#դոմինիկ-տիմ — Armsport.am

ATP Finals. Դոմինիկ Տիմը և Դանիլ Մեդվեդևը կպայքարեն հաղթողի կոչման համար

Erik — Sun, 22 Nov 2020 05:30:16 +0000

Լոնդոնում ընթացող Nitto ATP Finals մրցաշարի խմբային փուլի կիսաեզրափակիչ խաղերում հաղթանակներ տարան՝ Դոմինիկ Տիմը և Դանիլ Մեդվեդևը:

Ավստրիացին առավելության հասավ Նովակ Ջոկովիչի (7-5; 6-7; 7-6), իսկ ռուս թենիսիստը ՝ Ռաֆայել Նադալի նկատմամբ (3-6; 7-6; 6-3):

Նշենք, որ սա Մեդվեդևի առաջին հաղթանակն էր Ռաֆայել Նադալի նկատմամբ:

Այսպիսով, մրցաշարում հաղթողի կոչման համար այսօր կպայքարեն՝ Դոմինիկ Տիմը և Դանիլ Մեդվեդևը:

US Open․ Տիմը հաղթեց Մեդվեդևին և դուրս եկավ մրցաշարի եզրափակիչ

Վարուժան Բաբայան — Sat, 12 Sep 2020 08:45:57 +0000

Ավստրիացի Դոմինիկ Տիմը դարձավ US Open-2020-ի եզրափակչի երկրորդ մասնակիցը: Կիսաեզրափակչում Տիմը հաղթեց մրցաշարի երրորդ ռակետին`ռուս Դանիիլ Մեդվեդևի` 6:2, 7:6 (9:7), 7: 6 (7:5):

Հանդիպումը տևեց 2 ժամ 55 րոպե:

Եզրափակիչում Տիմը հանդիպելու է գերմանացի Ալեքսանդր Զվերևի հետ:

Ի դեպ, Տիմը առաջին ավստրիացի թենիսիստն է, ով դուրս է եկել US Open-ի եզրափակիչ։

Տիմը մեկ շաբաթվա ընթացքում երկրորդ անգամ հաղթեց Բեռլինի ցուցադրական մրցաշարը

Վարուժան Բաբայան — Mon, 20 Jul 2020 07:27:00 +0000

Ավստրիացի Դոմինիկ Տիմը դարձավ bett1ACES ցուցադրական մրցաշարի հաղթողը, որն անցկացվեց Բեռլինում: Եզրափակիչ խաղում Տիմը 6:4, 6:2 հաշվով հաղթեց իտալացի Յաննիկ Սիններին:

Երրորդ տեղի համար մրցավեճում գերմանացի թենիսիստ Միշա Զվերևը հաղթեց իսպանացի Ռոբերտո Բաուտիստ-Ագուտին `6:4, 6:3:

Հիշեցնենք, որ bett1ACES մրցաշարին մասնակցում էր նաև ռուսաստանցի Կարեն Խաչանովը, ով մեկնարկային խաղում պարտվեց Սիններին՝ 3:6, 6:7 հաշվով:

Տիմի համար այս եզրափակիչը երրորդն էր վերջին մեկուկես շաբաթվա ընթացքում: Հուլիսի 15-ին Դոմինիկը հաղթեց Բեռլինում կայացած առաջին մրցաշարում՝ եզրափակչում պարտության մատնելով իտալացի Մատեո Բերերտինիին, իսկ հուլիսի 11-ին՝ Կիտցբյուլեում (Ավստրիա) մրցաշարի վճռորոշ խաղում, որը կազմակերպել էր հենց Տիմը, պարտվեց ռուսաստանցի Անդրեյ Ռուբլևին:

Տիմը հաղթել է Բեռլինի ցուցադրական մրցաշարը

Վարուժան Բաբայան — Thu, 16 Jul 2020 10:41:00 +0000

Ավստրիացի թենիսիստ Դոմինիկ Տիմը դարձավ bett1ACES ցուցադրական մրցաշարի հաղթողը, որն անցկացվում էր Բեռլինում:

Եզրափակիչ խաղում աշխարհի երրորդ ռակետը 6:7 (4:7), 6:4, 10:8 հաշվով հաղթեց իտալացի Մատեո Բերետինիին: Հանդիպումը տևեց մեկուկես ժամ:

Յանիկ Սիներն ու Ռոբերտո Բաուտիստա-Ագուտը պետք է հանդիպեին երրորդ տեղի համար խաղում, բայց հանդիպումը չկայացավ, քանի որ այն հետաձգվեց անձրևի պատճառով:

Հիշեցնենք, որ ավելի վաղ Տիմը իր իսկ կազմակերպած մրցաշարի եզրափակիչ խաղում պարտվել էր ռուս Անդրեյ Ռուբլևին:

Զվերևի, Տիմի ու Չիլիչի թեստերի պատասխանները հայտնի են, Ջոկովիչինը՝ դեռ ոչ

Erik — Mon, 22 Jun 2020 14:33:57 +0000

Բուլղարացի թենիսիստ Գրիգոր Դիմիտրովի կորոնավիրուսով վարակվելուց հետո նրա հետ անմիջական շփում ունեցած մի շարք խաղացողներ թեստավորվել են։

Ալեքսանդր Զվերևի, Դոմինիկ Տիմի ու Մարին Չիլիչի Covid-19-ի թեստերի պատասխանները բացասական են եղել։ Բացասական է եղել նաև Անդրեյ Ռուբլյովի թեստի պատասխանը։ Նա եզրափակիչում պետք է մրցեր Նովակ Ջոկովիչի հետ։ Խաղը չեղարկվել է։

Sportklub-ի փոխանցմամբ՝ կորոնավիրուսի թեստ է հանձնել նաև Նովակ Ջոկովիչը ընտանիքի անդամների հետ։ Պատասխանները հայտնի կդառնան ավելի ուշ։

Վարակ է հաստատվել նաև խորվաթ թենիսիստ Բորնա Չորիչի մոտ։ Նա օրերս ցուցադրական մրցաշարում խաղացել էր Դիմիտրովի հետ, ում մոտ երեկ հաստատվել էր կորոնավիրուս։

Տիմը նախատեսում է պաշտոնական մրցաշարի մասնակցել օգոստոսին

Erik — Thu, 18 Jun 2020 09:52:00 +0000

Թենիսի համաշխարհային դասակարգման երրորդ համար Դոմինիկ Տիմը նախատեսում է պաշտոնական մրցաշարի մասնակցել օգոստոսին: Այդ մրցաշարը կարող է լինել օգոստոսի 22-ին մեկնարկելիք Ցինցինատիի մրցաշարը, որը կանցկացվի Նյու-Յորքում:

Այս պահին ավստրացին մասնակցում է ընկերական մրցաշարի, իսկ հուլիսին Տիմը կմասնակցի նաև ցուցադրական մրցաշարի:

Տիմը հրաժարվել է ընտրություն կատարել Պուտինի և Թրամփի միջև

Erik — Mon, 01 Jun 2020 18:30:57 +0000

Ավստրիացի թենիսիստ Դոմինիկ Տիմը ORF Sport-ի հետ հարցազրույցի ընթացքում պատասխանել է բլից հարցերի։ Նա ընտրություն է կատարել Ռոջեր Ֆեդերերի և Ռաֆայել Նադալի, Լիոնել Մեսսիի և Կրիշտիանու Ռոնալդուի միջև, սակայն հրաժարվել է ընտրություն կատարել Դոնալդ Թրամփի և Վլադիմիր Պուտինի միջև։

-Ֆեդերե՞ր, թե՞ Նադալ
— Ռաֆա՛։

— Բո՞րգ, թե՞ Մաքենրոյ։
— Ես Բորգի կողմից եմ։

— Լե՞նդլ, թե՞ Էդբերգ։
— Ընտրում եմ Լենդլին։

— Կիրիո՞ս, թե՞ Ցիցիպաս։
— Ստե՛ֆ։

— Ռոնա՞լդու, թե՞ Մեսսի
— Ռոնադու՝ իմ ընտրությունը։

— Նախորդ մարզիչներից — Բրեսնի՞կ, թե՞ Մյուստեր։
— Բրեսնիկ։

— Թրա՞մփ, թե՞ Պուտին։
— (ծիծաղում է, շարժում է գլուխը) Չեմ ընտրելու, կարելի՞ է։

Զավեշտ․ Տիմն ու Խաչանովը դուրս են մնացել օնլայն-մրցաշարից՝ ինտերնետի հետ կապված խնդրի պատճառով

Նարե Հովհաննիսյան — Tue, 28 Apr 2020 18:47:46 +0000

Հայկական արմատներով ռուս թենիսիստ Կարեն Խաչանովն ու ավստրիացի Դոմինիկ Տիմը չեն մասնակցի Մադրիդում ընթացող վիրտուալ մրցաշարից, հայտնում է Mutua Madrid Open-ի պաշտոնական Թվիթերը։

«Դոմինիկ Տիմն ու Կարեն Խաչանովը դուրս են մնում վիրտուալ մրցաշարին՝ իրենց ինտերնետ-կապի հետ կապված տեխնիկական խնդիրների պատճառով։ Նրանք ավտոմատ կերպով պարտվում են խմբի բոլոր խաղերում՝ 0-3 հաշվով»,- ասվում է պաշտոնական հաղորդագրության մեջ։

Մադրիդի վիրտուալ մրցաշարը պրոֆեսիոնալ թենիսիստների մրցում է Tennis World Tour на PlayStation վիդեոխաղում։

Տիմն ու Խաչանովը չեն հասցրել ոչ մի խաղ անցկացնել մրցաշարի շրջանակում։ Խմբային փուլում Խաչանովի մրցակիցները պետք է լինեին Ալեքսանդր Զվերևը, Լյուկա Պույն ու Դավիդ Գոֆենը։ Տիմը միևնույն խմբում էր ընդգրկվել Դիեգո Շվարցմանի, Ջոն Իսների և Դավիդ Ֆերերի հետ։

Տիմ․ Դենիս Նովակին ավելի շատ եմ կարոտել, քան թենիսը

Erik — Sun, 12 Apr 2020 17:39:33 +0000

Աշխարհի երրորդ ռակետ, ավտրիացի թենիսիստ Դոմինիկ Տիմը պատմել է, թե ինչպես է անցկացնում կարանտինը։

«Գլխավոր խնդիրը հիմա պանդեմիան է։ Մեր միակ առաջադրանքը այն հաղթահարելն է հիմա։

Պայմանները բոլորիս համար նույնն է։ Ես չեմ վախում վիրուսից, բայց իմ ընտանիքի անդամներից մի քանիսը ռիսկի գոտում են, օրինակ տատիկս ու պապիկս։ Ես հասկանում է Ինդիան-Ուելսի չեղարկումից հետո, որ ընդմիջումը երկար է լինելու։ Հատկապես, երբ հետաձգվեց ֆուտբոլի Եվրոպայի առաջնությունը։

Թենիսից ավելի շատ կարոտում եմ Դենիս Նովակին։ Մենք շփվում ենք ամեն օր, նույնիսկ ավելի շատ քան սովորական օրերին։ Բայց հիմա մենք հնարավորություն չունենք միասին ընթրելու։ Սկսում ես հասկանալ, թե ինչքան կարևոր է այդ ամենը արժեվորելը»,-Տիմի խոսքն է մեջբերում Kurier-ը։

Հիշեցնենք, որ թենիսի բոլոր մրցաշարերը չեղարկվել են մինչև հուլիս, այդ թվում Ուիմբլդոնը։

Տիմը ATP-ի վարկանիշային աղյուսակում առաջին անգամ բարձրացել է երրորդ հորիզոնական

Erik — Mon, 02 Mar 2020 14:23:43 +0000

ATP-ն երկուշաբթի հրապարակել է աշխարհի ուժեղագույն թենիսիստների դասակարգման աղյուսակը, որը վստահորեն շարունակում է գլխավորել Նովակ Ջոկովիչը:

Ավստրալիայի բաց առաջնության եզրափակչի մասնակից Դոմինիկ Տիմը դասակարգման աղյուսակում բարձրացել է երրորդ տեղ՝ գրանցելով իր կարիերայի լավագույն արդյունքը ATP-ի վարկանիշային աղյուսակում:

Տիմը ցանկում շրջանցել է Ռոջեր Ֆեդերերին, ով Դուբայի մրցաշարին չմասնակցելու պատճառով 500 միավոր է կորցրել ու նահանջել չորրորդ տեղ:

Երկրորդը Ռաֆայել Նադալն է: Հնգյակը եզրափակում է Դանիլ Մեդվեդևը: Տասնյակում են նաև Ստեֆանոս Ցիցիպասը, Ալեքսանդր Զվերևը, Մատեո Բերետինին, Գաել Մոնֆիսը և Դավիդ Գոֆենը: