իսկո — Armsport.am

🎥 Թշնամին տանից է. Բետիսի առաջատարը վնասվածք է ստացել՝ բախվելով թիմակցին

Gevorg Martirosyan — Thu, 27 Nov 2025 21:13:12 +0000

Եվրոպա լիգայի լիգայի փուլի 5-րդ տուրի շրջանակում կայացած «Բետիս» — «Ուտրեխտ» հանդիպումը անհաջող է մեկնարկել իսպանական թիմի համար։ Սևիլիայի «Օլիմպիկո դե լա Կարտուխա» մարզադաշտում ընթացող խաղի սկզբնամասում տհաճ միջադեպ է գրանցվել տանտերերի մասնակցությամբ։

«Բետիսի» կիսապաշտպաններ Իսկոն և Սոֆյան Ամրաբատը խաղադաշտում բախվել են միմյանց, ինչի հետևանքով երկուսն էլ չեն կարողացել շարունակել հանդիպումը։ 10-րդ րոպեին իսպանացուն փոխարինել է Նելսոն Դեոսան, իսկ հինգ րոպե անց մարոկկացու փոխարեն խաղադաշտ է դուրս եկել Պաբլո Ֆորնալսը։

Amrabat wtf bro he’s literally your teammate.😂

Both Isco and Amrabat are off because of possible injury . pic.twitter.com/0JebZaWn1o

— Aqib Aijaz (@aqibAijaz28) November 27, 2025

Իսպանիա — Ֆրանսիա․ ինչ են գրում թերթերը

Gevorg Martirosyan — Thu, 05 Jun 2025 13:15:57 +0000

Հունիսի 5-ին՝ Երևանի ժամանակով 23:00-ին, «Մերսեդես-Բենց Արենայում» տեղի կունենա Ազգերի լիգայի կիսաեզրափակիչ հանդիպում Իսպանիայի և Ֆրանսիայի ազգային հավաքականների միջև։

Դիդյե Դեշամը նախօրեին հստակ հայտարարել է, որ Կիլիան Մբապեն խաղալու է կենտրոնում։ Մինչդեռ Diario AS թերթը կարծում է, որ Ալվարո Մորատան լինելու է մեկնարկային կազմում, սակայն նշում է նաև, որ Ֆաբիան Ռուիսը ևս ընդգրկված է կազմում, չնայած նա Փարիզի ՊՍԺ-ի հետ հասցրել է նվաճել Չեմպիոնների լիգայի տիտղոսը և մեծ ոգևորությամբ տոնել հաղթանակը։ Թերթը ենթադրում է, որ պաշտպանությունում Այմերիկ Լե Նորմանի կողքին կխաղա Դին Հույսենը՝ այլ ոչ թե Պաու Կուբարսին։

Marca-ի սովորաբար վստահելի մեկնարկային կազմի կանխատեսումն այս անգամ բավականին շփոթեցնող է, ինչը հազվադեպ է պատահում։ Թերթը Դեզիրե Դուեին տեղ է հատկացրել կազմակերպիչ կենտրոնական կիսապաշտպանի դերում։ Տեսնենք՝ արդյոք այս անգամ նրանց կանխատեսումը ճիշտ կլինի։ Թերթի կարևոր ենթադրություններից մեկն այն է, որ Մորատան կմնա պահեստայինների նստարանին՝ տեղը զիջելով Միկել Օյարսաբալին։

Marca-ն իր շապիկին ներկայացրել է Լամինե Յամալին, Դին Հույսենին, Նիկո Վիլյամսին և վերադարձած Իսկոյին։ Թերթի վերնագիրը այս քառյակին և ամբողջ Իսպանիայի հավաքականին վերապահում է «պաշտպանել թագը» առաքելությունը։

«Գիշեր՝ երազելու համար»,- գրում է Diario AS-ը։ Նրանց շապիկի լուսանկարում պատկերված են երկու հզոր ֆուտբոլիստներ՝ Լամինե Յամալն ու Կիլիան Մբապեն, ովքեր ակումբային և ազգային հավաքականների խաղերում մեկ տարուց էլ պակաս ժամանակում արդեն հինգ անգամ բախվել են միմյանց՝ ցուցաբերելով փոխադարձ հարգանք։

Հնարավոր է, որ շուտով որդիս և Յամալը խաղան նույն թիմում․ Իսկո

Gevorg Martirosyan — Thu, 05 Jun 2025 08:10:41 +0000

Վերջերս Իսկոն վերադարձել է Իսպանիայի հավաքական, որի կազմում չէր խաղացել 2019 թվականից ի վեր։

Ազգերի լիգայի կիսաեզրափակչում Ֆրանսիայի դեմ հանդիպման նախօրեին «Բետիսի» առաջատարը ակտիվորեն շփվել է մամուլի հետ՝ պատասխանելով նաև «կարմիր ֆուրիայի» ամենահայտնի խաղացող Լամին Յամալի վերաբերյալ հարցերին։

«Լամինը ընդամենը 17 տարեկան է, իսկ իմ որդին շուտով կդառնա 11 տարեկան։ Հնարավոր է, որ շուտով նրանք միասին խաղան նույն թիմում», – ասել է 33-ամյա Իսկոն հարցազրույցի ընթացքում։

Իսպանիայի և Ֆրանսիայի հավաքականների հանդիպումը տեղի կունենա հինգշաբթի՝ ժամը 23:00-ին (Երևանի ժամանակով)։ Կիրակի օրը այս խաղի հաղթողը եզրափակիչում կմրցի Պորտուգալիայի հավաքականի դեմ, որը չորեքշաբթի օրը 2:1 հաշվով հաղթել է Գերմանիային։

Իսկոն շրջանցել է Մբապեին՝ դառնալով Լա Լիգայի՝ մարտի լավագույն խաղացողը

Նարե Հովհաննիսյան — Sun, 30 Mar 2025 07:00:15 +0000

Իսպանական «Բետիսի» 32-ամյա կիսապաշտպան Իսկոն ճանաչվել է Լա լիգայի՝ մարտ ամսվա լավագույն խաղացող։ Այս մասին հայտնում է առաջնության մամուլի ծառայությունը։

Մրցանակի համար պայքարում իսպանացին հաղթել է Կիլիան Մբապեին («Ռեալ Մադրիդ»), Պեդրո Դիասին («Ռայո Վալեկանո»), Ումար Սադիկին («Վալենսիա») և Մարկոս Ալոնսոյին («Սելտա»): Սա Իսկոյի առաջին նման մրցանակն է 2024/25 մրցաշրջանում։

Նախորդ ամիս իսպանացի հարձակվողական ոճի կիսապաշտպանը երեք հանդիպում է անցկացրել՝ դառնալով երկու գոլի և երկու գոլային փոխանցման հեղինակ։ Կարևոր է նշել, որ Իսպանիայի առաջնությունում ամսվա վերջին հանդիպման վիճակագրությունը սովորաբար հաշվի է առնվում հաջորդ ամսվա վիճակագրության մեջ։ Այսպիսով, Իսկոն չորս խաղում (ներառյալ փետրվարի վերջին՝«Խետաֆեի» հետ հանդիպումը (2:1)) ունի չորս գոլ և երկու գոլային փոխանցում):

Ընդհանուր առմամբ, Իսկոն այս մրցաշրջանում «Բետիսի» կազմում բոլոր մրցաշարերում անցկացրել է 19 հանդիպում՝ դառնալով 9 գոլի և 5 գոլային փոխանցման հեղինակ։

Իսկոն ներողություն է խնդրել Ռեալի երկրպագուներից գոլը բուռն տոնելու համար

Նարե Հովհաննիսյան — Sun, 02 Mar 2025 11:37:59 +0000

«Բետիսի» կիսապաշտպան Իսկոն, որը երեկ Պրիմերայի խաղում գոլի հեղինակ է դարձել Մադրիդի «Ռեալի» դեմ խաղում, ներողություն է խնդրել մադրիդցիներից խփած գոլը բուռն տոնելու համար։

«Ես ներողություն խնդրեցի «Ռեալի» բոլոր երկրպագուներից գոլից հետո իմ տոնակատարության համար, բայց կցանկանայի կրկին ներողություն խնդրել։ Անչափ շնորհակալ եմ «Ռեալին», նրանք միշտ կլինեն իմ սրտում՝ և՛ ակումբը, և՛ նրա երկրպագուները»,- իսպանացու խոսքերն է մեջբերում ինսայդեր Ֆաբրիցիո Ռոմանոն։

Հանդիպման հաշիվը 10-րդ րոպեին բացել է Մադրիդի «Ռեալի» կիսապաշտպան Բրահիմ Դիասը։ 34-րդ րոպեին Ջոնի Կարդոսոն հավասարեցրել է հաշիվը։ 54-րդ րոպեին Իսկոն անվրեպ է իրացրել 11-մետրանոցը՝ առաջ մղելով տանտերերին:

Հաղթելը դժվար է, հատկապես Ռեալին, որը միլիոնավոր ռեսուրսներ ունի․ Իսկո

Վարուժան Բաբայան — Sat, 01 Mar 2025 20:41:03 +0000

Իսկոն կիսվել է իր հույզերով Մադրիդի «Ռեալի» նկատմամբ տարած հաղթանակից հետո (2-1).
«Բետիսի» կիսապաշտպանը գոլային փոխանցում կատարեց և հաղթական գոլը խփեց 11 մետրանոցից։

«Հաղթանակների հասնելը շատ դժվար է, հատկապես «Ռեալի» դեմ, որը միլիոնավոր ռեսուրսներ ունի։ Խաղը սկսեցինք չկենտրոնացված, ուստի դժվար էր մեզ համար։ Հանդիպման միջնամասում թիմը մեկ քայլ առաջ գնաց։ Մենք պետք է շարունակենք նույն ոգով, բայց մեծամիտ չլինենք:

Նրանք ունեն աշխարհի լավագույն ֆուտբոլիստները։ Մեծ վարպետություն, արագություն… Առանց ամբողջ թիմի աշխատանքի դա հնարավոր չէր լինի:

Կինս մարզադաշտում էր։ Վնասվածքից իմ ապաքինման մասին կարճ վավերագրական ֆիլմ եմ նկարում: Ես նաև ժեստ արեցի «Ռեալի» երկրպագուներին, քանի որ երախտապարտ եմ նրանց, որ օգնեցին ինձ իրականացնել իմ երազանքները։ «Ռեալը» միշտ կմնա իմ սրտում»,- մեջբերում է Իսկոյին As-ը։

🎥 Իսկոյի դուբլը հաղթանակ է պարգևում Բետիսին

Վարուժան Բաբայան — Sun, 23 Feb 2025 19:28:32 +0000

Իսպանիայի առաջնության 25-րդ տուրի արտագնա հանդիպմանը «Բետիսը» առավելության հասավ «Խետաֆեի» նկատմամբ՝ 2-1։

Իսկոն դուբլ գրանցեց։ Տանտերերի միակ գոլը խփեց Բորխա Մայորալը։ Ավելացված ժամանակում մրցավարը խաղադաշտից հեռացրեց երկու ֆոըտբոլիստների՝ հյուրերից Անտոնիին և տանտերերից Դոմինգոս Դուարտեին: Նշենք, որ Անտոնին նաև գոլային փոխանցում կատարեց։

Մրցաշարային աղյուսակը՝

Իսկոն կարող է փոխել ակումբային գրանցումը

Erik — Tue, 21 Dec 2021 05:26:10 +0000

Իսպանական «Վալենսիան» կապ է հաստատել Մադրիդի «Ռեալի» հետ՝ կիսապաշտպան Իսկոյի տեղափոխության վերաբերյալ: Այս մասին հայտնում է todofichajes.com-ը:

Ֆուտբոլիստի պայմանագիրը «սերուցքայինների» հետ ավարտվում է 2022 թվականի ամռանը։

«Վալենսիան» պատրաստ է 2,5 տարով պայմանագիր կնքել ֆուտբոլիստի հետ։ Աշխատավարձը նրան կառաջարկվի 3 միլիոն եվրոյի չափով։ Սա այն գումարի կեսն է, որը նա ստանում է «Ռեալում»։

Նախկինում ֆուտբոլիստի նկատմամբ հետաքրքրություն էին ցուցաբերում անգլիական թիմերը։

Անգլիական գրանդը հրաժարվում է Իսկոյին ձեռք բերելու մտադրությունից

Erik — Thu, 02 Dec 2021 14:22:45 +0000

Անգլիական «Լիվերպուլն» այլևս չի պատրաստվում պայքարել Իսկոյի տրանսֆերի համար, փոխանցում է El Nacional-ը:

Անգլիական ակումբը նախկինում լրջորեն հետաքրքված էր 29-ամյա իսպանացու ծառայություններով, սակայն այն դժվարությունները, որը ունի հիմա Իսկոն «Ռեալում»` խաղային պրակտիկայի տեսանկյունից, վստահություն չեն ներշնչում Յուրգեն Կլոպին:

Իսկոյի Մադրիդից հեռանալու տարբերակներն են մնում «Ֆեներբախչեն», «Արսենալը» և «Միլանը»:

Թուրքական ակումբը ցանկանում է ձեռք բերել Իսկոյին

Նարե Հովհաննիսյան — Sun, 28 Nov 2021 17:21:37 +0000

Թուրքական «Ֆեներբաhչեն» հետաքրքրված է Մադրիդի «Ռեալի» կիսապաշտպան Իսկոյով, փոխանցում է Fichajes-ը:

29-ամյա իսպանացին կարող է պոտենցիալ փոխարինող համարվել Մեսութ Օզիլի համար, որը հնարավոր է լքի ակումբը:

Իսկոյի գործերը Մադրիդում այնքան էլ լավ չեն և ֆուտբոլիստի հեռանալու լուրերը գնալով շատանում են: