Կապան համայնքի ղեկավար Գևորգ Փարսյանը երեկ՝ սեպտեմբերի 3-ին, ընդունել է Հայաստանի աթլետիկայի հավաքականի առաջատար եռացատկորդ, կապանցի Լևոն Աղասյանին, ով վերջերս Տոկիոյում մասնակցել է 32–րդ ամառային Օլիմպիական խաղերին։ Այս մասին տեղեկանում ենք Կապանի համայնքապետարանի ֆեյսբուքյան պաշտոնական էջից։

Աղասյանը շնորհակալություն է հայտնել ընդունելության համար, խոսել իր մրցելույթից, սպասելիքներից, արդյունքներից և Օլիմպիական խաղերից ստացած տպավորություններից:

Համայնքի ղեկավարն իր հերթին շնորհավորել է մարզիկին Օլիմպիական խաղերին մասնակցելու համար և հպարտությամբ շեշտել, որ արդեն իսկ մեծ հաջողություն է երիտասարդ տարիքում Օլիպիական խաղերի ուղեգիր նվաճելը և Կապանը ներկայացնող եզակի մարզիկը լինելը։ Միաժամանակ ընդգծել է, որ երիտասարդության տարիները լավագույն ժամանակահատվածն են բարձր նվաճումների հասնելու համար և պետք է այդ տարիները արդյունավետ օգտագործել։Նա նաև հույս է հայտնել, որ Աղասյանը քրտնաջան մարզումների արդյունքում կփորձի իր ծննդավայրի պատիվը բարձր պահել միջազգային այլ հեղինակավոր մրցաշարերում։

Հանդիպման ավարտին համայնքի ղեկավարը մեկ անգամ ևս վստահեցրել է, որ իր ուժերի ներածին չափով պատրաստակամ է ըստ ամենայնի աջակցելու նրան՝ նորանոր հաջողություններ ապահովելու հաստատակամությամբ։

Գևորգ Փարսյանի կողմից Լևոն Աղասյանը արժանացել է թանկարժեք նվերի, ու նաև նրա որոշմամբ՝ Աղասյանին համայնքի բյուջեից տրամադրվող ամսական սպորտային նպաստը 100 հազար ՀՀ դրամից դարձել է 200 հազար ՀՀ դրամ։

Եռացատկորդ Լևոն Աղասյանն այսօր առավոտյան մեկնել է Տոկիո՝ մասնակցելով 32-րդ ամառային Օլիմպիական խաղերին:

Մարզիկը լուսանկար է հրապարակել Instagram-ի Storys բաժնում:

Հիշեցնենք՝ Աղասյանը Տոկիո-2020-ում պայքարի դուրս կգա օգոստոսի 3-ին. նա մեդալի համար կպայքարի եռացատկում, մրցումը կմեկնարկի 04:00-ին:

Լևոնը ՀՀ բազմակի չեմպիոն է, Բալկանյան երկրների առաջնությունների վեցակի ոսկե մեդալակիր, Եվրոպայի մինչև 20 տարեկանների չեմպիոն:

Հայաստանի առաջատար եռացատկորդ Լևոն Աղասյանը 5-րդ տեղն է զբաղեցրել լեհական Տորուն քաղաքում ընթացող թեթև աթլետիկայի Եվրոպայի 2021 թվականի առաջնությունում:

Աղասյանը ցույց է տվել 16,55 մ. արդյունք:

«5-րդը Եվրոպայում … Այն արդյունքը չէր, որ ցանկանում էի, բայց ամեն դեպքում մրցաշրջանի առաջին մրցման համար լավ էր: Ինձ ուժեղ և մոտիվացված եմ զգում ամառվա համար»,- գրել է Աղասյանը ֆեյսբուքի իր էջում:

Ոսկե մեդալը նվաճել է կուբացի Պեդրո Պաբլո Պիկարդոն, որը ներկայացնում է Պորտուգալիան: Նա գերազանցել է բոլոր մրցակցիներին՝ ցատկելով 17,30 մ.: Երկրորդ տեղը զբաղեցրել է Ադրբեջանի ներկայացուցիչ, ազգությամբ կուբացի Ալեքսսիս Կոպելոն՝ 17,04 մ. արդյունքով, իսկ եռյակը եզրափակել է Գերմանիայի ներկայացուցիչ Մաքս Հեբը՝ 17,01 մ. արդյունքով:

Վենեսուելացի մարզիկ Յուլիմար Ռոխասը Մադրիդում անցկացվող մրցաշարում եռացատկում սահմանեց նոր համաշխարհային ռեկորդ:

24-ամյա Ռոխասը ցատկեց 15 մետր և 43 սանտիմետր:

Making 15.43m look easy.

Yulimar Rojas in full flow on her way to breaking the triple jump world indoor record🤩

pic.twitter.com/jlTu0KH5eY

— World Athletics (@WorldAthletics) February 21, 2020

Նախորդ նվաճումը պատկանում էր ռուսաստանցի Տատյանա Լեբեդևային, ով 2004-ի մարտի 6-ին Բուդապեշտում կայացած աշխարհի առաջնությունում իր ռեկորդը սահմանեց՝ 15,36 մետր:

Ռոխասը իր կարիերայի ընթացքում դարձել է 2016 թվականի Օլիմպիական խաղերի արծաթե մեդալակիր և երկու անգամ նվաճել Աշխարհի գավաթը:

Ստամբուլում անցկացված  Բալկանյան երկրների աթլետիկայի ձմեռային  առաջնության 261 մասնակիցների թվում էին նաև Հայաստանի 16  ներկայացուցիչներ:

Լավ արդյունքներով աչքի ընկան և մրցանակակիր դարձան Լևոն Աղասյանը և Ալեքս Դոնիկյանը: Եռացատկորդների պայքարում կապանցի Լ.Աղասյանը ցույց տվեց 16 մ. 44 սմ. արդյունք  և գրավեց երկրորդ տեղը:

Նույն մրցաձևի կանանց մրցումներում  դժգոհելու տեղիք չտվեց նաև երևանցի  Յանա Աբրահամյանը: Նրա ցույց տված չորրորդ արդյունքը  / 13մ. 06 սմ . /, որը հանրապետական նոր ռեկորդ է:

60մ. արագավազքում /  8,15վրկ /  լավագույն եռյակը  եզրափակեց  և պատվո պատվանդանի երրորդ աստիճանին կանգնեց Հայաստանի դրոշի ներքո հանդես եկած, ամերիկահայ Ալեքս Դոնիկյանը:

Իր հաշվին անձնական նոր ռեկորդ գրանցեց  / 7. 47 մ. / երևանցի հեռացատկորդ Արտակ Համաբարձումյանը,  որը զբաղեցրեց հինգերորդ պատվավոր տեղը: