Անգլիական «Մանչեսթեր Սիթին» պաշտոնական կայքում հայտարարել է «Էվերտոնի» հարձակողական ոճի կիսապաշտպան Իլիման Նդիայեի տրանսֆերի ձեռքբերման մասին։

26-ամյա ֆուտբոլիստի հետ կնքված պայմանագրի ժամկետը նախատեսված է մինչև 2031 թվականը։

Ավելի վաղ լրատվամիջոցները հաղորդում էին, որ Սենեգալի ազգային հավաքականի խաղացողի տրանսֆերի դիմաց «քաղաքայինները» կվճարեն 76 միլիոն եվրո (65 միլիոն ֆունտ ստեռլինգ)՝ ներառյալ հնարավոր բոնուսները։

Հիշեցնենք, որ Նդիայեն «Էվերտոնի» գույները պաշտպանում էր 2024 թվականի ամռանից։ Այդ ընթացքում նա բոլոր մրցաշարերում հասցրել է մասնակցել 74 հանդիպման՝ իր ակտիվում գրանցելով 17 գոլ և 4 արդյունավետ փոխանցում։ Սենեգալի ազգային հավաքականի կազմում նա անցկացրել է 43 հանդիպում՝ դառնալով 5 գոլի և 8 գոլային փոխանցման հեղինակ։

Հեղինակավոր Transfermarkt պորտալի ներկայացրած տվյալներով՝ ֆուտբոլիստի տրանսֆերային արժեքը գնահատվում է 55 միլիոն եվրո։

Բրիտանական հայտնի The Guardian պարբերականը կազմել է Անգլիայի Պրեմիեր լիգայի լավագույն տրանսֆերների ցանկը, որոնք կատարվել են այս ամռանը:

Ցուցակում առաջին տեղն է զբաղեցնում «Չելսիի» եզրային հարձակվող Ջեյդոն Սանչոն (7.32), ով տեղափոխվել է լոնդոնյան ակումբ «Մանչեսթեր Յունայթեդից» վարձավճարով:

Երկրորդ տեղում է «Տոտենհեմի» նոր հարձակվող Դոմինիկ Սոլանկեն (7.22): Եռյակն ավարտում է «Իպսվիչի» պաշտպան Դարա Օ’Շին (7.18):

Անգլիայի 2024/2025 մրցաշրջանի 10 լավագույն ամառային տրանսֆերները հետևյալն են.

1. Ջեյդոն Սանչո («Չելսի») – 7.32
2. Դոմինիկ Սոլանկե («Տոտենհեմ») – 7.22
3. Դարա Օ’Շի («Իպսվիչ») – 7.18
4. Իլիման Նդիայե («Էվերտոն») – 7.17
5. Մաքսանս Լակրուա («Քրիսթալ Փելաս») – 7.11
6. Ֆակունդո Բուոնանոտե («Լեսթեր») – 7.04
7. Ռիկարդո Կալաֆիորի («Արսենալ») – 6.99
8. Սավիո («Մանչեսթեր Սիթի») – 6.97
9. Նիկոլա Միլենկովիչ («Նոթինգհեմ Ֆորեսթ») – 6.91
10. Նուսայր Մազրաուի («Մանչեսթեր Յունայթեդ») – 6.89