ենիսեյ — Armsport.am

Ուրարտուի նախկին ֆուտբոլիստը նոր ակումբ ունի

Նարե Հովհաննիսյան — Sun, 23 Feb 2025 09:30:57 +0000

«Ենիսեյը» հայտարարել է հարձակվող Ալեքսանդր Դոլգովի հետ պայմանագիր կնքելու մասին, որն ակումբին միացել է ազատ գործակալի կարգավիճակով։ Այս մասին հայտնում է Կրասնոյարսկը ներկայացնող թիմի մամուլի ծառայությունը։

Պայմանագիրը նախատեսված է մինչև 2024/2025 մրցաշրջանի ավարտը։

Դոլգովը Մոսկվայի «Լոկոմոտիվի» սան է։ 26-ամյա հարձակվողի վերջին ակումբը եղել է հայկական «Ուրարտուն», որտեղից նա հեռացել է 2024 թվականի հուլիսին։

Ավելի վաղ ֆուտբոլիստը հայտնել էր, որ չնայած «Ուրարտուի» խոստումներին՝ ծնկի խաչաձև կապանների վիրահատության և վերականգնման ողջ գործընթացը կազմակերպել և ֆինանսավորել է ինքնուրույն։

Խոստացան օգնել, բայց վիրահատությանս ծախսերը հոգացի ես. Դոլգովը` Ուրարտուից հեռանալու մասին

Transfermarkt ինտերնետային պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 250 հազար եվրո։

Սարկիսովի նախկին թիմը տուգանվել է՝ անբավարար արդյունքների համար

Նարե Հովհաննիսյան — Wed, 25 Aug 2021 11:39:47 +0000

Կրասնոյարսկի երկրամասի սպորտի նախարարությունը որոշել է տուգանել «Ենիսեյ» ֆուտբոլային ակումբին՝ ՖԱԼ-ի 2019/2020 մրցաշրջանում գրանցած անբավարար արդյունքների համար։ Այս մասին հայտնում է Sibnonosti.ru-ն։

Աղբյուրի փոխանցմամբ, ակումբը զբաղեցրել է 14-րդ հորիզոնականը, չնայած թիմի առջև վեցնյակում հայտնվելու խնդիր էր դրվել։ Նշվում է, որ սպորտի նախարարությունը «Ենիսեյին» տուգանել է 7,5 մլն ռուբլիով։

Ֆուտբոլիստները չեն համաձայնվել այս որոշման հետ ու դիմել են դատարան՝ խնդրելով չեղարկել տուգանքը, սակայն օգոստոսի 20-ին դատարանը մերժել է «Ենիսեյին»։

Հիշեցնենք՝ «Ենիսեյ» ակումբում է հանդես եկել Հայաստանի ազգային հավաքականի նախկին հարձակվող Արթուր Սարկիսովը։

Ենիսեյի ֆուտբոլիստը տեղափոխվել է Նոա

Վարուժան Բաբայան — Tue, 02 Feb 2021 13:50:16 +0000

«Ենիսեյի» ֆուտբոլիստ Յարոսլավ Մատվիենկոն տեղափոխվել է Երևանի «Նոա»։ Ֆուտբոլիստն արդեն միացել է թիմին, որն ուսումնամարզական հավաք է անցկացնում ԱՄԷ-ում, հայտնում է Կրասնոյարսկը ներկայացնող ակումցի մամուլի ծառայությունը։

2018 թվականից 22-ամյա կիսապաշտպանը մասնակցել է Ռուսաստանի երիտասարդական առաջնության, Ռուսաստանի գավաթի և ՖԱԼ-ի 27 հանդիպման, որոնցում դարձել է 7 գոլի հեղինակ:

«Ենիսեյը» ՖԱ-ն կստանա խաղացողի վերավաճառքից տոկոս»,- ասված է ակումբի հաղորդագրության մեջ:

Արթուր Սարկիսովը հեռացել է Ենիսեյից

Նարե Հովհաննիսյան — Thu, 06 Aug 2020 19:04:33 +0000

Հայաստանի ազգային հավաքականի 33-ամյա հարձակվող Արթուր Սարկիսովը հեռացել է Կրասնոյարսկի «Ենիսեյից»: Հայ ֆուտբոլիստն ինքն է հեռանալու ցանկություն հայտնել:

Այս մասին հայտնում է ռուսական ակումբի մամուլի քարտուղարությունը:

«Շնորհակալություն եմ հայտնում երկրպագուներին այս ամբողջ տարիների համար, որ միասին անցկացրել ենք: Կարող եմ վստահությամբ ասել, որ Կրասնոյարսկը դարձել է իմ երկրորդ տունը»,- գրել է Սարկիսովը Instagram-ի իր էջում, իսկ երկրպագուները մեկնաբանություններում շնորհակալություն են հայտնել ֆուտբոլիստին՝ նրան հաջողություն մաղթելով հետագա կարիերայում:

Посмотреть эту публикацию в Instagram

Благодарю болельщиков за все эти годы, что мы провели вместе! Могу с уверенностью сказать, что Красноярск стал моим вторым домом 💪🏿⚽️🦁

Публикация от artursarkisov (@artursarkisov) 6 Авг 2020 в 7:16 PDT

Նա թիմին էր միացել 2016 թվականից: ՖԱԼ-ի 2017/18 մրցաշրջանի բրոնզե մեդալակիր է,իսկ 2018/19 մրցաշրջանում «Ենիսեյի» հետ հանդես է եկել Ռուսաստանի Պրեմիեր-լիգայում:

Ռուսական թիմի կազմում մոտ 100 հանդիպում է անցկացրել, որոնցում դարձել է 16 գոլի հեղինակ: