Աշխարհի 2026 թվականի առաջնության որակավորման փուլի եվրոպական գոտում կայացան որակավորման փլեյ-օֆֆի կիսաեզրափակիչ հանդիպումները, որոնց արդյունքում հայտնի դարձան այն թիմերը, որոնք կպայքարեն Մունդիալի վերջին ուղեգրերի համար։

Ուղի A (Path A)

Իտալիա — Հյուսիսային Իռլանդիա — (2-0)

Գոլերը՝ Սանդրո Տոնալի (56), Մոյզե Քին (80)

Հանդիպման գոլերը՝ ԱՅՍՏԵՂ

Ուելս — Բոսնիա և Հերցեգովինա — (1-1, 11մ․՝ 2-4), 

Գոլերը՝ Դենիել Ջեյմս (51) — Էդին Ջեկո (86)

Հանդիպման գոլերը՝ ԱՅՍՏԵՂ

Ուղի B (Path B)

Ուկրաինա — Շվեդիա — (1-3)

Գոլերը՝ Մատվեյ Պոնոմարենկո (90) — Վիկտոր Յոկերես (61, 51, 73)

Հանդիպման գոլերը՝ ԱՅՍՏԵՂ

Լեհաստան — Ալբանիա — (2-1)

Գոլերը՝  Ռոբերտ Լևանդովսկի (63), Պիոտր Զիելիսնկի (73)- Արբեր Հոջա (42)

Հանդիպման գոլերը՝ ԱՅՍՏԵՂ

Ուղի C (Path C)

Թուրքիա — Ռումինիա — (1-0)

Գոլերը՝ Ֆրեդի Կադիօղլու (53)

Հանդիպման գոլը՝ ԱՅՍՏԵՂ

Սլովակիա — Կոսովո — (3-4)

Գոլերը՝ Մարտին Վալյենտ (6), Լուկաշ Հարասլին (45), Դավիդ Ստրելեց (90+4) — Վելդին Հոջա (21), Ֆիսնիկ Ասլանի (47), Ֆլորենտ Մուսլիյա (60), Կրեշնիկ Հայրիզի (72)

Հանդիպման գոլերը՝ ԱՅՍՏԵՂ

Ուղի D (Path D)

Դանիա — Հյուսիսային Մակեդոնիա — (4-0)

Գոլերը՝ Միկել Դամսգոր (48), Գուստավ Իսակսեն (58, 59), Քրիստիան Նյորգոր (75)

Հանդիպման գոլերը՝ ԱՅՍՏԵՂ

Չեխիա — Իռլանդիա — (2-2, 11մ․՝ 4-3)

Գոլերը՝ Պատրիկ Շիկ (27), Լադիսլավ Կրեյչի (86)- Թրոյ Փերոթ (19), Մատեյ Կովար (23-ինքանագոլ)

Հանդիպման գոլերը՝ ԱՅՍՏԵՂ

Անցումային եզրափակիչների զույգերը

Այսօրվա արդյունքներով ձևավորվեցին որակավորման եզրափակիչների զույգերը, որոնք էլ կվիճարկեն ԱԱ-2026-ի վերջին ուղեգրերը։

• Ուղի A․ Իտալիա — Բոսնիա և Հերցեգովինա
• Ուղի B․ Շվեդիա — Լեհաստան
• Ուղի C․ Թուրքիա — Կոսովո
• Ուղի D. Դանիա  — Չեխիա

Որակավորման եզրափակիչ բոլոր չորս հանդիպումները կկայանան հաջորդ երեքշաբթի՝ մարտի 31-ին։ Այդ խաղերի հաղթողները կնվաճեն աշխարհի առաջնության եզրափակի փուլի ուղեգիր։

Իռլանդիայի ազգային հավաքականի գլխավոր մարզիչ Հեյմիր Հալգրիմսոնը Չեխիայի ընտրանու դեմ Աշխարհի առաջնության փլեյ-օֆֆի վճռորոշ հանդիպմանն ընդառաջ անդրադարձել է անցյալի ցավալի պարտություններին՝ հատուկ հիշատակելով Հայաստանում կրած պարտությունը։

Մարզիչը զուգահեռներ է անցկացրել Չեխիայի՝ Ֆարերյան կղզիներից կրած անսպասելի պարտության և Իռլանդիայի՝ Երևանում գրանցած արդյունքի միջև։ Հալգրիմսոնը նշել է, որ մեկ ձախողումը դեռ ոչինչ չի նշանակում՝ հիշեցնելով Հայաստանի դեմ խաղից հետո ստեղծված ծանր իրավիճակը։

Խոսելով Չեխիայի հավաքականի մասին, որը վերջերս սենսացիոն պարտություն էր կրել Ֆարերյան կղզիներից (ինչի պատճառով հեռացվել էր գլխավոր մարզիչ Իվան Հաշեկը), Հալգրիմսոնը նշել է.

«Մենք պարտվեցինք Հայաստանում, և այն ժամանակ քիչ էր մնում ինձ հեռացնեին իմ զբաղեցրած պաշտոնից, ուստի սա նմանատիպ իրավիճակ է։ Ես 100 տոկոսով վստահ եմ, որ երբ վերլուծենք խաղերը, կտեսնենք, որ դա ընդամենը պատահականություն էր։

Սա խենթ մարզաձև է: Կարելի է տեսնել ամենատարբեր արդյունքներ, և հուսով եմ, որ Հայաստանում տեղի ունեցածը մեզ համար եզակի դեպք էր։ Ոչ մի անհարգալից վերաբերմունք Հայաստանի նկատմամբ, բայց դա պարզապես վատ ելույթ էր մեր կողմից, և նման բան կարող է պատահել թե՛ մեզ, թե՛ չեխերի հետ»,- մասնագետի խոսքն է մեջբերում The Irish Sun-ը։

Հունգարիայի հավաքականի գլխավոր մարզիչ Մարկո Ռոսսին մեկնաբանել է Աշխարհի 2026 թվականի առաջնության եվրոպական գոտու որակավորման փուլի ավարտը։

Նրա գլխավորած թիմը 3։2 հաշվով պարտվեց Իռլանդիային՝ վճռորոշ գոլը բաց թողնելով հանդիպման 90+6-րդ րոպեին։

«Անչափ տխուր եմ, խոսքեր չունեմ։ Շատ եմ ցավում։ Մենք շատ-շատ ենք ցավում մեր տղաների և մեր երկրպագուների համար։ Չէինք սպասում, որ այսպես կավարտվի, բայց վերջին րոպեներին գոլ բաց թողեցինք, ինչպես նաև Իռլանդիայում։ Գիտեինք, որ նրանք երկար փոխանցումներ են կատարելու հարձակման համար, դա նրանց ուժեղ կողմերից մեկն է։ Ես չեմ կարծում, որ մենք արժանի էինք սրան։ Ես չեմ կարծում, որ մեր երկրպագուները արժանի են սրան։ Տխուր օր է», — Ռոսսիի խոսքերն է փոխանցում The Irish Times-ը։

Հունգարիային բավարար էր ոչ-ոքի՝ անցումային փլեյ-օֆֆ փուլի ուղեգիր ստանալու համար։ Վերջնական արդյունքում նրանք վաստակեցին 8 միավոր, Իռլանդիան՝ 10, Պորտուգալիան՝ 13, իսկ Հայաստանը 3 միավորով եզրափակեց F խումբը։

Այսօր՝ նոյեմբերի 13-ին, կայացան Աշխարհի 2026թ․ առաջնության եվրոպական գոտու որակավորման փուլի մի շարք հանդիպումներ։

Անակնկալներով լի հանդիպում գրանցվեց Դուբլինում։ Իռլանդիայի ընտրանին 2:0 հաշով հաղթեց Պորտուգալիայի հավաքականին։ Դուբլ ձևակերպեց Տրոյ Փերոթը։

59-րդ րոպեին ուղիղ կարմիր քարտով խաղադաշտից հեռացվեց Պորտուգալիայի հավաքականի հարձակվող Կրիշտիանու Ռոնալդուն։ Սա Ռոնալդուի առաջին կարմիր քարտն էր հավաքականի կազմում։

Սկզբում մրցավարը ընդամենը դեղին քարտ ցույց տվեց 40-ամյա Ռոնալդուին՝ պաշտպան Օ՛Շիի մեջքին արմունկով հարվածելու համար, սակայն VAR-ի միջամտությունից հետո հանդիպման մրցավարը փոխեց իր որոշումը և անմիջապես կարմիր քարտ ցույց տվեց հարձակվողին։

Այսպիսով, խմբի վերջին տուրում Պորտուգալիայի ընտրանին Հայաստանի հավաքականին կընդունի առանց իր գլխավոր աստղի։

Հանդիպման գոլերը՝ ԱՅՍՏԵՂ

D խմբի 5-րդ տուրում Ֆրանսիայի հավաքականի «Պարկ դե Պրենսում» 4:0 հաշվով ջախջախեց Ուկրաինայի ընտրանուն։ Դուբլ ձևակերպեց Կիլիան Մբապեն, մեկական անգամ աչքի ընկան Մայքլ Օլիսեն և Ուգո Էկիտիկեն։

Հանդիպման գոլերը՝ ԱՅՍՏԵՂ

I խմբի 9-րդ տուրում Իտալիայի հավաքականն արտագնա խաղում 2 անպատասխան գնդակ ուղարկեց Մոլդովայի ընտրանու դարպասը։ Իտալացիների կազմում գոլ խփեցին Ջանլուկա Մանչինին և Ֆրանչեսկո Էսպոզիտոն։

Հանդիպման գոլերը՝ ԱՅՍՏԵՂ

K խմբի 9-րդ տուրում Անգլիայի հավաքականը «Ուեմբլիում» հաղթեց Սերբիայի ընտրանուն՝ 2:0: Տանտերերի կազմում գոլ խփեցին Բուկայո Սական և Էբերեչի Էզեն։

Հանդիպման գոլերը՝ ԱՅՍՏԵՂ

Հանդիպման գոլերը՝ ԱՅՍՏԵՂ

Պորտուգալիայի հավաքականի ավագ, հարձակվող Կրիշտիանու Ռոնալդուն հեռացվել է Իռլանդիայի հետ 2026 թվականի Աշխարհի առաջնության ընտրական փուլի խաղի 59-րդ րոպեին։ Լուրի հրապարակման պահին պորտուգալացիները պարտվում են 0:2 հաշվով։

Սկզբում մրցավարը ընդամենը դեղին քարտ ցույց տվեց 40-ամյա Ռոնալդուին՝ պաշտպան Օ՛Շիի մեջքին արմունկով հարվածելու համար, սակայն VAR-ի միջամտությունից հետո հանդիպման մրցավարը փոխեց իր որոշումը և անմիջապես կարմիր քարտ ցույց տվեց հարձակվողին։

Այսպիսով, Ռոնալդուն բաց կթողնի Հայաստանի հավաքականի հետ հանդիպումը, որը կկայանա նոյեմբերի 16-ին։

Չորս տուր անց Իռլանդիայի հավաքականը վաստակել է 4 միավոր և գտնվում է F խմբի երրորդ հորիզոնականում։ Պորտուգալիան՝ 10 միավորով, շարունակում է գլխավորել աղյուսակը։

Երեկ՝ նոյեմբերի 12-ին, Աշխարհի 2026թ. առաջնության եվրոպական գոտու որակավորման փուլի Իռլանդիա — Պորտուգալիա հանդիպման նախախաղային մամուլի ասուլիսի ժամանակ Կրիշտիանու Ռոնալդուն կրկին անդրադարձել է 1000-րդ գոլը խփելու իր ձգտմանը։

Լրագրողի հարցին, թե ինչ կլինի, եթե դա տեղի ունենա Աշխարհի առաջնության եզրափակիչում, պորտուգալացին պատասխանեց․

«Դուք շատ ֆիլմեր եք դիտում (ծիծաղում է), դա չափազանց կատարյալ կլիներ։ Վերադառնալով իրականություն՝ բոլոր այդ տվյալները, որոնք դուք նշեցիք, ակնհայտորեն ինձ ուրախացնում են։
Մեկ հավաքականը երբեք կախված չի եղել միայն մեկ ֆուտբոլիստից։

Միշտ էլ հաճելի է գոլեր խփել։ Ուզում եմ խաղալ գալիք Աշխարհի առաջնությունում, այլապես այստեղ չէի լինի։ Ամեն ինչ՝ քայլ առ քայլ։ Եթե այդ թվերը, այդ ֆիլմը իրականանար, անհրաժեշտության դեպքում ես մեծ շուքով կավարտեի կարիերաս»,- պատասխանել է Ռոնալդուն։

Լոնդոնի «Չելսիի» հարձակվող Պեդրու Նետուն և Լիսաբոնի «Սպորտինգի» ֆուտբոլիստ Պեդրու Գոնսալվեշը չեն միանա Պորտուգալիայի ազգային հավաքականին, հայտնում է Պորտուգալիայի ֆուտբոլի ֆեդերացիայի մամուլի ծառայությունը։

«Սպորտինգի» հարձակվող Պեդրու Գոնսալվեշը մկանային վնասվածք է ստացել «Սանտա Կլարայի» նկատմամբ տարած հաղթանակի ժամանակ և մի քանի շաբաթով կբացակայի։ Ինչ վերաբերում է Նետուին, ապա նրա հավաքականին չմիանալու որոշումը կայացվել է «Չելսիի» բժշկական բաժնի և Պորտուգալիայի ֆուտբոլի ֆեդերացիայի բուժանձնակազմի միջև՝ ֆուտբոլիստի ծանրաբեռնված ֆիզիկական վիճակի պատճառով։

Փոխարինողներ չեն հրավիրվել, հետևաբար Մարտինեսի սկզբնական 26-հոգանոց կազմը կրճատվել է մինչև 24 խաղացողի։

Հիշեցնենք, որ աշխարհի 2026 թվականի առաջնության եվրոպական գոտու որակավորման փուլի վերջին երկու հանդիպումներում Պորտուգալիայի ընտրանին նոյեմբերի 13-ին արտագնա խաղ կանցկացնի Իռլանդիայի ընտրանու հետ, իսկ նոյեմբերի 16-ին սեփական հարկի տակ կընդունի Հայաստանի ազգային հավաքականին։

Պորտուգալիայի ֆուտբոլի ֆեդերացիայի մամուլի ծառայությունը ներկայացրել է ընտրանու նոյեմբերյան հանդիպումների համար նախատեսված հայտացուցակը։

Պորտուգալիայի ընտրանին Իռլանդիային կհանդիպի նոյեմբերի 13-ին, իսկ Հայաստանին` նոյեմբերի 16-ին։

Հունգարիայի ազգային հավաքականի գլխավոր մարզիչ Մարկո Ռոսին հրապարակել է 26 խաղացողից բաղկացած հայտացուցակը՝ ԱԱ-2026-ի Եվրոպական գոտու որակավորման փուլի վերջին երկու հանդիպումների համար։

Հունգարիայի հավաքականը նոյեմբերի 13-ին Վազգեն Սարգսյանի անվան «Հանրապետական» մարզադաշտում կհյուրընկալվի Հայաստանի ազգային հավաքականին, իսկ երեք օր անց՝ նոյեմբերի 16-ին, սեփական հարկի տակ կընդունի Իռլանդիայի ընտրանուն։