Միլանի «Ինտերի» հայ կիսապաշտպան Հենրիխ Մխիթարյանը նշել է իր կարծիքով «Ինտերի» պատմության երեք մեծագույն լեգենդներին։

«Սա իմ չորրորդ մրցաշրջանն է այստեղ, «Ինտերը» հիմա իմ կյանքն է, իմ երկրորդ տունը։ Ովքե՞ր են իմ երեք լեգենդները «Ինտերի» կազմում։ Ռոնալդո, Ձանետի և Ջորկաեֆ», Մխիթարյանի խոսքերն է մեջբերում fcinternews-ը։

Ընթացիկ մրցաշրջանում հայ կիսապաշտպանը «Ինտերի» կազմում մասնակցել է 5 հանդիպման։ «Օձերի» հետ գործող պայմանագրի ժամկետը նախատեսված է մինչև 2026 թվականի ամառը։ Transfermarkt-ը Մխիթարյանի տրանսֆերային արժեքը գնահատում է 4 միլիոն եվրո։

Լիսաբոնի «Ժոզե Ալվալադե» մարզադաշտում անցկացվեց բարեգործական Legends Charity Game-ը, որը միավորեց ֆուտբոլի լեգենդներին և գրավեց հազարավոր երկրպագուների: Խաղը ոչ միայն սպորտային տոն էր, այլև բարեգործական առաքելություն՝ նպատակ ունենալով հավաքել 1 միլիոն եվրո Պորտուգալիայի և Ուկրաինայի բարեգործական կազմակերպությունների համար:

Պորտուգալիայի լեգենդները վճռականորեն մտան խաղ՝ սկզբից սահմանելով իրենց գերակայությունը: Առաջին գոլը խփեց Պեդրու Պաուլետան՝ Ռիկարդու Կուարեժմայի փայլուն փոխանցումից հետո: Շուտով Էլդեր Պոշտիգան կրկնապատկեց առավելությունը՝ ցուցադրելով վստահ խաղ: Կուարեժման, չնայած դեռ ակտիվ կարիերային, աչքի ընկավ իր տեխնիկայով և ճշգրիտ փոխանցումներով:

Հանդիպման ֆոտոշարքը

Երկրորդ խաղակեսում Լուիշ Ֆիգուն դարձավ խաղի աստղը: Նա նախ օգնեց Պոշտիգային խփել երրորդ գոլը, ապա ինքը գեղեցիկ խաբեությամբ անցավ Կարագունիսին և հաշիվը դարձրեց 3:1: Վերջում Պեպեն, օգտվելով Էլիզեուի փոխանցումից, գլխի հարվածով ամրագրեց Պորտուգալիայի հաղթանակը՝ 4:1:

«Աշխարհի թիմի» կազմում միակ գոլը խփեց Մայքլ Օուենը՝ Ալեսանդրո Դել Պիերոյի փոխանցումից հետո: Դել Պիերոն նաև մասնակցեց մեկ այլ վտանգավոր պահի, սակայն Յուրի Ջորկաեֆի չիրացված 11 մետրանոցին հաջորդած գոլը չեղարկվեց կանոնների խախտման պատճառով:

Հանդիպման առանձնահատուկ պահերից էր ուկրաինացի բռնցքամարտիկ Ալեքսանդր Ուսիկի մասնակցությունը: Նա խաղաց «Աշխարհի թիմի» կազմում և կարճ ժամանակում կատարեց մի քանի ճշգրիտ փոխանցումներ՝ զարմացնելով երկրպագուներին:

Մեկնարկային կազմերը՝

Պորտուգալիա՝ Վիտոր Բայա, Բրունու Ալվեշ, Ֆաբիու Կոենտրաու, Նանի, Ռիկարդու Կուարեժմա, Պեպե, Ժոզե Բոսինգվա, Լուիշ Ֆիգու, Պեդրու Պաուլետա, Մանիշ, Տիագու

Պահեստայիններ՝ Բետո, Ռիկարդու Կարվալյու, Դեկու, Ժորժե Անդրադե, Դանի, Նունու Գոմեշ, Էլդեր Պոշտիգա, Էլիզեու, Սիմաու

Գլխավոր մարզիչ՝ Կոշտինյա

Աշխարհի թիմ՝ Պետր Չեխ, Մարեկ Համշիկ, Խավիեր Զանետի, Կառլես Պույոլ, Գաիսկա Մենդետա, Հենրիկ Լարսոն, Կրիստիան Կարամբյո, Կակա, Մարկո Մատերացի, Ջոն Թերի, Խավիեր Սավիոլա

Պահեստայիններ՝ Էդվին վան դեր Սար, Ռոբերտո Կառլոս, Ալեսանդրո Դել Պիերո, Խրիստո Ստոյչկով, Մայքլ Օուեն, Գեորջի Հաջի, Յուրի Ջորկաեֆ, Օլեքսանդր Ուսիկ, Կրասիմիր Բալակով, Յորգոս Կարագունիս

Գլխավոր մարզիչ՝ Ռոբերտո Կառլոս

Հանդիպման գոլերի տեսանյութը

GiveMeSport-ը հրապարակել է ֆուտբոլի պատմության լավագույն աջ պաշտպանների վարկանիշային աղյուսակը:

Առաջին տեղը զբաղեցրել է Կաֆուն, ով հանդես է եկել «Միլանում», «Ռոմայում» և Բրազիլիայի հավաքականում։

Լավագույն տասնյակը․

1. Կաֆու, Բրազիլիա.

2. Դանի Ալվես, Բրազիլիա.

3. Ֆիլիպ Լամ, Գերմանիա.

4. Կարլոս Ալբերտո, Բրազիլիա.

5. Խավիեր Զանետի, Արգենտինա.

6. Լիլիան Թյուրամ, Ֆրանսիա.

7. Գարի Նևիլ, Անգլիա.

8. Ջալմա Սանտոս, Բրազիլիա.

9. Ջուզեպե Բերգոմի, Իտալիա.

10. Ջանլուկա Զամբրոտա, Իտալիա։