✅ Լիգա 1-ի 32-րդ տուրում ՊՍԺ-ն հյուրընկալվել էր «Ստրասբուրգին» ու խոշոր հաշվով հաղթանակ տարավ։ Խաղն ավարտվեց 1-4 հաշվով։ Սակայն Ֆրանսիայի առաջնության մրցաշարային աղյուսակը շարունակում է գլխավորել «Լիլը», որն իր հերթին հաղթել էր «Մեցին» այս տուրում (2-0) և իր ակտիվում ունի 69 միավոր։ ՊՍԺ-ն ունի 66 միավոր և երկրորդն է, իսկ ահա «Մոնակոն» ու «Լիոնը» ունեն 65 և 64 մաիվոր համապատասխանաբար։

✅ «Ռեալի» կիսապաշտպան Լուկաս Վասկեսը բաց կթողնի մրցաշրջանի մնացած հատվածը, այս մասին հայտնում է AS-ը։ Աղբյուրը նշում է, որ խաղից հետո Վասկեսի մոտ ծնկի խաչաձև կապանների պատռվածք է ախտորոշվել։ Վասկեսը վիրահատության չի ենթարկվի, բայց բուժման համար մոտ վեց ամիս կպահանջվի։

✅ ԱՊԼ 31-րդ տուրում ՄՅՈՒ-ն հյուրընկալվել էր «Տոտենհեմին» ու կամային հաղթանակ տարավ։ Խաղն ավարտվեց 1-3 հաշվով։ ՄՅՈՒ-ն 63 միավորով ԱՊԼ մրցաշարային աղյուսակի 2-րդ տեղում է, իսկ «Տոտենհեմը»՝ 49 միավորով 7-րդ։
«Վեսթ Հեմն» ընդունել էր «Լեսթերին» ու հաղթանակի հասավ 3-2 հաշվով։«Վեսթ Հեմը» 55 միավորով ԱՊԼ մրցաշարային աղյուսակի 4-րդ տեղում է, իսկ «Լեսթերը»՝ 56 միավորով 3-րդ։
«Մանչեսթեր Սիթին» ընդունել էր «Լիդս Յունայթեդին» և պարտվել 1-2 հաշվով: 92-րդ րոպեին «Լիդսը» կարողացավ հաղթանակ կորզել․ խաղում հաղթական գոլը խփեց ու դուբլի հեղինակ դարձավ Ստյուարտ Դալլասը:

✅ Բունդեսլիգայի 28-րդ տուրում «Բավարիան» ընդունել էր «Յունիոնին» ու խաղավարտին ձեռքից բաց թողեց հաղթանակը։ Հանդիպումն ավարտվեց 1-1 հաշվով։ Միաժամանակ ընթացող մյուս խաղում «Լայպցիգն» հյուրընկալվել էր «Վերդերին» ու 4-1 հաշվով հաղթանակ տարավ՝ «Բավարիայից» ունեցած միավորների տարբերությունը հասցնելով 5-ի։ «Այնտրախտի» ու «Վոլֆսբուրգի» միջև կայացած խաղում գոլային հրավառություն էր․ խաղն ավարտվեց ֆրանկֆուրտցիների հաղթանակով՝ 4-3 հաշվով։ Թիմերը Բունդեսլիգայի մրցաշարային աղյուսակում համապատասխանաբար 3-րդ և 4-րդ տեղում են։ «Բորուսիան» հյուրընկալվել էր «Շտուտգարտին» ու 3-2 հաշվով հաղթանակ տոնեց։

✅ «Շալկե-04»-ն ընդունել է «Աուգսբուրգին» և նվազագույն հաշվով հաղթանակ է տարել։ Այս հաղթանակի շնորհիվ «Շալկե-04»-ը ընդհատել է 13-խաղյա առանց հաղթանակների շարքը (10 պարտություն, 3 ոչ-ոքի)։ Ի դեպ, Բունդեսլիգայի ընթացիկ առաջնությունում սա «Շալկե-04»-ի միայն երկրորդ հաղթանակն էր։

✅ «Ինտերը» նվազագույն հաշվով հաղթել է «Կալյարիին» Իտալիայի առաջնության 30-րդ տուրի խաղում։ «Ինտերն», այսպիսով, հաղթել է Ա Սերիայի երկրորդ շրջանի բոլոր 11 խաղերը։ Անտոնիո Կոնտեի թիմը գերազանցել է «Միլանի»՝ 1989/90 մրցաշրջանում սահմանած ռեկորդը։ «Յուվենտուսն» ընդունել էր «Ջենոային» ու հաղթանակ տոնեց 3-1 հաշվով։ «Յուվենտուսը» 62 միավորով բարձրացավ 3-րդ տեղ։ «Միլանը» արտագնա խաղում 3:1 հաշվով հաղթեց «Պարմային» և 63 միավորով 2-րդն է։

✅ Իտալիայի Ա Սերիայի 30-րդ տուրում «Ռոման» սեփական հարկի տակ ընդունել է «Բոլոնիային» և նվազագույն հաշվով հաղթանակ է տարել։ Հայաստանի ազգային հավաքականի կիսապաշտպան Հենրիխ Մխիթարյանը, ապաքինվելով վնասվածքից, վերադարձել է խաղադաշտ՝ 68-րդ րոպեին փոխարինման դուրս գալով։ Այս հաղթանակից հետո հռոմեական թիմն իր միավորների թիվը հասցրել է 54-ի և շարունակում է Ա Սերիայի մրցաշարային աղյուսակի 7-րդ հորիզոնականն է զբաղեցնում։

✅ Էլ Կլասիկո․ Իսպանական Լա լիգայի 30-րդ տուրում Մադրիդի «Ռեալն» ընդունել էր «Բարսելոնային»։ Հանդիպման հաշիվն արդեն 13-րդ րոպեին գեղեցիկ հարվածով բացեց Կարիմ Բենզեման, իսկ 28-րդ րոպեին Տոնի Կրոսը տուգանայինից կատարած հարվածով կրկնապատկեց իր թիմի առավելությունը: 60-րդ րոպեին Մինգեսան կրճատեց հաշվի տարբերությունը: Այս խաղից հետո «Ռեալը» միավորների քանակը հասցրեց 66-ի ու մեկ միավորով շրջանցեց «Բարսելոնային»:

✅ Մադրիդի «Ատլետիկոն» հյուրընկալվել էր «Բետիսին» ու չկարողացավ հաղթանակ տանել։ Խաղն ավարտվեց 1-1 հաշվով։ Սիմեոնեի սաները առաջին տեղում են՝ Մադրիդի «Ռեալից» առաջ լինելով 1 միավորով։

Եվրոպայի ներքին առաջնությունները դադար են առել՝ հավաքականների խաղերով պայմանավորված, ուստի վերջին մեկ շաբաթվա ընթացքում գոլային փոխանցումների քանակով լավագույն ֆուտբոլիստների աղյուսակը չի փոխվել:

Գոլային փոխանցումների քանակով լավագույն 15 ֆուտբոլիստներից կազմված աղյուսակը գլխավորում է Թոմաս Մյուլլերը «Բավարիայից», ով Բունդեսլիգայի այս մրցաշրջանում արդեն 14 անգամ կարողացել է օգնել թիմակիցներին գրավել մրցակցի դարպասը։ Ընդհանրապես, այս ցուցակում գերմանական գրանդն ունի 4 ներկայացուցիչ։

Հատկանշկան է, որ թոփ-5 առաջնություններից Լա Լիգան և Ա Սերիան ոչ մի ներկայացուցիչ չունեն այս աղյուսակում։

1․ Թոմաս Մյուլլեր․ «Բավարիա» — 14 գոլային փոխանցում
2․ Հարի Քեյն․ «Տոտենհեմ» — 13 գոլային փոխանցում
3․ Կևին Դե Բրույնե․ «Մանչեսթեր Սիթի» — 11 գոլային փոխանցում
4-8․ Բրունո Ֆերնանդեշ․ «Մանչեսթեր Յունայթեդ» — 10 գոլային փոխանցում
4-8․ Ջեք Գրիլիշ․ «Աստոն Վիլլա» — 10 գոլային փոխանցում
4-8․ Յոնաս Հոֆման․ «Բորուսիա Մ» — 10 գոլային փոխանցում
4-8․ Յոսուա Կիմիխ․ «Բավարիա» — 10 գոլային փոխանցում
4-8․ Ֆիլիպ Կոստիչ․ «Այնտրախտ» — 10 գոլային փոխանցում
9-15․ Սոն Հին Մին․ «Տոտենհեմ» — 9 գոլային փոխանցում
9-15․ Ջոնաթան Բամբա․ «Լիլ» — 9 գոլային փոխանցում
9-15․ Մեմֆիս Դեպայ․ «Լիոն» — 9 գոլային փոխանցում
9-15․ Քինգսլի Կոման․ «Բավարիա» — 9 գոլային փոխանցում
9-15․ Լերոյ Սանե․ «Բավարիա» — 9 գոլային փոխանցում
9-15․ Դաիչի Կամադա․ «Այնտրախտ» — 9 գոլային փոխանցում
9-15․ Ջեյդոն Սանչո․ «Բորուսիա» — 9 գոլային փոխանցում

Եթե ​​մինչև հունիս ամսվա վերջ կարանտինը պահպանվի կորոնավիրուսի պատճառով, լավագույն հինգ առաջնությունների ֆուտբոլիստները կկորցնեն 28% իրենց ընդհանուր արժեքից՝ նվազելով 32,7 միլիարդ եվրոյից մինչև 23,4 միլիարդ եվրո: Այս մասին ասվում է Սպորտի հետազոտությունների միջազգային կենտրոնի (CIES) զեկույցում:

Յուրաքանչյուր խաղացողի համար արժեքի կորուստը անհատական ​​է՝ կախված նրա տարիքից, պայմանագրի ժամանակահատվածից, կարիերայի ուղուց և վերջին արդյունքներից, ինչպես նաև ավերջին ամիսներին անցկացրած խաղաժամանակից: Այսպիսով, օրինակ, «Մանչեսթեր Յունայթեդի» կիսապաշտպան Պոլ Պոգբան կարժենա ոչ թե 65 միլիոն եվրո, այլ 35 միլիոն եվրո:

Ակումբների շարքում ամենաշատ կորուստներն են կրելու «Մարսելը», որի կազմը (այստեղ և մնացած թիմերի համար հաշվի են առնվում 20 ամենաթանկարժեք խաղացողները) գինը կընկնի 37,9%-ով ՝ 256 միլիոն եվրոյից 159 միլիոն եվրո: Հաջորդը գալիս է Միլանի Ինտերը (35,7% — 773 միլիոն եվրոյից մինչև 497 միլիոն եվրո) և Վերոնան (34,3% ՝ 67 միլիոն եվրոյից մինչև 44 միլիոն եվրո):

«Բավարիայի» կազմի արժեքը կնվազի 33%-ով (809 միլիոն եվրոյից մինչև 542 միլիոն եվրո), «Ռեալինը»՝ 31,8% (1,1 միլիարդ եվրոից մինչև 750 միլիոն եվրո), ՊՍԺ-ն՝ 31,4% (961 միլիոն եվրոյից մինչև 659 եվրո), Բարսելոնան ՝ 31.3% (1,2 միլիարդ եվրոյից մինչև 804 միլիոն եվրո), «Մանչեսթեր Սիթին»՝ 30,3% (1,4 մլրդ եվրոյից մինչև 949 միլիոն եվրո): Ամբողջական ցանկը կարող եք գտնել այստեղ: