Հայաստանի ազգային հավաքականի նախկին գլխավոր մարզիչ Խոակին Կապարոսի մոտ ախտորոշվել է հաստ աղիքի քաղցկեղ։ Իսպանացի մասնագետն արդեն բուժում է ստանում։

​«ՀՖՖ-ն իր անվերապահ աջակցությունն է հայտնում Խոակին Կապարոսին՝ մաղթելով ուժ, տոկունություն և շուտափույթ ապաքինում։ Վստահ ենք, որ նրա ուժեղ կամքն ու մարտական բնավորությունը կօգնեն հաղթահարել այս փորձությունը»,- նշվում է հայկական ֆուտբոլը համակարգող կառույցի տարածած հայտարարության մեջ։

​Խոակին Կապարոսը Հայաստանի ազգային հավաքականը ղեկավարել է 2020 թվականի մարտի 10-ից մինչև 2022 թվականի սեպտեմբերի 29-ը։ Այս ընթացքում նա 26 պաշտոնական խաղում գրանցել է 9 հաղթանակ, 5 ոչ-ոքի և 12 պարտություն։

​Նրա գլխավորությամբ մեր ընտրանին պատմական հաջողություններ է գրանցել. մասնավորապես՝ Ազգերի լիգայի 2020/21 մրցաշրջանում Կապարոսի ղեկավարությամբ Հայաստանի ազգային հավաքականը C2 խմբում գրավել է առաջին տեղը, ինչի շնորհիվ թիմը տեղափոխվել է ավելի հեղինակավոր՝ B լիգա։

​Հավաքականը նաև գրանցել է իր պատմության ամենաերկար անպարտելիության շարքը՝ 9 խաղ։

​Նշենք, որ իսպանացի մասնագետը նախկինում ևս առողջական խնդիրներ է ունեցել։ 2019 թվականին նրա մոտ ախտորոշվել էր քրոնիկ լեյկոզ, սակայն դա չի խանգարել նրան շարունակել մարզչական գործունեությունը։

Ֆուտբոլի Հայաստանի Բարձրագույն խմբի առաջնության 25-րդ տուրի շրջանակում Երևանի «Արարատը» ընդունել է Գյումրու «Շիրակին»։

Հայաստանի հավաքականի գլխավոր մարզիչ Խոակին Կապարոսը ՀՖՖ տեխնիկական կենտրոն/ֆուտբոլի ակադեմիայում է և հետևում է հանդիպման ընթացքին ստադիոնից։

Ֆուտբոլի Հայաստանի ազգային հավաքականի գլխավոր մարզիչ Խոակին Կապարոսը տևական ժամանակ է, ինչ վերադարձել է Հայաստան: Ավարտվել է ազգային թիմի մարզչի մեկուսացման շրջանը:

ՀՖՖ-ն նկար է հրապարակել ու կատարել հետևյալ գրառումը.

«Կապարոսը վերջնականապես հաստատվել է Հայաստանում ու սպասում է միջազգային ֆուտբոլի վերադարձին»:

Посмотреть эту публикацию в Instagram

#ArmenianNationalTeam head coach 🇦🇲🇦🇲🇦🇲@joaquincaparroscamino has already settled in Armenia, looking forward to the restart of international football 👍👌👏

Публикация от Football Federation of Armenia (@armenian_ff) 19 Июн 2020 в 6:54 PDT

ՀՖՖ-ի ինստագրամյան էջը ներկայացրել է հավաքականի գլխավոր մարզիչ Խոակին Կապառոսի կարծիը Բարձրագույն խմբի թիմերի մարզավիճակի վերաբերյալ՝ վերսկսված առաջնության վերջին տուրից հետո:

«Խաղացողներն իրենց բարձրության վրա չեն դադարի պատճառով: Խաղային ռիթմի ու պրակտիկայի պակասը գալիս է ֆուտբոլիստների ոչ մրցունակ լինելուց»:

«Բոլորից շատ դուր եկավ «Արարատ-Արմենիայի» խաղը: Չնայած, զարմանալի չէ, քանի որ նրանք գործող չեմպիոններն են»:

«Ես շատ ուրախ կլինեմ, եթե հայկական ակումբներում շատ հայ խաղացողներ խաղան, քանի որ այդկերպ հավաքականի համար սելեկցիան կհեշտանա»:

«Մենք պետք է շատ խաղեր դիտենք, ցանկալի է՝ մարզադաշտից, որպեսզի ավելի լավ հասկացվի խաղացողների խաղային մակարդակը»:

Հայաստանի ազգային հավաքականի նորանշանակ գլխավոր մարզիչ իսպանացի Խոակին Կապարոսը վաղը` մարտի 13-ին՝ ժամը 16:00-ին Վազգեն Սարգսյանի անվան «Հանրապետական» մարզադաշտի մամուլի ասուլիսների սրահում կհանդիպի լրագրողների հետ: 

Այս մասին հայտնում է ՀՖՖ-ի պաշտոնական կայքը:

ArmSport-ն ավելի վաղ հայտնել էր, որ Կապարոսը Հայաստան կժամանի այսօր` մարտի 12-ին:

Խոակին Կապարոսը ծնվել է 1955 թվականի հոկտեմբերի 15-ին՝ իսպանական Ուտրետա քաղաքում։ 

Հայտնի է Բիլբաոյի «Ատլետիկում», «Դեպորտիվոյում» և հատկապես «Սևիլյայում» մարզչական աշխատանքով: «Սևիլյա» ֆուտբոլային ակումբի ղեկին ամենաշատ հանդիպումներ անցկացրած մարզիչն է։

2019 թվականին Կապարոսը Սևիլյայի նահանգի կողմից պարգևատրվել է Ոսկե մեդալով։

Ֆուտբոլի Հայաստանի ազգային հավաքականի նորանշանակ մարզիչ Խոակին Կապարոսը Երևան կժամանի վաղը` մարտի 12-ին: Այս մասին ArmSport-ը տեղեկացավ Հայաստանի ֆուտբոլի ֆեդերացիայից:
Եթե մասնագետի Հայաստան ժամանելը չհետաձգվի, ապա ՀՖՖ-ն այս շաբաթ պաշտոնապես կներկայացնի 64-ամյա մասնագետին` որպես Հայաստանի հավաքականի գլխավոր մարզիչ:

Հիշեցնենք, որ ՀՖՖ-ն իսպանացի Խոակին Կապարոսի` Հայաստանի հավաքականի գլխավոր մարզչի պաշտոնում նշանակվելու մասին հայտնեց երեկ: Կողմերի միջեւ կնքված պայմանագիրն ուժի մեջ է մինչև 2021 թ. նոյեմբերի 30-ը:

«Նիժնի Նովգորոդի» նախկին գլխավոր մարզիչ Դմիտրի Չերիշևը գովաբանել է իսպանացի մասնագետ Խոակին Կապարոսին, ով այսօր գլխավորեց Հայաստանի հավաքականը:

«Խոակին Կապարոսը հիանալի մասնագետ է, ես նրան շատ լավ ճանաչում եմ «Սևիլյայի», «Լևանտեի» և Իսպանիայի այլ թիմերի հետ աշխատելու տարիներից: Նա շատ գրագետ մասնագետ է, կարող եմ ասել, որ Հայաստանի հավաքականն նրա նշանակմամբ անպայման կավելացնի: Նա հսկայական փորձ ունի, բայց իմ տեսանկյունից տեղական մասնագետները պետք է գլխավորեն հավաքականները:

Ի՞նչ ֆուտբոլ կխաղա Հայաստանի հավաքականը: Չի կարելի ասել, որ նա կխաղա պաշտպանությունից, և չի կարելի ասել, որ նա կխաղա միայն հակագրոհների վրա: Հայ ֆուտբոլիստները միշտ եղել են տեխնիկակապես հագեցած, նրանք սիրում են գնդակով խաղալ, այնպես որ, երբ նրանք ունեն այնպիսի տեխնիկակապես հագեցած ֆուտբոլիստներ, ինչպիսիք են Մխիթարյանը և այնպիսի արագ խաղացողներ, ինչպիսիք են Սարկիսովը և Կարապետյանը, կարծում եմ, որ ի վերջո նրանք գրագետ կերպով կակսեն պաշտպանվել, բայց միևնույն ժամանակ նրանք կմասնակցեն դիրքային գրոհներին, հետևաբար, ամենայն հավանականությամբ, Հայաստանի հավաքականի ֆուտբոլը կլինի ավելի եվրոպական և ժամանակակից»,- մեջբերում է ռուս մասնագետին Sport24-ը:

Հայաստանի ազգային հավաքականի գլխավոր մարզիչ է նշանակվել իսպանացի 64-ամյա հայտնի մասնագետ Խոակին Կապարոսը:

ՀՖՖ-ն տեսանյութ է պատրաստել՝ նվիրված Խոակին Կապարոսին։

«Կապարոսը մարզչական կարիերայի ընթացքում լուրջ հաջողությունների չի հասել, սակայն մարզել է իսպանական Լա-լիգայի թիմեր, ինչը խոսում է նրա բարձր կարգի մասին»,-նման կարծիք հայտնեց ֆուտբոլային հայտնի մեկնաբան Սուրեն Բաղդասարյանը`  Armsport-ի հետ զրույցում:

Սուրեն Բաղդասարյանի խոսքով ինքը հակված էր տեղացի մարզիչ նշանակելուն, սակայն սա էլ վատ տարբերակ չէր. «Ես ինքս էլ հակված եմ,  որ հավաքականի մարզիչը լինի տեղացի: Միշտ էլ եղել են  արտասահմանցի մարզիչներ, որոնք հայտնի չեն եղել եւ բոլորն էլ մեծ հաջողությամբ տապալվել են: Մի կողմից էլ լավ է, որ նշանակվել է հանրահայտ մարզիչ: Հետաքրքիր կլինի տեսնել, թե ինչ կտա մեր հավաքականին Կապարոսը: Ճիշտ է, նա մեծ հաջողությունների չի հասել մարզչական կարիերայի ընթացքում, սակայն  գլխավորել է Լա-լիգայի տարբեր թիմեր. դա արդեն խոսում է նրա բարձր կարգի մասին:  Բացի այդ,  բազմաթիվ ֆուտբոլիստների է ի հայտ բերել, որոնք այսօր համաշխարհային մակարդակի են»:   

Սուրեն Բաղդասարյանը նաև նշեց, որ առաջնահերթ պետք է լավ ֆուտբոլիստներ ունենալ, հետո նոր մտածել  բարձրակարգ մարզչի մասին. «Ֆուտբոլասերները անընդհատ բողոքում են, ցանկանում էին  անվանի մարզիչ բերել: Տարիների փորձը ցույց  է տվել, որ մարզիչը ինչքան էլ լավ մասնագետ լինի, չի կարող արդյունքի հասնել, եթե տրամադրության տակ չունի լավ ֆուտբոլիստներ: Ամեն դեպքում, մենք պետք է ունենանք լավ հավաքական, հետո նոր մտածենք բարձրակարգ մարզչի մասին, ով կկարողանա խաղին ձեռագիր հաղորդել: Այսօր մենք չունենք այդ հավաքականը: Ես էլ եմ մեծ հետաքրքրությամբ սպասում, թե նա ինչ կարող է տալ մեր ֆուտբոլին»:

Հիշեցնենք, որ ՀՖՖ-ն իսպանացի Խոակին Կապարոսի` Հայաստանի հավաքականի գլխավոր մարզչի պաշտոնում նշանակվելու մասին հայտնեց այսօր: Կողմերի միջեւ կնքված պայմանագիրն ուժի մեջ է մինչև 2021 թ. նոյեմբերի 30-ը:

Երվանդ Հակոբյան

Հայաստանի ազգային հավաքականի գլխավոր մարզիչ է նշանակվել իսպանացի 64-ամյա հայտնի մասնագետ Խոակին Կապարոսը: Պայմանագիրը ուժի մեջ է մինչև 2021 թ. նոյեմբերի 30-ը: Այդ մասին հայտնում է ՀՖՖ պաշտոնական կայքը։

Խոակին Կապարոսը ծնվել է 1955 թվականի հոկտեմբերի 15-ին՝ իսպանական Ուտրետա քաղաքում։ 

Հայտնի է Բիլբաոյի «Ատլետիկում», «Դեպորտիվոյում» և հատկապես «Սևիլյայում» մարզչական աշխատանքով: «Սևիլյա» ֆուտբոլային ակումբի ղեկին ամենաշատ հանդիպումներ անցկացրած մարզիչն է։

2019 թվականին Կապարոսը Սևիլյայի նահանգի կողմից պարգևատրվել է Ոսկե մեդալով։

Խոակին Կապարոսի մարզչական կարիերան 

Սան Խոսե Օբրերո (Իսպանիա) – 1981-1984

Կամպիլյո (Իսպանիա) – 1984-1986

Մոտիլյա (Իսպանիա) – 1986-1989

Կաստիլե-Լա Մանչա (Իսպանիա) – 1989-1990

Խիմնաստիկո Ալկասար (Իսպանիա) – 1990-1992

Կոնկենսե (Իսպանիա) – 1992-1993

Մանսանարես (Իսպանիա) – 1994-1995

Մորալո (Իսպանիա) – 1995-1996

Ռեկրեատիվո (Իսպանիա) – 1996-1999

Անդալուսիա (Իսպանիա) – 1998-2000

Վիլյառեալ (Իսպանիա) – 1999

Սևիլյա (Իսպանիա) – 2000-2005

Դեպորտիվո Լա Կորունյա (Իսպանիա) – 2005-2007

Աթլետիկ Բիլբաո (Իսպանիա) – 2007-2011

Նյուշատել Քսամաքս (Շվեցարիա) – 2011

Մալյորկա (Իսպանիա) – 2011-2013

Լևանտե (Իսպանիա) – 2013-2014

Գրանադա (Իսպանիա) – 2014-2015

Օսասունա (Իսպանիա) – 2016-2017

Ալ Ահլի (Քաթար) – 2017

Սևիլյա (ԺՊ) (Իսպանիա) – 2018

Սևիլյա (ԺՊ) (Իսպանիա) – 2019