Հայաստանի ազգային հավաքականի և «Արարատ-Արմենիայի» կիսապաշտպան Կամո Հովհաննիսյանը Հայաստանի առաջնություններում անցկացրել է իր 200 հանդիպումը:

32-ամյա ֆուտբոլիստի համար հոբելյանական է եղել «Ուրարտուի» դեմ ՀՊԼ 20-րդ տուրի հանդիպումը, որում «Արարատ-Արմենիան» 1:2 հաշվով զիջել է մրցակցին:

«Ուրարտուի» դեմ խաղում Հովհաննիսյանը մասնակցել է ամբողջ հանդիպմանը:

Կարիերայի ընթացքում Հայաստանի հավաքականի ֆուտբոլիստը Հայաստանի առաջնությունում հանդես է եկել նաև «Փյունիկ» և «Ալաշկերտ»  ակումբներում:

Հայաստանի ազգային հավաքականի պաշտպան Կամո Հովհաննիսյանի ծառայություններով ռուսական մի քանի ակումբ է հետաքրքրված, որոնցից մեկը Եկատերինբուրգի «Ուրալն» է։ Այս մասին հայտնում է  Metaratings.ru-ն։

Եկատերինբուրգցիները դեռևս պաշտոնական առաջարկ չեն արել ֆուտբոլիստի ներկայացուցիչներին, բայց մտադիր են ձմեռային տրանսֆերային պատուհանի ընթացքում հրավիրել հայ ֆուտբոլիստին։

Դեկտեմբերի վերջին Հովհաննիսյանի պայմանագիրը «Կայրաթի» հետ ավարտվում է, և արդեն իսկ լուրեր են տարածվել, որ Կամոն հեռացել է ղազախական ակումբից։

Ըստ լուրերի, իսպանական Լա Լիգայի ակումբներից մեկը լուրջ հետաքրքրություն է ցուցաբերում 29-ամյա ֆուտբոլիստի նկատմամբ։ Բացի այդ, կա նաև կարիերան Հունաստանում շարունակելու տարբերակ։

Աղբյուր․ Կամո Հովհաննիսյանը հեռացել է Կայրաթից

Հայաստանի ազգային հավաքականի կիսապաշտպան Կամո Հովհաննիսյանը հեռացել է ղազախական ակումբից։ Այս մասին հայտնում է Vesti.kz-ը՝ հղում կատարելով իր աղբյուրներին։

Բացի Հովհաննիսյանից, «Կայրաթից» հեռացել են նաև Դինո Միկանովիչն ու Ռադե Դուգալիչը։ Նրանք արդեն հավաքել են ճամպրուկներն են ու հանձնել են բնակարանները։

Ղազախստանի վերջին առաջնությունում Հայաստանի հավաքականի խաղացողը անցկացրել է 25 հանդիպում, խփել չորս գնդակ և նույնքան գոլային փոխանցում կատարել։ Նա նաև չորս հանդիպման և մեկ գոլի հեղինակ է դարձել Կոնֆերենցիաների լիգայի խմբային փուլում։ ԿԼ խմբային փուլի 6-րդ տուրի՝ «Օմոնիայի» դեմ երեկ կայացած խաղում, Կամոն, սակայն, չէր ընդգրկվել «Կայրաթի» հայտացուցակում։

Ավելի վաղ հայտնել էինք, որ Կամո Հովհաննիսյանը ձմեռային տրանսֆերային պատուհանի ընթացքում կարող է փոխել ակումբային գրանցումը․ ըստ լուրերի, իսպանական Լա Լիգայի ակումբներից մեկը լուրջ հետաքրքրություն է ցուցաբերում նրա նկատմամբ։ Բացի այդ, կա նաև կարիերան Հունաստանում և Ռուսաստանում շարունակելու տարբերակ։

Transfermarkt պորտալը Հովհաննիսյանի տրանսֆերային արժեքը գնահատում է 900 հազար եվրո։

Մունդիալ-2022-ի ընտրական J խմբի 7-րդ տուրի շրջանակում Հայաստանի հավաքականը հյուրընկալվել է Իսլանդիային:

Առաջին խաղակեսի մեկնարկն անցավ հյուրերի տարածքային առավելությամբ, իսկ հետո մեր թիմը հավասարեցրեց խաղը: Մրցակիցն ավելի շատ էր գրոհում, սակայն վտանգավոր պահերը շատ չէին: Դարպասապահ Յուրչենկոն, մեծ հաշվով, անգործ էր: 35-րդ րոպեին Կամո Հովհաննիսյանը եզրափակեց Ադամյանի ու Սելարայանի խաղարկումը ու առաջ մղեց մեր թիմին: Հավաքականում Կամոն խփեց իր երկրորդ գոլը:

Առաջին խաղակեսում մեր հավաքականը 5 հարված կատարեց՝ մրցակցի 8-ի դիմաց: Դիպուկ հարվածներով մենք առջևում էինք՝ 1-0:

Առաջին 45 րոպեի ընթացքում մերոնք 9 անկյունային իրացրին՝ մրցակցի 2-ի դիմաց:

Ղազախստանի առաջնության 20-րդ տուրի շրջանակում «Կայրաթը», որի կազմում խաղում է Հայաստանի հավաքականի անդամ Կամո Հովհաննիսյանը, հյուրընկալվելիս 1-2 հաշվով պարտվեց «Օրդաբասիին»: Կամոն մասնակցեց ամբողջ հանդիպմանը:

«Տարազը», որի գլխավոր մարզիչը Վարդան Մինասյանն է, մրցակցի հարկի տակ չկարողացավ կատրել համառ «Ակտոբեի» դիմադրությունը:

20-րդ տուրից հետո գործող չեմպիոն «Կայրաթը» 37 միավորով երրորդն է, իսկ «Տարազը» 24 միավորով 9-րդ հորիզոնականում է:

Հայաստանի ազգային հավաքականի ֆուտբոլիստ Կամո Հովհաննիսյանի համար ԱԱ-2022-ի ընտրական փուլի՝ Հյուսիսային Մակեդոնիայի հետ խաղը հոբելյանական էր․ 28-ամյա կիսապաշտպանն անցկացնում էր իր 60-րդ հանդիպումն Ազգային թիմի կազմում։

Կամո Հովհաննիսյանը Հայաստանի հավաքականի մեկնարկային կազմում դուրս եկավ խաղադաշտ և խաղաց առանց փոխարինման։

ԱԱ 2022 որակավորման J խմբի չորրորդ մրցափուլի Հյուսիսային Մակեդոնիա — Հայաստան հանդիպումը կայացել է երեկ՝ սեպտեմբերի 2-ին, Սկոպյեում և ավարտվել ոչ-ոքի՝ 0:0 հաշվով։

Մեկնարկել է Չեմպիոնների լիգայի 2021/22 մրցաշրջանի որակավորման 1-ին փուլը:

Կամո Հովհաննիսյանի «Կայրաթը» հյուրընկալվելիս 1-1 հաշվով ավարտեց խաղի իսրայելական «Մաքքաբի Հայֆայի» հետ: Կամոն փոխարինվեց 86-րդ րոպեին:

Էդգար Բաբայանի «Ռիգան», կրկին հյուրընկալվելիս, 0-1 հաշվով պարտվեց «Մալմյոյին»: Հայ ֆուտբոլիստը փոխարինման մտավ 92-րդ րոպեին:

Ղազախստանի առաջնության 17-րդ տուրի շրջանակում Ալմաթիի «Կայրաթը» սեփական հարկի տակ ընդունեց Ակտաուի «Կասպիյին» ու ջախջախեց 5-1 հաշվով:

Տանտերերի կազմում 4-րդ գնդակը խփեց Հայաստանի հավաքականի անդամ Կամո Հովհաննիսյանը: «Կայրաթի» կազմում դուբլի հեղինակ դարձավ Վագներ Լավը, մեկական անգամ էլ աչքի ընկան Շուշենաչևն ու Ալիկուլովը, իսկ հյուրերից հեղինակության գնդակը խփեց Մինգազովը:

Այս հաղթանակից հետո Կայրաթը 33 միավորով երրորդն է ու առաջատար «Աստանային» զիջում է 3 միավորով:

Ղազախստանի առաջնության 15-րդ տուրի շրջանակում Վարդան Մինասյանի գլխավորած «Տարազը» սեփական հարկի տակ 0-2 հաշվով պարտվեց «Կայրաթին»:

Հյուրերի կազմում 11-րդ րոպեին Կամո Հովհաննիսյանի անցումից ու փոխանցումից հետո հաշիվը բացեց Վագներ Լավը: 67-րդ րոպեին խաղի վերջակետը դրեց Շուշենաչևը: «Կայրաթը» հաղթեց 2-0 հաշվով ու այս պահին 27 միավորով 3-րդն է, իսկ «Տարազը» 19 միավորով 9-րդ տեղում է:

Հունիսի 5-ին Հայաստանի ազգային հավաքականը կանցկացնի 2021-ի իր երկրորդ ընկերական հանդիպումը՝ Սոլնայում հյուրընկալվելով Շվեդիայի հավաքականին:

ՀՖՖ-ի պաշտոնական կայքը հայտնում է, որ Հայաստանի ազգային հավաքականի գլխավոր մարզիչ Խոակին Կապառոսի և պաշտպան Կամո Հովհաննիսյանի նախախաղային մամուլի ասուլիսը կկայանա Սոլնայի Ֆրենդս Արենա մարզադաշտի մամուլի ասուլիսների սրայում՝ հունիսի 4-ին:

Այն կմեկնարկի Երևանի ժամանակով 20։00-ին, և կհեռարձակվի սոցցանցերում ՀՖՖ պաշտոնական էջերում։