Ռուսաստանի ֆուտբոլի միությունը հիմքեր չի տեսնում ՌՊԼ-ի դադարեցման համար, հաղորդում է Sport Express-ը:

Նշվում է, որ առաջնությունը պետք է շարունակվի ՝ պահպանելով անվտանգության բոլոր կանոնները:

Որոշ հանդիպումներ կարող են հետաձգվել, սակայն, նման որոշում պետք է կայացնի ՌՊԼ-ի ղեկավարությունը:

Հիշեցնենք, որ «Կրասնոդար»-«Դինամո» հանդիպումը հավանաբար կհետաձգվի ՝ մոսկովյան ակումբում կորոնավիրուսի համաճարակի «պայթյունի» հետևանքով:

Մոսկվայի «Սպարտակի» նախկին կիսապաշտպան Ժանո Անանիձեն կարող է տեղափոխվել Թբիլիսիի «Դինամո», տեղեկացնում է Sport Express-ը:

Հաղորդվում է, որ 27-ամյա ֆուտբոլիստը ամռանը պայմանագիր կստորագրի վրացական ակումբի հետ:

Հիշեցնենք, որ Անանիձեի վերջին ակումբը Կիպրոսը ներկայացնող «Անորտոսիսն» էր:

Վրացի կիսապաշտպանն այնտեղ դարձել էր 9 գոլի հեղինակ:

Մալիի հավաքականի և ֆրանսիական «Մեցի» պաշտպան Մամադու Ֆոֆանան հետաքրքրել է ՌՊԼ-ը ներկայացնող մի շարք ակումբների, տեղեկացնում է Sport24-ը:

«Կրասնոդարը», «Դինամոն» և «Լոկոմոտիվը» ցանկանում են իրենց կազմում տեսնել 22-ամյա ֆուտբոլիստի հետ:

Հիշեցնենք, որ Ֆոֆանան Լիգա 1-ի ավարտված մրցաշրջանում անցկացրել է 20 հանդիպում:

Կենտրոնական պաշտպանին գնելու ցանկություն ունեն նաև ՝ «Ռեյնջերսը» ու «Սաութհեմփթոնը»:

Բելառուսի առաջնության 5-րդ տուրում «Նեմանը» հյուրընկելվելիս 0:2 հաշվով պարտվեց Մինսկի «Դինամոյին»:

Հյուրերի մեկնակային կազմում խաղադաշտ դուրս եկավ և ամբողջ հանդիպմանը մասնակցեց Հայաստանի հավաքականի հարձակվող Գեղամ Կադիմյանը:

Այս հաղթանակից հետո «Դինամոն» 6 միավորով 11-րդ տեղում է: «Նեմանը» 13-րդն է 5 միավորով:

ԲԿՄԱ-ի դարպասապահ Իգոր Ակինֆեևը հետ է մղել 11-մետրանոցը ՌՊԼ-ի 21-րդ տուրի` «Ռոստովի» հետ խաղում (2:3):

Սա Ակինֆեևի արդեն 14-րդ հետ մղած 11-մետրանոցն էր, ինչը ռեկորդի կրկնություն է Ռուսաստանի առաջնությունում:

Նախկինում այս ռեկորդը պատկանում էր Հայաստանի հավաքականի նախկին դարպասապահ Ռոման Բերեզովսկուն: Ընդհանուր առմամբ, ԲԿՄԱ-ի դարպասապահն ավելի քիչ գոլ է բաց թողել 11-մետրանոցից , քան Բերեզովսկին` 30-ը 34-ի դիմաց:

Հիշեցնենք` Բերեզովսկին 2011-ից 2014 թվականներին է հանդես եկել Մոսկվայի «Դինամոյում»:

ՌՊԼ-ի 20-րդ տուրի շրջանակում Մոսկվայի «Դինամոն» ընդունեց «Սպարտակին» (0:2):

Հանդիպման 29-րդ րոպեին հյուրերին առաջ մղեց Զելիմխան Բակաևը: Երկրորդ խաղակեսի 62-րդ րոպեին հաշիվը կրկնապատկեց Ռոման Զոբնինը:

Այս հաղթանակից հետո, «Սպարտակը» վաստակեց 25 միավոր և զբաղեցրեց 7-րդ հորիզոնականը: «Դինամոն» իր ակտիվում ունի 24 միավոր և գտնվում է 10-րդ տեղում:

Մոսկվայի «Դինամոյի» ադրբեջանցի հարձակվող Ռամիլ Շեյդաևը լքել է մոսկովյան ակումբը , հաղորդում է թիմի պաշտոնական կայքը:

«Դինամոն» շնորհակալություն է հայտնել ֆուտբոլիստին և հաջողություն մաղթել նրան:

Նշվում է, որ մոսկովյան ակումբի ղեկավարությունը դժգոհ էր ֆուտբոլիստի ցուցադրած խաղից:

Հիշեցնենք, որ 23-ամյա հարձակվողը «Դինամո» էր տեղափոխվել 2019-ի հուլիսին՝ «Կռիլյա Սովետով» ակումբից:

ՌՊԼ-ի այս մրցաշրջանում Շեյդաևը մասնակցել է 9 հանդիպման և դարձել է ընդամենը 1 գոլի հեղինակ:

«Ռուսական Պրեմիեր լիգայի «Դինամո» ակումբի ղեկավարները, 20 մլն եվրոյի դիմաց գնելով հարձակվող Մաքսիմիլիան Ֆիլիպին, փողերը «քամուն են տվել».- «Սպորտ-Էքսպրեսսին» տված հարցազրույցում այսպիսի կարծիք է հայտնել Մոսկվայի «Դինամոյի» նախկին գլխավոր մարզիչ Անդրեյ Կոբելևը:

«Դինամոն» Ֆիլիպի տեղափոխման մասին հայտարարել է օգոստոսի 9-ին:

Հարձակվողը դարձել է ակումբի պատմության ամենաթանկ ձեռքբերումը, և տեղ է գտել ռուսական ակումբների կատարած ամենաթանկ տրանսֆերների թոփ 10-ում:

25-ամյա հարձակվողը  երկու գոլի հեղինակ է դարձել առաջին երկու հանդիպումներում, սակայն հաջորդ երեք խաղերում արդյունավետ գործողություններով աչքի չի ընկել: Ֆիլիպը նաև  փոխարինվել է Սոչիի հետ հանդիպման (2-3) առաջին խաղակեսից հետո:

Կոբելևը կարծում է, որ ֆուտբոլիստը, ում համար 20մլն եվրո են վճարում, պետք է խաղի արդյունք վճռի.

«Ֆիլիպը ուղղակի քայլում է դաշտում: Նժիեն և մնացած բոլորը «քամուն տրված փողեր են: Այդպիսի գումարի դիմաց թիմ տեղափոխված ֆուտբոլիստը պետք է առնվազն 5 գոլ խփած լիներ այս ընթացքում: Նա պիտի իր հետևից տաներ թիմը, գոլային փոխանցումներ կատարեր, առանց մարզչի տրամադրվեր և ինքն էլ գոլեր խփեր»:

Այս պահին «Դինամոն» առաջնության վատագույն թիմերից է խփած գոլերի քանակով. 8 գոլ հինգ խաղում:

Մոսկովյան թիմը զբաղեցնում է 11-րդ հորիզոնականը, վաստակած 10 միավորով և 2 միավորով է բաժանված «վտանգավոր գոտուց»: