ժոզեպ-բարտոմեու — Armsport.am https://armsport.am Սպորտային լուրեր Wed, 10 Jun 2026 12:31:51 +0000 hy-AM hourly 1 https://wordpress.org/?v=6.8.11 https://armsport.am/wp-content/uploads/2020/08/117234954_601576137219348_199328778928507485_n.png ժոզեպ-բարտոմեու — Armsport.am https://armsport.am 32 32 Նրա հեռանալը պատմական սխալ էր․ Բարտոմեուն՝ Մեսսիի և Բարսելոնայի ֆինանսական ճգնաժամի մասին https://armsport.am/599129/ Wed, 10 Jun 2026 13:15:38 +0000 https://armsport.am/?p=599129 «Բարսելոնայի» նախկին նախագահ Ժոզեպ Բարտոմեուն 2021 թվականին Լիոնել Մեսսիի հեռանալը կատալոնական ակումբից անվանել է պատմական սխալ՝ ընդգծելով, որ թիմի ներկայիս ֆինանսական խնդիրները մասամբ պայմանավորված են արգենտինացու բացակայությամբ։ «Նա պատմության լավագույն ֆուտբոլիստն է, ով մեզ է նվիրել ակումբի պատմության լավագույն տարիները։ Երբ ես դեռ նախագահ էի, մենք նախատեսում էինք, որ նա Կատարում կայանալիք աշխարհի առաջնությունից հետո […]]]>

«Բարսելոնայի» նախկին նախագահ Ժոզեպ Բարտոմեուն 2021 թվականին Լիոնել Մեսսիի հեռանալը կատալոնական ակումբից անվանել է պատմական սխալ՝ ընդգծելով, որ թիմի ներկայիս ֆինանսական խնդիրները մասամբ պայմանավորված են արգենտինացու բացակայությամբ։

«Նա պատմության լավագույն ֆուտբոլիստն է, ով մեզ է նվիրել ակումբի պատմության լավագույն տարիները։ Երբ ես դեռ նախագահ էի, մենք նախատեսում էինք, որ նա Կատարում կայանալիք աշխարհի առաջնությունից հետո կտեղափոխվի «Ինտեր Մայամի»։ Դևիդ Բեքհեմն արդեն ժամանել էր Բարսելոնա, դա նրա համար կարևոր նպատակ էր։ Նա, ի վերջո, պայմանագիր կնքեց Լեոյի հետ, բայց, ցավոք, մենք չկարողացանք մինչև վերջ վայելել նրա խաղը «Բարսայում»»,- նշել է Բարտոմեուն։

Նախկին նախագահի խոսքով՝ Մեսսիի հեռանալը մեծ հարված էր ակումբին ոչ միայն սպորտային, այլև տնտեսական ու կոմերցիոն տեսանկյունից.

«Նրա հեռանալն ինձ պատմական սխալ թվաց։ Այն ֆինանսական խնդիրները, որոնց մենք բախվեցինք վերջին տարիներին, մասամբ կապված են նման տրամաչափի խաղացողի բացակայության հետ։ Բավական է միայն նայել ՊՍԺ-ի կամ «Ինտեր Մայամիի» ցուցանիշներին։ Նա շատ ավելին է, քան պարզապես ֆուտբոլիստ»։

Անդրադառնալով Մեսսիի հայտնի բյուրոֆաքսին, որով նա ղեկավարությունից պահանջել էր խզել պայմանագիրը, Բարտոմեուն պարզաբանել է իրավիճակը և դրա նախապատմությունը.

«Այդ քայլը կարելի էր հասկանալ համավարակի պատճառով առաջացած ճգնաժամի ֆոնին։ Ես արդեն նշել եմ, որ աշխատակիցների աշխատավարձերը նվազեցվել էին 14%-ով, ինչը ակումբին թույլ տվեց խնայել մոտ 90 միլիոն եվրո։ Օգոստոսին նրանց խնդրեցինք գնալ ևս 20% կրճատման։ Ապա տեղի ունեցավ Լիսաբոնում Մյունխենի «Բավարիայից» կրած ջախջախիչ պարտությունը (2:8), և դա իմ նախագահության վատագույն օրերից մեկն էր։

Ռոնալդ Կումանը փոփոխություններ էր ուզում, Մեսսին որոշեց հեռանալ, բայց նա գործող պայմանագիր ուներ։ Ես մերժեցի նրա խնդրանքը, քանի որ նա խիստ անհրաժեշտ էր «Բարսային»»,- եզրափակել է ակումբի նախկին ղեկավարը։

]]> Բարսան երբեք չի փորձել կաշառել մրցավարներին. Բարսելոնայի նախկին նախագահ https://armsport.am/599081/ Tue, 09 Jun 2026 17:45:11 +0000 https://armsport.am/?p=599081 «Բարսելոնայի» նախկին նախագահ Ժոզեպ Բարտոմեուն ծավալուն հարցազրույց է տվել՝ անդրադառնալով մրցավարների կաշառման սկանդալային գործին և միաժամանակ արձագանքելով իր հասցեին հնչող այն քննադատություններին, թե ինքն ակումբի պատմության վատագույն ղեկավարն է եղել։ Բարտոմեուն վստահեցրել է, որ ակումբը երբեք չի փորձել կաշառել մրցավարներին՝ նշելով, որ դրա իմաստը պարզապես չկար, քանի որ «Բարսելոնան» ուներ լավագույն թիմն աշխարհում։ «Ես այս […]]]>

«Բարսելոնայի» նախկին նախագահ Ժոզեպ Բարտոմեուն ծավալուն հարցազրույց է տվել՝ անդրադառնալով մրցավարների կաշառման սկանդալային գործին և միաժամանակ արձագանքելով իր հասցեին հնչող այն քննադատություններին, թե ինքն ակումբի պատմության վատագույն ղեկավարն է եղել։

Բարտոմեուն վստահեցրել է, որ ակումբը երբեք չի փորձել կաշառել մրցավարներին՝ նշելով, որ դրա իմաստը պարզապես չկար, քանի որ «Բարսելոնան» ուներ լավագույն թիմն աշխարհում։

«Ես այս ամենի հետ բախվել եմ 2014 թվականին՝ որպես նախագահ, և գիտեի այդ հաշվետվությունների գոյության մասին դեռ այն ժամանակ, երբ փոխնախագահ էի։ Ոչ մի մրցավար երբևէ չի ասել, որ «Բարսան» կաշառել կամ փորձել է կաշառել իրեն։ Դատարանում պահվում են Խավիեր Էնրիկեսի (Խոսե Մարիա Էնրիկես Նեգրեյրայի որդու) կազմած զեկույցներն ու տեսագրությունները։ Ծառայությունն իրականում մատուցվել է. կարելի է վիճել դրա արժեքի շուրջ, բայց փաստաթղթավորումը կա։ Ակումբի սոսիոսները կարող են հանգիստ լինել»,- ընդգծել է Բարտոմեուն։

Նախկին նախագահը նաև քննադատել է Մադրիդի «Ռեալին»՝ դատական գործընթացն իր շահերին ծառայեցնելու փորձերի համար.

«Երբեմն «Ռեալը» դատարանից պահանջում էր գործին չվերաբերող ահռելի ծավալի տեղեկատվություն՝ ակումբի ներքին գործերին, գույքային, առևտրային, տնտեսական և մարզական կառավարման մանրամասներին ծանոթանալու նպատակով։ Ես դեմ էի դրան, և դատավորն ընդունեց իմ իրավացիությունը»։

Բարտոմեուն հավելել է, որ այս գործով ինքն է գլխավոր մեղադրյալը բացառապես այն պատճառով, որ նախորդ նախագահների համար վաղեմության ժամկետն արդեն սպառվել է։

Խոսելով իրեն «Բարսելոնայի» պատմության վատագույն նախագահ անվանելու մասին՝ Բարտոմեուն նշել է, որ դա իրեն միայն զվարճացնում է, և ինքը հպարտանում է կատարված աշխատանքով.

«Իմ նախագահության 6 տարիների ընթացքում մենք նվաճել ենք 13 տիտղոս, ևս 9-ը եղել է Սանդրո Ռոսելի, իսկ մեկը՝ Ժոան Լապորտայի օրոք՝ իմ փոխնախագահ եղած ժամանակ։ Ընդհանուր առմամբ գլխավոր թիմն իմ օրոք 23 գավաթ է նվաճել, սրանով կարելի է և պետք է հպարտանալ»։

Անդրադառնալով ֆինանսական խնդիրներին՝ նա հիշեցրել է կորոնավիրուսի համավարակի կործանարար ազդեցությունը. «Մինչև պանդեմիան մենք վաստակել էինք 110 մլն եվրո, սակայն համավարակի պատճառով կորցրինք 128 մլն»։

Բացի այդ, Բարտոմեուն ընդգծել է ենթակառուցվածքների և ակադեմիայի զարգացումն իր պաշտոնավարման տարիներին.

«Մեր ակադեմիան հրաշալի էր գործում. ֆուտբոլիստները, ովքեր հիմա նորամուտներն են նշում գլխավոր թիմում, ձեռք են բերվել հենց այն ժամանակ։ Մենք կառուցեցինք Յոհան Կրոյֆի անվան մարզադաշտը և հաղթեցինք Espai Barca նախագծի հանրաքվեում: Իհարկե, եղել են սխալներ, բայց ընդհանուր հաշվեկշիռը խիստ դրական է»,- եզրափակել է նախկին ղեկավարը։

]]> Գվարդիոլա․ Բարտոմեուն մեղավոր չէ, քանի դեռ դատարանը հակառակը չի ապացուցել https://armsport.am/261629/ Wed, 03 Mar 2021 07:18:03 +0000 https://armsport.am/?p=261629 «Մանչեսթեր Սիթիի» գլխավոր մարզիչ Խոսեպ Գվարդիոլան, որն ավելի վաղ մարզում էր «Բարսելոնան», մեկնաբանել է կատալոնական ակումբի նախկին նախագահ Ժոզեպ Բարտոմեուի ձերբակալության մասին լուրն ու խոսել կապտանռնագույնների նախագահական ընտրություններից։ «Տհաչ իրավիճակ է, բայց հույս ունեմ, որ ամեն ինչ լավ կավարտվի։ Բարտոմեուն մեղավոր չէ, քանի դեռ դատարանը հակառակը չի ապացուցել։ Ինձ անհանգստացնում է այն, որ մեկ շաբաթից […]]]>

«Մանչեսթեր Սիթիի» գլխավոր մարզիչ Խոսեպ Գվարդիոլան, որն ավելի վաղ մարզում էր «Բարսելոնան», մեկնաբանել է կատալոնական ակումբի նախկին նախագահ Ժոզեպ Բարտոմեուի ձերբակալության մասին լուրն ու խոսել կապտանռնագույնների նախագահական ընտրություններից։

«Տհաչ իրավիճակ է, բայց հույս ունեմ, որ ամեն ինչ լավ կավարտվի։ Բարտոմեուն մեղավոր չէ, քանի դեռ դատարանը հակառակը չի ապացուցել։

Ինձ անհանգստացնում է այն, որ մեկ շաբաթից նոր նախագահ կունենանք։ «Բարսելոնայում» իրավիճակը բարդ է, բայց նոր մարդը պիտի քաջություն ունենա հաջորդ մի քանի տարում ակումբը գլխավորելու համար։

Վստահ եմ, որ «Բարսելոնան» կվերադառնա ավելի ուժեղ։ Նոր նախագահը պիտի վստահ ձևով ղեկավարի ակումբն ու երկրպագուներին միավորի թիմի շուրջ։ Դա ակումբը կդարձնի այնպիսին, ինչպիսին այն պիտի լինի։ Անհամբեր սպասում եմ ընտրություններին ու հույս ունեմ, որ նախագահը լավը կլինի»,- իսպանացու խոսքերն է փոխանցում Goal-ը։

]]> Կումանը՝ Բարտոմեուի շուրջ իրավիճակի մասին․ Սա վատ է ակումբի իմիջի համար https://armsport.am/261499/ Tue, 02 Mar 2021 14:38:02 +0000 https://armsport.am/?p=261499 «Բարսելոնայի» գլխավոր մարզիչ Ռոնալդ Կումանը խոսել է ակումբի նախկին նախագահ Ժոզեպ Բարտոմեուի շուրջ ստեղծված իրավիճակի մասին։ «Դա վատ է ակումբի իմիջի համար։ Մենք պետք է սպասենք ու տենսնեք, թե ինչ կլինի։ Ես այդ ընթացքում ակումբում չէի։ Մենք ոչինչ չենք կարող անել այդ ուղղությամբ, մեզ միայն պետք է կենտրոնանալ ֆուտբոլի վրա։ Երբ ես իմացա այդ մասին […]]]>

«Բարսելոնայի» գլխավոր մարզիչ Ռոնալդ Կումանը խոսել է ակումբի նախկին նախագահ Ժոզեպ Բարտոմեուի շուրջ ստեղծված իրավիճակի մասին։

«Դա վատ է ակումբի իմիջի համար։ Մենք պետք է սպասենք ու տենսնեք, թե ինչ կլինի։ Ես այդ ընթացքում ակումբում չէի։ Մենք ոչինչ չենք կարող անել այդ ուղղությամբ, մեզ միայն պետք է կենտրոնանալ ֆուտբոլի վրա։

Երբ ես իմացա այդ մասին (Բարտոմեուի ձերբակալման/խմբ․), ես ապշած էի։ Ես լավ եմ ճանաչում նրան ու Օսկար Գրաուին (ակումբի նախկին գլխավոր տնօրենին/խմբ․), ում նույնպես ձերբակալել են։

Ես ցավում եմ նրանց համար, քանի որ մենք միասին կարևոր պահեր ենք ունեցել։ Ինձ համար Բարտոմեուն միշտ եղել է բացառիկ մարդ»,-Կումանի խոսքն է մեջբերում Diario Sport-ը։

Կումանը «Բարսելոնայի» մարզիչ է նշանակվել Բարտոմեուի նախագահության ժամանակ։

]]> Բարտոմեուն պատրաստ է հրաժարական տալ, որպեսզի Մեսսին մնա Բարսելոնայում https://armsport.am/114564/ Thu, 27 Aug 2020 14:41:08 +0000 https://armsport.am/?p=114564 «Բարսելոնայի» նախագահ Ժոզեպ Բարտոմեուն պատրաստ է հրաժարական ներկայացնել, որպեսզի թիմի հարձակվող Լիոնել Մեսսին մնա թիմում։ Diario Sport-ը, հղում կատարելով կատալոնական TV3 հեռուստաալիքին, տեղեկացնում է, որ ակումբի նախագահը պատրաստ է հրաժարական ներկայացնելուն, եթե արգենտինացի ֆուտբոլիստը հրապարակայնորեն հայտարարի, որ խնդիրը Բարտոմեուի մեջ է։ Բարտոմեուն իր հերթին ցանկանում է հանդիպել Մեսսիին, որպեսզի համոզի նրան մնալ թիմում։ Ավելի վաղ […]]]>

«Բարսելոնայի» նախագահ Ժոզեպ Բարտոմեուն պատրաստ է հրաժարական ներկայացնել, որպեսզի թիմի հարձակվող Լիոնել Մեսսին մնա թիմում։

Diario Sport-ը, հղում կատարելով կատալոնական TV3 հեռուստաալիքին, տեղեկացնում է, որ ակումբի նախագահը պատրաստ է հրաժարական ներկայացնելուն, եթե արգենտինացի ֆուտբոլիստը հրապարակայնորեն հայտարարի, որ խնդիրը Բարտոմեուի մեջ է։

Բարտոմեուն իր հերթին ցանկանում է հանդիպել Մեսսիին, որպեսզի համոզի նրան մնալ թիմում։

Ավելի վաղ հայտնի էր դարձել, որ Մեսսին չի մնա թիմում, եթե անգամ Բարտոմեուն չհեռանա։

]]> Մեսսին չի մնա Բարսելոնայում, եթե անգամ Բարտոմեուն հրաժարական տա https://armsport.am/113330/ Wed, 26 Aug 2020 19:14:43 +0000 https://armsport.am/?p=113330 «Բարսելոնայի» հարձակվող Լիոնել Մեսսին ամեն գնով ցանկանում է հեռանալ «Բարսելոնայից»։ Onda Cero-ն տեղեկացնում է, որ արգենտինացի սուպերաստղը չի մնա թիմում, եթե անգամ ակումբի նախագահ Ժոզեպ Բարտոմեուն հրաժարական ներկայացնի։ «Բարսելոնայի» առաջատարի որոշումը վերջնական է։ «Ոսկե գնդակի» վեցակի դափնեկիրը չի պատրաստվում հետ քայլ կատարել։ Հիշեցնենք, որ երեկ Մեսսին ֆաքսով տեղեկացրել էր թիմին, որ ցանկանում է հեռանալ «Բարսելոնայից»։]]>

«Բարսելոնայի» հարձակվող Լիոնել Մեսսին ամեն գնով ցանկանում է հեռանալ «Բարսելոնայից»։

Onda Cero-ն տեղեկացնում է, որ արգենտինացի սուպերաստղը չի մնա թիմում, եթե անգամ ակումբի նախագահ Ժոզեպ Բարտոմեուն հրաժարական ներկայացնի։

«Բարսելոնայի» առաջատարի որոշումը վերջնական է։ «Ոսկե գնդակի» վեցակի դափնեկիրը չի պատրաստվում հետ քայլ կատարել։

Հիշեցնենք, որ երեկ Մեսսին ֆաքսով տեղեկացրել էր թիմին, որ ցանկանում է հեռանալ «Բարսելոնայից»։

]]> Բարտոմեու․ Մեսսին առաջին իսկ օրից ասում էր, որ պետք է կրճատել աշխատավարձերը https://armsport.am/51814/ Mon, 30 Mar 2020 19:34:49 +0000 https://armsport.am/?p=51814 «Բարսելոնայի» նախագահ Ժոզեպ Բարտոմեուն պատմել է, թե ինչպես է Մեսսին ընդունել աշխատավարձերի նվազեցման որոշումը կորոնավիրուսի համավարակի պատճառով։ «Մեր նպատակն է ռիսկի չդիմել։ Այնպես չէ, որ ակումբում խնդիրներ կան, ուղղակի կրճատումը անխուսափելի էր։ Մեսսին առաջին իսկ օրից, երբ մենք սկսեցինք սա քննարկել, ասում էր, որ պետք է կրճատել աշխատավարձերը։ Աշխատավարձերի նվազեցմանը համաձայնվելը նշան է, որով ֆուտբոլիստը […]]]>

«Բարսելոնայի» նախագահ Ժոզեպ Բարտոմեուն պատմել է, թե ինչպես է Մեսսին ընդունել աշխատավարձերի նվազեցման որոշումը կորոնավիրուսի համավարակի պատճառով։

«Մեր նպատակն է ռիսկի չդիմել։ Այնպես չէ, որ ակումբում խնդիրներ կան, ուղղակի կրճատումը անխուսափելի էր։

Մեսսին առաջին իսկ օրից, երբ մենք սկսեցինք սա քննարկել, ասում էր, որ պետք է կրճատել աշխատավարձերը։

Աշխատավարձերի նվազեցմանը համաձայնվելը նշան է, որով ֆուտբոլիստը ցույց է տալիս իր նվիրվածությունը ակումբի նկատմամբ։ Մենք կլինեինք անպատասխանատու ղեկավարներ, եթե չգնայինք աշխատավարձերի նվազեցման»,-Բարտոմեուի խոսքն է մեջբերում Diario Sport-ը։

]]> Աբիդալը չի հեռացվի զբաղեցրած պաշտոնից https://armsport.am/34702/ Wed, 05 Feb 2020 20:48:58 +0000 https://armsport.am/?p=34702 «Բարսելոնայի» սպորտային տնօրեն Էրիկ Աբիդալը չի լքի զբաղեցրած պաշտոնը։ Այս մասին հայտնում է Cadena SER-ը։ Կատալոնական ակումբի նախագահ Ժոզեպ Բարտոմեուի, ակումբի գլխավոր տնօրեն Օսկար Գրաուի և ֆրանսիացու հանդիպման արդյունքում որոշում է կայացվել, որ Աբիդալը շարունակելու է պաշտոնավարել։ Հանդիպման նպատակն է եղել քննարկել թիմում վերջին երկու օրերին տիրող իրավիճակը Աբիդալի հայտարարությունից հետո, որը կապված էր նախկին […]]]>

«Բարսելոնայի» սպորտային տնօրեն Էրիկ Աբիդալը չի լքի զբաղեցրած պաշտոնը։ Այս մասին հայտնում է Cadena SER-ը։

Կատալոնական ակումբի նախագահ Ժոզեպ Բարտոմեուի, ակումբի գլխավոր տնօրեն Օսկար Գրաուի և ֆրանսիացու հանդիպման արդյունքում որոշում է կայացվել, որ Աբիդալը շարունակելու է պաշտոնավարել։

Հանդիպման նպատակն է եղել քննարկել թիմում վերջին երկու օրերին տիրող իրավիճակը Աբիդալի հայտարարությունից հետո, որը կապված էր նախկին գլխավոր մարզիչ Էռնեստո Վալվերդեի հետ։

Աբիդալի հայտարարությունը դուր չէր եկել թիմի ավագ Լիոնել Մեսսիին, ով կտրուկ կերպով արձագանքել էր ակումբի սպորտային տնօրենի հայտարարությանը։

]]> Մեսսիի հետ հեռախոսազրույցից հետո Բարտոմեուն հանդիպել է Աբիդալին https://armsport.am/34699/ Wed, 05 Feb 2020 20:35:41 +0000 https://armsport.am/?p=34699 «Բարսելոնայի» նախագահ Ժոզեպ Բարտոմեուն այս րոպեներին հանդիպում է ակումբի սպորտային տնօրեն Էրիկ Աբիդալի հետ, հայտնում է Mundo Deportivo-ն։ Մինչ Աբիդալի հետ հանդիպումը կատալոնական ակումբի նախագահը հեռախոսազրույց է ունեցել թիմի ավագ Լիոնել Մեսսիի հետ։ Խոսակցության ընթացքում Բարտոմեուն փորձել է նվազեցնել Մեսսիի և Աբիդալի միջև առկա լարվածությունը։ Ավելի վաղ հայտնել էինք, որ Ժոզեպ Բարտոմեուն հեռախոսազրույց է ունեցել […]]]>

«Բարսելոնայի» նախագահ Ժոզեպ Բարտոմեուն այս րոպեներին հանդիպում է ակումբի սպորտային տնօրեն Էրիկ Աբիդալի հետ, հայտնում է Mundo Deportivo-ն։

Մինչ Աբիդալի հետ հանդիպումը կատալոնական ակումբի նախագահը հեռախոսազրույց է ունեցել թիմի ավագ Լիոնել Մեսսիի հետ։ Խոսակցության ընթացքում Բարտոմեուն փորձել է նվազեցնել Մեսսիի և Աբիդալի միջև առկա լարվածությունը։

Ավելի վաղ հայտնել էինք, որ Ժոզեպ Բարտոմեուն հեռախոսազրույց է ունեցել ակումբի սպորտային տնօրեն Էրիկ Աբիդալի և թիմի ավագ Լիոնել Մեսսիի հետ։

Հիշեցնենք, որ Էրիկ Աբիդալը հայտարարել էր, որ «Բարսելոնայի» մի շարք խաղացողներ դժգոհ են եղել Էռնեստո Վալվերդեի կատարած աշխատանքից։ Մեսսին Ինսթագրամի իր էջում արձագանքել էր Աբիդալին՝ նշելով, որ բոլորը պետք է պատասխանատվություն կրեն իրենց աշխատանքի համար։ Արգենտինացի հարձակվողը կոչ էր արել անուններ հնչեցնել։

]]> Բարտոմեուն հեռախոսազրույց է ունեցել Աբիդալի ու Մեսսիի հետ https://armsport.am/34641/ Wed, 05 Feb 2020 16:38:34 +0000 https://armsport.am/?p=34641 «Բարսելոնայի» նախագահ Ժոզեպ Բարտոմեուն փորձում է շտկել ակումբի սպորտային տնօրեն Էրիկ Աբիդալի և թիմի ավագ Լիոնել Մեսսիի միջև առկա կոնֆլիկտը։ Diario Sport-ի տեղեկություններով՝ ակումբի նախագահը, ով գտնվում է Բրյուսելում, հեռախոսազրույց է ունեցել ինչպես Աբիդալի, այնպես էլ Մեսսիի հետ՝ փորձելով շտկել առկա տարաձայնությունները։ Բարտոմեուն կարծում է, որ իրավիճակը կարելի է շտկել։ Կատալոնական ակումբի նախագահը չի ցանկանում […]]]>

«Բարսելոնայի» նախագահ Ժոզեպ Բարտոմեուն փորձում է շտկել ակումբի սպորտային տնօրեն Էրիկ Աբիդալի և թիմի ավագ Լիոնել Մեսսիի միջև առկա կոնֆլիկտը։

Diario Sport-ի տեղեկություններով՝ ակումբի նախագահը, ով գտնվում է Բրյուսելում, հեռախոսազրույց է ունեցել ինչպես Աբիդալի, այնպես էլ Մեսսիի հետ՝ փորձելով շտկել առկա տարաձայնությունները։

Բարտոմեուն կարծում է, որ իրավիճակը կարելի է շտկել։ Կատալոնական ակումբի նախագահը չի ցանկանում ծայրահեղ քայլեր կատարել։ Բարտոմեուն կարծում է, որ Աբիդալի հեռացմամբ իրավիճակը չի կարգավորվի։

Հիշեցնենք, որ երեկ Աբիդալը հարցազրույցի ժամանակ հայտարարել էր, որ «Բարսելոնայի» մի շարք խաղացողներ դժգոհ են եղել Էռնեստո Վալվերդեի աշխատանքից։ Մեսսին Ինսթագրամի իր էջում կտրուկ պատասխան էր տվել Աբիդալի հայտարարությանը։

]]>