Բասկետբոլի ազգային ասոցիացիայի (NBA) լեգենդ Լեբրոն Ջեյմսը կողմնորոշվել է իր ապագայի հարցում․ «Արքան» կարիերան կշարունակի «Ֆիլադելֆիա Սիքսերսում»։ Այս մասին հայտնում է հայտնի ինսայդեր Շեմս Չարանիան։

41-ամյա Լեբրոնը չի պատրաստվում ավարտել կարիերան առնվազն մինչև 2028 թվականը, քանի որ «Ֆիլադելֆիայի» հետ կնքել է երկու տարվա պայմանագիր։ Ջեյմսի աշխատավարձը կկազմի իր չափանիշներով բավականին համեստ 8 միլիոն դոլար՝ հնարավորություն ունենալով ցանկության դեպքում ինքնուրույն երկարաձգել պայմանագիրը վերջին տարվա համար։

Սակայն գլխավոր շարժառիթն ամենևին էլ գումարը չէ. «Արքան» ցանկանում է լիգայում իր վերջին գլուխն ավարտել մաժորային նոտայով՝ նվաճելով ևս մեկ չեմպիոնական տիտղոս։

Ջեյլեն Բրաունի՝ «Ֆիլադելֆիա» տեղափոխությունից հետո թիմի կազմը չափազանց տպավորիչ տեսք ունի: Թայրիզ Մաքսի, Վի Ջեյ Էջքոմբ, Ջոել Էմբիիդ, Բրաուն և այժմ արդեն Ջեյմս։ Թղթի վրա սա անհավանական հզոր կազմ է, որին կանգնեցնել կկարողանան միայն եզակիները։ Այնուամենայնիվ, ինչպես հայտնի է, «Սիքսերսի» պարագայում միշտ առաջին պլան են մղվում վնասվածքները, որոնք էլ մեծամասամբ կկանխորոշեն մրցաշրջանի ելքը։ Եթե Էմբիիդին և մյուսներին հաջողվի խուսափել վնասվածքներից փլեյ-օֆֆի ժամանակ, ապա Լեբրոնը լիովին կկարողանա հավակնել իր 5-րդ չեմպիոնական մատանիին։

Լեբրոնը չցանկացավ վերադառնալ «Կլիվլենդ» կամ «Մայամի»՝ որոշելով հանդես գալ NBA-ում իր համար չորրորդ թիմում։ «Ֆիլադելֆիայում» իսկապես ահռելի ներուժ ունեցող կազմ է հավաքվել վերջին արշավի համար: Բացի այդ, «Սիքսերսը» լրջորեն հետաքրքրված էր Ջեյմսով դեռ 2018 թվականին, երբ նա ազատ գործակալի կարգավիճակ ուներ։ Այն ժամանակ «Արքան» իր ապագան քննարկում էր միայն «Լեյքերսի» և «Սիքսերսի» հետ:

Թեև Լեբրոնն արդեն իր կարիերայի մայրամուտին է, նա հաստատ մեծապես կօգնի այսպիսի «Ֆիլադելֆիային»։ Թիմն ունի միավորներ վաստակելու բազմաթիվ տարբերակներ, իսկ գրոհները կազմակերպելու հարցում Ջեյմսն անփոխարինելի կլինի։ Նա, ինչպես ոչ ոք, կարողանում է համակարգ կառուցել, գտնել խաղընկերներին ցանկացած բարդության փոխանցումներով և ղեկավարել խաղի տեմպը։

Ամեն դեպքում, մեզ սպասվում է չափազանց հետաքրքիր մրցաշրջան։ Արևելյան կոնֆերենցիան զգալիորեն ուժեղացել է․ «Դետրոյթ», «Բոստոն», «Ֆիլադելֆիա», «Մայամի», «Կլիվլենդ» և գործող չեմպիոն «Նյու Յորք Նիքս»։ Պայքարն իսկապես թեժ է լինելու։

Հեղինակավոր Forbes ամսագիրը հրապարակել է 2026 թվականի աշխարհի ամենաբարձր վարձատրվող մարզիկների ամենամյա վարկանիշային աղյուսակը, որը գլխավորել է «Ալ Նասրի» և Պորտուգալիայի հավաքականի հարձակվող Կրիշտիանու Ռոնալդուն։ «Ոսկե գնդակի» հնգակի դափնեկիրն արդեն չորրորդ տարին անընդմեջ պահպանում է առաջատարի դիրքը։

Ռեյտինգը կազմվել է՝ հաշվի առնելով ինչպես մարզիկների մրցելույթներից ստացված եկամուտները (աշխատավարձ, բոնուսներ, մրցանակային հիմնադրամներ), այնպես էլ սպորտից դուրս կնքված գովազդային և հովանավորչական պայմանագրերը։

41-ամյա Ռոնալդուի ընդհանուր տարեկան եկամուտը կազմել է ֆանտաստիկ 300 միլիոն դոլար, որից 235 միլիոնը նա վաստակել է խաղադաշտում, իսկ 65 միլիոնը՝ դրա սահմաններից դուրս։

Երկրորդ հորիզոնականը զբաղեցրել է մեքսիկացի անվանի բռնցքամարտիկ Սաուլ «Կանելո» Ալվարեսը (170 մլն դոլար), իսկ լավագույն եռյակը եզրափակել է ամերիկյան «Ինտեր Մայամիի» հարձակվող Լիոնել Մեսսին, ում տարեկան եկամուտը գնահատվել է 140 միլիոն դոլար։

Ստորև ներկայացնում ենք Forbes-ի վարկածով 2026 թվականի ամենաբարձր վարձատրվող մարզիկների լավագույն տասնյակը (միլիոն դոլար).

• Կրիշտիանու Ռոնալդու (Պորտուգալիա, ֆուտբոլ) – 300 (235 սպորտում + 65 սպորտից դուրս)
• Սաուլ Ալվարես (Մեքսիկա, բռնցքամարտ) – 170 (160 + 10)
• Լիոնել Մեսսի (Արգենտինա, ֆուտբոլ) – 140 (70 + 70)
• Լեբրոն Ջեյմս (ԱՄՆ, բասկետբոլ) – 137.8 (52.8 + 85)
• Սյոհեյ Օտանի (Ճապոնիա, բեյսբոլ) – 127.6 (2.6 + 125)
• Ստեֆեն Քարի (ԱՄՆ, բասկետբոլ) – 124.7 (59.7 + 65)
• Ջոն Ռամ (Իսպանիա, գոլֆ) – 107 (97 + 10)
• Կարիմ Բենզեմա (Ֆրանսիա, ֆուտբոլ) – 104 (100 + 4)
• Քևին Դյուրանտ (ԱՄՆ, բասկետբոլ) – 103.8 (54.8 + 49)
• Լյուիս Հեմիլթոն (Մեծ Բրիտանիա, Ֆորմուլա-1) – 100 (70 + 30)

Եռակի օլիմպիական և NBA-ի քառակի չեմպիոն Լեբրոն Ջեյմսը արձագանքել է միջադեպին, երբ ավտոմեքենան մխրճվել է «Լիվերպուլի» երկրպագուների խմբի մեջ՝ ԱՊԼ-ում թիմի հաղթանակին նվիրված տոնական շքերթի ժամանակ։

Երկուշաբթի օրը տեղի ունեցած շքերթի ընթացքում մոտ 50 մարդ է տուժել, որոնցից 27-ը տեղափոխվել են հիվանդանոց։ Տուժածների թվում են չորս երեխաներ, որոնցից մեկը ստացել է ծանր վնասվածքներ։ Մերսիսայդի ոստիկանությունը հայտնել է, որ միջադեպի կապակցությամբ ձերբակալվել է 53-ամյա սպիտակամորթ բրիտանացի։

«Աստվա՜ծ իմ։ Չեմ կարողանում հավատալ, որ սա տեղի է ունեցել։ Իմ ամենաանկեղծ մտքերն ու աղոթքները բոլոր տուժածների հետ են՝ կապված այս ողբերգական դեպքի հետ, որը տեղի է ունեցել ԱՊԼ-ի հաղթանակի շքերթի ժամանակ։ Ինչպիսի՛ անիմաստ արարք»,- գրել է Ջեյմսը X սոցիալական ցանցում։

Ջեյմսը 2011-ին ձեռք է բերել «Լիվերպուլ» ֆուտբոլային ակումբի փոքրամասն բաժնետոմսեր, իսկ 2021-ին մեծացրել է իր բաժնեմասը՝ դառնալով Fenway Sports Group (FSG) ընկերության գործընկեր։

«Լիվերպուլը» Անգլիայի առաջնությունում վաղաժամ հաղթանակ է տոնել ապրիլի 27-ին՝ 5։1 հաշվով հաղթելով «Տոտենհեմին»։ ԱՊԼ մրցաշրջանն ավարտվել է մայիսի 25-ին։

«Ալ-Նասրի» և Պորտուգալիայի հավաքականի հարձակվող Կրիշտիանու Ռոնալդուն պահպանել է առաջին տեղը Forbes-ի վարկանիշում՝ որպես աշխարհի ամենաբարձր վարձատրվող մարզիկ։

Հրապարակման տվյալներով՝ 40-ամյա ֆուտբոլիստը 2024 թ․ մայիսի 1-ից մինչև 2025 թ․ մայիսի 1-ը վաստակել է 275 միլիոն դոլար։ Դրանից 225 միլիոնը կազմում են աշխատավարձը և տարբեր բոնուսները, իսկ մնացածը՝ հովանավորների հետ կնքված պայմանագրերը։

Երկրորդ հորիզոնականում է NBA-ի «Գոլդեն Սթեյթ Ուորիորսի» բասկետբոլիստ Սթեֆեն Քարին՝ 156 միլիոն դոլար ընդհանուր եկամտով։ Երրորդ տեղում է բրիտանացի բռնցքամարտիկ Թայսոն Ֆյուրին՝ 146 միլիոն դոլարով։

Արգենտինացի հարձակվող Լիոնել Մեսսին, որը ներկայումս խաղում է «Ինտեր Մայամիում», զբաղեցրել է հինգերորդ տեղը՝ 135 միլիոն դոլար վաստակելով։

Ռոնալդուն հնգակի «Ոսկե գնդակի» դափնեկիր է, հնգակի Չեմպիոնների լիգայի հաղթող և Եվրոպայի չեմպիոն։ Նա ճանաչվել է նաև աշխարհի ամենաբարձր վարձատրվող մարզիկ 2023 և 2024 թվականներին։

Ամենաբարձր վարձատրվող մարզիկների տասնյակը

1. Կրիշտիանու Ռոնալդու (ֆուտբոլ) – 275 մլն դոլար (225 մլն՝ սպորտից, 50 մլն՝ սպորտից դուրս)
2. Սթեֆեն Քարի (բասկետբոլ) – 156 մլն դոլար (100 մլն + 56 մլն)
3. Թայսոն Ֆյուրի (բռնցքամարտ) – 146 մլն դոլար (140 մլն + 6 մլն)
4. Դակ Փրեսքոթ (ամերիկյան ֆուտբոլ) – 137 մլն դոլար (127 մլն + 10 մլն)
5. Լիոնել Մեսսի (ֆուտբոլ) – 135 մլն դոլար (60 մլն + 75 մլն)
6. Լեբրոն Ջեյմս (բասկետբոլ) – 133,8 մլն դոլար (48,8 մլն + 85 մլն)
7. Խուան Սոտո (բեյսբոլ) – 114 մլն դոլար (109 մլն + 5 մլն)
8. Կարիմ Բենզեմա (ֆուտբոլ) – 104 մլն դոլար (100 մլն + 4 մլն)
9. Շոհեյ Օհտանի (բեյսբոլ) – 102,5 մլն դոլար (2,5 մլն + 100 մլն)
10. Քևին Դյուրանտ (բասկետբոլ) – 101,4 մլն դոլար (51,4 մլն + 50 մլն)

Հյուսիսամերիկյան հեղինակավոր Sportico հրատարակությունը հրապարակել է պատմության մեջ ամենաբարձր վարձատրվող մարզիկների ցանկը։

Հաշվարկները ներառում են աշխատավարձեր, բոնուսներ, ֆինանսական պարգևներ, կատարողական վճարներ և գովազդային եկամուտներ՝ ճշգրտված գնաճով: Ցուցադրված գումարները չեն ներառում հարկերը և գործակալի վճարները:

10 ամենաբարձր վարձատրվող մարզիկները պատմության մեջ

Մայքլ Ջորդան (բասկետբոլ) – 4,15 միլիարդ դոլար

Թայգեր Վուդս (գոլֆ) – 2,79 միլիարդ դոլար

Կրիշտիանու Ռոնալդու (ֆուտբոլ) – 2,23 միլիարդ դոլար

Լեբրոն Ջեյմս (բասկետբոլ) – 1,88 միլիարդ դոլար

Լիոնել Մեսսի (ֆուտբոլ) – 1,82 միլիարդ դոլար

Ջեք Նիքլաուս (գոլֆ) – 1,75 միլիարդ դոլար

Դեյվիդ Բեքհեմ (ֆուտբոլ) – 1,61 միլիարդ դոլար

Ռոջեր Ֆեդերեր (թենիս) – 1,59 միլիարդ դոլար

Ֆլոյդ Մեյվեզեր (բռնցքամարտ) – 1,52 միլիարդ դոլար

NBA-ի քառակի չեմպիոն և «Լոս Անջելես Լեյքերսի» աստղ Լեբրոն Ջեյմսը «Սան Անտոնիո Սփըրսի» հետ խաղում 2024/2025 մրցաշրջանում անընդմեջ վաստակեց իր չորրորդ թրիփլ-դաբլը։

Լեբրոն Ջեյմսը իր կարիերայի ընթացքում առաջին անգամ գրանցեց չորս անընդմեջ թրիփլ-դաբլ և դարձավ լիգայի պատմության մեջ առաջին՝ հարձակվողի դիրքում հանդես եկող բասկետբոլիստը, ով գրանցել է նման արդյունք։

«Լեյքերսը» տոնեց նաև 4-րդ անընդմեջ հաղթանակը։

Արևմտյան կոնֆերենցիայում նրանք հինգերորդ տեղում են։

Բասկետբոլի ազգային ասոցիացիայի (NBA) կանոնավոր առաջնությունում այսօր կայացավ Լոս Անջելես Լեյքերսի հանդիպումը Մինեսոտայի հետ: 

Հանդիպման երկրորդ քառորդում մարզահրապարակ դուրս եկան «Լեյքերսի» առաջատար Լեբրոն Ջեյմսը և «Լեյքերսի» նորեկ Բրոննի Ջեյմսը։ Այսպիսով, պատմության մեջ առաջին անգամ հայր և որդի միաժամանակ մասնակցել են NBA-ի հանդիպման։

ESPN հեռուստաալիքը հրապարակել է NBA-ի լավագույն բասկետբոլիստների տասնյակը։ Հատկանշական է, որ այս վարկանիշի լավագույն եռյակը կազմված է բացառապես եվրոպացի բասկետբոլիստներից։

1. Նիկոլա Յոկիչը սերբ պրոֆեսիոնալ բասկետբոլիստ է։ Նա խաղում է NBA-ի Դենվեր Նագեթս ակումբում։

2. Լուկա Դոնչիչը սլովենացի բասկետբոլիստ է, ով խաղում է NBA-ի Դալաս Մավերիկս ակումբում։

3. Յանիս Անտետոկունմպոն նիգերիական ծագումով հույն բասկետբոլիստ է, NBA-ի Միլուոկի Բաքսի խաղացող։

4. Շեյ Գիլջես-Ալեքսանդեր

5. Ջեյսոն Տեյտում

6. Ստեֆ Կարի

7. Լեբրոն Ջեյմս

8. Ջոել Էմբիդ

9. Քևին Դյուրանտ

10. Էնթոնի Էդվարդս

Փետրվարի 13-ին Լոս Անջելես Լեյքերսը NBA-ի կանոնավոր առաջնության խաղում պարտվեց «Գոլդեն Սթեյթին»՝ 115:117։

«Լեյքերսի» խաղացող Լեբրոն Ջեյմսն այս հանդիպմանը վաստակեց 26 միավոր և դարձավ NBA-ի պատմության ամենաարդյունավետ խաղացողը։

Այժմ Լեբրոնը NBA-ում ունի 44157 միավոր (36526 կանոնավոր առաջնությունում և 7631՝ փլեյ-օֆֆում): Նա գերազանցեց Քարիմ Աբդուլ-Ջաբբարի ռեկորդը, ով  իր ակտիվում ուներ 44149 միավորով (38387 + 5762):
Լեբրոնը փլեյ-օֆֆի բոլոր ժամանակների ռմբարկուների առաջատարն է լիգայի պատմության մեջ:

«Լեյքերսի» հարձակվող Լեբրոն Ջեյմսը, ամենայն հավանականությամբ, այլևս միջազգային խաղերում հանդես չի գա ԱՄՆ ազգային հավաքականում: Այս մասին հայտարարել է ազգային հավաքականի տնօրեն Ջերի Քոլանջելոն:

«Ժամանակն իր վնասներն է տալիս: Մենք բոլորս մարդ ենք, և մարմինը չի կարող անվերջ դիմակայել սթրեսին: Նա բաց է թողել անցած Օլիմպիական խաղերը, քանի որ կյանքում շատ հետաքրքրություններ ունի:

Նա նախկինում խաղացել է ազգային հավաքականում և իր ներդրումն ունեցել: Մենք գնահատում ենք սա: Բայց կարծում եմ, որ նրա հավաքականում խաղալու ժամանակն ավարտվել է», — մեջբերում է Քոլանջելոյին ESPN-ը:

ԱՄՆ-ի հավաքականի կազմում Ջեյմսը ոսկե մեդալներ է նվաճել Պեկինի (2008) և Լոնդոնի (2012) խաղերում, ինչպես նաև դարձել է Աթենքի մրցաշարի բրոնզե մեդալակիր (2004):