալներ, օրինակ ՝ Մայքլ JՋորդանի մասին: Անկեղծ ասած, ես լավ ժամանակ անցկացրեցի: Տեսա, որ շատ մարզիկներ նույնպես հետաքրքրված են էլեկտրոնային խաղերով: Կարանտինի պատճառով էլեկտրոնային սպորտի աշխարհի նկատմամբ հետաքրքրությունը զգալիորեն աճել է: Կարծում եմ, որ կիբերսպորտը միակն է, որը շահել է կարանտինից», — Կուրտուայի խոսքերն է մեջբերում ՈւԵՖԱ-ի մամուլի ծառայությունը:

Հիշեցնենք, որ Իսպանիայի առաջնության ընդհատված մրցաշրջանը կշարունակվի հունիսի 11-ից: Հունիսի 1-ից իսպանական թիմերը կստանան թիմային լիարժեք մարզումներ անցկացնելու թույլտվություն:

Ֆինանսական վերլուծաբան Դանիել Ահմադը հաշվարկել է FIFA-ի Ultimate Team (FUT) ռեժիմից Electronic Arts-ի եկամուտները:

Ըստ նրա, EA Sports-ը 2015 ֆինանսական տարում ստացել է 587 միլիոն դոլար, 2017 թվականը՝ 775 միլիոն դոլարի եկամուտ: 2018 ֆինանսական տարում FUT ռեժիմից ընկերության եկամուտները կազմել են 1,18 միլիարդ դոլար, իսկ 2020-ը EA- ին ստացել է ռեկորդային եկամուտ՝ մոտ 1,5 մլրդ դոլար։

Ultimate Team-ը FIFA- ի ամենատարածված ռեժիմն է, որում, ըստ հեղինակների, ամեն օր միլիոնավոր մարդիկ են խաղում: Ձեր կազմը բարելավելու համար հարկավոր է գնել վճարովի կոմպլեկտներ՝ ֆուտբոլիստների քարտերով:

FIFA-ի Ultimate Team (FUT) ռեժիմից Electronic Arts-ի եկամուտները․

2020թ- 1, 49 մլրդ դոլար եկամուտ
2019թ- 1, 37 մլրդ դոլար եկամուտ
2018թ- 1, 18 մլրդ դոլար եկամուտ
2017թ- 775 մլն դոլար եկամուտ
2016թ- 660 մլն դոլար եկամուտ
2015թ- 587 մլն դոլար եկամուտ

Ստոկհոլմում օգոստոսի վերջին կայանալիք Dota 2 աշխարհի գավաթի խաղարկությունը հետաձգվեց կորոնավիրուսի պատճառով: Կազմակերպիչները աշխատում են մրցաշրջանը վերսկսելու ուղղությամբ, որը կշարունակվի աշնանը, իսկ ավելի ուշ The International-ը կտրամադրի նոր ժամկետներ:

Valve-ում չեն հավատում երկրների միջև օդային չվերթների արագ վերականգնմանը և հայտնում է, որ, ամենայն հավանականությամբ, մրցաշարը կանցկացվի 2021 թվականից ոչ շուտ:

An update on The International https://t.co/zVOIy0jWaX

— DOTA 2 (@DOTA2) April 30, 2020

Կորոնավիրուսի համաճարակը կանգնեցրել է համաշխարհային սպորտի զարկերակը: Սպորտային գրեթե բոլոր մրցաշարերը դադարեցված են: Բացառություն է կազմում միայն Բելառուսի ֆուտբոլի առաջնությունը, որը երկրպագուների շրջանում մեծ հետաքրքրություն չի առաջացնում:

Եթե չենք կարող դիտել մեր սիրելի մարզիկների խաղը, ուրեմն ինքներս պետք է վերածվենք սպորտային աստղերի: Սակայն, դա անհրաժեշտ է անել տանը: Չգիտեք, թե ինչպե՞ս. հիմա կպատմենք:

Կարանտինի օրերին շատերն են դիմում տարբեր վիրտուալ խաղերի օգնությանը, ժամանակն ավելի զվարճալի կերպով անցկացնելու համար։ Սպորտի սիրահարները նույնպես նախընտրում են համակարգչով խաղեր խաղալ։ Իհարկե, իսկական բակային ֆուտբոլին կամ բասկետբոլին ոչինչ չի կարող փոխարինել, բայց առողջությունն ավելի թանկ է։ Եվ այսպես, 10 սպորտային համակարգչային խաղեր՝ ձանձրույթը ցրելու ու մի լավ զվարճանալու համար։

1․ Madden NFL 2019

Ամերիկյան ֆուտբոլը Հայաստանում մեծ մասսայականություն չի վայելում, սակայն դրա համակարգչային տարբերակն անտարբեր չի թողնի ոչ մեկին։ Հզոր գրաֆիկա, հետաքրքիր ձայնային ձևավորում։ Այս սիմուլյատորը լավագույնն է ճանաչվել ամերիկյան ֆուտբոլի խաղերի շարքում:

2․ Football manager 2019

Սա սպորտային սիմուլյատորների մեջ ամենաբարդ խաղն է։ Իհարկե Դուք այստեղ վառ դեմքերի ու խաղային գրաֆիկայի չեք հանդիպի, սակայն եթե միշտ հետաքրքրվել եք, թե ինչպե՞ս են աշխատում ֆուտբոլային ակումբները, ինչպե՞ս են ձևավորվում տրանսֆերներն ու որո՞նք են ֆուտբոլային ակումբի նախագահի պարտականությունները, այս խաղը հենց Ձեզ համար է։ Ստեղծեք Ձեր ակումբն ու այն դարձրեք աշխարհի չեմպիոն:

3․ F1 2018

Ֆորմուլա 1-ի երկրպագուներն օր օրի ավելի են շատանում։ Ու ընդհանրապես, եթե նույնիսկ չեք սիրում այս սպորտաձևը, համակարգչային մրցավազքերը միշտ էլ մեծ պահանջարկ են ունեցել։ Հիանալի գրաֆիկա, պրոֆեսիոնալ պատկեր, գրեթե ֆոտոռեալիստիկ տեսարաններ։ Տպավորություն է, որ իսկական ավտոդրոմում ես գտնվում։ Մի խոսքով գերագույն հաճույք, փորձել հաստատ արժե։

4․ MLB 19 The Show

Հազիվ թե ձեզնից շատերը երբևէ բեյսբոլ խաղացած լինեն, կամ թեկուզ հետևեն դրա առաջնություններին հեռուստացույցով։ Հայաստանում այս սպորտաձևի մասին միայն գիտեն ու վերջ։ Սակայն, այս խաղը մեծ պահանջարկ է վայելում հատկապես ԱՄՆ-ում։ Պրոֆեսիոնալ ծրագրավորման ու գերազանց գրաֆիկայի շնորհիվ այս խաղը դարձել է շատերի սիրելին, անգամ եթե բեյսբոլով չեն հետաքրքրվում։

5․ NBA 2K20

Բասկետբոլի ու NBA-ի մասին պատմել հաստատ պետք չէ։ Այս խաղում ընդգրկված են բոլոր հայտնի ակումբներն ու խաղացողները։ Պարզապես պետք է հաշվի առնել, որ այն չափազանց բարդ է խաղալ PC-ով։ Կառավարումը շատ բարդ է։

6․PES 2019

Սա շատերի համար լավագույն ֆուտբոլային սիմուլյատորն է։ Հայաստանում արդեն երկար տարիներ այս խաղը մեծ մասսայականություն է վայելում։ Անգամ, եթե ֆուտբոլի սիրահար չեք, այս խաղը ձեզ հաստատ անտարբեր չի թողնի։

7․UFC 3

MMA սպորտաձևն օր օրի ավելի շատ երկրպագուներ է հավաքում ամբողջ աշխարհում։ Ծրագրավորողները ջանք ու եռանդ չեն խնայել, որպեսզի խաղն առավելագույնս մոտեցնեն իրականությանը։ Այստեղ ավելացել են վերջույթների առողջության ցուցիչն ու դիմադրողունակությունը։ Գրեթե բոլոր պերսոնաժների տեխնիկան մեկին մեկ համապատասխանում է իրական նախատիպերին։ Մի խոսքով, եթե համակարգչային մենամարտերի սիրահար եք ՝ վայելեք։

8․WWE 2K 19

Ռեսլինգն իր առանձնահատկությունների պատճառով ամենապոպուլյար սպորտը չէ։ Սակայն նույնը չես ասի դրա համակարգչային տարբերակի մասին։ Հնարքների գրեթե անսահամանափակ բազան ու վառ պերսոնաժները անտարբեր չեն թողնի ոչ մեկին:

9․ NHL 2019

Եթե սիրում եք հոկեյ, ապա այս խաղը լավագույն տարբերակն է։ Հզոր համակարգչային գրաֆիկա ու գրավիչ տեսարաններ։ Այն հաճելի է խաղալ և՛ միայնակ, և՛ խմբերով։

10․ FIFA 20

Անկախ այն հանգամանքից, որ այս խաղը քննադատեցին գրեթե բոլոր մասնագետներն ու պրոֆեսիոնալ խաղացողները, այն շարունակում է մնալ լավագույնը ֆուտբոլային սիմուլյատորների մեջ։ Խաղալիս գրեթե նույն զգացողնություններն ես ունենում, ինչ իրական առաջնությունը դիտելիս։ Համակարգչային գրաֆիկան ու ընդհանուր տեսարաններն ուղղակի անկրկնելի են։

Այս ամենից հետո դուք դեռ ուզու՞մ եք տնից դուրս գալ….

Աղվան Ասոյան

Լա Լիգայի ֆուտբոլիստները, մրցաշարի դադարից օգտվելով, կմասնակցեն FIFA-20-ի մրցաշարի։ Լա լիգայի առաջնությունը հետաձգվել է կորոնավիրուսի պատճառով:

Մրցույթի նախաձեռնողը 24-ամյա Իբայ Լանոսն էր, ով նախկին պրոֆեսիոնալ կիբերսպորտսմեն է League of Legends-ից: Նա առաջարկեց նման մրցաշար անցկացնել սոցիալական ցանցերում: Մեկ օրից պակաս ժամանակ անց, Լա լիգայի թիմերի մեծ մասի խաղացողները համաձայնվեցին մասնակցել կիբերմրցաշարին:

20 ակումբներից յուրաքանչյուրը կներկայացնի ակումբի որևէ ֆուտբոլիստ: «Բարսելոնան» կներկայացնի Սերխի Ռոբերտոն, մադրիդի «Ռեալը»`Մարկո Ասենսիոն, «Աթլետիկոն»՝ Մարկոս Լյորենտեն:

«Ինտերը» և «Սասուոլոն», Սերիայի Ա-ի կասեցման ֆոնին, հանդիպեցին PES 2020-ում: Թիմերը պետք է հանդիպեին Իտալիայի առաջնության 27-րդ տուրում, մարտի 15-ին:

Միլանյան ակումը ներկայացնում էր KIRITO_YUUKI_00 ակումբի eSports թիմի խաղացողը: Հանդիպումն ավարտվեց 3-0 ՝ հօգուտ «Միլանի»․ բոլոր 3 գոլերը գրանցվել են Ռոմելու Լուկակուի հաշվին:

Արգենտինացի կիսապաշտպան Խուան Ռոման Ռիկելմեն FIFA 20-ում հայտնվել է որպես լեգենդ: Նրա քարտերը հասանելի են «Ultimate Team» փաթեթներով մարտի 3-ից սկսած։ Այդ մասին Twitter- ում հայտնել են խաղի ներկայցուցիչները:

The @CONMEBOL @Libertadores legend, El “Topo Gigio” 👂👂Juan Román Riquelme joins the #FUT ICON squad. Prime and ICON Moments Riquelme will be available in packs from 6 P.M. UK 🕒 #FIFA20 #FUT20 pic.twitter.com/bkp13i01kl

— EA SPORTS FIFA (@EASPORTSFIFA) March 3, 2020

Ռիկելմեն դարձավ ՖԻՖԱ-ի 89-րդ լեգենդը: Ավելի վաղ խաղում ավելացվել են Կարլոս Ալբերտո Տորեսի, Ջոն Բարնսի, Քենի Դալգլիշի, Դիդյե Դրոգբայի, Մայքլ Էսյենի, Կակայի, Խոսեպ Գվարդիոլայի և ևս 8 ֆուտբոլիստների քարտեր:

EA Sports տեսախաղեր մշակող ընկերությունը հայտարարել է, որ FIFA 20-ում ավելանալու է Լիբերտադորեսի գավաթը ՝ մրցաշար, որն անցկացվում է Հարավային Ամերիկայի լավագույն ակումբների միջև:

«Կիրքը: Լարածություն։: Դրամա։ Փորձեք կիբերմթնոլորտը, երբ ՖԻՖԱ-20-ում մեկնարկում է Լիբերտադորեսի գավաթը`մարտի 3-ին»: — ասվում է EA Sports- ի պաշտոնական հայտարարության մեջ: