«Ռեալ Մադրիդը» իր պաշտոնական կայքում հայտարարություն է հրապարակել, որում «անընդունելի» է անվանել Իսպանիայի գավաթի խաղարկության եզրափակչի (ապրիլի 26) համար նշանակված մրցավարների կողմից ակումբի հեռուստատեսության հասցեին արված քննադատական ​​հայտարարությունները։

«Ռեալ Մադրիդ» ֆուտբոլային ակումբը անընդունելի է համարում Իսպանիայի Գավաթի եզրափակչի համար նշանակված մրցավարների կողմից այսօր հնչեցված հրապարակային հայտարարությունները։ Եզրափակիչը տեղի է ունենալու վաղը՝ 2025 թ. ապրիլի 26-ին։

Այս բողոքները, որոնք անսպասելիորեն ուշադրություն են հրավիրել Real Madrid TV-ի տեսանյութերին (որոնք պաշտպանված են խոսքի ազատության իրավունքով), միտումնավոր հրապարակվել են եզրափակչի մասնակիցներից մեկի դեմ՝ խաղից ընդամենը 24 ժամ առաջ։ Դրանք կրկին վկայում են մեր ակումբի հանդեպ այս մրցավարների ակնհայտ թշնամական վերաբերմունքի մասին։

Ավելի զարմանալի են սպառնալիքներով լեցուն և մրցավարների «միասնությանը» վերաբերվող ակնարկներով հայտարարությունները։ Դրանք օգտագործվել են իբրև ազդարարում այնպիսի ենթադրյալ միջոցառումների կամ գործողությունների մասին, որոնք հեռու են արդարության, օբյեկտիվության և անկողմնակալության սկզբունքներից։ Իսկ այդ սկզբունքները պետք է գերակշռեն մի քանի ժամից կայանալիք ֆուտբոլային իրադարձության նախաշեմին, որին հետևելու են միլիոնավոր մարդիկ ամբողջ աշխարհից։

Հաշվի առնելով տեղի ունեցածի լրջությունը՝ «Ռեալը» ակնկալում է, որ Իսպանիայի Թագավորական ֆուտբոլային ֆեդերացիայի (RFEF) և մրցավարական հանձնաժողովի պատասխանատուները պատշաճ կերպով կարձագանքեն և համապատասխան քայլեր կձեռնարկեն՝ պաշտպանելու իրենց ներկայացրած ինստիտուտների հեղինակությունը», — ասվում է «արքայական» ակումբի հայտարարության մեջ։

Հիշեցնենք, որ «Ռեալի» հեռուստատեսության քննադատությանը ի պատասխան՝ նախախաղային մամուլի ասուլիսի ժամանակ եզրափակչի գլխավոր մրցավար Ռիկարդո Դե Բուրգոս Բենգոեչեան չի կարողացել զսպել արցունքները։ VAR համակարգում գործող մրցավար Գոնսալես Ֆուերտեսը հայտարարել է «Ռեալի» տեսանյութերի պատճառով լուրջ հետևանքների մասին։

Մադրիդի «Ռեալի» բրազիլացի վինգեր Վինիսիուս Ժունիորը, որը երկու գոլային փոխանցում է կատարել 2024/2025 թվականների Գավաթի կիսաեզրափակչի՝ «Ռեալ Սոսյեդադի» դեմ պատասխան խաղում (լր.ժ.՝ 4:4), դարձել է ակումբի բոլոր ժամանակների ռեկորդակիրը գոլային փոխանցումների քանակով:

24-ամյա բրազիլացին Իսպանիայի գավաթի 25 խաղում արդեն 12 գոլային փոխանցում է կատարել: Սա լավագույն արդյունքն է «սերուցքայինների» և երրորդը՝ մրցաշարի պատմության մեջ։ Մրցաշարի ռեկորդակիրը «Բարսելոնայի» արգենտինացի նախկին հարձակվող Լիոնել Մեսսին է, որն իր ակտիվում ունի 27 գոլային փոխանցում: Երկրորդ տեղում «Բարսելոնայում» և «Ինտեր Մայամիում» Մեսսիի թիմակից Ժորդի Ալբան է՝ 15 գոլային փոխանցումներով:

Այս մրցաշրջանում Վինիսիուսը բոլոր մրցաշարերում անցկացրել է 42 հանդիպում՝ դառնալով 19 գոլի և 14 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2027 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 200 միլիոն եվրո:

Իսպանիայի գավաթի 2024/2025 մրցաշրջանի կիսաեզրափակչի առաջին խաղերը կկայանան փետրվարի 25-27-ը, իսկ պատասխան խաղերը՝ ապրիլի 1-ից 3-ը։

Հիշեցնենք՝ ավելի վաղ հաստատվել էին կիսաեզրափակչի զույգերը: «Բարսելոնան» կխաղա Մադրիդի «Ատլետիկոյի», իսկ «Ռեալ Սոսյեդադը»՝ «Ռեալի» հետ:

Հիշեցնենք, որ քառորդ եզրափակչում «Ատլետիկոն» 5։0 հաշվով հաղթել է «Խետաֆեին», «Ռեալը»՝ «Լեգանեսին» (3։2), «Բարսելոնան»՝ «Վալենսիային» (5։0), իսկ «Ռեալ Սոսյեդադը»՝ «Օսասունային» (2։0)։Առաջին խաղերը կկայանան փետրվարի 25-ից 27-ը, իսկ պատասխան խաղերը՝ ապրիլի 1-ից 3-ը։

Կայացել է Իսպանիայի գավաթի 2024/2025 մրցաշրջանի կիսաեզրափակչի վիճակահանությունը։ Արդյունքում ձևավորվել են հետևյալ զույգերը.

«Բարսելոնա» — «Ատլետիկո Մադրիդ»,
«Ռեալ Սոսյեդադ» — «Ռեալ Մադրիդ»:

Իսպանիայի գավաթի խաղարկության կիսաեզրափակիչ հանդիպումների օրն ու ժամը հայտնի կդառնան ավելի ուշ։

Հիշեցնենք, որ քառորդ եզրափակչում «Ատլետիկոն» 5։0 հաշվով հաղթել է «Խետաֆեին», «Ռեալը»՝ «Լեգանեսին» (3։2), «Բարսելոնան»՝ «Վալենսիային» (5։0), իսկ «Ռեալ Սոսյեդադը»՝ «Օսասունային» (2։0)։

Հայտնի են դարձել ֆուտբոլի Իսպանիայի գավաթի 2024/2025 խաղարկության կիսաեզրափակչի բոլոր մասնակիցները։

Տիտղոսի համար պայքարը շարունակվում է «Ռեալի», «Ատլետիկոյի», «Ռեալ Սոսյեդադի» և «Բարսելոնայի» միջև։

Մրցաշարի կիսաեզրափակիչ խաղերի վիճակահանությունը կկայանա փետրվարի 12-ին։

Մրցաշարի գործող հաղթողը Բիլբաոյի «Ատլետիկն» է, որը նախորդ տարվա եզրափակչում հաղթեց «Մալյորկային»:

Իսպանիայի գավաթի խաղարկությունում հաղթանակների քանակով ռեկորդակիրը «Բարսելոնան» է, որը 31 անգամ հաղթել է մրցաշարում։ Այս ցուցանիշով երկրորդ տեղում է Բիլբաոյի «Ատլետիկը», որն իր հաշվին ունի 24 տիտղոս: Երրորդ տեղում Մադրիդի «Ռեալն» է (20):

Իսպանիայի Թագավորական Ֆուտբոլային Ֆեդերացիան (RFEF) որոշում է կայացրել կրկին հետաձգել Իսպանիայի Գավաթի մի քանի խաղեր, որոնցում ներգրավված են Վալենսիայի համայնքի թիմեր՝ «Դանա» փոթորկի հետևանքների պատճառով: Փոթորիկը հարավ-արևելյան Իսպանիայում ջրհեղեղներ է առաջացրել, որի հետևանքով ավելի քան 200 մարդ է մահացել։

Ինչպես հայտնում է RFEF-ի մամուլի ծառայությունը, Իսպանիայի Գավաթի առաջին փուլի «Պոնտևեդրա» — «Լևանտե» և «Պարլա Էսկուելա» — «Վալենսիա» հանդիպումները, որոնք ավելի վաղ նախատեսված էին հոկտեմբերի 30-ին և տեղափոխվել էին նոյեմբերի 6 և 7  համապատասխանաբար, այժմ նշանակվել են նոյեմբերի 19-ին և 26-ին: Բացի այդ, «Էխեա» — «Էրկուլես» հանդիպումը հետաձգվել է մինչև նոյեմբերի 14-ը, իսկ «Խետաֆեի» հանդիպումը «Մանիսեսի»-հետ՝ նոյեմբերի 26-ին։ «Ռեալ Սոսյեդադ» — «Խովե» հանդիպման անցկացման նոր ամսաթիվը կհայտարարվի ավելի ուշ։

Ավելի վաղ Մադրիդի «Ռեալի» գլխավոր մարզիչ Կարլո Անչելոտին հայտարարել էր, որ երկրի բոլոր մրցաշարերը պետք է դադարեցվեն։ «Ֆուտբոլը տոն է, դուք կարող եք ուրախանալ միայն այն ժամանակ, երբ դուք, ձեր ընտանիքն ու բոլոր մնացած մարդիկ ապահով են», — ասել է մարզիչը, ում խոսքերը մեջբերում է Reuters-ը։

Երեքշաբթի՝ հոկտեմբերի 29-ին, Իսպանիայի պետական ​​օդերևութաբանական գործակալությունը (AEMET) արտակարգ դրություն է հայտարարել Վալենսիայի տարածաշրջանում և բարձրագույն աստիճանի տագնապի երկրորդ մակարդակ՝ Անդալուզիայի որոշ մասերում։ Իսպանիան հարվածի է ենթարկվել ուժեղ անձրևներով ուղեկցվող փոթորիկից։ Հորդառատ անձրևներն ու ամպրոպները առաջացրել են ջրհեղեղներ։ Նոյեմբերի 2-ին երկրի վարչապետ Պեդրո Սանչեսը հայտնել է, որ ջրհեղեղի հետևանքով մահացել է 211 մարդ։

Ողբերգության զոհերի հարազատներին իրենց ցավակցություններն են հայտնել Եվրոպական Ֆուտբոլային Ասոցիացիաների Միությունը (ՈւԵՖԱ), Լա Լիգան, «Ռեալ Մադրիդը», «Բարսելոնան», «Ատլետիկոն» և այլ իսպանական ակումբներ։ Մադրիդի «Ռեալի» հիմնադրամն ու Կարմիր Խաչը սկսել են դրամահավաքի արշավ՝ աջակցելու տուժածներին։ «Ռեալը» որոշել է աջակցել այս արշավին՝ 1 միլիոն եվրո նվիրաբերելով։

RFEF-ի հովանու ներքո անցկացվող վերջին բոլոր հանդիպումները սկսվել են մեկ րոպե լռությամբ։

Իսպանիայի Գավաթի խաղարկության եզրափակչում «Ռեալ Սոսյեդադը» նվազագույն հաշվով հաղթել է Բիլբաոյի «Աթլետիկին» ու նվաճել բաղձալի տիտղոսը:

Հանդիպումը կայացել է Սևիլիայի «Օլիմպիկո դե Սևիլիա» մարզադաշտում և ավարտվել 0-1 հաշվով:

Միակ գնդակը խաղի 63-րդ րոպեին հեղինակել է Միկել Օյարսաբալը՝ անվրեպ իրացնելով 11-մետրանոցը:

Իսպանիայի Գավաթի 2019/20 մրցաշրջանի եզրափակիչն անցկացվել է առանց հանդիսականների: Այն պետք է կայանար դեռ 2020 թվականին, սակայն հետաձգվել էր պանդեմիայի պատճառով:

«Աթլետիկը» կխաղա նաև Իսպանիայի Գավաթի ընթացիկ խաղարկության եզրափակչում: Ապրիլի 17-ին Բիլբաոն ներկայացնող ակումբը այս տիտղոսի համար կմրցի «Բարսելոնայի» հետ:

«Ռեալ Սոսյեդադը» Գավաթի ընթացիկ խաղարկությունից դուրս մնաց 1/8 եզրափակչից՝ պարտվելով «Բետիսին»:

Իսպանիայի Գավաթի 1/6 եզրափակչի խաղում «Վալենսիան» հաղթել է «Ալկորկոնին»։ Հանդիպումը կայացել է Ալկորկոնում և ավարտվել հյուրերի՝ 2-0 հաշվով հաղթանակով։

Գոլերի հեղինակներ են դարձել Կոբա Կուանդրեդին և Մանու Վալյեխոն։

Զուգահեռաբար ընթացող խաղում «Վիլյառեալը» հաղթանակ կորզեց «Տեներիֆեի» հետ խաղում՝ 1-0 հաշվով։ Հաղթական գոլը խաղի 90-րդ րոպեին հեղինակեց Ֆերնանդո Նինյոն։

Այսպիսով, «Վալենսիան» և «Վիլյառեալը» դուրս եկան Իսպանիայի Գավաթի խաղարկության 1/8 եզրափակիչ։ Նրանց մրցակիցները հայտնի կդառնան վիճակահանության արդյունքում։ 16 լավագույն թիմերի փուլում իրենց տեղն արդեն ապահովել են «Վալյադոլիդը», «Նավալկալյերնոն», «Գրանադան», «Ալմերիան», «Սևիլիան», «Ժիրոնան», «Բետիսը», «Օսասունան», «Լևանտեն» և «Ռայո Վալյեկանոն»։

Իսպանիայի Արքայական ֆուտբոլի ֆեդերացիան (RFEF) հայտնել է, որ Իսպանիայի Գավաթի 2019/20 խաղարկության եզրափակիչը կանցկացվի հանդիսականների ներքո: Եզրափակիչ խաղում բասկյան դերբի է՝ «Ատլետիկ»-«Ռեալ Սոսյեդադ»:

Ավելի վաղ ակումբները դիմում էին ներկայացրել ֆեդերացիա՝ կոչ անելով եզրափակիչը հետաձգել այնքան ժամանակով, քանի դեռ երկրպագուները չեն կարողանա ներկա գտնվել խաղին: Արդյունքում, կազմակերպությումը բավարարել էր ֆինալիստների խնդրանքը: Խաղի անցկացման օրը դեռևս հայտնի չէ:

Նախատեսվում էր, որ եզրափակիչ խաղը կկայանա ապրիլի 18-ին: Բայց հիմա այն կորոշվի «Ատլետիկի» և «Ռեալ Սոսյեդադի» հետ համատեղ քննարկման արդյունքում:

Իսպանական ակումբները մայիսի սկզբին արդեն սկսել են անհատական մարզումները: Ընդ որում, դեռևս հայտնի չէ՝ երբ կվերսկսվի Պրիմերայի ընթացիկ մրցաշրջանը:

Մադրիդի «Ռեալի» կիսապաշտպան Տոնի Կրոսը Իսպանիայի գավաթի եզրափակչում դարձավ ֆանտաստիկ գոլի հեղինակ ՝ գրավելով «Վալենսիայի» դարպասը անկյունային հարվածից (1:3):

Գերմանացի կիսապաշտպանը կարանտինային պայամաններում կրկնել է իր հայտնի գոլը:

Մադրիդյան ակումբի Twitter-յան էջը հրապարակել է այդ գոլի տեսանյութը.

😎⚽ Ballin’ at home… Spanish Super Cup-style!@ToniKroos | #TonisHomeChallenge | #StayHome pic.twitter.com/75o8LJ8gzh

— Real Madrid C.F. 🇬🇧🇺🇸 (@realmadriden) March 29, 2020

Սա էլ ՝ բնօրինակը.