Դիեգու Ժոտա — Armsport.am https://armsport.am Սպորտային լուրեր Fri, 03 Jul 2026 08:17:10 +0000 hy-AM hourly 1 https://wordpress.org/?v=6.8.6 https://armsport.am/wp-content/uploads/2020/08/117234954_601576137219348_199328778928507485_n.png Դիեգու Ժոտա — Armsport.am https://armsport.am 32 32 📷 Ռոնալդուի հուզիչ գրառումն ու հարգանքի տուրքը ԱԱ-2026-ի 1/8 եզրափակիչ դուրս գալուց հետո https://armsport.am/601051/ Fri, 03 Jul 2026 10:35:13 +0000 https://armsport.am/?p=601051 Պորտուգալիայի ազգային հավաքականի ավագ և հարձակվող Կրիշտիանու Ռոնալդուն ԱԱ-2026-ի 1/16 եզրափակիչում Խորվաթիայի նկատմամբ տարած հաղթանակից հետո հարգանքի տուրք է մատուցել նախորդ տարի ողբերգական ավտովթարում զոհված թիմակցի՝ Դիոգու Ժոտայի հիշատակին։ Կանադայի Տորոնտո քաղաքում կայացած հանդիպումն ավարտվել է պորտուգալացիների հաղթանակով՝ 2:1։ Ռոնալդուն խաղադաշտում անցկացրել է 81 րոպե և աչքի ընկել անվրեպ իրացված 11-մետրանոցով։ Խաղից անմիջապես հետո Ռոնալդուն […]]]>

Պորտուգալիայի ազգային հավաքականի ավագ և հարձակվող Կրիշտիանու Ռոնալդուն ԱԱ-2026-ի 1/16 եզրափակիչում Խորվաթիայի նկատմամբ տարած հաղթանակից հետո հարգանքի տուրք է մատուցել նախորդ տարի ողբերգական ավտովթարում զոհված թիմակցի՝ Դիոգու Ժոտայի հիշատակին։

Կանադայի Տորոնտո քաղաքում կայացած հանդիպումն ավարտվել է պորտուգալացիների հաղթանակով՝ 2:1։ Ռոնալդուն խաղադաշտում անցկացրել է 81 րոպե և աչքի ընկել անվրեպ իրացված 11-մետրանոցով։ Խաղից անմիջապես հետո Ռոնալդուն հագել է ազգային հավաքականի 21 համարի մարզաշապիկը, որով ժամանակին հանդես էր գալիս Ժոտան։

Ավելի ուշ պորտուգալացիների առաջատարը սոցիալական ցանցերում հրապարակում է արել՝ նվիրված հաղթանակին.

«Մենք հաղթեցինք հանուն մեզ, հանուն Դիոգուի և հանուն Պորտուգալիայի։ Գնացի՛նք»,- գրել է Ռոնալդուն:

Հիշեցնենք, որ նախորդ տարվա հուլիսին հայտնի դարձավ, որ Ժոտան և նրա եղբայրը՝ Անդրե Սիլվան, զոհվել են Իսպանիայի հյուսիս-արևմուտքում տեղի ունեցած խոշոր ավտովթարի հետևանքով. նրանց ավտոմեքենան դուրս էր եկել ճանապարհի երթևեկելի գոտուց և բռնկվել։

1/8 եզրափակիչում Պորտուգալիայի հավաքականը կմրցի Իսպանիայի ընտրանու հետ։ Այդ հանդիպումը կկայանա հուլիսի 6-ին ԱՄՆ-ի Դալաս քաղաքում և կմեկնարկի Երևանի ժամանակով 23:00-ին։

]]> 📷 Հավերժ՝ 20-րդ րոպեին. Լիվերպուլը բացեց Ժոտայի հիշատակին նվիրված հուշահամալիրը https://armsport.am/601014/ Thu, 02 Jul 2026 19:41:36 +0000 https://armsport.am/?p=601014 Անգլիական «Լիվերպուլը» պաշտոնապես ներկայացրել է նոր հուշահամալիր՝ նվիրված թիմի նախկին հարձակվող Դիոգու Ժոտայի հիշատակին։ Հիշեցնենք, որ 2025 թվականի հուլիսի 3-ին մերսիսայդյան ակումբի ֆուտբոլիստն ու նրա եղբայրը՝ Պորտուգալիայի երկրորդ լիգայում հանդես եկող «Պենաֆիելի» խաղացող Անդրե Տեյշեյրա դա Սիլվան, ողբերգական ավտովթարի զոհ էին դարձել Իսպանիայում։ Այսօր՝ հուլիսի 2-ին, «Էնֆիլդ» մարզադաշտի հարևանությամբ տեղի է ունեցել ֆուտբոլիստների հիշատակը հավերժացնող […]]]>

Անգլիական «Լիվերպուլը» պաշտոնապես ներկայացրել է նոր հուշահամալիր՝ նվիրված թիմի նախկին հարձակվող Դիոգու Ժոտայի հիշատակին։

Հիշեցնենք, որ 2025 թվականի հուլիսի 3-ին մերսիսայդյան ակումբի ֆուտբոլիստն ու նրա եղբայրը՝ Պորտուգալիայի երկրորդ լիգայում հանդես եկող «Պենաֆիելի» խաղացող Անդրե Տեյշեյրա դա Սիլվան, ողբերգական ավտովթարի զոհ էին դարձել Իսպանիայում։

Այսօր՝ հուլիսի 2-ին, «Էնֆիլդ» մարզադաշտի հարևանությամբ տեղի է ունեցել ֆուտբոլիստների հիշատակը հավերժացնող Forever 20 հուշարձանի բացումը։

Ինստալյացիայի հեղինակն է հայտնի քանդակագործ Էմմա Ռոջերսը։

«Forever 20 հուշահամալիրը հուզիչ հարգանքի տուրք է եղբայրներին, որոնք մեկ տարի առաջ ողբերգականորեն հեռացան կյանքից։ Քանդակագործ Էմմա Ռոջերսը, սերտորեն համագործակցելով ակումբի հետ, ստեղծել է մի աշխատանք, որը փառաբանում է նրանց կյանքը, եղբայրական կապն ու մեծ նշանակությունը մեր երկրպագուների համար։

Հուշարձանի կենտրոնում պատկերված է հոսող սրտի տեսքով քանդակ, որը հիշեցնում է Դիոգուի՝ գոլերի տոնման պաշտամունքային ոճը։ Տարբեր անկյուններից նկատելի են նաև 20 և 30 թվերը, որոնցով ֆուտբոլիստները հանդես էին գալիս խաղադաշտում։ Քանդակի վրա փորագրված են Ժոտայի մասին հայտնի երգի բառերը, որը երկրպագուները կատարել են նախորդ մրցաշրջանի «Լիվերպուլի» յուրաքանչյուր խաղի 20-րդ րոպեին, ինչպես նաև PlayStation-ի վահանակ՝ ի նշան տեսախաղերի հանդեպ Դիոգուի ունեցած մեծ սիրո»,- ասված է մերսիսայդյան ակումբի տարածած պաշտոնական հաղորդագրության մեջ։

Ակումբից նաև հավելում են, որ հուշահամալիրի հիմքում տեղադրվել են այն իրերը, որոնք երկրպագուները բերել էին «Էնֆիլդ» 2025 թվականի հուլիսին՝ հարգելով ողբերգության զոհերի հիշատակը:

]]> Նևեշը պատմել է Ժոտայի մահվան բոթը լսելու և այդ ցավալի կորուստը հաղթահարելու մասին https://armsport.am/600678/ Mon, 29 Jun 2026 09:21:44 +0000 https://armsport.am/?p=600678 «Ալ-Հիլալի» կիսապաշտպան Ռուբեն Նևեշը պատմել է, թե ինչպես է վերապրել իր մտերիմ ընկերոջ՝ Դիոգու Ժոտայի ողբերգական մահվան մասին լուրը և ինչու է, այնուամենայնիվ, հաջորդ օրը դուրս եկել խաղադաշտ։ – Ինչպե՞ս իմացաք նրա մահվան մասին։ – Ես ԱՄՆ-ում էի՝ Ակումբային աշխարհի առաջնությանը։ Ինձ զանգահարեց Դիոգուի կինը՝ Ռուտեն։ Այդ պահին ես մեկնում էի Իսպանիա։ Անհնար է բառերով […]]]>

«Ալ-Հիլալի» կիսապաշտպան Ռուբեն Նևեշը պատմել է, թե ինչպես է վերապրել իր մտերիմ ընկերոջ՝ Դիոգու Ժոտայի ողբերգական մահվան մասին լուրը և ինչու է, այնուամենայնիվ, հաջորդ օրը դուրս եկել խաղադաշտ։

– Ինչպե՞ս իմացաք նրա մահվան մասին։

– Ես ԱՄՆ-ում էի՝ Ակումբային աշխարհի առաջնությանը։ Ինձ զանգահարեց Դիոգուի կինը՝ Ռուտեն։ Այդ պահին ես մեկնում էի Իսպանիա։ Անհնար է բառերով նկարագրել, թե ինչ էի զգում այդ պահին։ Կարծում եմ՝ կատարվածն իսկապես գիտակցեցի միայն հաջորդ օրը։ Նման լուրից հետո ադրենալինը թույլ չի տալիս միանգամից ամեն ինչ հասկանալ։ Հաջորդ օրն իմ կյանքի ամենածանր օրն էր։

– Հաջորդ օրը Դուք խաղացիք Ակումբային աշխարհի առաջնությունում։ Որտեղի՞ց ուժ գտաք։

– Հավանաբար՝ հենց Դիոգուից։ Հասկանում էի, որ խաղից հետո միևնույն է կհասցնեմ ներկա գտնվել հուղարկավորությանը։ Այլապես, հնարավոր է, ընդհանրապես խաղադաշտ դուրս չգայի։ Շատերն ինձ խորհուրդ էին տալիս անմիջապես վերադառնալ Պորտուգալիա, բայց ես վարվեցի այնպես, ինչպես ճիշտ էի համարում։ Ցանկանում էի անել այն, ինչ սիրում էր Դիոգուն՝ խաղալ ամենաբարձր մակարդակով։ Այդ հանդիպումը նրա համար էր։

– Այդ խաղի ժամանակ լռության րոպե եղավ…

– Դա ամենածանր պահերից մեկն էր։ Երբ մեծ էկրանին տեսա նրա լուսանկարը, աննկարագրելի դժվար էր։ Բայց խաղի ժամանակ կարողացա լիովին կենտրոնանալ։ Ես խաղում էի հանուն նրա, և դա ինձ օգնեց, – Նևեշի խոսքերն է մեջբերում SIC հեռուստաալիքի Alta Definição ծրագիրը։

Հիշեցնենք, որ Դիոգու Ժոտան զոհվել է ավտովթարից նախորդ տարվա հուլիսի 3-ին՝ 28 տարեկան հասակում։

]]> Ռեալը ներողություն է խնդրել Էլչեի ֆուտբոլիստից՝ նրա լուսանկարը Ժոտայի եղբոր փոխարեն սգո տեսահոլովակում օգտագործելու համար https://armsport.am/583042/ Sun, 23 Nov 2025 17:20:19 +0000 https://armsport.am/?p=583042 Մադրիդի «Ռեալը» պաշտոնապես ներողություն է խնդրել 2025 թվականին մահացած հայտնի մարդկանց հիշատակին նվիրված տեսահոլովակում թույլ տրված կոպիտ վրիպակի համար։ Ակումբի հրապարակած տեսանյութում մահացած անձի փոխարեն սխալմամբ օգտագործվել էր գործող ֆուտբոլիստի լուսանկար: Տեսահոլովակում, ի թիվս այլոց, հիշատակվել են «Լիվերպուլի» և Պորտուգալիայի հավաքականի նախկին ֆուտբոլիստ Դիոգու Ժոտան և նրա եղբայրը՝ Անդրե Տեյշեյրա դա Սիլվան (ով հանդես էր […]]]>

Մադրիդի «Ռեալը» պաշտոնապես ներողություն է խնդրել 2025 թվականին մահացած հայտնի մարդկանց հիշատակին նվիրված տեսահոլովակում թույլ տրված կոպիտ վրիպակի համար։ Ակումբի հրապարակած տեսանյութում մահացած անձի փոխարեն սխալմամբ օգտագործվել էր գործող ֆուտբոլիստի լուսանկար:

Տեսահոլովակում, ի թիվս այլոց, հիշատակվել են «Լիվերպուլի» և Պորտուգալիայի հավաքականի նախկին ֆուտբոլիստ Դիոգու Ժոտան և նրա եղբայրը՝ Անդրե Տեյշեյրա դա Սիլվան (ով հանդես էր գալիս պորտուգալական երկրորդ դիվիզիոնի «Պենաֆիել» ակումբում): Եղբայրները ողբերգական ավտովթարի զոհ էին դարձել հուլիսի 3-ին Իսպանիայում։

Սակայն տեսանյութում Ժոտայի եղբոր փոխարեն ցուցադրվել էր իսպանական «Էլչեի» պորտուգալացի հարձակվող Անդրե Սիլվայի լուսանկարը։

Սխալի բացահայտումից հետո «Արքայական ակումբը» X սոցիալական ցանցում հանդես է եկել հայտարարությամբ.

«Մադրիդի «Ռեալը» ներողություն է խնդրում «Էլչեից» և ֆուտբոլիստ Անդրե Սիլվայից՝ պաշտոնական տեսահոլովակի նեկրոլոգում «Լիվերպուլի» ֆուտբոլիստ Դիոգու Ժոտայի եղբոր՝ Անդրե Սիլվայի փոխարեն նրա լուսանկարը սխալմամբ օգտագործելու համար։ Մենք ափսոսում ենք այս միջադեպի համար»։

]]> Լիվերպուլը երբեք Ժոտայի մահը չի օգտագործի որպես արդարացում. Սլոտ https://armsport.am/582839/ Sat, 22 Nov 2025 11:15:03 +0000 https://armsport.am/?p=582839 «Լիվերպուլի» գլխավոր մարզիչ Առնե Սլոտը Պրեմիեր լիգայի 12-րդ տուրի՝ «Նոթինգհեմի» դեմ հանդիպումից առաջ խոսել է թիմի արդյունքների վրա Դիոգու Ժոտայի ողբերգական մահվան ազդեցության մասին։ Հիշեցնենք, որ 2025 թվականի հուլիսի 3-ին ավտովթարի հետևանքով մահացել էր «Լիվերպուլի» և Պորտուգալիայի հավաքականի վինգեր Դիոգու Ժոտան։ Նրա հետ մահացել էր նաև կրտսեր եղբայրը՝ Անդրեն, ով նույնպես ֆուտբոլիստ էր և հանդես […]]]>

«Լիվերպուլի» գլխավոր մարզիչ Առնե Սլոտը Պրեմիեր լիգայի 12-րդ տուրի՝ «Նոթինգհեմի» դեմ հանդիպումից առաջ խոսել է թիմի արդյունքների վրա Դիոգու Ժոտայի ողբերգական մահվան ազդեցության մասին։

Հիշեցնենք, որ 2025 թվականի հուլիսի 3-ին ավտովթարի հետևանքով մահացել էր «Լիվերպուլի» և Պորտուգալիայի հավաքականի վինգեր Դիոգու Ժոտան։ Նրա հետ մահացել էր նաև կրտսեր եղբայրը՝ Անդրեն, ով նույնպես ֆուտբոլիստ էր և հանդես էր գալիս պորտուգալական երկրորդ լիգան ներկայացնող «Պենաֆիելում»։

«Ակնհայտ է, որ մենք զգում ենք նրա պակասը թե՛ որպես խաղացողի, թե՛ որպես մարդու։ Այժմ մենք խաղալու ենք «Նոթինգհեմի» դեմ․ անցած մրցաշրջանում մենք պարտվում էինք 0:1 հաշվով, և նրան [Ժոտային] ընդամենը մեկ րոպե պահանջվեց հաշիվը հավասարեցնելու համար։ Մենք իսկապես կարոտում ենք նրան։

Անհնար է չափել, թե դա ինչպես է ազդում խաղացողների և մեր արդյունքների վրա։ Վերջին բանը, որ ես կանեի, դա որպես արդարացում օգտագործելն է։ Մեզ 100%-ով պակասում է ֆուտբոլիստը, և պակասում է մարդը, բայց ես չեմ կարող հստակ ասել, թե դա որքանով է ազդում մեր արդյունքների վրա։ Եվ մենք երբեք դա չենք օգտագործի որպես արդարացում», — Սլոտի խոսքերն է մեջբերում ESPN-ը։

«Լիվերպուլ» — «Նոթինգհեմ» հանդիպումը կայանալու է այսօր՝ նոյեմբերի 22-ին, Երևանի ժամանակով 19:00-ին։

]]> 🎥 Ռեալի պատվիրակությունը հարգանքի տուրք է մատուցել Դիոգու Ժոտայի հիշատակին https://armsport.am/581217/ Tue, 04 Nov 2025 12:15:04 +0000 https://armsport.am/?p=581217 Մադրիդի «Ռեալը» հարգանքի տուրք է մատուցել Դիոգու Ժոտային։ Պատվիրակությունը՝ Դանի Հոյսենի, Տրենտ Ալեքսանդեր-Առնոլդի, մարզիչ Խաբի Ալոնսոյի և տնօրեն Էմիլիո Բուտրագենյոյի գլխավորությամբ, ծաղիկներ է դրել «Էնֆիլդի» մուտքի մոտ տեղադրված հուշարձանի առջև։ Ժոտան զոհվել է 2025 թվականի հուլիսի 3-ին՝ ավտովթարի հետևանքով։ Նրա մեքենան, անիվի պայթելու պատճառով, դուրս էր եկել Իսպանիայի մայրուղիներից մեկի երթևեկելի հատվածից և բռնկվել։ Զոհվելուց […]]]>

Մադրիդի «Ռեալը» հարգանքի տուրք է մատուցել Դիոգու Ժոտային։ Պատվիրակությունը՝ Դանի Հոյսենի, Տրենտ Ալեքսանդեր-Առնոլդի, մարզիչ Խաբի Ալոնսոյի և տնօրեն Էմիլիո Բուտրագենյոյի գլխավորությամբ, ծաղիկներ է դրել «Էնֆիլդի» մուտքի մոտ տեղադրված հուշարձանի առջև։

Ժոտան զոհվել է 2025 թվականի հուլիսի 3-ին՝ ավտովթարի հետևանքով։ Նրա մեքենան, անիվի պայթելու պատճառով, դուրս էր եկել Իսպանիայի մայրուղիներից մեկի երթևեկելի հատվածից և բռնկվել։

Զոհվելուց ընդամենը մի քանի շաբաթ առաջ Ժոտան հասցրել էր նվաճել Անգլիայի առաջնության և Ազգերի լիգայի գավաթները, ինչպես նաև ամուսնացել էր իր երեք երեխաների մոր հետ։

Դիոգուն 28 տարեկան էր։ Նա «Լիվերպուլի» կազմում հանդես էր գալիս 2020 թվականից՝ մինչ այդ խաղալով «Վուլվերհեմփթոնում» և «Պորտուում»։

]]> Պորտուգալիայի հավաքականը հուշարձան է տեղադրել ավտովթարի հետևանքով զոհված Ժոտայի հիշատակին https://armsport.am/575502/ Wed, 03 Sep 2025 14:30:55 +0000 https://armsport.am/?p=575502 Պորտուգալիայի հավաքականի մամուլի ծառայությունը հայտնել է ազգային հավաքականի խաղացող Դիոգու Ժոտայի հիշատակին նվիրված հուշարձանի տեղադրման մասին: Հուշարձանը տեղադրվել է հավաքականի բազայում: Սեպտեմբերի 2-ին ազգային հավաքականի խաղացողները հարգանքի տուրք են մատուցել Ժոտայի, նրա եղբայր Անդրե Սիլվայի և հավաքականի նախկին խաղացող Ժորժե Կոշտայի հիշատակին, ով մահացել է օգոստոսին: Հուլիսի 3-ին 28-ամյա Ժոտան և նրա 25-ամյա եղբայրը զոհվել […]]]>

Պորտուգալիայի հավաքականի մամուլի ծառայությունը հայտնել է ազգային հավաքականի խաղացող Դիոգու Ժոտայի հիշատակին նվիրված հուշարձանի տեղադրման մասին:

Հուշարձանը տեղադրվել է հավաքականի բազայում: Սեպտեմբերի 2-ին ազգային հավաքականի խաղացողները հարգանքի տուրք են մատուցել Ժոտայի, նրա եղբայր Անդրե Սիլվայի և հավաքականի նախկին խաղացող Ժորժե Կոշտայի հիշատակին, ով մահացել է օգոստոսին:

Հուլիսի 3-ին 28-ամյա Ժոտան և նրա 25-ամյա եղբայրը զոհվել են Իսպանիայում տեղի ունեցած ավտովթարի հետևանքով: Ժոտայի վարած ավտոմեքենան գերազանցել է թույլատրելի արագությունը: Վարելու ընթացքում մեքենայի անվադողը պայթել է, ինչից հետո ֆուտբոլիստը կորցրել է կառավարումը:

]]> Չելսին Ակումբային ԱԱ-ից ստացած գումարի մի մասը կտրամադրի Ժոտայի ընտանիքին https://armsport.am/573482/ Thu, 14 Aug 2025 18:15:44 +0000 https://armsport.am/?p=573482 «Չելսին» ակումբային աշխարհի առաջնությունում տարած հաղթանակի համար ստացած մրցանակային գումարի մի մասը կտրամադրի Դիոգու Ժոտայի ընտանիքին։ Ըստ The Athletic-ի՝ «Չելսիի» ֆուտբոլիստները որոշել են իրենց պարգևավճարների մի մասը փոխանցել «Լիվերպուլի» հարձակվող Դիոգու Ժոտայի ընտանիքին։ Աղբյուրի տեղեկություններով՝ ընտանիքին կտրամադրվի մոտ 15,5 միլիոն դոլար։ Այս որոշումը կայացվել է ակումբի ղեկավարության և ֆուտբոլիստների համատեղ քննարկմամբ։ Հուլիսին «Չելսին» հաղթող է […]]]>

«Չելսին» ակումբային աշխարհի առաջնությունում տարած հաղթանակի համար ստացած մրցանակային գումարի մի մասը կտրամադրի Դիոգու Ժոտայի ընտանիքին։

Ըստ The Athletic-ի՝ «Չելսիի» ֆուտբոլիստները որոշել են իրենց պարգևավճարների մի մասը փոխանցել «Լիվերպուլի» հարձակվող Դիոգու Ժոտայի ընտանիքին։ Աղբյուրի տեղեկություններով՝ ընտանիքին կտրամադրվի մոտ 15,5 միլիոն դոլար։ Այս որոշումը կայացվել է ակումբի ղեկավարության և ֆուտբոլիստների համատեղ քննարկմամբ։

Հուլիսին «Չելսին» հաղթող է ճանաչվել ԱՄՆ-ում կայացած ակումբային աշխարհի առաջնությունում։ Եզրափակիչում անգլիական ակումբը 3:0 հաշվով առավելության է հասել ֆրանսիական ՊՍԺ-ի նկատմամբ։

Հուլիսի 3-ին հայտնի է դարձել, որ Դիոգու Ժոտան և նրա եղբայրը՝ Անդրե Սիլվան, որը հանդես էր գալիս «Պենաֆիել» ակումբում, զոհվել են Իսպանիայի հյուսիս-արևմուտքում տեղի ունեցած ավտովթարի հետևանքով։

Ժոտան 28 տարեկան էր։ Նա Պորտուգալիայի հավաքականի կազմում երկու անգամ հաղթել է Ազգերի լիգան, ինչպես նաև «Լիվերպուլի» կազմում դարձել է Անգլիայի չեմպիոն և գավաթակիր։

]]> Անգլիայի առաջնության առաջին տուրի խաղերը կմեկնարկեն մեկ րոպե լռությամբ https://armsport.am/573358/ Wed, 13 Aug 2025 14:15:42 +0000 https://armsport.am/?p=573358 Անգլիայի Պրեմիեր լիգայի առաջին տուրի խաղերը կմեկնարկեն մեկ րոպե լռությամբ՝ ի հիշատակ «Լիվերպուլի» նախկին ֆուտբոլիստ Դիոգու Ժոտայի և նրա եղբոր՝ Անդրե Սիլվայի, հայտնում է BBC-ն։ Հուլիսին Դիոգու Ժոտան և Անդրե Սիլվան, որը հանդես էր գալիս Պորտուգալիայի երկրորդ դիվիզիոնի «Պենաֆիել» ակումբում, զոհվել են Իսպանիայի հյուսիս-արևմուտքում տեղի ունեցած ավտովթարի հետևանքով։ Հաղորդագրության համաձայն՝ առաջիկա հանգստյան օրերին բոլոր ֆուտբոլիստները […]]]>

Անգլիայի Պրեմիեր լիգայի առաջին տուրի խաղերը կմեկնարկեն մեկ րոպե լռությամբ՝ ի հիշատակ «Լիվերպուլի» նախկին ֆուտբոլիստ Դիոգու Ժոտայի և նրա եղբոր՝ Անդրե Սիլվայի, հայտնում է BBC-ն։

Հուլիսին Դիոգու Ժոտան և Անդրե Սիլվան, որը հանդես էր գալիս Պորտուգալիայի երկրորդ դիվիզիոնի «Պենաֆիել» ակումբում, զոհվել են Իսպանիայի հյուսիս-արևմուտքում տեղի ունեցած ավտովթարի հետևանքով։

Հաղորդագրության համաձայն՝ առաջիկա հանգստյան օրերին բոլոր ֆուտբոլիստները հանդես կգան սև ժապավեններով: «Լիվերպուլը» և «Վուլվերհեմփթոնը», որոնց կազմում հանդես է եկել Ժոտան, հանդիպումներից առաջ կանցկացնեն հատուկ արարողություններ՝ «Բորնմութի» (օգոստոսի 15) և «Մանչեսթեր Սիթիի» (օգոստոսի 16) դեմ խաղերից առաջ: «Լիվերպուլը» նախկինում դուրս է բերել շրջանառությունից Ժոտայի 20-րդ համարը՝ ի հիշատակ նրա։

Ժոտան «Լիվերպուլի» կազմում դարձել է Անգլիայի չեմպիոն, նվաճել է Անգլիայի գավաթը և Լիգայի գավաթը, ինչպես նաև Պորտուգալիայի հավաքականի կազմում երկու անգամ հաղթել է ՈւԵՖԱ-ի Ազգերի լիգայում։

]]> Դիոգու Ժոտայի ողբերգական մահը․ Դալոտը և Գակպոն կիսվել են իրենց հուշերով https://armsport.am/572664/ Tue, 05 Aug 2025 14:00:28 +0000 https://armsport.am/?p=572664 «Մանչեսթեր Յունայթեդի» պաշտպան Դիոգու Դալոտը խոստովանել է, որ ողբերգաբար մահացած Դիոգու Ժոտան իր համար եղել է օրինակելի մարդ։ «Դժվար է խոսել այս մասին, բայց դա ծանր շաբաթ էր ինձ և բոլոր նրանց համար, ովքեր խաղացել են նրա հետ։ Չեմ կարող պատկերացնել, թե ինչ է ապրել նրա ընտանիքը։ Ինձ բախտ վիճակվեց տեսնել նրանց, և դա սարսափելի […]]]>

«Մանչեսթեր Յունայթեդի» պաշտպան Դիոգու Դալոտը խոստովանել է, որ ողբերգաբար մահացած Դիոգու Ժոտան իր համար եղել է օրինակելի մարդ։

«Դժվար է խոսել այս մասին, բայց դա ծանր շաբաթ էր ինձ և բոլոր նրանց համար, ովքեր խաղացել են նրա հետ։ Չեմ կարող պատկերացնել, թե ինչ է ապրել նրա ընտանիքը։ Ինձ բախտ վիճակվեց տեսնել նրանց, և դա սարսափելի էր։ Չկան բառեր՝ նկարագրելու տեղի ունեցածը։ Դա ցնցող էր։ Բոլորը, նույնիսկ նրանք, ովքեր նրան անձամբ չէին ճանաչում, շոկի մեջ էին։ Սա իսկական ողբերգություն է։ Ամեն անգամ խաղադաշտ դուրս գալիս՝ հիշում եմ նրան։ Նույնիսկ այսօր նրա անունով մարզաշապիկներ տեսա։ Նա հավերժ կհիշվի, քանի որ հիանալի մարդ էր և հրաշալի թիմակից։ Դիոգուն ինձ համար օրինակ էր։ Նա միշտ առաջին տեղում էր դնում թիմը։ Ես այդպես կհիշեմ նրան։ Հուսով եմ՝ նա այժմ խաղաղ է այնտեղ, որտեղ գտնվում է», — ասել է Դալոտը BBC-ի փոդքասթում։

«Լիվերպուլի» հարձակվող Կոդի Գակպոն նույնպես հիշել է Ժոտայի ողբերգական մահը։

«Դա շատ ծանր էր, մենք դեռ արձակուրդում էինք։ Թիմը հնարավորինս արագ հավաքվեց։ Մենք փորձում էինք մնալ մեր ընտանիքների և միմյանց կողքին, օգնել միմյանց։ Դա դեռ շարունակում ենք անել։ Ժոտայի ընտանիքը, հուսով եմ, զգաց մեր սերը նրանց և Դիոգուի հանդեպ։ Մենք՝ որպես ակումբ և թիմ, գործեցինք միասնաբար։ Նույնը արեցին երկրպագուներն ու ամբողջ քաղաքը։ «Լիվերպուլում» մենք ձգտում ենք լինել մեկ ընտանիք։ Դիոգուն հրաշալի ֆուտբոլիստ էր, բայց որպես մարդ՝ նա նույնիսկ ավելի զարմանալի էր։ Բոլորը սիրում էին նրան, և դա զգացվում էր մարդկանց արձագանքներից։ Մենք ուզում ենք հիշել նրան որպես այն անհատին, ինչպիսին նա էր, ոչ միայն որպես խաղացող։ Նրա բացակայությունը կզգանք այս մրցաշրջանում, բայց նա միշտ կմնա մեր և նրա ընտանիքի սրտերում», — մեջբերում է Գակպոյին The Athletic-ը։

Ողբերգությունը տեղի է ունեցել 2025 թվականի հուլիսի 3-ին։ Lamborghini մակնիշի մեքենան, որում եղել են 28-ամյա Դիոգու Ժոտան և նրա 25-ամյա եղբայր Անդրե Սիլվան, անվադողի պայթելու պատճառով դուրս է եկել ճանապարհից, հայտնվել ձորակում և բռնկվել։ Վարորդն ու ուղևորը մահացել են տեղում։ Ժոտան «Լիվերպուլի» կազմում հանդես է եկել 2020 թվականից՝ անցկացնելով 182 խաղ, խփելով 65 գոլ և կատարելով 26 գոլային փոխանցում։ Ակումբը որոշել է հանել «20» համարի մարզաշապիկը օգտագործումից՝ ի պատիվ Ժոտայի։

]]>