Ուրուգվայում ավարտվել է Լիբերտադորեսի գավաթի կիսաեզրափակչի պատասխան հանդիպումը, որում տեղի «Պենյարոլը» 3։1 հաշվով հաղթել է «Բոտաֆոգոյին»։

Ուրուգվայը ներկայացնող թիմը  դիմակայության դրական ելքի քիչ հնարավորություն ուներ, քանի որ առաջին խաղում պարտվել էր 0։5 հաշվով։

Իրավիճակն էլ ավելի սրեց «Վաշինգտոնի» դարպասապահ Ագուերի՝ առաջին կեսի վերջնամասում ստացած կարմիր քարտը, երբ նրա թիմը կարծես լավ էր սկսել հանդիպումը՝ խփելով մեկ գոլ (Ջեյմի Բաես):

Այնուամենայնիվ, «Պենյարոլը» երկրորդ խաղակեսում կարողացել է երկու անգամ հարվածել մրցակցի դարպասին, բայց սեփական դարպասը մեկ գնդակ է ընդունելով՝ ավարտելով ելույթը կիսաեզրափակիչ փուլում։ Ընդհանուր առմամբ դիմակայությունում գրանցվել է 6:3 արդյունքը՝ հօգուտ բրազիլացիների։

Եզրափակչում «Բոտաֆոգոն» կմրցի բրազիլական մեկ այլ ակումբի՝ «Ատլետիկո Մինեյրոյի» հետ։ Եզրափակիչ հանդիպումը կկայանա դեկտեմբերի 1-ին։

«Ես միշտ ասել եմ ՝ իմ հարստությունը կապված չէ թմրանյութերի վաճառքի հետ: Ես համեստ մարդ եմ, ով զբաղվում է ծաղիկների բիզնեսով»:

Այս անմեղ ծաղկավաճառի անունը Պաբլո է: Պաբլոն բավական բարի ժպիտ ունի: Նա սիրում է իր մայրիկին, կնոջը, երեխաներին և ֆուտբոլ:

Վստահ եմ ՝ այսպիսի բնութագիր ունեցող մարդկանց դուք էլ եք ճանաչում: Նրանք մեզ նման մարդիկ են ՝ իրենց թերություններով, վախերով և գլխում ապրող «ճիճուներով»:

Սակայն, եթե Պաբլոյին գումարում ենք Էսկոբար հավելվածը, ապա լիովին այլ պատկեր ենք ստանում:

Սա շատ ավելի պայթյունավտանգ խյուս է: Ինչպես կասեր հայտնի ֆիլմի հերոսը ՝ նման կերպարներին հարևան շքամուտքում չես հանդիպի: 20-րդ դարի ամենահայտնի նարկոբարոնի ձեռքերը հասել էին նաև ֆուտբոլին:

Հայտնի է, որ բոլոր հասարակություններում էլ քրեական տարրերի նկատմամբ կա որոշ ռոմանտիզացված վերաբերմունք: Միգուցե դա էր պատճառը, որ Կոլումբիայի ֆուտբոլի ֆեդերացիայի որոշ անդամներ մտադիր էին Մեդելին քաղաքում կանգնեցնել Էսկոբարի հուշարձանը: Ինչու՞.

Թույլ տվեք ասել ՝ դա տգիտության և թերկրթության արդյունք է: Մի բան պետք է հստակ գիտակցել ՝ Պաբլո Էսկոբարը ոճրագործ է, ով միլիոնավոր մարդկանց կյանքեր է խորտակել:

Բարեգործի, առաջնորդի, «լավ տղայի» սին կերպարը ավարտին հասավ ընդամենը 1 կրակոցով: Սակայն, այդ կրակոցից առաջ Էսկոբարը հերոինային մշուշով պատել էր շատերին: Դրանից չէր խուսափել նաև ֆուտբոլը:

Թմրանյութերի վաճառքից ստացած գումարները նաև մեծ խնդիրներ էին ստեղծում Էսկոբարի համար: Պաբլոն ստիպված էր մեծ գումարներ ներդնել տարբեր նախագծերի մեջ ՝ այդպիսով «լվանալով կեղտոտ դոլարները»:

Իսկ ո՞րն է գումար լվանալու լավագույն միջոցը.

Բարեգործություն.

Բարեգործի «ճերմակ թիկնոցը» շատերն են սիրում հագնել: Իսկապես, հաճելի է, երբ պլեբեյի մտածողություն ունեցողները ծափահարում են քեզ և չեն էլ մտածում, որ այդ փոքրիկ նվիրատվության համար նրանք շատ ավելի մեծ արժեք են վճարում:

Իր ծննդավայր Մեդելինում մի շարք ճանապարհներ, դպրոցներ և եկեղեցիներ կառուցելուց հետո Էսկոբարը իր ուշադրությունը ուղղեց սպորտի վրա, մասնավորապես ՝ ֆուտբոլի:

80-ական թվականների սկզբում Էսկոբարը սկսեց հետքրքրվել Կոլումբիայի ֆուտբոլի առաջնությամբ: Մեդելին քաղաքում կառուցվեցին մի շարք փոքրիկ խաղադաշտեր: «Թմրանյութերի արքան» երկրպագում էր «Ինդեպենդիենտե» ակումբին:

Ֆուտբոլի հանդեպ ունեցած սերը միակ հանգամանքը չէր, որ ստիպեց Էսկոբարին զբաղվել այս սպորտաձևով: Թմրանյութերի վաճառքով զբաղվող իր մրցակիցներից շատերն էին ֆուտբոլային ակումբների սեփականատերեր դարձել:

Նա դարձավ «Աթլետիկո Նասիոնալ» ակումբի հովանավորը: Մի զարմանալի զուգադիպությամբ, թիմը սկսեց անհավանական հաղթանակներ տանել: Մեր դյուրահավատ ընթերցողները կմտածեն ՝ ի՞նչ է որ, թիմը երևի համալրվել է բարձրակարգ ֆուտբոլիստներով և սկսել է «ցնցել պարահրապարակը»:

Իհարկե, ես գնահատում եմ ռոմանտիզմն ու աբստրակցիոնիզմը, բայց ՝ ոչ այսօր:

Բանն այն է, որ Էսկոբարի հովանավորած թիմի շուրջ վատ լուրեր էին պտտվում: «Չար լեզուները» ասում էին, որ ֆուտբոլիստներից շատերը ստիպողաբար ներքաշված են թմրանյութերի վաճառքի մեջ: Նրանց աշխատավարձը կախված էր ոչ միայն ֆուտբոլային ցուցանիշներից, այլև «սպիտակ դիցափոշու» (Էսկոբարը այդպես էր անվանում հերոինը) իրացման քանակից:

Բացի այդ, «Աթլետիկո Նասիոնալի» առաջին պարտությունից հետո, այդ խաղը վարած մրցավարը ինքնասպանություն գործեց ՝ նետվելով կամրջից:

Հետո ևս մեկ մրցավար, հետո ՝ մյուսը….Իհարկե, այս ամենը «պատահականություն» էր:

Չէ՞ որ Պաբլոն բարի ծաղկավաճառ էր, մեր օրերի Կարա Բալան: Նրա ուղարկած «վարդերից» մեկն էլ բաժին հասավ Միգել Ռոդրիգեսին, ով Էսկոբարի վաղեմի հակառակորդն էր և «Ամերիկա դե Կալի» ակումբի սեփականատերը: «Կարմիր վարդի» կրակոցը հայտնվեց Ռոդրիգեսի կրծքին, որից հաշված ժամեր անց նա մահացավ:

Կարծում եմ ՝ հասկանում եք, թե ինչու հայտնի շատ ֆուտբոլիստներ և մարզիչներ չէին ցանկանում հայտնվել այս թիմում: Այսպիսով, ակումբը համալրվում էր երիտասարդ ֆուտբոլիստներով, որոնց թվում էին ՝ Ռենե Էգիտան, Լեոնել Ալվարեսը և Լուիս Պերեան: Հետագայում նրանք կդառնան կոլումբական ֆուտբոլի իրական լեգենդներից մեկը:

Սատանան դա հրեշտակն է, որը եկել է իշխանության

Սակայն, վերադառնանք Էսկոբարին: Նրա ունեցած հնարավորությունները «Աթլետիկո Նասիոնալին» դուրս բերեցին Լիբերտադորեսի գավաթի եզրափակիչ:

Վստահ եմ ՝ կարիք չկա մանրանալ և խոսել այն մասին, որ մրցաշարի ընթացքում հանկարծամահ եղան «Ատլետիկո Նասիոնալի» մրցակիցներից երեքի մարզիչները:

Ի դեպ, նրանք բոլորն էլ դրախտում են: Ի՞նչ եք զարմացած հայացքով սառել. Պաբլոն է ասել: Իսկ Պաբլոն երբեք չի ստում: Նա բարի ծաղկավաճառ է, հիշում եք չէ՞:

Եզրափակչում «Աթլետիկո Նասիոնալը» հանդիպեց պարագվայական «Նասիոնալի» հետ: Այն տարիներին եզրափակիչը բաղկացած էր երկու հանդիպումից:

Առաջին խաղում հաղթող դուրս եկավ պարագվայական ակումբը (2:0): Պատասխան հանդիպումը պետք է կայանար Մեդելինում, սակայն, լարված իրավիճակը ստիպեց կազմակերպիչներին փոխել հանդիպման վայրը:

Խոան Կառլոս Լուտո

Այս մարդու անունը ձեզ ոչինչ չի ասում. այն պարզապես լսում է: Լուտոն լսում էր իր հասցեին հնչող սպառնալիքներ, որոնք օրեցօր ավելի վտանգավոր էին դառնում:

«Մենք գիտենք, թե որտեղ ես դու ապրում: Գիտենք քո երեխաների անունները: Գիտենք քո կնոջ կրծկալի համարը: Եվ նույնիսկ գիտենք, թե քո սիրուհին ինչ է բղավում, երբ դուք սիրով եք զբաղվում:

Նա ասում է ՝ Սեքս, կեքս, շմեքս. լրիվ ցնդած տեսակ է»:

Կառլոս Լուտոն եզրափակիչ հանդիպման գլխավոր մրցավարն էր: Արգենտինացի 44-ամյա տղամարդը մեկ օրում զգաց, թե ինչ է նշանակում կանգնել Էսկոբարի ճանապարհին:

Գլխավոր հանդիպումից մեկ շաբաթ առաջ, նա իր օգնականների հետ վարեց «Ինտեպենդիենտեի» մասնակցությամբ հանդիպում, որը Պաբլոյի սիրելի ակումբներից մեկն էր:

Եզրային մրցավարները մի քանի կասկածելի որոշումներ ընդունեցին և «Ինտեպենդիենտեն» պարտություն կրեց (2:3): Նրանցից մեկը սպանվեց հանդիպման ավարտից անմիջապես հետո: Եվ դա տեղի ունեցավ Լուտոյի աչքերի առջև: Խայիրո Վելասկեսը, ով Պաբլոյի մտերիմ ընկերն էր, տարիներ հետո խոստովանեց, որ այդ սպանությունը իրականացվել է Էսկոբարի հրամանով:

Ահա այսպիսի տպավորիչ «ներկայացումից» հետո, Կառլոս Լուտոն պետք է վարեր Լիբերտադորեսի գավաթի եզրափակիչը: «Աթլետիկո Նասիոնալը» պատասխան խաղում հաղթեց ՝ 2:0 հաշվով և չեմպիոնական տիտղոսը որոշվեց 11-մետրանոց հարվածների միջոցով:

Լուտոն 3 անգամ ստիպեց պարագվայական ակումբի ֆուտբոլիստներին կրկնել հարվածը: Ստադիոնում ոչ ոք չէր հասկանում, թե որն է դրա պատճառը, իսկ մենք ՝ գիտենք. սեքս, կեքս, շմեքս:

Այդ 3 հարվածներից մեկը ՝ շեղ էր: Այսպիսով, «Աթլետիկո Նասիոնալը» հաղթեց 11-մետրանոց հարվածաշարը (5:4) և նվաճեց 1989 թվականի Լիբերտադորեսի գավաթը:

Ի՞նչ արժե հաղթանակը

Ցանկացած քայլ, ցանկացած գործողություն կատարելիս պետք է մտածել դրա արժեքի մասին: Ի՞նչ արժե հաղթանակը. սա այն հարցն է, որը շրջապատում է մեզ կյանքի բոլոր հատվածներում: Հաղթանակի և պարտության սահմանաբաժանը այնքան նուրբ է: Ընդամենը մեկ կրակոց և քո արձակած հազարավոր նախկին կրակոցներն ու հաղթանակներն անիմաստ են դառնում:

1993 թվական. դեկտեմբեր 2.

Այդ օրը 26-ամյա Էմիլիոն կրակեց Պաբլոյի մեջքին: Էսկոբարը ընկավ իր հարազատ «դիցափոշու» պարկերի վրա: Երիտասարդ ոստիկանը առաջինն էր, ով մոտեցավ արյունաքամ լինող Էսկոբարին: Դժվար է ասել, թե նրանցից ով էր ավելի վախեցած:

Դժվար է ասել նաև, թե ինչու Կոլումբիայի ֆուտբոլի ֆեդերացիայի մի շարք անդամներ շարունակում են վախենալ Էսկոբարի ուրվականից: 27 տարի է անցել, կարելի է թուլանալ:

Իսկ միգուցե նրանք տարբերության նշան չե՞ն դնում հաղթանակին հասնելու միջոցների մեջ: Էսկոբարի հուշարձանը տեղադրելու քննարկումները արագ ավարտ ունեցան:

Կոլումբական հասարակության ճնշման ներքո այս նախագիծը մարեց իր սկզբնակունքում: Սակայն, դա չէ գլխավորը:

Նոր «ծաղկավաճառներ» միշտ էլ կան և կլինեն: Կարևորն այն է, որ շատերը իմանան ճշմարտությունը և չտարվեն «դիցափոշու» մահացու փայլով:

Պարզապես անհրաժեշտ է որոշում կայացնել՝ ինչն է կարևոր ձեզ համար. խաղի կանոննե՞րը,  թե՞ խաղի արդյունքը: Հաղթանա՞կը, թե դրան հասնելու միջոցը:

Նարեկ Գրիգորյան

«Սան-Պաուլուի» հարձակվող Ալեսանդրե Պատոն խոստովանել է, որ ցանկանում է կարիերան շարունակել Եվրոպայում: Ավելի վաղ 30-ամյա բրազիլացին հանդես է եկել «Միլանում», Լոնդոնի «Չելսիում» և «Վիլյառեալում».

«Կցանկանայի վերադառնալ Եվրոպա: Ես այս տարի լավ եմ հանդես եկել: Կհաղթեմ Լիբերտադորեսի Գավաթը, իսկ հետո կվերադառնամ: Հիանալի կլիներ նորից հայտնվել «Միլանում»:

Երբ ես առաջին անգամ այնտեղ էի, թեթև վնասվածքը լուրջ խնդիր դարձավ: Ես կորցրի հավատս, ինձ մի փոքր միայնակ էի զգում, քանի որ նրանք մեղադրում էին ինձ»,- Պատոյի խոսքերն է փոխանցում La Gazzetta Dello Sport-ը:

Ընթացիկ մրցաշրջանում Ալեշանդրեն 5 գոլի հեղինակ է դարձել Բրազիլիայի առաջնությունում անցկացրած 20 խաղում: Ընթացիկ խաղարկություն նա Լիբերտադորեսի Գավաթի շրջանակում 2 խաղի է մասնակցել՝ դառնալով 1 գոլի հեղինակ:

Պատոյի պայմանագիրը «Սան-Պաուլուի» հետ նախատեսված է մինչև 2020 թվականի դեկտեմբերի 31-ը: Ֆուտբոլիստի տրանսֆերային արժեքը 6 մլն եվրո է գնահատվում:

CONMEBOL- ի մամուլի ծառայությունը հայտարարել է միջազգային ակումբային մրցաշարերի վերսկսման ժամկետի մասին, որոնք կասեցված են կորոնավիրուսի համաճարակի հետ կապված:

Սուդամերկանան և Լիբերտադորեսի գավաթի հանդիպումները կդադարեցվեն առնվազն մինչև մայիսի 5-ը:

Հիշեցնենք, որ Չեմպիոնների լիգայի 2019/20 խաղարկության եզրափակիչը հետաձգվել է և կանցկացվի հունիսի 27-ին: Եվրոպա լիգայի վճռորոշ խաղը, որը նախատեսված էր մայիսի 27-ին, ևս հետաձգվել է և կանցկացվի հունիսի 24-ին:

Մեկնարկել է Լիբերտադորեսի գավաթի նոր մրցաշրջանի խմբային փուլը։

A խմբում կոլումբիական «Ժունիորը» սեփական հարկի տակ ընդունեց մրցաշարի գործող չենպիոն «Ֆլամենգոյին»։ Հանդիպումն ավարտվեց հյուրերի հաղթանակով՝ 1-2 հաշվով։ Դուբլով աչքի ընկավ Էվերտոն Ռիբեյրուն, իսկ տանտերերից աչքի ընկավ Գուտիերեսը։

Խմբի մյուս խաղում Էկվադորական դերբիում «Բարսելոնան» սեփական հարկի տակ 0-3 հաշվով զիջեց «Ինդեպիենդենտե դել Վալլեին»։Իրենց հաշվին մեկական գոլեր գրանցեցին Տորրեսը, Օրտիսը և Պելլերանոն։

A խումբ

Կայացան Լիբերտադորեսի գավաթի փլեյ-օֆֆի առաջին հանդիպումները, որոնց հաղթողները իրավունք կստանան մասնակցելու խմբային փուլին։

🇨🇴 «Ինդիեպիենդենտե»- 🇦🇷 «Ատլետիկո Տուկուման» 1։0

🇪🇨 «Բարսելոնա»- 🇵🇾 «Ցերո Պորտենո» 1։0

🇨🇴 «Տոլիմա»- 🇧🇷 «Ինտերնասիոնալ» 0։0

🇨🇱 «Պալեստինո»- 🇵🇾 «Գուարանի» 1։0

«Ֆլամենգոյի» մամուլի ծառայությունը Twitter-ում յուրօրինակ ձևով է արձագանքել թիմի հաղթանակը Լիվերտադորեսի գավաթի եզրափակչում «Ռիվեր-Փլեյթի» նկատմամբ:

Բրազիլական ակումբը իր պատմության մեջ երկրորդ անգամ նվաճեց հարավամերիկյան գավաթը:

Շաբաթ օրը կայացավ Լիբերտադորեսի գավաթի խաղարկության եզրափակիչը՝ «Ֆլամենգո»-«Ռիվեր-Փլեյթ»: Հանդիպումը կայացավ Լիմայում և ավարտվեց Բրազիլիայի ներկայացուցիչի հաղթանակով ՝ 2:1 հաշվով:

14-րդ րոպեին «Ռիվեր-Փլեյթը» առաջ անցավ հաշվի մեջ Ռաֆայել Բորեի գոլի շնորհիվ: «Ֆլամենգոն» հավասարեցրեց հաշիվը խաղի ժամանակի ավարտից մեկ րոպե առաջ. գոլի հեղինակ դարձավ հարձակվող Գաբրիել Բարբոսան՝ Գաբիգոլը: Երեք րոպե անց Գաբիգոլը երկրորդ անգամ խփեց և իր թիմին բերեց հարավամերիկյան ֆուտբոլի ակումբային ամենաարժեքավոր գավաթը:

Լիբերտադորեսի Գավաթի եզրափակչի՝ «Ֆլամենգոյի» և «Ռիվեր Փլեյթի» միջև սպասվող խաղը չի կայանա Չիլիի մայրաքաղաք Սանտյագոյում: Ինչպես հաղորդում է ԿՈՆՄԵԲՈԼ-ի պաշտոնական կայքը՝ եզրափակիչը տեղափոխվել է Պերուի մայրաքաղաք Լիմա:

Խաղի անցկացման օրը չի փոխվել, ինչպեսև սպասվում էր, այն կկայանա նոյեմբերի 23-ին: Նման որոշումը կայացվել է անվտանգության նկատառումներից ելնելով՝ հաշվի առնելով Չիլիում անկարգությունները:

Արդեն մի քանի շաբաթ է՝ Չիլիում բողոքի ակցիաներ են, որոնք սկսվել են գնացքի ու մետրոյի ուղեվարձերի թանկացման պատճառով: