Պորտուգալացի հանրահայտ ֆուտբոլիստ Լուիշ Նանին որոշել է վերսկսել մարզական կարիերան և պայմանագիր է կնքել ղազախական «Ակտոբեի» հետ։ Այս մասին պաշտոնապես հայտնել է ակումբի մամուլի ծառայությունը։

​39-ամյա հարձակվողի պայմանագիրը նախատեսված է մինչև 2026 թվականի ավարտը։ Հիշեցնենք, որ Նանին կարիերան ավարտելու մասին հայտարարել էր 2025 թվականի դեկտեմբերին, իսկ նրա վերջին ակումբը պորտուգալական «Էշտրելան» էր։

​Ըստ Sports.kz-ի տեղեկությունների՝ Նանին ոչ միայն կխաղա թիմում, այլև կստանձնի «Ակտոբեի»՝ միջազգային առաջխաղացման գծով մենեջերի պարտականությունները (խաղացող-մենեջեր): Աղբյուրը նշում է, որ պորտուգալացին կստանա Ղազախստանի առաջնության պատմության մեջ ռեկորդային աշխատավարձ՝ ամսական 70 հազար դոլար։

​Մեկնաբանելով իր տեղափոխությունը՝ Նանին նշել է.

​«Շատ ուրախ եմ միանալ «Ակտոբեին»: Անհամբեր սպասում եմ, թե երբ եմ կարողանալու իմ ներդրումն ունենալ ակումբի և ղազախական ֆուտբոլի զարգացման գործում: Շնորհակալ եմ ակումբի սեփականատեր Նուրլան Արտիկբաևին, նախագահ Արման Օսպանովին և նահանգապետ Ասխատ Շախարովին՝ հյուրընկալության և աջակցության համար: Ինձ շատ տպավորեց ակումբի ապագայի տեսլականը, և ես քրտնաջան կաշխատեմ, որպեսզի թիմը նոր բարձունքների հասնի թե՛ ներքին առաջնությունում, թե՛ միջազգային ասպարեզում»։

​Հավելենք, որ իր հարուստ կարիերայի ընթացքում Նանին հանդես է եկել պորտուգալական «Սպորտինգում», անգլիական «Մանչեսթեր Յունայթեդում», իսպանական «Վալենսիայում» և այլ ակումբներում։ «Մանչեսթեր Յունայթեդի» կազմում պորտուգալացին դարձել է Չեմպիոնների լիգայի գավաթակիր։

Պորտուգալացի ֆուտբոլիստ Լուիշ Նանին 38 տարեկանում որոշել է ավարտել կարիերան։ Այս մասին նա հայտնել է սոցցանցի իր էջում։

Նանին ամռանն է միացել պորտուգալական «Էշտրելա Ամադորա» ակումբին, որի կազմում ընթացիկ մրցաշրջանում անցկացրել է 11 հանդիպում և դարձել 1 գոլի հեղինակ։ Վերջին հինգ հանդիպումներից Լուիշը միայն մեկ անգամ է խաղադաշտ դուրս եկել։

«Եկել է հրաժեշտի ժամանակը, ես որոշել եմ ավարտել պրոֆեսիոնալ ֆուտբոլիստի կարիերաս»,- գրել է Նանին։

«Դա անհավանական ճանապարհորդություն էր, և ես ուզում էի շնորհակալություն հայտնել յուրաքանչյուրին, ով օգնել և աջակցել է ինձ կարիերայի վերելքների և վայրէջքների ընթացքում, որը տևել է ավելի քան 20 տարի և ինձ շատ անմոռանալի հիշողություններ է տվել: Ժամանակն է շրջել նոր էջը և կենտրոնանալ նոր նպատակների և երազանքների վրա: Կհանդիպենք շուտով»։

MLS-ը ներկայացնող «Օրլանդո Սիթիի» կիսապաշտպան Լուիշ Նանին «Կոլումբոս Քրյու» դեմ խաղում հեռացվել է խաղադաշտից, ինչից հետո չի կարողացել զսպել արցունքները:

Հանդիպման 33-րդ րոպեին Նանին դեղին քարտի է արժանացել, սակայն, դրվագի կրկնապատկերը դիտելուց հետո մրցավարը կարմիր քարտ է ցույց տվել պորտուգալացուն:

Cheers Nani’s crying. Nice one. 😢

The former #MUFC winger was in tears after being sent-off in Orlando’s #MLS clash with Columbus Crew…🟥 pic.twitter.com/XDlJaFGlhl

— Sky Sports (@SkySports) November 5, 2020

Հավելենք, որ հանդիպումն ավարտվեց «Օրլանդո Սիթիի» հաղթանակով ՝ 2-1 հաշվով:

«Մանչեսթեր Յունայթեդի» նախկին կիսապաշտպան Նանին վերհիշել է ՄՅՈւ-ի նախկին գլխավոր մարզիչ Ալեքս Ֆերգյուսոնի հետ տեղի ունեցած միջադեպը 2010 թվականին՝ «Ֆուլհեմի» հետ խաղից հետո:

Խաղի ընթացքում, ունենալով 2-1 հաշվով առավելություն, Նանին ստանձնեց իրացնել 11-մետրանոց հարվածը և չկարողացավ այն արդյունավետ ավարտի հասցնել, իսկ լոնդոնցիները խաղավերջում կորզեցին ոչ-ոքի՝ 2-2:

«Ես անհավատալի խաղացի, ես շատ ինքնավստահ էի: Մենք վաստակեցինք տուգանայինի իրավունք, Ռայան Գիգզը պետք է կատարեր այն, բայց ես որոշեցի վստահություն ցուցաբերել, իսկ Գիգզը ոչինչ չասաց: Ես գոլ չխփեցի, չնայած այս գոլը կդարձներ հաշիվը 3-1:

Խաղից հետո հանդերձարանում Ֆերգյուսոնը պարզապես ոչնչացրեց ինձ: Նա ասաց. «Նանի, դու ո՞վ ես: Ո՞վ է քեզ տուգանայինը իրացնելու իրավունք տվել: Ռայան : Եվ հետո նա սկսեց բղավել Գիգզի վրա. Ռայանն ասաց. «Նա վերցրեց գնդակը, և ես որոշեցի չխանգարել»: Անհավատալի օր էր:

Սկզբում ես շատ էի վախենում Ֆերգյուսոնից: Ինչպե՞ս կվախենաք ձեր հորից, երբ սխալ բան եք անում: Ես հետևում էի նրան, երբնա խոսում էր այլ խաղացողների հետ, ես ևս ցանկանում էի մասնակցել, բայց լեզուն չգիտեի: Ես վախենում էի նրանից, մինչև սովորեցի ավելի լավ հասկանալ լեզուն և կարողանալ արտահայտել մտքերս: Իմ անգլերենը երբեք կատարյալ չէր և երբեք չի լինի, բայց այն ժամանակ ավելի վատն էր, քան հիմա է , — ասել է Նանին «Մանչեսթեր Յունայթեդի» պաշտոնական կայքին տված գհարցազրույցի ժամանակ:

33-ամյա Նանին «Մանչեսթեր Յունայթեդի» կազմում խաղում էր 2007-ից 2014 թվականները: Մանկունյանցիների կազմում նա նվաճել է 12 տիտղոս, այդ թվում Պրեմիեր լիգայում 4 չեմպիոնական տիտղոսը և 2008-ին Չեմպիոնների լիգայում տարած հաղթանակը:

«Մանչեսթեր Յունայթեդի» և Պորտուգալիայի հավաքականի նախկին կիսապաշտպան Լուիշ Նանին իր կարծիքն է հայտնել նախկին թիմակից՝ Կրիշտիանու Ռոնալդուի մասին.

«Այն խաղացողներից մեկը, որն իսկապես զարմացրել և մեծ տպավորություն է թողել ինձ վրա, դա Սքոուլզն էր: Նա անհավանական էր:

Ինձ համար աշխարհում լավագույնը Կրիշտիանու Ռոնալդուն է: Լավագույն խաղացողնե՞ր: Ես շատերին եմ տեսել, այդ թվում՝ Մարադոնային ու Պելեին:

Կան բազմաթիվ անժխտելի փաստեր, որոնց հիման վրա ես ընտրել եմ լավագույնին: Թվերը երբեք չեն ստում: Ռոնալդուն լավագույնն է աշխարհում»,-ասել է Նանին: