2026 թվականի Աշխարհի գավաթի խաղարկության 3-րդ տուրում Շոտլանդիայի դեմ խմբային փուլի 3-0 հաշվով հաղթանակից հետո, 34-ամյա բրազիլացի հարձակվող Նեյմարը մեջբերել է 41-ամյա բրիտանացի մրցարշավորդ և Ֆորմուլա 1-ի յոթակի չեմպիոն Լյուիս Հեմիլթոնին, որը ներկայացնում է Ֆերարին։

«Հիշիր, թե ով ես դու», — խաղից հետո գրել է Նեյմարը՝ մեջբերելով Հեմիլթոնի խոսքերը։

«Միշտ», — պատասխանել է Հեմիլթոնը գրառմանը։

Նեյմարը խաղադաշտ է դուրս եկել երկրորդ խաղակեսի 76-րդ րոպեին և գոլ չի խփել։

Հեղինակավոր Forbes ամսագիրը հրապարակել է 2026 թվականի աշխարհի ամենաբարձր վարձատրվող մարզիկների ամենամյա վարկանիշային աղյուսակը, որը գլխավորել է «Ալ Նասրի» և Պորտուգալիայի հավաքականի հարձակվող Կրիշտիանու Ռոնալդուն։ «Ոսկե գնդակի» հնգակի դափնեկիրն արդեն չորրորդ տարին անընդմեջ պահպանում է առաջատարի դիրքը։

Ռեյտինգը կազմվել է՝ հաշվի առնելով ինչպես մարզիկների մրցելույթներից ստացված եկամուտները (աշխատավարձ, բոնուսներ, մրցանակային հիմնադրամներ), այնպես էլ սպորտից դուրս կնքված գովազդային և հովանավորչական պայմանագրերը։

41-ամյա Ռոնալդուի ընդհանուր տարեկան եկամուտը կազմել է ֆանտաստիկ 300 միլիոն դոլար, որից 235 միլիոնը նա վաստակել է խաղադաշտում, իսկ 65 միլիոնը՝ դրա սահմաններից դուրս։

Երկրորդ հորիզոնականը զբաղեցրել է մեքսիկացի անվանի բռնցքամարտիկ Սաուլ «Կանելո» Ալվարեսը (170 մլն դոլար), իսկ լավագույն եռյակը եզրափակել է ամերիկյան «Ինտեր Մայամիի» հարձակվող Լիոնել Մեսսին, ում տարեկան եկամուտը գնահատվել է 140 միլիոն դոլար։

Ստորև ներկայացնում ենք Forbes-ի վարկածով 2026 թվականի ամենաբարձր վարձատրվող մարզիկների լավագույն տասնյակը (միլիոն դոլար).

• Կրիշտիանու Ռոնալդու (Պորտուգալիա, ֆուտբոլ) – 300 (235 սպորտում + 65 սպորտից դուրս)
• Սաուլ Ալվարես (Մեքսիկա, բռնցքամարտ) – 170 (160 + 10)
• Լիոնել Մեսսի (Արգենտինա, ֆուտբոլ) – 140 (70 + 70)
• Լեբրոն Ջեյմս (ԱՄՆ, բասկետբոլ) – 137.8 (52.8 + 85)
• Սյոհեյ Օտանի (Ճապոնիա, բեյսբոլ) – 127.6 (2.6 + 125)
• Ստեֆեն Քարի (ԱՄՆ, բասկետբոլ) – 124.7 (59.7 + 65)
• Ջոն Ռամ (Իսպանիա, գոլֆ) – 107 (97 + 10)
• Կարիմ Բենզեմա (Ֆրանսիա, ֆուտբոլ) – 104 (100 + 4)
• Քևին Դյուրանտ (ԱՄՆ, բասկետբոլ) – 103.8 (54.8 + 49)
• Լյուիս Հեմիլթոն (Մեծ Բրիտանիա, Ֆորմուլա-1) – 100 (70 + 30)

Բրիտանացի ավտոարշավորդ, Ֆորմուլա 1-ի 7-ակի չեմպիոն Լյուիս Հեմիլթոնն այժմ պաշտոնապես դարձել է իտալական Ferrari թիմի ավտոարշավորդը։

Հեմիլթոնի պայմանագիրն իր նախկին Mercedes թիմի հետ ավարտվել է 2024 թվականի դեկտեմբերի 31-ին։

Թիմի 2025 թվականի մրցաշրջանի նոր բոլիդը կներկայացվի Ferrari-ի առանձին շնորհանդեսին։

Շնորհանդեսը տեղի կունենա փետրվարի 19-ին։

Ժամանակակից Ֆորմուլա 1-ի լեգենդ Լյուիս Հեմիլթոնի տեղափոխությունը «Ֆեռարի» շարունակում է մնալ ավտոսպորտի սիրահարների քննարկման գլխավոր թեման: ArmSport-ը շարունակում է ուսումնասիրել այս տրանսֆերը և զրուցել է երկուհազարականների հայկական հեռուստաեթերի ամենավարկանիշային հաղորդումներից մեկի՝ «Ավտոշքերթ»-ի հեղինակ, Ֆորմուլա 1-ի մեկնաբան Երվանդ Ղարիբյանի հետ:

— Երվանդ, որպես Ֆորմուլա-1-ի սիրահար ու մեծ գիտակ, ինչպե՞ս կգնահատեք Լյուիս Հեմիլթոնի տեղափոխությունը «Մերսեդեսից» «Ֆեռարի»: Որքանո՞վ էր այն սպասելի Ձեզ համար, եթե հաշվի առնենք, որ կողմերն, ըստ տարբեր, շշուկների, բանակցում են դեռևս 2017 թվականից:

— Սուվորովը ասել է՝ վատն է այն զինվորը, որը չի ցանկանում դառնալ գեներալ։ Տվյալ դեպքում վատն է այն մրցարշավորդը, որը երբևէ չի երազել հանդես գալ «Ֆեռարիում»։ Այդպես, Լյուիս Հեմիլթոնը համալրեց իտալական թիմի շարքերը, ինչպես ժամանակին շատերը՝ Սեբաստիան Ֆետելը, Ֆերնանդո Ալոնսոն և այլ չեմպիոններ։ 2025-ին նախատեսված այս տեղափոխությունն, այո, ռումբի էֆֆեկտ ունեցավ Ֆորմուլա 1-ում։ Այդպիսի խոսակցություններ վաղուց կային, բայց որևէ մեկը հենց այս պահին չէր սպասում այս տեղափոխությանը։ Սա անակնկալ էր նույնիսկ Հեմիլթոնի ապագա թիմակից Շառլ Լեկլերի համար։ Այս տեղափոխությամբ Ֆորմուլա 1-ում ծնվում է նոր ինտրիգ։ Բացի նրանից, որ աշխարհի 7-ակի չեմպիոնը պետք է հանդես գա աշխարհի ամենատիտղոսակիր թիմում, դրան գումարվում է բարձրակարգ 2 պիլոտների սպասվելիք մրցակցություն։ Մի կողմից աշխարհի բազմակի չեմպիոնն է, մյուս կողմից՝ այդ չեմպիոնության համը չզգացած, բայց չեմպիոնական հավակնություններ ունեցող Շառլ Լեկլերը։

— Ֆորմուլա 1-ի տրանսֆերային պատուհանն այնքան ակտիվ չէ, որքան ֆուտբոլայինը: Կարելի՞ է ասել, որ այս տեղափոխությունը 21-րդ դարում ամենալուրջն է: Թե՞ եղել են այլ տրանսֆերներ, որոնք կարող են ոտք մեկնել: Որո՞նք Դուք կառանձնացնեք:

— Այո, Ֆորմուլա 1-ի տրանսֆերները չես համեմատի ֆուտբոլի հետ, մասնավորապես քանակի տեսանկյունից։ Բայց այս սպորտաձևում կարևոր է ոչ թե քանակը, այլ որակը։ Տվյալ դեպքում տրանսֆերը կարող է դառնալ դարակազմիկ։ Կարող ենք հիշել չեմպիոնական այլ տեղափոխություններ դեպի «Ֆեռարի»՝ Ֆերնանդո Ալոնսո, Սեբաստիան Ֆետտել։ Եղել են նաև հակառակ ուղղությամբ տրանսֆերներ։ Ամենահայտնին, թերևս, Միխայել Շումախերի տեղափոխությունն էր «Մերսեդես»։ Բայց այս պարագայում կա մի նրբություն. այն ժամանակ «Կարմիր բարոնը» «Ֆեռարիից» հեռանալուց հետո հայտարարեց կարիերան ավարտելու մասին ու միայն դադարից հետո համալրեց «Մերսեդեսի» շարքերը։ Բայց, ըստ իս, համեմատական եզրեր ունեն հենց Հեմիլթոնի ու Շումախերի տեղափոխությունները, որովհետև խոսում ենք մինչև այս պահը արքայական ավտոսպորտի ամենատիտղոսակիր ու անգերազանցելի վարպետների մասին։ Ու այստեղ ևս 2 ինտրիգ կա. կկարողանա՞ Հեմիլթոնը գերազանցել Միխայել Շումախերին տիտղոսների քանակով հենց «Ֆեռարիի» ղեկին։ Բացի դրանից, կա փոքր մտավախություն, որ ամեն ինչ կարող է ավարտվել այնպես, ինչպես եղավ Շումախերի հետ «Մերսեդեսում», երբ «Կարմիր բարոնը» չկարողացավ նոր թիմում հաղթահարել իր երիտասարդ թիմակից Նիկո Ռոսբերգի դիմադրությունը ու նույնիսկ որևէ հաղթանակ չգրանցեց։ Ի՞նչ է սպասվում Հեմիլթոնին «Ֆեռարիում»՝ կապրենք, կտեսնենք, բայց վստահ եմ, որ շատ հետաքրքիր է լինելու 2025 թվականի մրցաշրջանը։

— Ըստ Ձեզ, ո՞րն էր տրանսֆերի գլխավոր մոտիվացիան: Չէ՞ որ Հեմիլթոնը 13 տարեկանից «Մերսեդեսի» համակարգում է եղել: Բացի դրանից չենք մոռանում, որ նա մոտ 40 տարեկան է: Ինչպես նաև չենք կարող հաշվի չառնել այն շշուկները, ըստ որոնց Հեմիլթոնի աշխատավարձը զգալի նվազելու է նոր թիմում:

— Հեմիլթոնի գլխավոր մոտիվացիան իհարկե հաղթելն է՝ հաղթել, հաղթել ու էլի հաղթել, դառնալ աշխարհի 8-ակի չեմպիոն և գերազանցել բոլորին Ֆորմուլա 1—ի պատմության մեջ։ Մյուս կողմից ակնհայտ է, որ «Մերսեդեսը» լավ մարզավիճակում չէ և հայտնի չէ՝ կկարողանա թիմը վերականգնել այն, թե ոչ։ Այդ պատճառով Հեմիլթոնին հարկավոր են նոր մարտահրավերներ, և նա տեղափոխվում է «Ֆեռարի» նոր հաղթանակների հետևից։ Աշխատավարձի մասով լսել եմ, որ բոնուսներով նրա աշխատավարձը պետք է հասնի մոտ 100 մլն դոլարի, ինչը, կարծում եմ՝ վատ չէ նրա համար։

— Ի վերջո այս տեղափոխությունից ով է ավելի շատ շահելու` Հեմիլթոնը, «Մերսեդեսը», թե՞ «Ֆեռարին»:

— Շատ դժվար է այս պահին ասել՝ այս տեղափոխությունից ով է շահելու, ով՝ ոչ։ Դա կիմանանք միայն 2025-ին, երբ Հեմիլթոնը նստի «Ֆեռարիի» ղեկին։ Պարզ կլինի նաև՝ նույն, հավասարազոր մեքենաներով ի՞նչ շանսեր ունեն երկու տաղանդավոր պիլոտները՝ Լեկլերը և Հեմիլթոնը։ Կարծում եմ, որ «Ռեդ Բուլի» դոմինանտությունը կշարունակվի ոչ միայն այս տարի, այլև 2025-ին։ Ուստի, Հեմիլթոնը պետք է հաղթահարի ոչ միայն իր թիմակցի արգելքը, այլև պայքար մղի «Կարմիր ցլերի» դեմ։ «Մերսեդեսից» մինչև այս պահը չեն հաղորդել՝ ո՞վ է փոխարինելու Հեմիլթոնին՝ գործող հավակնոտ երիտասարդ պիլոտ, թե՞ վաստակաշատ չեմպիոն, ինչպիսին է Ֆերնանդո Ալոնսոն կամ Սեբաստիան Ֆետելը։ Կան խոսակցություններ, որ «Մերսեդեսի» մարտական պիլոտ կարող է դառնալ Միկ Շումախերը՝ Միխայել Շումախերի որդին, որի կարիերան արքայական ավտոսպորտում մնաց մի փոքր ստվերում։ Այնպես որ, այս պահին 2025 թվականի համար կանխատեսում անելը բարդ է։ Զինվենք համբերությամբ ու սպասենք 2024-ի մեկնարկին, որովհետև այս տարի գուցե լինեն իրադարձություններ, որոնք մեզ թույլ կտան ավելի շոշափելի կարծիք կազմել հեմիլթոնյան 2025 թվականի մասին։

Ռոբերտ Գասպարյան

Կատալոնական «Բարսելոնայի» ֆուտբոլիստ Անտուան ​​Գրիզմանը այցելել է Ֆորմուլա 1-ի մրցաշարին Բարսելոնայում, որտեղ տեղի է ունենալու Իսպանիայի Գրան Պրին:

Ֆրանսիացին շրջայց է կատարել Mercedes-ի շտաբում, որտեղ նա հանդիպել է և զրուցել է ավտոարշավորդ, աշխարհի չեմպիոն Լյուիս Հեմիլթոնի հետ:

⚽️🤜🤛🏁#SpanishGP pic.twitter.com/lYsR39OWeN

— Mercedes-AMG PETRONAS F1 Team (@MercedesAMGF1) May 9, 2021

«Մերսեդեսի» բրիտանացի ավտոարշավորդ Լյուիս Հեմիլթոնը հաղթել է Բահրեյնի Գրան Պրի ՝ 2021 թվականի Ֆորմուլա 1-ի մրցաշրջանի առաջին մրցավազքը: Նա ընդամենը 0.745 վայրկյան առաջ էր անցել Red Bull Racing-ի նիդերլանդացի Մաքս Վերստապենից: Երրորդ տեղը զբաղեցրել է Հեմիլթոնի «Մերսեդեսի» խաղընկեր Վալտերի Բոտտասը:

Բահրեյնի Գրան Պրի: Մրցավազք

1. Լյուիս Հեմիլթոն (Մերսեդես) — 56 պտույտ;
2. Մաքս Վերստապեն (Red Bull) +0,745;
3. Վալտերի Բոտտաս (Մերսեդես) +37,383;
4. Լանդո Նորիս (Մաքլարեն) +46,466;
5. Սերխիո Պերես (Red Bull) +52.047;
6. Շառլ Լեքլեր (Ferrari) +59.090;
7. Դանիել Ռիկարդո (Մաքլարեն) +1.06.004;
8. Կառլոս Սայնs (Ferrari) +1.07.100;
9. Յուկի Սnունոդա («ԱլֆաՏաուրի») +1.25.692;
10. Լենս Սթրոլ (Aston Martin) +1.26.713;

«Մերսեդեսի» բրիտանացի վարորդ, Ֆորմուլա 1-ի աշխարհի յոթակի չեմպիոն Լյուիս Հեմիլթոնը հնարավոր է ասպետի կոչում ստանա:

Մեծ Բրիտանիայի վարչապետ Բորիս Ջոնսոնը անձամբ է միջամտել ՝ Համիլթոնի ասպետի կոչումն ապահովելու համար, հայտնում է Daily Mail-ը: Հեմիլթոնին ասպետի կոչում շնորհելու արարողությունը պետք է տեղի ունենա Ամանորի նախօրեին:

Նշվում է, որ Հեմիլթոնի համար պատվավոր կոչում ստանալու ճանապարհին միակ իրական խոչընդոտը հանդիսանում է սպորտային կոմիտեի՝ ներկայումս դեռ հանդես եկող մարզիկին ասպետի կոչում շնորհելու դժկամությունն է և 35-ամյա ավտոարշավորդի հարկային կարգավիճակը:

Հեմիլթոնը ապրում է Մոնակոյում և 3,3 միլիոն ֆունտ հարկ է խնայել ՝ գրանցելով իր 16,5 միլիոն ֆունտ ստերլինգը Մեն կղզում: Չնայած դրան, Լյուիսը Մեծ Բրիտանիայի 5,000 խոշոր հարկատուներից մեկն է։

Հոկտեմբերի 25-ին կայացավ 2020 մրցաշրջանի Ֆորմուլա 1-ի 12-րդ փուլը՝ Պորտուգալիայի Գրան-պրին։

Պորտիմանի մայրուղում անցկացվող մրցավազքի հաղթող դարձավ աշխարհի գործող չեմպիոն «Մերսեդեսի» ավտոարշավորդ Լյուիս Հեմիլթոնը։

Բրիտանացին կարիերայի 92-րդ մրցավազքը հաղթեց ու հաղթած մրցավազքերի քանակով դարձավ Ֆորմուլա-ի բացարձակ ռեկորդակիր՝ առաջ անցնելով յոթակի չեմպիոն գերմանացի Միխայել Շումախերից։

«Մերսեդեսի» ավտոարծավորդ Լյուիս Հեմիլթոնը առաջիկա տարիներին կշարունակի աշխատել գերմանական թիմի հետ:

Daily Mail-ի փոխանցմամբ՝ բրիտանացին «Մերսեդեսի» հետ համաձայնեցրել է նոր՝ եռամյա պայմանագիր ՝ յուրաքանչյուր մրցաշրջանի համար 40 միլիոն ֆունտ աշխատավարձով:

35-ամյա ֆուտբոլիստը «Մերսեդեսի» կազմում է 2013 թվականից: 2014 թվականից նա հինգ անգամ անընդմեջ դարձել է Ֆորմուլա 1-ի չեմպիոն:

Այս մրցաշրջանում Համիլթոնը գլխավորում է ընդհանուր մրցաշարային աղյուսակը ինը փուլերից հետո՝ 190 միավորով և 55 միավորով առաջ անցնելով մոտակա մրցակից Վալտերի Բոտասից: Այս տարի չեմպիոնի տիտղոսը նվաճելու դեպքում բրիտանացին կհավասարվի աշխարհի յոթակի չեմպիոն Միխայել Շումախերին:

Բարսելոնայում անցկացվեց Ֆորմուլա-1-ի 2020 թվականի մրցաշրջանի վեցերորդ փուլի` Իսպանիայի Գրան պրիի մրցավազքը:

«Մերսեդեսի» բրիտանացի ավտոարշավորդ Լյուիս Հեմիլթոնը կրկին առաջինն էր։ Աշխարհի չեմպիոնն այս մրցաշրջանում իր չորրորդ հաղթանակն է տարել և իր ամբողջ կարիերայի 88-րդը։

Երկրորդը տեղում է «Ռեդ Բուլի» ավտոարշավորդ Մաքս Վերստապենը, իսկ Հեմիլթոնի թիմակից Վալտերի Բոտասը եզրափակեց լավագույն եռյակը:

Հեմիլթոնը կարիերայի ընթացքում 156-րդ անգամ կանգնեց հարթակին: Այս ցուցանիշով բրիտանացի արշավորդը շրջանցել է լեգենդար Շումախերի ցուցանիշը, ում ցուցանիշը լավագույնն էր Ֆ1-ում։

RECORD BREAKER 👏

156 F1 podiums for @LewisHamilton

He is now clear of Michael Schumacher and is number one on the all-time list 🙇‍♂️#SpanishGP 🇪🇸 #F1 pic.twitter.com/LRB8BVUvkA

— Formula 1 (@F1) August 16, 2020