Ֆրանսիական ՊՍԺ-ի եզրային հարձակվող Բրեդլի Բարկոլայի տեղափոխությունն անգլիական «Լիվերպուլ» այս պահի դրությամբ ընդգրկվել է համաշխարհային ֆուտբոլի պատմության ամենաթանկարժեք տրանսֆերների լավագույն տասնյակում։

Հեղինակավոր Transfermarkt վիճակագրական պորտալի համաձայն՝ Բարկոլայի՝ 125 միլիոն եվրո արժողությամբ տրանսֆերը դարձել է ֆուտբոլի պատմության 10-րդ ամենաթանկարժեք գործարքը։ Այս ամռանը ճիշտ այդքան էր վճարել նաև Մադրիդի «Ռեալը» «Լայպցիգին»՝ վինգեր Յան Դիոմանդեի տեղափոխության դիմաց (առանց բոնուսների), ինչպես նաև «Լիվերպուլը» մեկ տարի առաջ՝ Լևերկուզենի «Բայերից» Ֆլորիան Վիրցի տրանսֆերի համար։ Բացարձակ ռեկորդը շարունակում է պատկանել Նեյմարին, որն ինը տարի առաջ «Բարսելոնայից» տեղափոխվեց ՊՍԺ 222 միլիոն եվրոյի դիմաց։

Հատկանշական է, որ այս տասնյակն առաջիկայում կարող է փոփոխության ենթարկվել, քանի որ սպասվում է Լոնդոնի «Չելսիից» Էնցո Ֆերնանդեսի ռեկորդային՝ 145 միլիոն եվրո արժողությամբ տեղափոխությունը «Մանչեսթեր Սիթի», ինչն անմիջապես կվերաձևավորի ցուցակի առաջատար դիրքերը։

Ֆուտբոլի պատմության 10 ամենաթանկարժեք տրանսֆերներն ըստ Transfermarkt-ի․

• Նեյմար (Բրազիլիա) — «Բարսելոնայից» ՊՍԺ՝ 222 միլիոն եվրո
• Կիլիան Մբապե (Ֆրանսիա) — «Մոնակոյից» ՊՍԺ՝ 180 միլիոն եվրո
• Ուսման Դեմբելե (Ֆրանսիա) — Դորտմունդի «Բորուսիայից» «Բարսելոնա»՝ 148 միլիոն եվրո
• Ալեքսանդր Իսակ (Շվեդիա) — «Նյուքասլից» «Լիվերպուլ»՝ 145 միլիոն եվրո
• Մորգան Ռոջերս (Անգլիա) — «Ասթոն Վիլայից» «Չելսի»՝ 138 միլիոն եվրո
• Էլիոթ Անդերսոն (Անգլիա) — «Նոթինգհեմ Ֆորեսթից» «Մանչեսթեր Սիթի»՝ 135 միլիոն եվրո
• Ֆիլիպե Կոուտինյո (Բրազիլիա) — «Լիվերպուլից» «Բարսելոնա»՝ 135 միլիոն եվրո
• Ժոաու Ֆելիքս (Պորտուգալիա) — «Բենֆիկայից» «Ատլետիկո»՝ 127,2 միլիոն եվրո
• Ջուդ Բելինգհեմ (Անգլիա) — Դորտմունդի «Բորուսիայից» Մադրիդի «Ռեալ»՝ 127 միլիոն եվրո
• Բրեդլի Բարկոլա (Ֆրանսիա) — ՊՍԺ-ից «Լիվերպուլ»՝ 125 միլիոն եվրո
• Յան Դիոմանդե (Կոտ դ’Իվուար) — «Լայպցիգից» Մադրիդի «Ռեալ»՝ 125 միլիոն եվրո
• Ֆլորիան Վիրց (Գերմանիա) — «Բայերից» «Լիվերպուլ»՝ 125 միլիոն եվրո

Օգոստոսի 31-ին անգլիական «Լիվերպուլը» պաշտոնապես հայտարարեց ֆրանսիացի հարձակվող Բրեդլի Բարկոլայի տրանսֆերի մասին։ 23-ամյա ֆուտբոլիստը մերսիսայդյան ակումբի հետ կնքել է երկարաժամկետ պայմանագիր և նոր թիմում հանդես է գալու 29 համարի մարզաշապիկով։

Տրանսֆերի ավարտից հետո նորեկը կիսվել է իր տպավորություններով ու խոսել առաջիկա նպատակների մասին։

«Ինձ բախտ է վիճակվել երկու անգամ խաղալ այս մարզադաշտում, և ես տեսել եմ այդ մթնոլորտը, զգացել եմ, թե ինչպես են երկրպագուները աջակցում «Լիվերպուլի» խաղացողներին։ Երբ իմացա իմ նկատմամբ ակումբի հետաքրքրության մասին, որևէ հարց չառաջացավ. ես միանգամից հասկացա, որ սա մեծագույն ակումբ է:
Այստեղ խաղալու հնարավորությունն ինձ համար մեծ հպարտություն է։

Բանակցությունները բավականին երկար տևեցին, բայց այսօր ես իսկապես երջանիկ եմ։ Այժմ պարզապես ցանկանում եմ դուրս գալ խաղադաշտ և ցույց տալ իմ խաղը։ Հուսով եմ՝ մեծ հաջողությունների կհասնենք։ Նախևառաջ ուզում եմ հաղթել Պրեմիեր լիգայում. դա իմ կյանքի մեծագույն երազանքներից մեկն է», — Բարկոլայի խոսքերն է մեջբերում «Լիվերպուլի» մամուլի ծառայությունը։

Հիշեցնենք, որ մինչև Անգլիա տեղափոխվելը Բարկոլան 2023 թվականից պաշտպանում էր ֆրանսիական ՊՍԺ-ի գույները։

Անգլիական «Լիվերպուլը» պաշտոնապես հայտարարել է ֆրանսիական ՊՍԺ-ի հարձակվող Բրեդլի Բարկոլայի տրանսֆերի ձեռքբերման մասին։ Այս մասին հաղորդում է մերսիսայդյան ակումբի պաշտոնական կայքը։

Ավելի վաղ հաղորդվում էր, որ գործարքի արժեքը կազմել է 125 միլիոն եվրո՝ որպես հաստատագրված գումար, իսկ ևս 20 միլիոն եվրո փարիզյան ակումբը կարող է ստանալ հնարավոր բոնուսների տեսքով։

Ավարտված մրցաշրջանում Բարկոլան ՊՍԺ-ի կազմում բոլոր մրցաշարերում մասնակցել է 49 հանդիպման՝ իր ակտիվում գրանցելով 13 գոլ և 7 գոլային փոխանցում։ Ֆրանսիացի ֆուտբոլիստի նախորդ պայմանագրի ժամկետը նախատեսված էր մինչև 2028 թվականի ամառը։

Հեղինակավոր Transfermarkt պորտալը խաղացողի տրանսֆերային արժեքը գնահատում է 90 միլիոն եվրո։

Անգլիայի Պրեմիեր լիգայի 2026/27 մրցաշրջանի երկրորդ տուրում «Լիվերպուլն» «Էնֆիլդում» ընդունեց «Նոթինգհեմ Ֆորեսթին»։ Գոլառատ և դրամատիկ պայքարում անցած խաղն ավարտվեց 2։2 հաշվով։

Խաղի հաշիվը 24-րդ րոպեին բացեց հյուրերի կիսապաշտպան Դան Նդոյեն, սակայն 60-րդ րոպեին Ալեքսանդր Իսակը վերականգնեց հավասարությունը: Տասը րոպե անց «անտառապահները» կրկին առաջ անցան հաշվի մեջ. Մորգան Գիբս-Ուայթն անվրեպ իրացրեց նշանակված 11-մետրանոցը:

Մերսիսայդցիներին պարտությունից փրկեց 23-ամյա իսպանացի նորեկ Վիկտոր Մունյոսը, որն այս ամռանն է «Օսասունայից» տեղափոխվել անգլիական ակումբ։ 82-րդ րոպեին խփելով իր նորամուտի գոլը՝ խաղի հաշիվը դարձնելով 2։2։

Այս ոչ-ոքիից հետո «Լիվերպուլը» մրցաշրջանի մեկնարկային երկու խաղերից վաստակած 2 միավորով զբաղեցնում է ԱՊԼ-ի մրցաշարային աղյուսակի 10-րդ հորիզոնականը, իսկ «Նոթինգհեմ Ֆորեսթը» 1 միավորով 12-րդն է:

Հաջորդ տուրում «Լիվերպուլը» սեպտեմբերի 4-ին հյուրընկալվելիս կմրցի «Իպսվիչ Թաունի» հետ, իսկ «Նոթինգհեմը» սեպտեմբերի 5-ին կընդունի «Տոտենհեմին»։

Տեսանյութը՝ ԱՅՍՏԵՂ

Մրցաշարային աղյուսակն այս պահին

Այսօր՝ օգոստոսի 28-ին Մոնակոյում կայացավ Չեմպիոնների լիգայի խաղարկության լիգայի փուլի վիճակահանությունը։ Բոլոր 36 թիմերն իմացան իրենց մրցակիցներին։

Նշենք, որ յուրաքանչյուր թիմ լիգայի փուլում ունենալու է 8 մրցակից՝ երկուական մրցակից ամեն զամբյուղից։ Բոլոր թիմերի ընդհանուր արդյունքները (միավորները) հաշվարկվելու են մեկ միասնական մրցաշարային աղյուսակում։ 1-8-րդ տեղը զբաղեցրած թիմերը միանգամից դուրս կգան 1/8-րդ եզրափակիչ, իսկ 9-24-րդ (16 թիմ) տեղերը զբաղեցրած թիմերը կխաղարկեն մնացած 8 ուղեգրերը փլեյ-օֆֆ փուլում։

✅ Վիճակահանության արդյունքները բոլոր թիմերի համար

Առաջին զամբյուղ

Երկրորդ զամբյուղ

Երրորդ զամբյուղ

Չորրորդ զամբյուղ

Խաղացանկի հրապարակումը

Վիճակահանությունից անմիջապես հետո պարզ դարձան մրցակիցները, սակայն հանդիպումների ստույգ ժամանակացույցը կհրապարակվի ոչ ուշ, քան շաբաթ օրը (օգոստոսի 29-ին): Ավանդույթի համաձայն՝ Չեմպիոնների լիգայի 1-ին տուրը կձգվի երեք օր (երեքշաբթի, չորեքշաբթի և հինգշաբթի): Մնացած տուրերը կանցկացվեն երկու օրվա ընթացքում, բացառությամբ վերջին տուրի, երբ բոլոր հանդիպումները կմեկնարկեն միաժամանակ:

Տուր 1. 8-10 սեպտեմբերի, 2026 թ.
Տուր 2. 13-14 հոկտեմբերի, 2026 թ.
Տուր 3. 20-21 հոկտեմբերի, 2026 թ.
Տուր 4. 3-4 նոյեմբերի, 2026 թ.
Տուր 5. 24-25 նոյեմբերի, 2026 թ.
Տուր 6. 8-9 դեկտեմբերի, 2026 թ.
Տուր 7. 19-20 հունվարի, 2027 թ.
Տուր 8. 27 հունվարի, 2027 թ.

Ֆրանսիական ՊՍԺ-ի եզրային հարձակվող Բրեդլի Բարկոլան առաջիկայում կհամալրի անգլիական «Լիվերպուլի» շարքերը։ Այս տեղեկությունը հայտնում է հեղինակավոր ինսայդեր Ֆաբրիցիո Ռոմանոն։

Աղբյուրի փոխանցմամբ՝ ակումբներն արդեն վերջնական համաձայնության են եկել 23-ամյա ֆրանսիացի ֆուտբոլիստի տրանսֆերի շուրջ։ Գործարքի հաստատագրված արժեքը կկազմի 117 միլիոն եվրո, սակայն հնարավոր բոնուսների ներառմամբ այդ գումարը կարող է հասնել մինչև 164 միլիոնի։ Սպասվում է, որ առաջիկա 24 ժամվա ընթացքում կողմերը կիրականացնեն պաշտոնական փաստաթղթերի փոխանակում։

Հիշեցնենք, որ Բրեդլի Բարկոլան ՊՍԺ-ի գույները պաշտպանում է 2023 թվականի ամառվանից։ Այդ ընթացքում նա փարիզյան թիմի կազմում ընդհանուր առմամբ մասնակցել է 152 հանդիպման՝ դառնալով 39 գոլի և 37 գոլային փոխանցման հեղինակ։

Չեմպիոնների լիգայի որակավորման փլեյ-օֆֆ փուլի պատասխան հանդիպումներով վերջնականապես ձևավորվեց 2026/27 մրցաշրջանի հիմնական՝ լիգայի փուլի մասնակիցների կազմը։ Նորացված ձևաչափով մրցաշարի գլխավոր փուլում հանդես կգա 36 ակումբ։

Թիմերից 29-ը հիմնական փուլի ուղեգիր էին նվաճել ուղղակիորեն, իսկ մնացած 7 տեղերը բաժին հասան որակավորման փուլի արգելքը հաղթահարած ակումբներին: Այդ վերջին ուղեգրերն ապահովել են «Ֆեներբահչեն», ԱԵԿ-ը, «Վիկինգը», «Սլովանը», Զագրեբի «Դինամոն», «Ցրվենա Զվեզդան» և «Յանգ Բոյզը»:

Լիգայի փուլի վիճակահանության արարողությունը կկայանա այսօր՝ օգոստոսի 27-ին, Երևանի ժամանակով 21:00-ին։ Մասնակից ակումբները կբաժանվեն 4 զամբյուղի:

Բոլոր 36 թիմերը կձևավորեն մեկ միասնական մրցաշարային աղյուսակ։ Յուրաքանչյուր թիմ կանցկացնի 8 հանդիպում վիճակահանությամբ որոշված մրցակիցների հետ (4-ը՝ տանը, 4-ը՝ դրսում)։ Լավագույն արդյունք գրանցած 8 թիմերը ուղղակիորեն դուրս կգան 1/8 եզրափակիչ, իսկ 9-ից 24-րդ տեղերը զբաղեցրած ակումբները կմասնակցեն անցումային ստուգատեսի (փլեյ-օֆֆ)՝ մյուս 8 ուղեգրերը վիճարկելու համար:

Լիգայի փուլ դուրս եկած թիմերի ամբողջական ցանկը՝ ըստ երկրների.

Անգլիա. «Արսենալ», «Մանչեսթեր Սիթի», «Մանչեսթեր Յունայթեդ», «Ասթոն Վիլա», «Լիվերպուլ»

Իսպանիա. «Բարսելոնա», «Ռեալ Մադրիդ», «Վիլյառեալ», «Ատլետիկո Մադրիդ», «Բետիս»

Իտալիա. «Ինտեր», «Նապոլի», «Ռոմա», «Կոմո»

Գերմանիա. «Բավարիա», «Բորուսիա Դորտմունդ», «Լայպցիգ», «Շտուտգարտ»

Ֆրանսիա. ՊՍԺ, «Լանս», «Լիլ»

Նիդերլանդներ. ՊՍՎ, «Ֆեյենորդ»

Պորտուգալիա. «Պորտու», «Սպորտինգ»

Թուրքիա. «Գալաթասարայ», «Ֆեներբահչե»

Նորվեգիա. «Բուդյո-Գլիմտ», «Վիկինգ»

Բելգիա. «Բրյուգե»

Չեխիա. «Սլավիա»

Ուկրաինա. «Շախտյոր»

Ադրբեջան. «Սաբահ»

Ավստրիա. ԼԱՍԿ

Հունաստան. ԱԵԿ

Սլովակիա. «Սլովան»

Հավելենք, որ մրցաշարի գործող հաղթողը ֆրանսիական ՊՍԺ-ն է։ Փարիզյան ակումբը եվրոպական ամենահեղինակավոր ակումբային մրցաշարում հաղթել է երկու տարի անընդմեջ: 

Անգլիայի Պրեմիեր լիգայի մեկնարկային տուրում «Նյուքասլը» սեփական հարկի տակ ոչ-ոքի խաղաց «Լիվերպուլի» հետ 2-2 հաշվով։

Տանտերերի կազմում աչքի ընկան Էլանգան ու Ուիլոկը, հյուրերի կազմում՝ Գակպոն ու Սոբոսլային (11մ)։

Տեսանյութը՝ ԱՅՍՏԵՂ

Մրցաշարային աղյուսակն այս պահին

Brand Finance վերլուծական հարթակը հրապարակել է աշխարհի ամենաթանկարժեք ֆուտբոլային ակումբների թարմացված վարկանիշային աղյուսակը՝ 2026 թվականի տվյալներով։

Աշխարհի ամենաթանկ բրենդ ունեցող ֆուտբոլային ակումբը շարունակում է մնալ Մադրիդի «Ռեալը», որի արժեքը գնահատվում է 2,36 միլիարդ եվրո։ Վարկանիշային աղյուսակի երկրորդ հորիզոնականը զբաղեցնում է կատալոնական «Բարսելոնան» (1,94 մլրդ եվրո), իսկ լավագույն եռյակը եզրափակում է Լոնդոնի «Արսենալը» (1,51 մլրդ եվրո)։

2026 թվականի դրությամբ աշխարհի ամենաթանկ ֆուտբոլային ակումբների լավագույն տասնյակն՝ ըստ բրենդի արժեքի, ունի հետևյալ տեսքը․

1. «Ռեալ Մադրիդ» — 2,36 միլիարդ եվրո
2. «Բարսելոնա» — 1,94 միլիարդ եվրո
3. «Արսենալ» — 1,51 միլիարդ եվրո
4. «Բավարիա» — 1,49 միլիարդ եվրո
5. ՊՍԺ — 1,48 միլիարդ եվրո
6. «Մանչեսթեր Սիթի» — 1,46 միլիարդ եվրո
7. «Լիվերպուլ» — 1,45 միլիարդ եվրո
8. «Մանչեսթեր Յունայթեդ» — 1,42 միլիարդ եվրո
9. «Չելսի» — 941 միլիարդ եվրո
10. «Բորուսիա Դորտմունդ» — 654 միլիարդ եվրո

ESPN հեղինակավոր պարբերականը հրապարակել է աշխարհի լավագույն կենտրոնական հարձակվողների վարկանիշային աղյուսակը, որը գլխավորում է Մյունխենի «Բավարիայի» անգլիացի ռմբարկու Հարի Քեյնը։ Ի դեպ, անգլիացին համարվում է նաև «Ոսկե գնդակի» հիմնական հավակնորդներից մեկը։

Լավագույնների ցուցակի երկրորդ հորիզոնականում Մադրիդի «Ռեալի» հարձակվող Կիլիան Մբապեն է, իսկ եռյակը եզրափակում է «Մանչեսթեր Սիթիի» նորվեգացի գոլահար Էրլինգ Հալանդը։

Աշխարհի լավագույն տասնյակում հաջորդաբար տեղ են գտել նաև Ուսման Դեմբելեն (ՊՍԺ), Խուլիան Ալվարեսը («Ատլետիկո Մադրիդ»), Լաուտարո Մարտինեսը («Ինտեր»), Կայ Հավերցը («Արսենալ»), Ժոաու Պեդրուն («Չելսի»), Վիկտոր Օսիմհենը («Գալաթասարայ») և Ուգո Էկիտիկեն («Լիվերպուլ»).

Հիշեցնենք, որ Հարի Քեյնը նվաճել է «Ոսկե խաղակոշիկը»՝ դառնալով 2025/26 մրցաշրջանի եվրոպական բարձրագույն առաջնությունների լավագույն ռմբարկու։