Վաղը՝ մարտի 24-ին մեկնարկու է Եվրոպայի երիտասարդական առաջնությունը։ Մրցաշարը կանցկացվի Հունգարիայում և Սլովենիայում։

Հատկանշական է, որ մրցաշարի խմբային փուլը կանցկացվի մարտ ամսին, իսկ ահա փլեյ-օֆֆ փուլը (1/4-ից սկսած), կանցկացվի մայիսի 31-ից, իսկ եզրափակիչը կկայանա հունիսի 6-ին։

Եվրոպայի երիտասարդական առաջնությանը մասնակցում են 16 հավաքականներ։

A խումբ

1․ Ռումինիա
2․ Գերմանիա
3․ Հունգարիա
4․ Նիդերլանդներ

B խումբ

1․ Չեխիա
2․ Իտալիա
3․ Սլովենիա
4․ Իսպանիա

C խումբ

1․ Դանիա
2․ Ֆրանսիա
3․ Իսլանդիա
4․ Ռուսաստան

D խումբ

1․ Խորվաթիա
2․ Անգլիա
3․ Պորտուգալիա
4․ Շվեյցարիա

Նշենք, որ Ռուսաստանի երիտասարդական հավաքականի մարզչական շտաբը, որը գլխավորում է Միխայիլ Գալակտիոնովը, որոշել է ազգային թիմի կազմը Եվրոպայի առաջնության համար: Հավաքականի կազմում ընդգրկվել են նաև հայազգի երկու ֆուտբոլիտներ՝ Նաիր Տիկնիզյանը ԲԿՄԱ-ից և Արսեն Զախարյանը Մոսկվայի «Դինամոյից»: Հավաքականի հայտացուցակն՝ այստեղ։

Մրցաշարին կմասնակցեն բազմաթիվ երիտասարդ տաղանդավոր ֆուտբոլիստներից, որոնից ոմանք արդեն քաջ ծանոթ են ֆուտբոլասերներին․

Անգլիա— Մեյսոն Գրինվուդ, Նկետիա, Քալում Հադսոն-Օդոի, Աարոն Ռամսդեյլ, Ռայան Սեսենյոն, Մաքս Աարոնս, Բեն Գոդֆրեյ, Թոմ Դևիս

Ֆրանսիա— Քդուարդո Կամավինգա, Ալբան Լաֆոնտ, Բուբակար Կամարա, Ժուլես Կունդե, Մաթեո Գենդուզի, Ջոնաթհան Իկոնե, Օդսոն Էդուար, Ամինե Գոուրի

Իտալիա- Ջանլուկա Ֆրաբոտա, Սանդրո Տոնալի, Պատրիկ Կուտրոնե, Մատեո Գաբբիա

Գերմանիա— Յուսուֆ Մոուկուկո, Մերգիմ Բերիշա, Արնե Մայեր, Մարկուս Շուբերտ

Պորտուգալիա- Ֆրանցիսկո Տրինկաո, Դիեգո Դալոտ, Թիերի Կորրեա, Գեդսոն Ֆերնանդեշ, Ֆաբիո Վիեյրա, Դանի Կարվալյո, Դիեգո Լեյտե

Իսպանիա- Մարկ Կուկուրելլա, Ռիկի Պուչ, Ֆրան Բելտրան, Գոնսալո Վիլլար

Նիդերլանդներ- Սվեն Բոտման, Ջավայրո Դիրլոսուն, Մայրոն Բոադյու, Ջասթին Կլյուվերտ, Դանի դե Վիտ, Տեուն Կուպեյնմեյներս, Պեր Սխարս, Դեովայսո Զեֆույկ

ՈՒԵՖԱ-ի գործադիր կոմիտեն կորոնավիրուսի համաճարակի պատճառով որոշում է կայացրել չեղարկել Եվրոպայի 2021 թվականի առաջնությունը (Մ -19): Այս մասին հայտնում է կազմակերպության մամուլի ծառայությունը:

Տղամարդկանց մրցաշարից բացի, չեղյալ հայտարարվեց կանանց Եվրոն: Բացատրելով այս որոշման պատճառները ՝ ՈւԵՖԱ-ն նշել է, որ ներկա պայմաններում շատ դժվար կլինի ապահովել թիմերի տեղաշարժը և մրցաշարերի անցկացումը:

Մինչև 19 տարեկան պատանիների Եվրոպայի առաջնությունը պետք է անցկացվեր Ռումինիայում `հունիսի 30-ից հուլիսի 13-ը, իսկ աղջիկներինը` Բելառուսում `հուլիսի 21-ից օգոստոսի 2-ը:

Նոյեմբերի 15-ին Լարնակայում կկայանա Մ-21 ԵՎՐՈ 2021 որակավորման խմբային փուլի Կիպրոս Մ-21-Նորվեգիա Մ-21 հանդիպումը։

Խաղը կսպասարկի հայ մրցավարների բրիգադը՝ Սուրեն Բալիյանի գլխավորությամբ։Այս մասին տեղեկացնում է ՀՖՖ-ի պաշտոնական կայքէջը:

Բալիյաին կօգնեն Վանիկ Սիմոնյանը և Ատոմ Սևգուլյանը։ Հանդիպման չորրորդ մրցավարն է Զավեն Հովհաննիսյանը։

Մ21 տարեկանների Եվրոպայի 2021 թվականի առաջնության ընտրական փուլի 4-րդ տուրում Հայաստանի երիտասարդական հավաքականն Ավանի ակադեմիայի մարզադաշտում կընդունի Իտալիայի իր հասակակիցներին ու դաշտ դուրս կգա հետևյալ կազմով․

Հայաստանի Մ21 հավաքական․ 1.Սևակ Ասլանյան, 5.Էդգար Գրիգորյան, 2.Արթուր Դանիելյան, 4.Ալբերտ Խաչումյան, 22.Արմեն Մկրտչյան, 8.Հովհաննես Հարությունյան, 20. Ռուդիկ Մկրտչյան, 10.Արմեն Նահապետյան, 7.Կարեն Մելքոնյան, 11.Վահան Բիչախչյան, 9.Արմեն Հովհաննիսյան

Պահեստայիններ․ Գրիգորյան, Նազարյան, Վարդանյան, Ղուբասարյան, Միսակյան, Սադոյան, Խամոյան, Մովսեսյան, Ասիլյան

Գլխավոր մարզիչ՝ Անտոնիո Ֆլորես։

Հանդիպումը կմեկնարկի ժամը 20։30-ին և ուղիղ հեռարձակմամբ կցուցադրվի Արմենիա TV-ի եթերում։

Հայաստանի երիտասարդական հավաքականին այսօր լուրջ փորձություն է սպասվում. Եվրո-2021-ի ընտրական փուլի 4-րդ տուրում մեր Մ21 հավաքականի ֆուտբոլիստներն Ավանի ակադեմիայի մարզադաշտում կընդունեն հզոր Իտալիային ու կանեն ամեն ինչ՝ օրեր առաջ Գյումրիում գրանցած հաջողությունը կրկնելու համար:

Գյումրիում, իհարկե, խաղում էինք խմբի հետնապահի՝ Լյուքսեմբուրգի հետ, որին միայն 2-0 հաշվով կարողացանք հաղթել՝ Ռուդիկ Մկրտչյանի ու Արթուր Դանիելյանի գեղեցիկ գոլերի շնորհիվ, խաղավարտին էլ դարպասապահ Սևակ Ասլանյանի փայլուն սեյվի շնորհիվ խուսափեցինք ամբողջ երկրորդ կեսը 10 հոգով անցկացրած մրցակցից գոլ ընդունելուց:

Այդուհանդերձ, առաջին հաղթանակն ու առաջին միավորները Անտոնիո Ֆլորեսի թիմին վստահություն ու բարձր տրամադրություն կհաղորդեն իտալացիների հետ խաղից առաջ: Սակայն իտալացիներն էլ օրերս մեր խմբի առաջատար Իռլանդիայի Մ21 հավաքականի հետ Դուբլինում գոլազուրկ ոչ-ոքիից հետո, երևանյան խաղին, միանշանակ, միտված կլինեն գոլ խփելու ու 3 միավոր վաստակելու:

Իտալիայի Մ21 հավաքականը, որը Եվրո-2021-ի այս ընտրական փուլում դեռ 2 խաղ է անցկացրել (առաջին խաղում 5:0 հաշվով հաղթել է Լյուքսեմբուրգի Մ21 հավաքականին), որոշ կադրային խնդիրներով է մոտենում առաջիկա հանդիպմանը:

Պաոլո Նիկոլատոն այսօրվա խաղում չի կարողանա հույս դնել «Էվերթոնի» հարձակվող Մոյզե Քինի վրա, որն իռլանդացիների հետ խաղում ստացած կարմիր քարտի պատճառով որակազրկվել է:

Այդուհանդերձ, իտալացիների գլխավոր մարզիչը հարձակման գծում այլ տարբերակներ ևս ունի ի դեմս «Վուլվերհեմփթոնի» հարձակվող Պատրիկ Կուտրոնեի, «Ջենոայի» հարձակվող Անդրեա Պինամոնտիի, «Ասկոլլիի» հարձակվող Ջանլուկա Սկամակայի և «Ֆիորենտինայի» հարձակվող Ռիկարդո Սոտիլի, ովքեր կարող են լուրջ խնդիրներ ստեղծել մեր պաշտպանների համար:

Իտալական «Բրեշիայի» կիսապաշտպան Սանդրո Տոնալին էլ վերջին պահին հրավեր է ստացել երկրի Ազգային թիմից, իսկ պաշտպան Ռիկարդո Մարկիզան վնասվածք է ստացել:

«Ամենայն հավանականությամբ, այլ փոփոխություններ ևս կլինեն: Մենք պետք է գնահատենք իրավիճակն, իսկ կազմի վերաբերյալ վերջնական որոշում կկայանացնենք վերջին պահին»,- ասել է Նիկոլատոն:

Մարզիչը, սակայն, նշել է, որ խաղային 4-3-3 մարտավարությունը կմնա անփոփոխ.

«Մենք մեր ճամփորդության սկզբում ենք ու պետք է աշխատենք այս ուղղությամբ: Լավ աշխատանք կատարելու համար ժամանակ է անհրաժեշտ: Պետք է հանգստություն պահպանենք ու հաշվի առնենք, որ յուրաքանչյուր խաղ իր առանձին պատմությունն ունի: Ավարտում ենք 10-օրյա մեր դժվարին հավաքը՝ լի ճամփորդությամբ ու եղանակային փոփոխություններով, ինչը որոշակի խնդիրներ առաջացրել է: Մենք հույս ունենք վաղը լավ խաղալ, ցանկանում ենք անել դա»,- մարզչի խոսքերն է փոխանցում Իտալիայի ֆուտբոլի ֆեդերացիայի պաշտոնական կայքը:

Մարզիչն ընդգծել է նաև, որ Հայաստանի Մ21 հավաքականի հետ խաղում իրենք դժվարություններ են ակնկալում.

«Նրանք էներգիայով լի են, բավականին բարդ մրցակից, ու գիտենք, որ այսօր դժվարություններ ենք ունենալու: Պետք է պատրաստ լինենք, սպասենք խնդիրների ու պատրաստ լինենք լուծումներ գտնելու»,- ասել է Նիկոլատոն:

Երեկ առավոտյան Իտալիայի Մ21 հավաքականի ֆուտբոլիստները մարզում են անցկացրել Ավանի ակադեմիայի մարզադաշտում: Մեր մրցակցի ամբողջական հայտացուցակն այս տեսքն ունի՝

Դարպասապահներ. Մարկո Կարնեսեկի («Տրապանի»), Մաթիա Դել Ֆավերո («Պիաչենցա»), Ալեսանդրո Պլիցարի («Լիվորնո»),

Պաշտպաններ. Կլաուդ Աջաբոնգ («Վերոնա»), Ալեսանդրո Բաստոնի  («Ինտեր»), Դավիդե Բետելա («Պեսկարա»), Էնրիկո Դելպրատո  («Լիվորնո»), Մաթեո Գաբիա («Միլան»), Լուկա Պելեգրինի («Կալյարի»), Լուկա Ռանիերի («Ֆիորենտինա»), Մարկո Սալա («Վիրտուս Էնտելա»),

Կիսապաշտպաններ. Մարկո Կարարո («Պերուջա»), Դավիդե Ֆրատեսի («Էմպոլի»), Մանուել Լոկատելի («Սասուոլո»), Ջուլիո Մաջորե («Սպեցիա»), Ֆաբիո Մայիստրո («Սալերնիտանա»), Նիկոլո Զանելատո («Կրոտոնե»),

Հարձակվողներ. Պատրիկ Կուտրոնե («Վուլվերհեմփթոն»), Անդրեա Պինամոնտի («Ջենոա»), Ջանլուկա Սկամակա («Ասկոլի»), Ռիկարդո Սոտիլ («Ֆիորենտինա»):

Լյուքսեմբուրգի Մ21 հավաքականի նկատմամբ տոնած հաղթանակից ու առաջին միավորները վաստակելուց հետո բարձր տրամադրությամբ նախախաղային մարզում են անցկացրել նաև Հայաստանի Մ21 հավաքականի ֆուտբոլիստները:

Վստահ ենք՝ Վահան Բիչախչյանն ու ընկերներն ամեն ինչ կանեն արժանապատիվ խաղ ցուցադրելու և հաջողության հասնելու համար՝ կարևորագույն քայլ կատարելով հայկական ֆուտբոլային երազանքի իրականացման ճանապարհին:

A խմբի մրցաշարային աղյուսակում Հայաստանի Մ21 հավաքականն այս պահին 5-րդն է՝ 3 խաղից հետո վաստակած 3 միավորով: Իտալացիները, որոնք դեռ 2 հանդիպում են անցկացրել, 4 միավոր ունեն իրենց ակտիվում ու գտնվում են 3-րդ տեղում:

Իտալիայի Մ21 հավաքականի հետ մեր ընտրանին կմրցի Ավանի ակադեմիայի մարզադաշտում: Խաղը կմեկնարկի ժամը 20:30-ին, իսկ մուտքն արժե 1000 դրամ: Տոմսերը կարելի է ձեռք բերել Ավանի ակադեմիայի տոմսարկղից: Հանդիպումն ուղիղ հեռարձակմամբ կցուցադրվի Armenia TV-ի եթերում:

Հայաստանի Երիտասարդական հավաքականն առաջին հաղթանակը տարավ Մ-21 Եվրոպայի 2021 թվականի առաջնության ընտրական փուլում՝ 2:0 հաշվով առավելության հասնելով Լյուքսեմբուրգի ընտրանու նկատմամբ:

Հանդիպումը կայացավ Գյումրիի Քաղաքային մարզադաշտում: Խաղի հաշիվը 56-րդ րոպեին րոպեին բացեց Ռուդիկ Մկրտչյանը, իսկ 86-րդ րոպեին այն կրկնապատկեց Արթուր Դանիելյանը:

Հանդիպման հիմնական ժամանակի ավելացված վերջին րոպեին 11-մետրանոց նշանակվեց Հայաստանի հավաքականի դարպասին: Այստեղ հրաշալի գործեց Սևակ Ասլանյանը՝ ապահովելով մեր թիմի «չոր» հաշվով հաղթանակը:

ՀՖՖ-ի մամուլի քարտուղարությունը տեսանյութ է հրապարակել՝ ցույց տալով մեր ընտրանու հանդերձարանը հաղթական խաղից հետո:

Գյումրու «Քաղաքային» մարզադաշտում Հայաստանի երիտասարդական հավաքականը Եվրո-2021-ի ընտրական փուլի շրջանակում ընդունել է Լյուքսեմբուրգի հասակակիցների հավաքականին: Հանդիպման առաջին խաղակեսում գոլեր չխփվեցին:

Մեր ընտրանին բավականին ակտիվ էր գործում, շատ հաճախ էր հայտնվում մրցակցի տուգանային հրապարակում, սակայն վերջին հարվածը մերոնց մոտ այդպես էլ չէր ստացվում:

Խաղավարտին Արմեն Հովհաննիսյանը կարողացավ շրջանցել մրցակցի պաշտպանին ու մեն-մենակ մնալ Լյուքսեմբուրգի դարպասապահի հետ: Առաջ նետված Տիմ Կիպսը խախտեց կանոնները Հովհաննիսյանի նկատմամբ ու երկուսն էլ հայտնվեցին խոտածածկին: Բուժօգնություն ստանալուց հետո Հովհաննիսյանը վերադարձավ խաղի մեջ, իսկ Կիպսը կարմիր քարտ ստացավ՝ թիմին թողնելով 10 հոգով:

Այդ դրվագի համար Հայաստանի հավաքականը տուգանայինի հնարավորություն ստացավ, սակայն շատ անհաջող իրացրեց հարվածը:

Առաջին խաղակեսի վերջին րոպեին 10 հոգով մնացած Լյուքսեմբուրգը մոտ էր մերոնց դարպասը գրավելուն. փրկեց հորիզոնական դարպասաձողը: