Մադրիդի «Ռեալի» գլխավոր մարզիչ Ժոզե Մոուրինյուն մտադիր չէ հունվարյան տրանսֆերային պատուհանի ժամանակ վարձավճարով բաց թողնել բրազիլացի հարձակվող Էնդրիկին։ Պորտուգալացի մասնագետը մեծ հույսեր է կապում երիտասարդ ֆուտբոլիստի հետ և վստահ է, որ նա կկարողանա հաջողության հասնել մադրիդյան ակումբում։

Ինչպես հայտնում է հայտնի ինսայդեր Ֆաբրիցիո Ռոմանոն, Մոուրինյուն կտրականապես բացառել է խաղացողի հեռանալը.

«Մոռացե՛ք այդ մասին։ Ոչ մի շանս չկա։ Ես վստահում եմ Էնդրիկին, նա այստեղ հաջողության կհասնի։ Այն ակումբները, որոնք հետաքրքրված են Էնդրիկի ծառայություններով, ստիպված կլինեն պայքարել ինձ հետ նրա տրանսֆերն իրականացնելու համար: Ես պաշտում եմ այս ֆուտբոլիստին։ Նա հսկայական ներուժ ունի և շատ կարևոր է մեզ համար»,— ընդգծել է մասնագետը։

Հավելենք, որ Էնդրիկը վերջերս է ապաքինվել վնասվածքից և մոտ էր «Վիլյառեալի» դեմ հանդիպմանը խաղադաշտ դուրս գալուն։ Մոուրինյուի խոսքով՝ հարձակվողն առաջիկայում բավարար խաղաժամանակ կստանա։

«Ռեալ Մադրիդի» հարձակվող Էնդրիկը կարող է տեղափոխվել Անգլիայի Պրեմիեր լիգա արդեն հունվարին, ըստ Football Insider-ի։

Ըստ աղբյուրի՝ «Աստոն Վիլան» հետաքրքրված է 20-ամյա բրազիլացու հետ պայմանագիր կնքելով։ Ունայ Էմերիի ակումբը պլանավորում է հարձակվողին վարձակալել ձմեռային տրանսֆերային պատուհանի ընթացքում։

Այնուամենայնիվ, «Առյուծները» միակը չեն, որ հետաքրքված են ֆուտբոլիստով։ «Տոտենհեմը» և «Մանչեսթեր Յունայթեդը» նույնպես հետաքրքրված են հարձակվողով։

Նշվում է, որ «Ռեալում» պատրաստ են քննարկել տրանսֆերային առաջարկները։ Էնդրիկի ներկայիս պայմանագիրը «Ռեալ Մադրիդի» հետ ուժի մեջ է մինչև 2030 թվականի կեսերը։

Մադրիդի «Ռեալի» բրազիլացի հարձակվող Էնդրիկը ձմեռային տրանսֆերային պատուհանի ընթացքում կարող է հեռանալ իսպանական ակումբից։

Ավելի վաղ լուրեր էին շրջանառվում, որ իտալական «Միլանը» ցանկանում է հունվարին վարձավճարով ձեռք բերել 20-ամյա ֆուտբոլիստին:

Ինչպես հաղորդում է La Gazzetta dello Sport պարբերականը, Էնդրիկը տվել է իր համաձայնությունը «Միլան» տեղափոխվելուն։ Աղբյուրի փոխանցմամբ՝ Ա սերիայի գրանդն այժմ հարձակվողի համար առաջնահերթ տարբերակ է, եթե «Ռեալի» ղեկավարությունը «կանաչ լույս» վառի տրանսֆերի համար:

Ընթացիկ մրցաշրջանում Էնդրիկն Իսպանիայի առաջնությունում մասնակցել է ընդամենը մեկ հանդիպման՝ խաղադաշտում անցկացնելով չորս րոպե։ Նրա գործող պայմանագիրը «սերուցքայինների» հետ նախատեսված է մինչև 2030 թվականը։

Մադրիդի «Ռեալի» բրազիլացի հարձակվող Էնդրիկը մոտալուտ ձմեռային տրանսֆերային պատուհանի ժամանակ կարող է փոխել ակումբային գրանցումը։

Corriere dello Sport-ի հաղորդմամբ՝ իտալական «Ռոման» լրջորեն հետաքրքրված է երիտասարդ ֆուտբոլիստի վարձակալությամբ և նրան դարձրել է հունվարյան գլխավոր տրանսֆերային նպատակը։

Նշվում է, որ հռոմեական ակումբի մարզական տնօրեն Դ’Ամիկոն բանակցություններում արդեն որոշակի առաջընթաց է գրանցել։ Ինքը՝ Էնդրիկը, և նրա հայրը կողմ են Իտալիայի մայրաքաղաք տեղափոխվելուն, որտեղ հարձակվողը կկարողանա միանալ իր հայրենակից Ուեսլիին։

Հնարավոր հեռանալու գլխավոր պատճառը խաղային պրակտիկայի խիստ պակասն է. Լա լիգայի ընթացիկ մրցաշրջանում բրազիլացին դաշտում անցկացրել է ընդամենը չորս րոպե։

«Ռեալի» ղեկավարությունն իր հերթին պատրաստ է դիտարկել վարձակալության տարբերակը՝ ֆուտբոլիստին կայուն խաղաժամանակով ապահովելու և նրա մասնագիտական աճը չկանգնեցնելու համար։

Լա Լիգայի 2026/27 մրցաշրջանի երրորդ տուրում Մադրիդի «Ռեալը» կհյուրընկալի Պրիմերա վերադարձած «Մալագային»: Ժոզե Մոուրինյուի գլխավորած թիմը վեց օրվա ընթացքում անցկացնում է իր երրորդ հանդիպումը, ինչը ենթադրում է մեկնարկային կազմի որոշակի ռոտացիա՝ չնայած վնասվածքների լուրջ խնդիրներին:

Թեև տրանսֆերային պատուհանը դեռ բաց է, Մադրիդում այն փակված են համարում, իսկ վնասվածք ունեցողների ցուցակը մնում է անփոփոխ․ Մենդի, Միլիտաո, Ասենսիո, Չուամենի, Տիագո Պիտարչ, Ռոդրիգո և Էնդրիկ։ Ստեղծված իրավիճակում հայտացուցակում են հայտնվել երիտասարդական թիմի չորս ֆուտբոլիստներ: Նախախաղային մամուլի ասուլիսի ժամանակ պորտուգալացի մասնագետն անդրադարձել է մի շարք առանցքային թեմաների.

«Ոսկե գնդակի» ու քաղաքականության մասին. «Անհատական մակարդակում դա շատ գեղեցիկ մրցանակ է, որը պետք է բաժին հասնի այնպիսի խաղացողների, որոնց կարոտում ես նրանց կարիերայի ավարտից հետո՝ Մարադոնա, Զիդան, Ռոնալդինյո, Ռոնալդո, Կրիշտիանու, Մեսսի։ Չի կարելի այն տալ պարզապես Աշխարհի առաջնությունում կամ Չեմպիոնների լիգայում հաղթելու համար։ Աշխարհի լավագույն 3-4 ֆուտբոլիստներն այստեղ են՝ «Ռեալում»։ Բայց երբ խառնվում է քաղաքականությունը, ինձ դա դուր չի գալիս. հաղթողը ՊՍԺ-ում կամ Իսպանիայի հավաքականում չէ»։

Մբապե-Վինիսիուս համագործակցության մասին. «Նրանց միջև փոխըմբռնումը շատ մեծ է։ Գլխավորը որակն է, բայց այստեղ հարցը 2 գումարած 9 չէ, հարցը տասնմեկն է։ Մենք պետք է գործենք որպես մեկ միասնական թիմ, այսպես մենք ավելի լավը կլինենք»։

Բելինգհեմի ազդեցության մասին. «Նա եզակի և տպավորիչ խաղացող է՝ շատ կարևոր թիմի համար։ Մադրիդիստները գալիս են «Բեռնաբեու»՝ տեսնելու այս տարբերվող խաղացողներին, բայց նաև ակնկալում են տեսնել, թե ինչպես է թիմը միասնական խաղում ու ոչնչացնում մրցակցին»։

Վնասվածքների և կազմի մասին. «Էնդրիկն ամենամոտն է վերադարձին, սակայն ռիսկի չենք դիմի։ Չուամենիի հարցում պետք է վերահսկել նրա՝ օր առաջ խաղալու էմոցիաները, գերադասում եմ սպասել: Կուկուրելյան մեկնարկային կազմում կլինի, իսկ եթե վառելիքը վերջանա՝ Ալվարոն պատրաստ է փոխարինել։ Դիոմանդեն, ով բարդ ամառ է ունեցել և չի մարզվել «Լայպցիգում», աստիճանաբար մարզավիճակ է հավաքում»։

Հավաքականների դադարի մասին. «Այն ինձ անհանգստացնում է, քանի որ շատ երկար է տևում։ Ինձ ավելի շատ մտահոգում են նրանք, ովքեր մեկնում են ու չեն խաղում։ Կան մարզիչներ, օրինակ՝ Անչելոտին, որոնց հետ խնդիր չկա, բայց մյուսների հետ բարդ է. հույսներս դնում ենք պրոֆեսիոնալիզմի և հարգանքի վրա»։

Մոուրինյուի համար սա 9-րդ դիմակայությունն է «Մալագայի» դեմ (6 հաղթանակ, 1 ոչ-ոքի, 1 պարտություն): Անդալուսական ակումբը վերջին անգամ «Բեռնաբեու» է այցելել 2017 թվականին, երբ Կրիշտիանու Ռոնալդուի գոլը դժվարին հաղթանակ պարգևեց մադրիդցիներին (3:2)։ Նորահայտ «Մալագան», որն առաջին տուրերում պարտվել է «Ատլետիկոյին» (0:2) և ոչ-ոքի խաղացել «Դեպորտիվոյի» հետ (1:1), այժմ կփորձի անակնկալ մատուցել Մադրիդում, մինչդեռ Մոուրինյուի թիմը նպատակ ունի ամրապնդել դիրքերը միջազգային դադարից առաջ:

Մադրիդի «Ռեալի» երիտասարդ հարձակվող Էնդրիկը մինչև ամառային տրանսֆերային պատուհանի փակվելը կարող է հեռանալ «արքայական» ակումբից։ Այս մասին հայտնում է հայտնի լրագրող Սիրո Լոպեսը։

Աղբյուրի տեղեկություններով՝ 20-ամյա բրազիլացի ֆուտբոլիստը գիտակցում է, որ ներկա պահին չափազանց դժվար կլինի կայուն տեղ գտնել «սերուցքայինների» հիմնական կազմում, ուստի լրջորեն դիտարկում է կարիերան այլ վայրում շարունակելու հնարավորությունը։

Երիտասարդ հարձակվողի ծառայություններով ակտիվորեն հետաքրքրված են ֆրանսիական «Լիոնն» ու Անգլիայի Պրեմիեր լիգան ներկայացնող մի շարք ակումբներ։ Միևնույն ժամանակ, ավելի վաղ տեղեկություններ էին շրջանառվում այն մասին, որ մադրիդցիների գլծավոր մարզիչ Ժոզե Մոուրինյուն ցանկանում է պահել Էնդրիկին թիմում։

Հեղինակավոր Transfermarkt պորտալի տվյալներով՝ բրազիլացի ֆուտբոլիստի տրանսֆերային արժեքը գնահատվում է 40 միլիոն եվրո։

Մադրիդի «Ռեալի» և Բրազիլիայի ազգային հավաքականի հարձակվող Էնդրիկը ընթացիկ ամառային տրանսֆերային պատուհանի ժամանակ չի հեռանա «արքայական» ակումբից։ Այս մասին X-ի իր էջում հայտնում է հայտնի ինսայդեր Ֆաբրիցիո Ռոմանոն։

Աղբյուրի համաձայն՝ մադրիդյան ակումբի ղեկավարությունը և թիմի գլխավոր մարզիչ Ժոզե Մոուրինյուն միաձայն որոշում են կայացրել պահել 20-ամյա բրազիլացուն և նրան խաղաժամանակ տրամադրել 2026/2027 մրցաշրջանում։

Պորտուգալացի մասնագետը հավատում է երիտասարդ հարձակվողին և ցանկանում է, որ նա թիմում մնա առնվազն մինչև հունվար։ Իր մասին որոշման վերաբերյալ ակումբն արդեն տեղեկացրել է անձամբ ֆուտբոլիստին և նրա ներկայացուցիչներին: Նոր մրցաշրջանում Էնդրիկը հանդես կգա 9 համարի մարզաշապիկով։

Հիշեցնենք, որ նախորդ մրցաշրջանի առաջին հատվածում Էնդրիկը չէր կարողանում տեղ զբաղեցնել «Ռեալի» հիմնական կազմում, ինչի պատճառով 2025/2026 մրցաշրջանի երկրորդ կեսը վարձավճարով անցկացրեց ֆրանսիական «Լիոնում»։

Այնտեղ բրազիլացին կարողացավ լավագույնս դրսևորել իրեն՝ բոլոր մրցաշարերում անցկացրած 21 խաղում դառնալով 8 գոլի և 8 գոլային փոխանցման հեղինակ։ Ֆրանսիայում ցուցադրած վստահ խաղի շնորհիվ նա համոզեց Կառլո Անչելոտիին վերադարձնել իրեն Բրազիլիայի ազգային հավաքական։

Էնդրիկի գործող պայմանագիրը «Ռեալի» հետ նախատեսված է մինչև 2030 թվականի ամառ։ Transfermarkt հեղինակավոր պորտալը ֆուտբոլիստի տրանսֆերային արժեքը գնահատում է 40 միլիոն եվրո։

Մադրիդի «Ռեալի» բրազիլացի հարձակվող Էնդրիկը կհեռանա ակումբից կոտդիվուարցի Յան Դիոմանդեի՝ «Լայպցիգից» իրականացրած տրանսֆերից հետո։ Այս մասին հայտնում է ինսայդեր Ռամոն Ալվարես դե Մոնը։

Աղբյուրի տեղեկություններով՝ ֆուտբոլիստի գործակալներն արդեն զբաղվում են Անգլիայի Պրեմիեր լիգայում իրենց հաճախորդի համար նոր թիմ փնտրելով։

Նշվում է, որ բրազիլացին ակումբից կհեռանա վարձակալական հիմունքներով։ «Ռեալում» համաձայնել են ժամանակավորապես բաժանվել ֆուտբոլիստից և նրան թույլ տալ տեղափոխվել Անգլիա։

ԶԼՄ-ների համաձայն՝ Յան Դիոմանդեի՝ «Ռեալ» տեղափոխության արժեքը կազմել է 125 միլիոն եվրո, սակայն որոշակի պայմանների իրագործման և բոնուսների դեպքում գործարքը «սերուցքայինների» համար կարող է արժենալ մինչև 140 միլիոն եվրո։

Հիշեցնենք, որ Էնդրիկը նախորդ մրցաշրջանի երկրորդ հատվածը վարձակալության իրավունքով անցկացրել է ֆրանսիական «Լիոնում»։

«Ռոման» ցանկանում է պայմանագիր կնքել «Ռեալ Մադրիդի» հարձակվող Հենդրիկի հետ։ Ակումբը ցանկանում է բրազիլացուն վարձակալել՝ ամբողջական տրանսֆերը գնելու հնարավորությամբ։

La Gazzetta dello Sport-ի տվյալներով՝ «Ռոմայի» մարզական տնօրեն Թոնի Դ’Ամիկոն մեկնել է Մադրիդ՝ տրանսֆերի համար բանակցելու համար։

«Ռեալ Մադրիդը» ներկայումս մտադիր չէ բաժանվել Էնդրիկից, բայց «Ռոման» 20-ամյա ֆուտբոլիստին համարում է առաջնահերթ նպատակ։

Նախկինում հաղորդվել էր, որ ֆուտբոլիստը հեռանալու ծրագրեր չունի, քանի որ ցանկանում է ամրապնդվել մադրիդյան թիմի կազմում։

Մադրիդի «Ռեալի» հարձակվող Էնդրիկը լրջորեն անցել է գործի։ Ինչպես հաղորդում է իսպանական Marca պարբերականը, երիտասարդ բրազիլացին վճռականորեն է տրամադրված համոզելու թիմի գլխավոր մարզիչ Ժոզե Մոուրինյուին, որ ինքը կարող է առանցքային խաղացող դառնալ, այլ ոչ թե պարզապես երրորդ ընտրությունը լինել «իննյակի» դիրքում։

Նախօրեին «արքայական» ակումբն ընկերական հանդիպում է անցկացրել իտալական «Ֆիորենտինայի» հետ, որն ավարտվել է մարտական՝ 2:2 հաշվով։ Խփված գոլերից մեկի հեղինակ է դարձել հենց Էնդրիկը՝ հաստատելով իր լավ մարզավիճակը։

Նշենք, որ 20-ամյա հարձակվողը նախորդ մրցաշրջանի երկրորդ հատվածը վարձավճարային հիմունքներով անցկացրել է ֆրանսիական «Լիոնում»։ Վերադարձից հետո բրազիլացին տրամադրված է ամրապնդել իր դիրքերը մադրիդյան թիմում և հիմնական կազմում հաստատվելու լուրջ հայտ ներկայացնել։

Հեղինակավոր Transfermarkt պորտալը Էնդրիկի տրանսֆերային արժեքը ներկայումս գնահատում է 40 միլիոն եվրո։