դուգլաս-կոստա — Armsport.am

Դուգլաս Կոստայի հրաշալի գոլը Բրազիլիայի առաջնությունում (տեսանյութ)

Erik — Wed, 06 Oct 2021 07:37:57 +0000

Բրազիլիայի առաջնության 23-րդ տուրում «Գրեմիոն» 1-2 հաշվով պարտվեց «Սպորտ Ռեսիֆեին»։ 85-րդ րոպեին տանտերերի միակ գոլը հեռահար շքեղ հարվածով խփեց կիսապաշտպան Դուգլաս Կոստան։

31-ամյա ֆուտբոլիստն ընթացիկ մրցաշրջանում մասնակցել է 16 հանդիպման՝ դառնալով մեկական գոլի և գոլային փոխանցման հեղինակ։

Դուգլաս Կոստան տեղափոխվեց Բրազիլիա

Erik — Fri, 21 May 2021 19:49:24 +0000

Թուրինը «Յուվենտուսը» 30-ամյա կիսապաշտպան Դուգլաս Կոատային անվաճար վարձակալությամբ տվել է բրազիլական «Գրեմիոյին»:

Վարձակալությունը նախատեսված է մինչև 2022 թ-ի հունիս:

Կոստան 11 տարեկանում կարիերան սկսել է հենց «Գրեմիոյից»:

Նախորդ մրզաշրջանը բրազիլացին վարձակալությամբ անցկացրել է «Բավարիայում» ու անցկացրել 11 հանդիպում:

Կոստան Եվրոպական էլիտա տեղափոխվեց Դոնեցկի «Շախտյորից»:

Պաշտոնական. Կոստան հեռանում է Մյունխենից

Erik — Fri, 21 May 2021 17:30:04 +0000

«Բավարիան» հայտարարել է թիմի կիսապաշտպան Դուգլաս Կոստայի հեռանալու մասին:

Բրազիլացին «Յուվենտուսի» խաղացող է և Մյունխենում խաղում էր վարձավճարով:

Կողմերը որոշել են վաղաժամ չեղարկել վարձակալության պայմանագիրը:

Բունդեսլիգայի ավարտված մրցաշրջանում Կոստան անցկացրել է 11 հանդիպում:

Յուվենտուսի կիսապաշտպանը կարող է տեղափոխվել ԱՊԼ

Erik — Wed, 10 Feb 2021 07:54:42 +0000

Անգլիական «Լիդսը» կփորձի ձեռք բերել «Յուվենտուսի» կիսապաշտպան Դուգլաս Կոստային, եթե Ռաֆինյան հեռանա ակումբից այս ամառ, հայտնում է tribalfootball.com-ը: Իտալիայի չեմպիոնը պատրաստ է բաժանվել իր խաղացողից:

Նշենք, որ Ռաֆինյայի նկատմամբ ակտիվ հետաքրքրություն են ցուցաբերում «Լիվերպուլը» և եվրոպական մի շարք բարձրակարգ ակումբներ:

Հիշեցնենք, որ այժմ Դուգլաս Կոստան վարձավճարով է խաղում «Բավարիայում»:

Դուգլաս Կոստան կարող է վերադառնալ Ա սերիա

Erik — Fri, 29 Jan 2021 10:03:32 +0000

«Միլանը» հետաքրքրված է «Յուվենտուսի» կիսապաշտպան Դուգլաս Կոստայի ծառայություններով, որը հիմա վարձակալությամբ խաղում է «Բավարիայում»։

Football Italia-ն տեղեկացնում է, որ մյունխենյան թիմը հայտնել է «Յուվենտուսին», որ չի պատրաստվում գնել նրա տրանսֆերը։

Այս իրավիճակից ցանկանում է օգտվել «Միլանը», որը հետաքրքրված է Կոստայի հետ պայմանագիր կնքելով։ Խոչընդոտ կարող է հանդիսանալ բրազիլացի ֆուտբոլիստի աշխատավարձը։

«Միլանը» պատրաստ չէ տարեկան 6 միլիոն եվրո վճարել Կոստային։

Յուվենտուսը պատրաստ է 50 մլն եվրոյի դիմաց բաժանվել Դուգլաս Կոստայից

Erik — Sat, 25 Jul 2020 18:10:00 +0000

«Յուվենտուսի» ղեկավարությունը պատրաստ է բաց թողնել թիմի կիսապաշտպան Դուգլաս Կոստային։ «Ծեր սինյորան» 29-ամյա բրազիլացու վաճառքից ուզում է 50 մլն եվրո վաստակել։ Այս մասին հաղորդում է Calciomercato.com-ը։

Կոստայի ծառայություններով հետաքրքրված են «Մանչեսթեր Սիթին», ՊՍԺ-ն ու «Բարսելոնան»։ Ավելի վաղ «Յուվենտուսը» փորձում էր Կոստային ներառել «Չելսիի» ու ՄՅՈՒ-ի չիրականացած փոխանակումների գործարքներում։

Կոստան վարձակալությամբ «Յուվենտուս» էր տեղափոխվել «Բավարիայից» 2017 թվականին։ Մեկ մրցաշրջան հետո թուրինյան ակումբը 40 մլն եվրոյով ձեռք բերեց բրազիլացու տրանսֆերը։

«Յուվենտուսի» հետ գործող պայմանագիրն ուժի մեջ է մինչև 2022 թվականի հունիսի 30-ը։

Դուգլաս Կոստան բաց կթողնի մրցաշրջանի ավարտը

Erik — Fri, 24 Jul 2020 16:15:00 +0000

Թուրինի «Յուվենտուսի» բրազիլացի կիսապաշտպան Դուգլաս Կոստան մկանային վնասվածք է ստացել և բաց կթողնի Ա Սերիայի ընթացիկ մրցաշրջանի ավարտը, տեղեկացնում է Sky Italia-ն:

15 օր անց, նա ևս մեկ բուժզննում կանցնի, սակայն, հստակ է ՝ Կոստան այլևս չի խաղա Իտալիայի առաջնության այս մրցաշրջանում:

Ավելին, բրազիլացին կարող է բաց թողնել Չեմպիոնների լիգայի վերսկսումը (օգոստոսի 7):

Հիշեցնենք, որ Կոստան ընթացիկ մրցաշրջանում մասնակցել է 29 հանդիպման ու դարձել ՝ 3 գոլի ու 7 գոլային փոխանցման հեղինակ:

Ռիվալդո․ Դուգլաս Կոստայի՝ Յուվեից Ման․Սիթի տեղափոխությունը հետաքրքիր տարբերակ է

Erik — Thu, 23 Jul 2020 20:15:00 +0000

Բրազիլիայի հավաքականի նախկին հարձակվող Ռիվալդոն խոսել է կիսապաշտպան Դուգլաս Կոստայի՝ «Յուվենտուսից» «Մանչեսթեր Սիթի» հնարավոր տեղափոխության մասին։

«Վերլուծելով տրանսֆերային շուկան՝ մտածում եմ, որ Դուգլաս Կոստայի՝ «Յուվենտուսից» «Մանչեսթեր Սիթի» տեղափոխությունը հետաքրքիր տարբերակ է։ Կոստան այնքան էլ հաճախ չէր խաղում «Յուվեում» ու կարող է համապատասխանել «Մանչեսթեր Սիթիին»։ Պրոֆեսիոնալ ֆուտբոլիստի կարիերան կարճ է, դրա համար նրա համար կարևոր է գտնել ակումբ, որտեղ նա խաղային պրակտիկա կունենա։ Նա գերազանց խաղացող է, որով ես հիանում եմ»,- Ռիվալդոյի խոսքերն է փոխանցում Goal-ը։

Ավելի վաղ հաղորդվում էր, որ «Մանչեսթեր Սիթին» պատրաստ է 29-ամյա բրազիլացու համար մոտ 50 մլն եվրո վճարել։

Մանչեսթեր Սիթին նորից կփորձի ձեռք բերել Դուգլաս Կոստային

Erik — Mon, 20 Jul 2020 06:56:00 +0000

«Մանչեսթեր Սիթիի» գլխավոր մարզիչ Խոսեպ Գվարդիոլան ուզում է թիմի կազմն ուժեղացնել «Յուվենտուսի» կիսապաշտպան Դուգլաս Կոստայով։ Այս մասին տեղեկացնում է Tuttosport-ը։

Աղբյուրի տվյալների համաձայն՝ անգլիական ակումբը պատրաստ է 29-ամյա բրազիլացու համար մոտ 45 մլն ֆունտ վճարել (մոտ 50 մլն եվրո)։ Մոտ ժամանակներս ակումբները բանակցություններ պետք է սկսեն։

Հիշեցնենք, որ Գվարդիոլան Կոստայի հնարավորություններին ծանոթ է դեռ 2015/16 մրցաշրջանում «Բավարիայում» համատեղ աշխատանքից։

Իր հերթին՝ «Յուվեն» ուզում է Կոստայի վաճառքից ստացած իր միջոցները ծախսել հարձակվող գնելու վրա։ Թուրինում դիտարկում են «Նապոլիի» Արկադիուշ Միլիկի ու «Վուլվերհեմփթոնի» Ռաուլ Խիմենեսի թեկնածությունները։

Նշենք, որ 2018 թվականի ամռանը «Մանչեսթեր Սիթին» պատրաստ էր Կոստայի համար 100 մլն եվրո վճարել «Յուվենտուսին», բայց թուրինցիները մերժեցին։

Բարսելոնան Գրիզմանին առաջարկել է Յուվենթուսին․ կատալոնական ակումբը 2 ֆուտբոլիստ է աչքադրել Թուրինից

Erik — Fri, 03 Jul 2020 18:34:00 +0000

«Բարսելոնայի» հարձակվող Անտուան Գրիզմանի ապագան անորոշ է մնում։

Rai Sport-ի լրագրող Պաոլո Պագանինին տեղեկացնում է, որ կատալոնական ակումբը 29-ամյա ֆուտբոլիստի ծառայություններն է առաջարկել «Յուվենթուսին»։ Հաղորդվում է, որ հավանական է թվում փոխանակման տրանսֆերով տեղափոխությունը։

«Բարսելոնան» իր հերթին հետաքրքրված է «Յուվենթուսի» կիսապաշտպաններ Դուգլաս Կոստայի և Ադրիան Ռաբյոյի ծառայություններով։

Պագանինին նաև գրում է, որ «Բարսելոնան» դեմ չի լինի Գրիզմանին ներառել Նեյմարի կամ էլ Լաուտարո Մարտինեսի հնարավոր տրանսֆերներում։

Ընթացիկ մրցաշրջանում Գրիզմանը մասնակցել է 32 հանդիպման Լա լիգայում՝ դառնալով 8 գոլի և 5 գոլային փոխանցման հեղինակ։