#լիլլ — Armsport.am

ՉԼ. Սևիլիայի մեկնարկային կազմը Լիլլի դեմ խաղում

Նարե Հովհաննիսյան — Wed, 20 Oct 2021 18:24:25 +0000

Չեմպիոնների լիգայի խմբային փուլում 3-րդ տուրում «Սևիլիան» հյուրընկալվելիս մրցում է ֆրանսիական «Լիլլի» դեմ: Հանդիպումը կմեկնարկի ժամը 23:00-ին, իսկ հյուրերը խաղադաշտ դուրս կգան հետևյալ կազմերով.

«Սևիլիա». Բոնո, Ակունյա, Ռեկիկ, Կառլոս, Խեսուս Նավաս, Տորես, Ֆերնանդո, Թոմաս Դիլեյնի, Օկամպոս, Սուսո, Ռաֆայել Միր:

Լիլլի գլխավոր մարզիչը հրաժարական տվեց Ֆրանսիայի չեմպիոնությունը նվաճելուց օրեր անց

Նարե Հովհաննիսյան — Tue, 25 May 2021 18:19:01 +0000

«Լիլլի» գլխավոր մարզիչ Քրիստոֆ Գալտյեն L’Equipe-ին տված հարցազրույցում հայտարարել է հրաժարականի մասին։ Լիգա 1-ի ավարտված մրցաշրջանում նա թիմի հետ նվաճեց Ֆրանսիայի չեմպիոնությունը։

Առաջնության վերջին՝ 38-րդ տուրում «Լիլլը» հյուրընկալվելիս 2-1 հաշվով հաղթեց «Անժեին», ինչը Գալտյեի թիմին թույլ տվեց նվաճել երկրի չեմպիոնությունը։ «Լիլլն» առաջնության 38 խաղից հետո 83 միավոր է վաստակել ու մրցաշարային աղյուսակի առաջին հորիզոնականը զբաղեցրել՝ ՊՍԺ-ին գերազանցելով 1 միավորով։

«Լիլլն» իր պատմության մեջ չորրորդ անգամ է հաղթել Ֆրանսիայի առաջնությունում։

🎥Լիգա 1-ի առաջատար Լիլլը պարտվեց հետնապահին

Նարե Հովհաննիսյան — Sun, 21 Mar 2021 18:45:05 +0000

Ֆրանսիական Լիգա 1-ի 30-րդ տուրում «Լիլլը» ընդունել է «Նիմին» ու անակնկալ պարտություն կրել 1-2 հաշվով:

Բոլոր գոլերը խփվել են առաջին կեսում: 12-րդ րոպեին «Նիմի» հարձակվող Մուսա Կոնեն բացել է հաշիվը, 8 րոպե անց «Լիլլի» պորտուգալացի կիսապաշպան Շեկան վերականգնել է հաշվի հավասարակշռությկունը, բայց 45-րդ րոպեին «Նիմը» նորից առաջ է անցել հաշվի մեջ: Ռենո Ռիպարն է դարձել հաղթական գոլի հեղինակը:

«Լիլլը», վաստակած 63 միավորով, առաջվա պես գլխավորում է Լիգա 1-ի մրցաշարային աղյուսակը: ՊՍԺ-ն երկրորդն է 60 միավորով. ի դեպ փարիզեցիները մեկ խաղ պակաս են անցկացրել: «Նիմը» 29 միավորով գտնվում է վտանգավոր գոտում՝ 18-րդ հորիզոնականում:

Ռեալը հետաքրքրված է Լիլլի կիսապաշտպանի ծառայություններով

Erik — Sat, 04 Apr 2020 10:51:00 +0000

Ֆրանսիական «Լիլլի» կիսապաշտպան Բուբակարի Սումարեն կարիերան կարող է շարունակել Մադրիդի «Ռեալի» կազմում: Այդ մասին հայտնում է Sport.es-ը:

Աղբյուրի փոխանցմամբ, 21-ամյա ֆրանսիացին Զիդանի տրանսֆերային ցանկում իր ուրույն տեղն ունի:

Նաև հաղորդվում է, որ Զիդանի թիրախում ևս 2 խաղացող կա. «Ռենի» հարձակվող Էդուարդո Կամավինգան ու ևս մեկ խաղացող՝ ոչ Լիգա 1-ից, որի անունը չի նշվում:

ՉԼ. սկզբունքային տուր

Erik — Wed, 23 Oct 2019 08:02:28 +0000

Չեմպիոնների լիգայի հերթական խաղային օրը տեղի կունենան մի քանի հետաքրքիր հանդիպումներ: Այս տուրով խմբային փուլը կհատի հասարակածը, ի հայտ կգան առավել ուժեղները:

E խմբում անսովոր՝ 3-րդ հորիզոնականում գտնվող «Լիվերպուլը» կփորձի հաղթել բելգիական «Գենկին»: Կլոպի սաները 2 խաղից հետո ունեն 3 միավոր: Պրեմիեր լիգայում միավորներ կորցնելուց հետո Լիվերպուլի համար հոգեբանական դժվարություններ, միգուցե, ի հայտ գան: «Լիվերպուլից» հարցականի տակ է Սալահի մասնակցությունը: Խմբի առաջատար «Նապոլին», ունենալով 4 միավոր, կհյուրընկալվի «Զալցբուրգին»:

F խմբում իտալական «Ինտերը» կընդունի խմբի առաջատարներից «Դորտմունդի Բորուսիային»: Ինտերը 2 խաղից հետո ունի մեկ միավոր ու պարտության դեպքում Կոնտեի թիմը կհայտնվի ծանրագույն իրադրությունում: Կոնտեի թիմում վնասվածքի պատճառով խաղը բաց կթողնեն Սենսին, Դամբրոզիոն ու Սանչեսը: «Բարսելոնան», իր հերթին, հյուր կգնա չեխական «Պրահայի Սլավիային»: Շարունակվում են վնասվածքից ապաքինվել Ումտիտին ու Սերժի Ռոբերտոն:

G խմբում «Լայպցիգն» ու «Բենֆիկան» կընդունեն խմբի առաջատարներին՝ համապատասխանաբար «Զենիթին» ու «Լյոնին»: «Բենֆիկան» առայժմ չի խառնվում ուղեգրերի պայքարին: Արծիվները 2 խաղում կրել են նույնքան պարտություն:

H խմբում Հոլանդական «Այաքսը» սեփական դռները կբացի խմբի առաջատար «Չելսիի» առջև և հյուրընկալ չգտնվելու դեպքում կհավասարվի ազնվականներին: «Չելսիից» խաղը բաց կթողնեն Քրիստենսենը, Կանտեն, Լոֆտուս-Չիկը, Ռուդիգերը, վան Գինկելը, Էմերսոնն ու Բարկլին: Իսկ «Այաքսում» բոլորը կազմ ու պատրաստ են: Նույն խմբում «Վալենսիան» կխաղա հետնապահ «Լիլի» հետ և հաղթելու դեպքում միավորների քանակը կհասցնի 6-ի:

Վիլիանի գոլը հաղթանակ պարգևեց Չելսիին Լիլի հետ խաղում, Այաքսը հաղթեց Վալենսիային (տեսանյութ)

Erik — Wed, 02 Oct 2019 20:55:22 +0000

Չեմպիոնների լիգայի H խմբի երկրորդ տուրում «Չելսին» հյուրընկալվել էր ֆրանսիական «Լիլլին» ու հաղթանակ տոնեց։ Խաղն ավարտվեց 1-2 հաշվով։

Առաջինը հաջողության հասան հյուրերը․ 22-րդ րոպեին հանդիպման հաշիվը բացեց Տեմի Աբրահամը։ 11 րոպե անց մրցակցի կազմում հաշիվը հավասարեցրեց Օսիմհենը, իսկ 78-րդ րոպեին Վիլիանի խփած գնդակը հաղթանակ պարգևեց լոնդոնյան ակումբին։

Խմբի մյուս խաղում «Այաքսը» հյուրընկալվել էր «Վալենսիային» ու խոշոր՝ 3-0 հաշվով հաղթանակ տոնեց։ Աչքի ընկան Զիյեխը, Պրոմեսն ու վան դե Բիկը։

Լիլլ-Չելսի․ ուղիղ հեռարձակում

Erik — Wed, 02 Oct 2019 18:28:13 +0000

Չեմպիոնների լիգայի H խմբի երկրորդ տուրում «Չելսին» հյուրընկալվում է «Լիլլին»։ Խաղը կմեկնարկի Երևանի ժամանակով 23.00-ին․ ուղիղ հեռարձակմանը կարող եք հետևել այստեղ։

Չելսիի մեկնարկային կազմը Լիլլի դեմ խաղում

Erik — Wed, 02 Oct 2019 17:59:52 +0000

Չեմպիոնների լիգայի H խմբի երկրորդ տուրում «Չելսին» հյուրընկալվում է «Լիլլին»։ Խաղը կմեկնարկի Երևանի ժամանակով 23:00-ին։

Լոնդոնյան ակումբը խաղադաշտ դուրս կգա հետևյալ կազմով․

1․ Կեպա, 3․ Ալոնսո, 5․ Ժորժինյո, 7․ Կանտե, 9․ Աբրահամ, 10. Վիլիան, 15․ Զումա, 19․ Մաունթ, 24. Ջեյմս, 28. Ասպիլիկուետա, 29. Տոմորի։