Սպորտի կառավարման կենտրոնում ավարտվել է ծանրամարտի Հայաստանի առաջնությունը, որին, ընդհանուր առմամբ, 110 ծանրորդ է մասնակցել: Այս մասին հայտնում է ԿԳՄՍՆ-ի մամուլի ծառայությունը։

Մրցումային վերջին օրը՝ փետրվարի 15-ին, հայտնի են դարձել 94 կգ, 110 կգ և +110 կգ քաշային կարգերում Հայաստանի չեմպիոններն ու մեդալակիրները:

Տղամարդկանց +110 կգ քաշային կարգում Հայաստանի չեմպիոնի կոչմանն արժանացել է Վարազդատ Լալայանը՝ երկամարտի 440 կգ արդյունքով, արծաթե մեդալակիր է դարձել Սիմոն Մարտիրոսյանը (405 կգ), իսկ լավագույն եռյակը եզրափակել է Աշոտ Մովսիսյանը (377 կգ):

Այս քաշային կարգում հաղթողներին պարգևատրել է նաև ԿԳՄՍ նախարարի տեղակալ Հասմիկ Ավագյանը:

110 կգ քաշային կարգում չեմպիոն է դարձել Գարիկ Կարապետյանը՝ երկամարտի 380 կգ արդյունքով, իսկ 94 կգ քաշայինների պայքարում լավագույնի կոչմանն արժանացել է Արա Աղանյանը՝ երկամարտում ցույց տալով 370 կգ արդյունք:

Ավելի վաղ Հայաստանի չեմպիոններ էին դարձել 60 կգ` Գառնիկ Չոլաքյան (Երկամարտ` 272 կգ), 65 կգ` Ժորա Գրիգորյան (Երկամարտ` 254 կգ), 71 կգ` Գոռ Սահակյան (Երկամարտ` 330 կգ), 79 կգ` Մարտին Պողոսյան (Երկամարտ` 337 կգ), 88 կգ` Ռաֆիկ Հարությունյան (Երկամարտ` 350 կգ):

Հայաստանի ծանրամարտի պատանեկան և երիտասարդական հավաքականները հաջող են մեկնարկել Լեհաստանում ընթացող Մ20 և Մ23 տարեկանների Եվրոպայի առաջնությունում:

Եվրոպայի Մ20 տարեկանների առաջնությունում հաղթողի կոչմանն արժանացել է կանանց հավաքականի անդամ Ալեքսանդրա Գրիգորյանը (55 կգ)՝ երկամարտի 200 կգ արդյունքով դառնալով ոսկե մեդալակիր: Պոկում վարժությունում նա հաջող է կատարել երկու մոտեցում՝ գլխավերևում պահելով 81 և 85 կգ կշռող ծանրաձողերը, իսկ հրում վարժությունում՝ 105 և 115 կգ:

Պատանիների 55 կգ քաշային կարգում Հայաստանի ներկայացուցիչ Ժորա Գրիգորյանը ևս ոսկե մեդալ է նվաճել՝ երկամարտում ցույց տալով 233 կգ արդյունք: Պոկում վարժությունում նա երկու հաջող մոտեցմամբ բարձրացրել է 100 և 103 կգ, իսկ հրում վարժությունում՝ 126 և 130 կգ կշռող ծանրաձողերը:

Նույն քաշում հանդես եկող Հայաստանի մյուս ներկայացուցիչ Սեյրան Խուդանյանը երկամարտի 224 կգ արդյունքով 5-րդն է:

Պատանիների 61 կգ քաշային կարգում Հայաստանի մյուս ներկայացուցիչ Ռաֆիկ Մինասյանը, երկամարտում ցույց տալով 264 կգ արդյունք, դարձել է արծաթե մեդալակիր (119 + 145 կգ):

Մ23 տարեկանների Եվրոպայի առաջնությունում հաղթողի կոչմանն արժանացել է նաև 61 կգ քաշային Գառնիկ Չոլակյանը: Երկամարտում հայ ծանրորդը ցույց է տվել 275 կգ արդյունք (125+150 կգ):

Պատանիների և մինչև 23 տարեկանների ծանրամարտի Եվրոպայի առաջնությունը կանցկացվի մինչև նոյեմբերի 2-ը:

Հայաստանի ծանրամարտի պատանեկան հավաքականի կազմում առաջնությանը կմասնակցեն նաև Աննա Ամրոյանը (76 կգ), Էմմա Պողոսյանը, Ալինա Սուքիասյանը (81 կգ), Ջուլիետա Ավանեսյանը (+87 կգ), Մերուժան Եղոյանը (61 կգ), Սամվել Մարտիրոսյանը (67 կգ), Մարտին Պողոսյանը (73 կգ), Նարեկ Մկրտչյանը (81 կգ), Վալերիկ Մովսիսյանը (89 կգ), Ալեքսանդր Լազարյանը (102 կգ) և Աշոտ Մովսիսյանը (+109 կգ)։

Մինչև 23 տարեկանների մրցաշարին կմասնակցեն Միլենա Խաչատրյանը (81 կգ), Լիանա Գյուրջյանը, Մարգարիտա Առաքելյանը (87 կգ), Մերի Թումասյանը (+87 կգ), Գոռ Սահակյանը (73 կգ), Կարեն Մարգարյանը (81 կգ), Մնացական Աբրահամյանը, Սուրեն Գրիգորյանը (89 կգ), Գևորգ Ղահրամանյանը (96 կգ), Գարիկ Կարապետյանը (109 կգ), Պետրոս Պետրոսյանը, Յաշա Մինասյանը (+109 կգ)։

Ժորա Գրիգորյանը ոսկե մեդալ նվաճեց Լեհաստանում ընթացող ծանրամարտի մինչև 20 և 23 տարեկանների Եվրոպայի առաջնությունում։

55 կգ քաշայինների պայքարում Ժորա Գրիգորյանը երկամարտում գրանցել է 233 կգ արդյունք (103+130)։

61 կգ քաշայինների պայքարում Ռաֆիկ Մինասյանը դարձավ արծաթե մեդալակիր՝ երկամարտի արդյունքում գրանցելով 264 կգ և մեկ միավոր զիջելով ոսկի նվաճած մոլդովացի Իոն Բադանևին։