ժերար-մորենո — Armsport.am

Պաշտոնական․ Մորենոն երկարաձգել է պայմանագիրը Վիլյառեալի հետ

Վարուժան Բաբայան — Tue, 10 Aug 2021 07:11:06 +0000

Հարձակվող Ժերար Մորենոն կշարունակի հանդես գալ «Վիլյառեալում»:

29-ամյա ֆուտբոլիստի հետ ակումբը 6 տարով երկարաձգեց պայմանագիրը: Նոր պայմանագիրը ուժի մեջ է մինչև 2027 թվականի ամառ:

Ժերար Մորենոյին «Վիլյառեալի» պատմության լավագույն ռմբարկու դառնալուն մնացել է ընդամենը մեկ գոլ: 82 գոլով նա կիսում է առաջին տեղը Ջուզեպե Ռոսսիի հետ: Իսպանացի հարձակվողն ընդհանուր առմամբ 184 հանդիպում է անցկացրել ակումբի կազմում:

Ժերար Մորենոն հանդես է գալիս «Վիլյառեալում» 2010 թվականից: 5 տարի անց նա տեղափոխվեց «Էսպանյոլ», սակայն վերադարձավ 2018 թվականին:

Մորենոն՝ ԱՊԼ-ի ու Ա Սերիայի ակումբների ուշադրության կենտրոնում

Erik — Mon, 31 May 2021 07:29:38 +0000

Իսպանական «Վիլյառեալի» հարձակվող Ժերար Մորենոն կարող է փոխել ակումբային գրանցումը, հայտնում է Calciomercato-ն:

Հարձակվողի ծառայություններով հետաքրքրված են «Վեսթ Հեմը», «Նյուքասլն» ու «Ռոման»:

2020/21 մրցաշրջանում անցկացրած 46 խաղում իսպանացի հարձակվողը դարձել է 30 գոլի ու 11 գոլային փոխանցման հեղինակ: Ավարտված մրցաշրջանում Մորենոն «դեղին սուզանավի» հետ հաղթեց ԵԼ-ի գավաթի խաղարկությունում, իսկ եզրափակչում գրավեց Դե Խեայի դարպասը:

Այս պահին Մորենոն «Վիլյառեալի» պատմության 2 լավագույն ռմբարկուներից մեկն է՝ Ջուզեպպե Ռոսսի հետ միասին:

Գործող պայմանագիրը սահմանված է մինչև 2023 թ-ի ամառ:

Marca. Զիդանն ու Լոպետեգին՝ Լա լիգայի ավարտված մրցաշրջանի լավագույն մարզիչներ

Erik — Mon, 20 Jul 2020 18:50:47 +0000

Իսպանական Marca պարբերականը հրապարակել է Լա լիգայի ավարտված մրցաշրջանի անհատական մրցանակների հաղթողներին։

Պիչիի մրցանակ (առաջնության լավագույն ռմբարկու) — Լիոնել Մեսսի («Բարսելոնա», 25 գոլ)

Սարրայի մրցանակ (առաջնության լավագույն ռմբարկու իսպանացիների շրջանում) — Ժերար Մորենո («Վիլյառեալ», 18 գոլ)

Զամոռայի մրցանակ (Լա լիգայի լավագույն դարպասապահ) — Տիբո Կուրտուա («Ռեալ Մադրիդ»)

Մունյոսի մրցանակ (Լա լիգայի լավագույն մարզիչ) — Զինեդին Զիդան («Ռեալ Մադրիդ»), Խուլեն Լոպետեգի (Սևիլիա)։